$350 食左一肚氣，伏！認真Black List! 本身想搵間Cafe Chill 下，坐低無耐。開OP 諗住睇下有咩必食，待應呀姐巳經態度麻麻催人落單。 - 比人催落單無耐，就叫我地讓坐比老人家坐台，轉我地去tatami。配合左但全程屈埋隻腳係超唔好坐 - 我地叫左Full Set，飲品，主食，甜品 - 但主食未食到一半，我估食左15-20mins 左右 侍應呀姐老遠，樣都見唔到，隔幾個身位咁狂叫"小姐"，其實唔知佢叫緊邊個，但原來係同我地講野， 巳經催我地上甜品 - 咁我順便唔該佢幫手斟杯水 但可能因為飲水係extra service 啦， 阿姐態度勁劣，其中一杯特登斟到臨界點仲要瀉 - 走果陣問點解要比氣客人受，例如水斟到瀉？ 呀姐答： 因為我覺得你好頸渴，所以斟滿啲 - 服務態度，極！惡！劣！聽到都激氣！ - 講翻食物，Menu 老闆有用心設計， 裝修都係比人Chill 的感覺，有理由相信佢嘅原意唔係一間快餐趕客店。 - Menu 由獨立飯類/ 冷熱烏龍麵等比人逐樣選擇，但沒圖，例如貓飯係聽都未聽過。 要研究點嗌自己想吃嘅食物真係要d 時間 (當然趕客呀姐就係咁催～） - 食物質素嚟講，今次叫左"貓飯" , 烏龍麵 貓飯$25 只係一個白飯上面放一啲飯素 烏龍面就係一個普通烏龍麵$40 性價比低，但唔係快餐店收呢個價錢都明白 (雖然無叫，Menu 見到溫泉蛋收$25/隻，鑲金價） 小食木魚花玉子燒，細條到好似營養不良 主食南蠻炸雞不過不失正常味， 但packing 野都好難煮得難食 唯一係d 碗碟ok，打卡able 飲品抹茶牛乳有拉花，呢個比pass 重點來了，甜品 草莓奶油戚風蛋糕$58 戚風蛋糕質地好似普通麵包鋪雞蛋糕咁嘅質素味道非常一般 甜梨荔枝窩夫$55 賣相其實唔錯，生果都鮮甜 不過窩夫唔係即焗，所以係淋嘅 總括黎講，呢間係文青風外表包裝的快餐店 唔好諗住慢活黎享受，食物性價比低，服務劣 真心可以唔洗試

牛站絕對係近期火鍋放題天花板 今日Book 左銅鑼灣分店，星期五6:30pm 入座 2小時任食。 今次我簡左最基本既牛肉套餐，因為朋友講過普通放題配菜巳經好多選擇好夠食！ - 出去任選區又真係好多選擇，丸類最特別係有醬爆（咖哩）魚蛋，好特別，好味。 菜都好多任君選擇！ - 而我印象最深係有好多款酒類任飲 燒酒/ 白酒/ 清酒/ 罐裝啤酒/ 日本果汁味汽酒 - 甜品都有好多款，有d 一口甜品/ 哈根大師雪糕/ 韓國牌雪糕/雪條等 - 最基本套餐既牛都好食，雖然牛味唔算好重，不過都好正，因為唔算太愛肥的牛肉片，呢隻係適中的！ - 放題岩哂自己想食咩就簡咩，偏食都唔洗煩惱 難得地我比全五星呀！不過就要注意120分鍾要準時交台，因為真係好多客人呀 如果想坐得耐既就要考慮簡唔限時的火鍋喇，但我就好夠食啦 - 重點係，咁多選擇，望落乾淨又有質素連加一都係$295

哈豆；觀塘工廈的台灣菜 屋企人介紹黎觀塘食野，推薦呢間哈豆 我叫左牛肉麵加一個小食拼盤加飲品 雖然估唔到牛肉麵就係牛展，不過味道都ok 價錢都係唔錯的，炸物就還好，但都算多種類 性價比唔錯，而且剛剛開門無耐就到，位都唔洗等

