牛繁 (MW Plaza) (已結業)

上星期約左姐妹去尖沙咀行街街,行到咁上下就當然要揾食架啦! 唔知係咪近排秋風氣,好有食肉既衝動! 所以我話不如食韓燒啦! 點知姐妹話我膚淺,話食燒肉都可以食日燒既je! 佢就講早排食過"牛繁", 話覺得唔錯,所以帶我去試!見佢講到咁好，就聽下佢話啦,呵!牛繁似係連鎖式經營既燒肉店,見佢介紹東京/上海/越南都有好多分店,都幾唔錯! 出奇地去到店面,見到燒野食既爐好袖珍,台比一般韓燒既大,油煙亦唔算多,好有一種日式餐廳既簡約feel!坐低望住份menu,真係好多牛可以選擇啊,真係望落都心心眼! 咁肚餓,我當然二話不說咁叫左個推介既 "牛繁三點盛合"啦!三點盛合就當然有3款牛啦! 呢度最好既係上碟果陣會有個牌仔表示果款係咩肉,唔係食完都唔知食左d乜! 三款牛就有"上級牛五花/中落牛肋肉/特上澳洲胸腹肉",每塊都唔會太大片, 全部入口size, 食起上來好爽!每款牛望落都好肥美!咪睇呢度個爐仔細細,燒起上來好夠力,而且店元勤換鐵板,所以燒得好爽! 牛五花紋路好靚, 咬落去好香牛味,充滿油脂!好味啊! 牛肋肉呢,肉質就最彈牙啦,好似牛舌咁有口感,但就更加嫩滑,正!胸腹肉呢,咪睇係薄薄一片,但其

牛繁於日本有百幾間分店，最近朋友講起先知，原來香港都開左分店，即時約埋牛魔王去試下先香港分店位於尖沙咀金巴利道，行完街街行過去醫肚勁方便！餐廳走工業風，簡單得黎感覺幾舒服，抽風系統幾好，唔會好大陣煙，抵讚！個爐火力好大，放啲肉上去燒少少時間就食得，而且只需佔好少既位置仲有大把位放食物餐廳亦準備左圍裙俾客人，以免彈到衫，服務貼心牛繁三點盛盒三點盛盒包括有上級牛五花、中落牛肋肉、特上澳洲胸腹肉，食齊三款肉仲要幾多件下，幾抵食！中落牛肋肉口感比較結實有咬口，牛味幾濃上級牛五花肉質軟林，油脂豐腴，超多肉汁，好味特上澳洲胸腹肉係三種牛入面肉味最濃，肉質軟林，都幾好味！特上霜降牛五花比起頭先果個上級牛五花，級數果真好唔同！果然係貴得有價值！呢個特上牛五花，唔止紋路靚，牛味濃郁，肉質好林，超級嫩滑，入口即溶，而且油脂豐腴，真係超正！大崎蟹肉沙律食左咁多肉，點都要食返啲菜既！叫左個沙律，有蟹柳、栗米同椰菜等，清清地都唔錯！霧島溫泉蛋飯有咁多靚肉，又點可以冇飯呢？！個人好鍾意食溫泉蛋，加落啲飯度真係好好味，仲有紫菜、芝麻等等，估唔到簡單得黎又幾好味喎！埋單後，估唔到仲有嗽口水送總括黎講，呢間餐廳唔止食物

上次食完之後念念不忘，今次特登帶朋友黎食。今次叫完餐之後，問個店員可唔可以幫手燒埋，因為上次唔太識燒，有D燒得太熟，佢聽到之後就二話不說，幫我地燒，服務一流。店員幫手燒之後，D肉真係好食好多，有鎖住肉汁既感覺！今次叫左唔同既肉，特別推介：蔥燒鹽香牛舌，牛舌加上大量的葱，檸檬汁，麻油和鹽簡直一流，仲有極上和牛板腱配月見汁，D肉好淋又有牛香，加上蛋汁加醬油既時候，好似食緊壽喜燒甘，口感豐富，可以再一試！

