牛繁 (海之戀商場)

營業中

休息中

平時去荃灣都方便今日12:00岩岩開門趕黎食牛繁係日本多年品牌自己本身都鐘意食燒肉點可能錯過佢愛燒肉既點都要黎試下佢Lunch set老少咸宜性價比最好環境好靚靚坐得好舒服同朋友黎食傾計大家最方便今日我點左黑毛和牛西冷同牛小腸牛小腸極推仲雖然燒出黎縮到好細但真係好好口感味道油脂豐富但唔膩覺得好香又好好咬必點啊喂不過小心好惹火😂😂啲人以為我玩火..注意安全啊要特別有小朋友既盛合$288我下次都打算黎試試曬幾種$288都唔錯架

1行5人坐咗2張枱隔住膠板都傾緊計Lunch時間人唔多 坐得好舒服叫咗個1千蚊左右嘅餐好多嘢要揀 可以揀返自己啱嘅配搭好夠食 啲肉好好味另外加咗白飯比小朋友撈燒汁食輕輕鬆鬆食晒特別要講個酸辣青瓜勁辣得個辣字 食一舊要飲半杯水😂

午餐同朋友黎「牛繁」食日式燒肉，估唔到可以慢慢燒，慢慢嘆，因為多數午市都做定食，較少會開燒俾客人燒。呢度環境乾淨又寛闊，而且燒完個身無油煙味，非常讚。服務勤快又有禮，燒得舒服，食得開心。有8款肉類款式選擇，雞、豬、牛都有，其中牛肉種類有數款揀，包前菜的醃菠菜及芽菜、牛骨蛋花湯、日本珍珠米飯、烏龍茶/檸檬茶或水，仲可以加錢要果味梳打或啤酒，最後追加甜品雪糕。而飯可以再升級為溫泉蛋飯或烏冬之類，也可追加燒肉種類，非常豐富。元氣牛小排牛小排都好厚身，用鹽醃可食到原有味道，呢款要燒耐少少，肉質嫩帶點咬口，無筋好易食，燒肉都好保留到肉汁，牛味濃郁。元氣牛五花牛五花較薄，好快燒熟，肥美有牛脂香，入口多肉汁同非常嫩彈，而且好有燒肉香味。大崎蟹柳沙律蟹柳份量都多，椰菜好爽脆，沙律醬份量較多。前菜的芽菜同菠菜都醃得夠入味，仲有麻油香，好開胃又爽口。牛骨蛋花湯味道偏咸，較少牛骨味，但有蘿白、冬菇、蛋花……配料多，口感豐富，顏色又靚。菠蘿梳打 和 蜜桃梳打 都好冰涼好清爽，前者酸甜味會重d，後者有桃味好香甜，份量仲幾大杯，好抵飲。草莓雪糕 和 牛乳雪糕 都好凍硬，要d時間先溶到黎食，不過雪糕質感幾滑，草莓清

呢間燒肉之前都試過佢其他分店，覺得性價比高。今日就嚟食佢新分店。午市我哋揀咗午餐及散叫咗。極上M9牛板腱盛合$368呢個盛盒有3塊，而且都非常大塊。肉質唔錯，牛味幾香，油脂分佈又幾好。仲有生蛋點黎食，幾滑。另外叫咗午餐，平日一至五會供應。午餐選擇都多，價錢仲幾經濟。最緊要係都相當豐富：蟹柳沙律、牛骨蛋花湯、前菜。沙律有蟹柳、粟米粒、生菜絲。午餐第一款揀咗牛舌，係蔥燒味。有10塊左右，估唔到燒完之後幾爽口。另一個揀咗燒汁牛仔排，呢個就相對地普通。但係呢度嘅牛全部都牛味幾香，肉質唔錯。抵食之選！

22 Feb 去食set lunch ,叫左1客$128牛五花加1客$108牛胸腹，再加叫1份$68牛舌。牛舌分量都幾多👍算抵, 但好鞋🙈 質素令人失望。牛五花又係麻麻地，我睇唔到牛五花邊度有油花， 就算燒到五成熟都係好韌同埋有啲鞋， 唔知係唔係因為set lunch所以質素差啲， 但講真咁嘅價錢牛角好食過佢。我見呢度咁多好評所以專程就去試lunch，但質素有啲令人失望，可能散叫啲肉嘅質素會靚啲， 但呢餐lunch性價比真係好低

每次去海之戀都會經過牛繁，今日終於入嚟試吓！下晝有午市套餐供應，價錢都唔貴套餐包括左肉類、前菜、蛋花湯，沙律同飲品沙律可以選擇薯蓉沙律或者蟹柳沙律，我哋就每樣叫咗一個，不常沙律配埋麻醬，真係好好食，因為佢唔係開粉出黎，係真係用薯仔做嘅薯蓉我哋叫咗一個豚肉盛盒，包括左豬頸肉同豬五花，仲有四款口味可以揀，我哋就揀咗推介嘅柚子胡椒味，個豬五花唔算好肥，燒一燒帶走左多餘油份，肉質唔會韌，個柚子胡椒真係好好味，果然係推介元氣牛小排！色澤好靚，肉味都幾香，肉質唔會韌不過我最鍾意既都係燒牛舌，叫左套餐之後就可以用優惠價換其他食品牛舌真心抵食，都算係幾厚切，爽口，食到停唔到口最後就加錢食埋雪糕，好滿足呀

