更多
2021-02-28
6090 瀏覽
午餐同朋友黎「牛繁」食日式燒肉,估唔到可以慢慢燒,慢慢嘆,因為多數午市都做定食,較少會開燒俾客人燒。呢度環境乾淨又寛闊,而且燒完個身無油煙味,非常讚。服務勤快又有禮,燒得舒服,食得開心。有8款肉類款式選擇,雞、豬、牛都有,其中牛肉種類有數款揀,包前菜的醃菠菜及芽菜、牛骨蛋花湯、日本珍珠米飯、烏龍茶/檸檬茶或水,仲可以加錢要果味梳打或啤酒,最後追加甜品雪糕。而飯可以再升級為溫泉蛋飯或烏冬之類,也可追加燒肉種類,非常豐富。元氣牛小排牛小排都好厚身,用鹽醃可食到原有味道,呢款要燒耐少少,肉質嫩帶點咬口,無筋好易食,燒肉都好保留到肉汁,牛味濃郁。元氣牛五花牛五花較薄,好快燒熟,肥美有牛脂香,入口多肉汁同非常嫩彈,而且好有燒肉香味。大崎蟹柳沙律蟹柳份量都多,椰菜好爽脆,沙律醬份量較多。前菜的芽菜同菠菜都醃得夠入味,仲有麻油香,好開胃又爽口。牛骨蛋花湯味道偏咸,較少牛骨味,但有蘿白、冬菇、蛋花……配料多,口感豐富,顏色又靚。菠蘿梳打 和 蜜桃梳打 都好冰涼好清爽,前者酸甜味會重d,後者有桃味好香甜,份量仲幾大杯,好抵飲。草莓雪糕 和 牛乳雪糕 都好凍硬,要d時間先溶到黎食,不過雪糕質感幾滑,草莓清
午餐同朋友黎「牛繁」食日式燒肉,估唔到可以慢慢燒,慢慢嘆,因為多數午市都做定食,較少會開燒俾客人燒。呢度環境乾淨又寛闊,而且燒完個身無油煙味,非常讚。服務勤快又有禮,燒得舒服,食得開心。
有8款肉類款式選擇,雞、豬、牛都有,其中牛肉種類有數款揀,包前菜的醃菠菜及芽菜、牛骨蛋花湯、日本珍珠米飯、烏龍茶/檸檬茶或水,仲可以加錢要果味梳打或啤酒,最後追加甜品雪糕。而飯可以再升級為溫泉蛋飯或烏冬之類,也可追加燒肉種類,非常豐富。
元氣牛小排
牛小排都好厚身,用鹽醃可食到原有味道,呢款要燒耐少少,肉質嫩帶點咬口,無筋好易食,燒肉都好保留到肉汁,牛味濃郁。
元氣牛五花
牛五花較薄,好快燒熟,肥美有牛脂香,入口多肉汁同非常嫩彈,而且好有燒肉香味。
大崎蟹柳沙律
蟹柳份量都多,椰菜好爽脆,沙律醬份量較多。
前菜的芽菜同菠菜都醃得夠入味,仲有麻油香,好開胃又爽口。
牛骨蛋花湯
味道偏咸,較少牛骨味,但有蘿白、冬菇、蛋花……配料多,口感豐富,顏色又靚。
菠蘿梳打 和 蜜桃梳打 都好冰涼好清爽,前者酸甜味會重d,後者有桃味好香甜,份量仲幾大杯,好抵飲。
草莓雪糕 和 牛乳雪糕 都好凍硬,要d時間先溶到黎食,不過雪糕質感幾滑,草莓清甜,牛乳特濃又香滑。
張貼