好多年都冇食過燒肉，突然間好掛住牛肉的味道，天氣又涼涼地，就出黎牛繁牛一牛佢。坐底已經聞到隔離飯香，好香有燒牛肉味。好！等我睇下食咩好先。燒汁牛舌，新鮮紅潤既牛肉，上面淋左燒汁，好靚好吸引，可能我太肚餓，我都唔燒就甘食，哈哈！特上胸腹肉配醬燒汁，濃郁既醬燒汁包住每塊牛肉，，一邊燒香味一邊湧出黎，要小心燒啊！上級和牛里脊肉配月見汁，花紋勻稱既牛肉，已經好吸引，配埋呢個清新味道月見汁，個汁上面有隻生蛋，可以攪拌同個汁混埋一齊，再點一點塊牛肉，Yummy！牛繁和風拌飯，將所有材料混合好再一齊食，飯香柔軟，飽飽。食燒肉當然要加杯以飲品潤下，叫左可樂同柚子蜜。

尖沙咀金馬倫道開咗幾間燒肉店，一直都想試下🙈黎牛繁食咗個lunch, 叫咗2個餐，都會跟湯，沙律，同飲品。沙律得2款，有薯蓉沙律同蟹柳沙律。薯蓉沙律好足料好creamy 特上牛胸腹肉 ($128) 牛肉比較有口感，食落幾新鮮。同元氣牛五花 ($138) 油質比較充足👌🏻 好冧好juicy 跟餐加( $15) 有埋温泉蛋飯，用蛋撈飯真係好正🤤🤤 飯上面仲有大量飯素，味道更香。午餐add on 都幾抵，葱燒鹽香牛舌 ($58) 同雞腿肉 ($48) 牛舌食落幾香，但都幾咸，如果厚身少少會更加食到牛舌既口感。雞腿肉食落都叫嫩滑，但都係有啲過咸😂好彩有烏龍茶同檸檬茶可以選擇~

聽聞牛繁是來自日本的燒肉店，立刻約了朋友去試一下到底日本品牌來到香港還能不能維持在日本的高品質食物和服務。要品嚐到不同種類的肉就一定要點「盛合」，店員都會親切地介紹不同的食用方法。雖然服務略有點生疏(要提點才記得添茶)，但都很盡力地為我們作介紹。牛肉真的很嫩，各種醬汁都跟肉的味道很配合。店員推薦了牛舌，還特地提醒了我們要輕輕的燒，因為本身牛舌很薄，很容易烤過頭。整體而言，食物真的很美味，一定會介紹朋友來這裡

同朋友仔黎試下呢間過江龍先講服務同環境，服務一流，侍應好好服務，十分有禮，而且對餐牌十分熟悉。新來既客人唔知頭唔知路，唔知咩配咩好食都好，侍應都對答如流。抽風系統好好，唔會食完成身油煙👍上菜時都會講返呢碟係咩肉，就算食食下唔記得，佢地都好樂意再講返。環境光猛 ，枱與枱之間既距離夠遠。 私隱度算高，座位都好坐既。牛肋肉：CP值好高，好過坊間其他燒肉既好多。牛胸腹：肉味濃但唔un，好食 厚牛舌：真係切得夠厚，好食！薄牛舌：我個人就喜歡薄牛舌多啲，雖然無厚牛舌啖啖肉咁滿足，但勝在包到䓤食，同埋無多大罪惡感 😝牛五花：鐘意油香既必點，雖然唔係和牛，但係油香勁過坊間放題所謂既和牛！👍