晚市堂食一開，試下燒肉店！點知失望而回😥首先，不知是否爐火太猛，雖我已調低火，邊燒邊吸煙🤣食到一頭煙！叫了二人餐，無論是牛、豬定雞，肉冇肉味、一味得嚼勁！醬汁味亦太濃。服務員太新似沒受訓練，要旁邊的組長多多提醒😂唯一的優點是座位寛闊，環境尚可！我係真實的顧客！！！

成個海之戀商場人山人海得呢間餐廳拍曬烏蠅，唔明點解黃店燒肉都冇人食！係手足就梗係入去入去支持下😋💛呢間係東京黎既人氣燒肉店，我日本嘅朋友見到我放上ig去左食都即刻忍唔住問「乜香港都有中繁。咁勁既？！」不過當然香港食就貴好多啦我哋兩個人都食咗七百幾蚊！wuwuu但係啲嘢食好好味呀😍 情人節就多d budget la!! 而家又冇得返鄉下！叫咗一個牛肉拼盤啲牛全部都好好食。好舌又大塊又厚身，好重牛肉味又唔會太硬😋本來諗住叫個二人套餐因為平啲同埋多啲嘢食，不過最後牛年都係想食牛肉多啲🤣 所以就豪少少全部都食牛啦。啲waitress全部都好有禮貌好好人。不過始終係關西留學既我比較少食呢類型關東既燒肉店，所以都係一個好好嘅新體驗！

喺荃灣西行完街體力大消耗😝經過呢間日式燒肉店「牛繁」聞到陣陣燒肉香氣🤤🤤就急不及待衝到門囗報到啦！入座前除咗量體溫之外，店員仲會好細心咁用消毒噴霧幫客人由衫到褲噴一噴除菌先👍可以安心坐低開餐啦！！.一坐好已經覺得呢度環境好有日系氛圍😀拿拿聲拎起餐牌點咗兩個午市套餐！分別係『(燒肉汁) 元氣牛五花 $128』同『(鹽醬)元氣牛小排 $148 』😍靚牛肉質果然唔講得笑…輕輕每面燒一燒…油花嘅香味湧哂埋嚟…塊塊牛入囗都大滿足😍而且每個餐都配有 大崎蟹柳沙律、白飯、牛骨蛋花湯、前菜、凍檸茶檸水…好豐富呢😝另外太肚餓關係仲額外加購咗『(柚子胡椒)嚴選櫻姫雞腿肉 $58』…呢個下次嚟食都會再加點…啖啖有質素嘅雞脾肉都滲住獨特嘅柚子胡椒味道好好食👌👌慢慢燒住食晒之後仲追加咗球『草莓雪糕 $10』嚟作個完美句點添❤️.總結：二人前加一服務費埋單四嚿水有找🙆‍♀️可以留港都緬懷到日本氣氛嘅燒肉時光係💛值得一試💛

叫得做牛繁，當然唔少得牛肉啦，估唔到呢度嘅雞肉同豬肉都咁出色叫咗兩份餐，再追加兩份肉類，結果搞到成枱都係野，好彩張枱夠晒大，一啲都唔迫呢度就係跟餐餸嘅五樣食物，有一杯凍飲，我就揀咗凍檸茶，右上角係蟹柳沙律，仲有個前菜芽菜同菠菜跟埋個蛋花湯，仲有碗白飯我就覺得叫完一個餐再追加肉類就最抵食，追加一份牛空腹肉都只係$78，而叫餐都要成$108，但今次實在叫咗太多肉類，所以留返下次先食啦左上角係雞腿肉，右上角係豬頸肉，左下角一粒粒嘅係木屐骨間牛肋肉，右下角係蔥燒中落牛肋肉一燒牛肋肉就燒好咗啦，肉質鮮嫩，非常淋，配埋燒肉汁簡直冇得彈，用嚟送白飯啱晒雞皮燒到金黃色，仲要一間間咁，相當吸晴