咁岩黎到又一城，見到有間正斗就黎試下～ 入黎坐低叫咗馳名乾炒牛河仲叫左碗粥同炸兩腸粉 干炒牛河一碟本身巳經要百幾蚊，堂食仲要加一，即管試下有幾好味 今次純粹記錄下我食過d 咩，所以相又唔算影得好靚，味道係好的，但價錢都好貴 抵食就唔會比到太高分了，但環境服務都好。 問佢地額外提供的辣椒油都好好味

今日一行人黎到新城市廣場，其中一位係拉麵愛好者。 記得呢間好味，自然就話要encore 但另外一位友人話食過其他分店，印象味道麻麻 最後我決定比多次機會等我試下！ 到底係好食定唔好食 我叫左蟹皇沾麵套餐，一set 連加一都差唔多兩百。 黎到好震撼，大份同足料有蟹肉蟹膏，軟殼蟹同埋沾麵 大家最後都話非常之正，朋友話唔好食嘅係"鹽麴"味，我估都係個人口味唔同，但首選一定係叫蟹

咁岩黎到黃大仙，即刻search 下有咩好餐廳 見到和氣食堂呢間幾高評分，即刻去 去到門口發現好多人排隊，應該都係正野黎啦 排左45mins 到終於入座，係比較少見既車道型智能送餐，Qr code 落單之後係直接係車道送全個餐比你。 食物味道ok, 都係正常味道。 但價錢我就覺得係偏貴左d d

美味樂園撈面係藍田開左十幾二十年大家都知。 味道係十年如一日，鍾意食撈麵既去開藍田掃街必食。 當然價錢就完全同當年唔同，記得當年試過$1 $1包 而家就$5 一包 五倍價錢。 而家食得撈面都係食果種情懷了

先前食過觀塘店所以當知道中環開分店即刻帶親友們來試。位置係L place都好方便我呢位中環OL 🤭 講翻食物： 黑磚豆腐外脆內軟，基本上係我必點item 之一 另外就係冰鎮咕嚕肉 都係我favoutie item! 呢兩樣都必點必點 但食左幾次基本上所有野都好好食～ 係中環中菜滄海遺珠，暫時仲未好多人發現，所以夜晚坐得都好舒服又唔嘈

咁岩屋企人生日想食butterflyroom 一於就一齊試下dinner set 到步Rosewood Hotel 成個環境好靚 Butterflyroom 唔算好大，但成個裝潢都好雅緻高級 Dinner Set 係 3courses menu 簡單介紹，選擇唔算多，頭盤係二選一 水牛芝士/ 三文魚 前菜兩款都唔係hit 中我心中最喜歡既前菜，但不得不說個三文魚真係好食。 唔會死鹹，魚肉厚有質感。 水牛芝士都係唔錯 Main 就係三選一 Steak/ Sea-bass/ Mushroom Risotto 我地一行人叫左唔同款大家試下味 當中最好味係Steak! 真心唔錯，煎的Medium 非常好食 爐魚魚肉厚，魚片煎的香脆，兩者配合埋就正 反而係Mushroom Risotoo, 飯粒偏生，可能係跟足正統做法，但大家都覺得硬。 飯的汁雖然好濃，但味都偏鹹，同感覺以呢個價位 加一$6xx 尾黎講應該可以比更高級的菇類，例如松露 當然我地叫果陣巳經知唔係，但都係想試下，的確結果係沒咩驚喜 甜品就是甜品車任選五件 我地簡左每樣一件，除左粉紅色之外，每件都好好食 餐飲是：Champaign/ non Alcohol sparkling 二選一 可以的話，就飲Champaign，因為無酒精果個真係... 很一般

今日又來到西環， 今次試咗品穀的外賣布甸撻 想話呢個布甸撻賣相一流 至少我望到真係想買來食 但食落整體就還好的，未去到好驚喜既味道。 如果有好高期望既客人可能會覺得有d 小普通