今日約咗成班friend 去牛繁食日文牛!呢間係日本遠道而來的分店，水準有一定嘅保證同口碑，令到我地成班都好興奮!叫咗牛肋條，牛味濃郁而且亦都好有咬感，十分推介。薄牛舌，由於好薄一煎就熟，配搭香蔥，方便又滋味!和牛牛扒，充滿雪花，脂肪均勻，食落去簡直好味到爆炸，好食! 朋友們都爭住食! 我哋都有叫溫泉蛋飯，隻蛋好滑同牛係絕配，而且食食牛再爬啖飯，夠飽。最後我哋都叫咗杯柚子蜜，清甜又解渴，可以中和牛既由油分，絕對值得嘗試。

有同事last day😟 請食飯是基本吧😞可能開始入秋，佢想食燒肉🤔揀左間望落無咁臭既日燒餐廳牛繁😂餐廳係mira附近，尚算方便👌🏻12點都未夠就去到唔使排隊，大約一點左右就多人了🤗 Lunch set set左幾款比大家選擇，包左一個沙律、一碗蛋花湯、一碗菜同一杯飲品沙律可以揀蟹柳沙律菜或者薯仔沙律，兩個都好食！菜係凍既芽菜同菠菜，味道都唔錯喔特上牛胸腹肉 $128 調味本身唔會好濃，牛味好出唔可以燒太耐喔肉質會變韌牛腹肉切得唔太厚燒一分鐘都已經熟☺️Lunch set一客有七塊，都夠飽肚👌🏻元氣牛小排 $148 牛小排肉質軟林無落任何調味餣本身既牛肉味都好香好濃個人比較喜歡牛小排喔💕Lunch set 有六塊牛👌🏻餐廳會提供圍裙比大家唔會彈到d衫最重要係食完個身無味☺️☺️

聽聞尖沙嘴新開左間燒肉，性價比高，禮拜五放工之後就同左男朋友一齊去試下。燒肉店裝修設計簡約，空間感十足，座位都幾寛。 牛繁三點盛合 - 呢個set有上級牛五花，中落牛肋肉和特上澳洲胸腹肉。胸腹肉肉味濃厚鮮甜；中落牛肋肉，內質較緊實有咬口，肉味較濃。上級牛五花肉質鮮嫩，肉汁豐富。特上霜降牛五花 – 估唔到呢塊牛五花會咁大塊，油脂分佈均勻，口感鬆軟順滑，大滿足。北海道甲羅燒 - 蟹膏幼滑鮮甜，夾雜粒粒蟹子，調味適中。嚴選霜降黑毛和牛西冷 - 口感嫩滑無渣，入口即溶，味道甘香。牛繁和和風拌飯 - 配料有牛肉碎、野菜、蘿白絲、漬物、紫菜，d飯煙煙韌靭，配埋d牛肉黎食，絕配。

放工約左細佬去尖沙嘴新開的牛繁食飯。舖頭用日本煤氣爐，唔同一般圓形網燒烤爐，雖然爐細但火力夠。每個爐上面有煙囪，抽氣都做得唔錯，唔會話食完好大陣油煙味。睇一睇個Menu ，都幾多野揀，我地點左：牛繁三點盛合 - 有上級牛五花，中落牛肋肉和特上澳洲胸腹肉，份量都幾多，賣$238都算幾抵。特上胸腹肉，入口肉質軟腍，中落牛肋肉係肋骨附近的肉，牛味濃。上級牛五花肉汁多，油脂味道濃郁。特上霜降牛五花 – 份量十足，油脂濃厚，肉質軟嫩。嚴選霜降黑毛和牛西冷 - 油脂分佈均勻，牛肉質香甜鬆軟，入口鮮嫩而口即化。北海道甲羅燒 - 蟹膏經過烤製進一步的凝聚，味道更加濃郁。牛繁和和風拌飯 - 配料好豐富，有牛肉碎，野菜，蘿白絲，漬物，紫菜，加埋日本飯撈勻，味道不錯。