天氣乍暖還寒，趁著稍為轉涼，決定去食日本燒肉🇯🇵是日中午黎到位於海之戀商場的「牛繁」日式燒肉店吃午餐。午市時段設有午市燒肉套餐，定價適中大崎蟹柳沙律椰菜絲沙律加入日本蟹柳及沙律醬汁，口感爽脆，好fresh牛骨蛋花湯及前菜湯配料充足，裏面加入左洋蔥、蛋花、紅蘿蔔片，湯頭味道好鮮甜元氣牛五花即是牛肩腹肉，含有較多油花，肉質略硬。烤熟後充滿牛脂香，不得了哦，好好食！薄切特上鹽香牛舌加$10配日本香蔥，薄切牛舌好快燒熟，牛味濃郁芳香，配上蔥花更能突出其鮮味特上牛胸腹肉牛胸腹肉脂肪豐厚且味道醇厚，肉質具彈性，牛肉味都幾香濃，佐飯一流白飯日本珍珠米飯粒粒分明，軟熟有米香熱檸檬茶檸檬夠新鮮，酸酸甜甜，消滯解膩一流

燒肉係我其中一樣最愛，朋友約食飯，經過見到lunch set 幾多嘢包幾抵食，決定食呢間。S4蔥燒中落牛肋肉$108套餐揀左：薯蓉沙律（夠滑，好味）、白飯（呢隻珍珠米好香呀）牛骨蛋花湯＆前菜（芝麻菠菜、芽菜）豐富～蔥焼中落牛肋肉揀左推薦嘅燒肉汁，位於肋骨與肋骨縫隙嘅肉，牛肉好厚身，油脂豐富、肉味香濃又有咬口，配燒肉汁好夾另外加配一份特上牛胸腹肉（+ $ 78）揀左鹽醬 ，牛胸腹肉唔洗多介紹，有食開燒肉都知揀呢個部位實好食～油花分布平均，好適合做燒肉，我個人就比較鐘意鹽醬汁果種咸香味S7元氣牛五花$148套餐揀左：大崎蟹柳沙律（有菜食下幾好）、白飯、牛骨蛋花湯＆前菜元氣牛五花揀左鹽醬，牛五花係肋骨底下嘅肉，瘦肉跟油脂會分層存在，口感特別好火夠猛，輕鬆燒到金黃色，正菠蘿乳酸梳打（+$ 10）、凍檸檬茶大大杯夠解渴，燒肉都係配梳打正！

哥哥鐵板燒初體驗😍不得不説牛繁午餐真係好抵食！我同哥哥一人揀咗一個$88午餐😍哥哥就食豚肉盛盒💗我就揀咗雞肉盛盒💗套餐已經包左沙律🥗湯、前菜同埋飲品😍仲有好多唔同嘅嘢食可以追加😋豚肉盛盒有豬頸肉同埋豬五花😍超級鍾意食佢哋個豬五花😋油脂豐富肉質嫩滑💗雞肉盛盒有雞頸肉同埋雞腿肉💗 雞腿肉肉質細滑，肉質彈牙😛我哋另外仲單點叫咗個邪惡又美味既雞皮😍燒到微微脆身香口就最正喇！仲有追加盛岡冷麵！Q彈既麵條加埋酸酸甜甜嘅湯底真係好特別💗哥哥就最鍾意佢上面嗰幾片蘋果🍎佢話食完冇咁油膩好開胃😆仲有追加左溫泉蛋飯😋上面嘅紫菜碎足以令到哥哥食咗大半碗😛最後一人一個雪糕🍦就大滿足喇😍😍

去過日本嘅人都知牛繁係日本已有好多分店，包括東京、神奈川、千葉、埼玉縣等。而香港荃灣呢間係最近新開，地方闊落，坐得舒服。Lunch set好抵$88起包前菜、湯、白飯同飲品。我同朋友點左兩份lunch set係元氣牛小排$同元氣牛五花，加$78追加左特上牛空腹肉，比餐牌就咁叫平。另外仲單點叫左極尚雪降和牛肩翼板扒 ，個人其實最鍾意呢款，因為油脂分佈好靚，而且和牛油香味濃郁，令人回味。用上日本煤氣爐，同一般圓形網燒烤爐唔同，火力會更勻循，所以牛肉平均燒起2-3分鐘已經熟。

早兩日去咗荃灣海之戀呢間日本🇯🇵連鎖燒肉店牛繁度食燒和牛，我哋兩個人嗌左兩個午市套餐，另外就散叫左和牛。佢嗰度環境都唔錯，傾偈一流！當自己去咗日本啦😄套餐🥢元氣牛小排 & 元氣牛五花牛小排配燒肉汁，肉質不過不失，配白飯一流，大崎蟹柳沙律，另外仲有個和風菠菜同芽菜牛肉蛋花湯，仲有個北海道牛乳雪糕添！而至於牛五花牛紋分佈比較平均，牛味好充足，呢個牛五花比較肥美，燒起上嚟充滿濃郁油香味😋飲品方便我哋叫咗巨風提子梳打同埋蜜桃乳酸梳打，食完和牛飲返兩杯凍野，正！不得不提，個人最鍾意食係我哋散嗌嘅極上霜降和牛肩翼板扒，牛既油脂分佈得非常之細緻均勻，我覺得有啲似係Donki買嘅黑毛和牛，牛入口即溶，十分香口！