今日朋友生日 佢提議話想食燒烤，但係佢主要想燒海鮮同牛，之前聽屋企人講佢地食過牛繁覺得幾好，因為種類夠多 啲肉好高質，唔食牛嘅朋友都有好多選擇。海鮮盛合有扇貝、大蝦、魷魚，扇貝大大粒肉質鮮嫩，大蝦啖啖肉 肉質彈牙唔霉，魷魚燒到超級香口 又唔會太韌。豚肉同雞肉盛合 豚肉應該係五花肉，肥瘦肉均勻 唔會成到成日油，又唔會好油膩。我鍾意豬頸肉呀 燒得好香口肉質又爽口，雞肉就切得有啲細件，但無雪藏味 仲幾滑添。牛繁三點盛合依個簡直係牛魔王至愛，我唔食得牛肉 但朋友話超級好食，牛肉肉味濃郁 脂肪分佈均勻，入口軟嫩又多汁。我之前一聽到茶漬飯就會覺得好怪，茶同飯邊到夾㗎，但食完依到嘅茶漬飯就覺得淡淡茶香配上白飯又幾好食喎。盛岡冷麵好有韓式風味，食完熱辣辣嘅燒肉再食一啖冷麵，一凍一熱嘅感覺真係好嘆，冷麵醬汁似韓式辣醬但帶少少甜味，味道好開胃同解膩。

東京人氣燒肉店 - 牛繁, 喺東京、上海、越南都有分店, 今年6月剛進駐香港, 今日就特意同朋友嚟試一試。懶得諗之下, 點咗set牛繁三點盛合, 牛肉色澤鮮豔, 夠晒新鮮！牛繁三點盛合$238 三款精選牛肉包括特上澳洲胸腹肉、中落牛肋肉、上級牛五花。胸腹肉油脂密佈, 入口油香四溢。中落牛肋肉肉身夾雜筋膜, 食起嚟很有嚼勁。牛五花肉味香濃, 肉質細緻。蔥燒鹽香牛舌$88平時較常吃厚切牛舌, 呢碟牛舌則切成薄片, 輕輕燒到兩邊變成啡色就食得, 一放入口, 口感出奇地爽彈紮實, 帶來意想不到的驚喜。食燒肉飲番杯冰凍啤酒先夠爽！ 再追加個甲羅燒就prefect啦！

牛繁雖然是燒肉店，但是它比其他燒肉店有點不同，就是比較講究，而且著重品質。它們的醬汁是由日本牛繁空運到港，而且因應不同的肉搭配不同的醬汁。I2 牛繁三點盛合 $238呢款以品質為先的燒肉來說，性價比算較高，既可以嘗到三款不同的肉，價格亦不算高三款肉分別為：上級牛五花、中落牛肋肉、特上澳洲胸腹肉G2 特上霜降牛五花 $148牛五花肉是一整塊扒上枱的，附上剪刀讓你裁剪合適的大小J3 特上和牛肉眼扒 $148脂肪分佈平均，唔會一啖大肥膏一啖瘦肉配了燒汁更惹味牛骨蛋花湯 $28比較少聽餐廳用牛骨滾湯，這款湯喝下去能補回剛剛吃牛的熱氣感覺

牛繁喇係日本開分店開到黎香港，水準一定有番咁上下。餐廳環境雖然吾算好大，但一D都吾迫坐得舒服，服務又好，最緊要係吾會大陣酒煙既味道。首先叫左牛肋條，幾有咬口，牛味都濃，最開心係店員幫手燒，坐係到等食，我就可以同朋友專心傾計。再叫左薄牛舌，由於好薄燒一燒就熟，吾洗等，都吾錯。仲有和牛扒，大大塊咁上碟，好多雪花呢，好多脂肪，食落去D油香味出哂黎，好食！但淨係食牛又吾夠飽，所以叫左碗溫泉蛋飯，隻溫泉蛋好滑，蛋味亦十分香。叫左杯柚子蜜解渴，最中意佢清清甜甜，可以解一解口中既油，清一清個味蕾再試另一款牛。