牛繁 (MW Plaza) (已結業)

牛繁終於開張喇，同男朋友都係牛既愛好者，知道佢要黎香港開分店既時間已經期待。平日8點到去，吾洗等位。餐廳環境都OPEN，坐得舒服，店員好細心專登比個盒我地擺袋。通風都吾錯，行出餐廳無成身都係油煙味。叫左和風伴飯，材料好充足，好多蔬菜，成晚食肉叫番D菜扮健康HAHA。海鮮盛合有蝦有帶子同墨魚，蝦同帶子都鮮甜，店員幫我地燒墨魚，亦都燒得岩岩好，不會過熟或者吾熟。餐廳牛肉質量不錯，肥廋都十分之勻稱，好香，個口食每一舊都係好滿足架。點左牛繁三點盛合$238，好底食，有三款吾同部位既牛，可以試吾同既口感，正。仲有特上霜降牛五花，入口即溶，特配醬汁味道吾錯甜甜地，全部都係直接日本進口。

作為食肉獸兼牛魔王，燒肉在我心目中就像是「白月光」一樣的存在，無論有咩要慶祝，只要去食燒肉就覺得好滿足今次約朋友補祝生日飯，來左尖沙咀牛繁食燒肉。睇返Ｄ相都覺得好味，諗返起燒肉的香味就心郁附上燒肉汁和味噌汁，鍾意食辣的朋友仲可以加旁邊的辣味噌。牛繁三點盛合　$238睇落最肥美的是上級牛五花，說是五花當然就是油花比較多，非常香口，應該是大家都會喜歡吃的～中落牛肋肉，就是平時說的牛肋條，幾好咬口。特上澳洲胸腹肉，脂肪也很多，牛味香濃。極上和牛板腱配月見汁 $178鍾意食油花香味，又怕和牛扒太貴，和牛板腱就係好選擇！紋理很好看，油脂分布平均，雖不至於入口即融，口感也很不錯。燒的時候加上蛋汁更滑溜。蔥燒鹽香牛舌 $88抵食之選，88$就有咁多塊牛舌～店員仲好細心過來教我地燒松竹梅沖繩菠蘿酒$78松竹梅山梨縣白桃酒$78個人比較喜歡菠蘿味，飲落更清新，當然白桃味都好甜好好飲～整體來講很滿意的一餐，肉的品質不錯，服務態度也很好。價錢太約300幾一位，以優質燒肉來說也很合理。

好早之前已經係Facebook見到呢一間餐廳，話係正宗由東京引入的日本燒烤。好有期待，果然冇令我地失望。一入到黎侍應就好主動咁同我地講解牛肉嘅選擇同埋問我地食唔食海鮮等等，我哋都比侍應發板。最好嘅就係佢哋安排圍裙，等啲油唔會彈到我哋一身都係。開頭有沙律同埋燒蟹膏，啲食物都好新鮮，跟住就係你都有牛舌，雞肉，牛肋骨，仲有其他唔同部位肌肉。待應好好地幫我地燒，好彩有佢幫手咋因為我哋都唔係好識點樣燒。呢度仲有啤酒飲同埋唔同嘅日本梳打汽水，最啱就係一齊同燒肉食。下次叫多啲朋友嚟咁就可以試埋其他唔同嘅牛肉啦。

對燒肉有情意結既我，見到有間所有醬汁全部由日本牛繁直接空運到香港，唔同肉會跟唔同醬，仲會用返日本既「櫻花切」處理所有肉類，好似好勁咁，呢日就決定揀呢間日本燒肉-牛繁。由尖沙咀地鐵站b2出口行5分鐘左右就到，都好方便。我地一早打左黎訂位，係門口等左一陣就入得，營業時間分別開到0000/0100，想黎既朋友仔可以參考一下。入到去坐底，枱面就放有燒肉用既圍裙，餐具，仲有呢度既特色醬料。8點鐘左右入座，已經差不多滿座喇由於我同男人都好鬼肚餓，就一次話叫左6款肉食，咁先滿足到食肉獸個胃🤣🤣第一樣黎既係牛肋條，食落好有牛味，加上佢本身加左調味，唔駛特別再點其他汁都好食跟住就有豬豬豬，唔記得左講過呢度唔同肉有唔同味揀，呢個係辣肉醬料，真心既，以呢個價錢，好值得食第二樣豬既野，護心肉，幾乎係我每次食燒肉都必食既部份，呢間都無令我失望份量好足，一共有9塊，好有口感，唔錯呢個好特別，未見過角切既肉，係鐵板度燒可以4面都燒到，有牛味仲幾有口感。呢個重點推介！好味好食好牛👍睇見佢油脂分佈平均，唔係已經叫左咁多碟，我會再叫無論係炸雞定燒肉，我都會飲番杯，你呢？叫咁多樣野食都係$800！好抵食差點唔記得講，呢度既

食肉獸友人又出現了。今晩齊齊去食燒肉。燒肉店坐落於尖沙咀，外面全是落地玻璃，可清楚望到店內情況，地方寛敞，不過抽煙系統有待改善進步空間。牛繁三點盛合 $238先嚟三款打頭陣： 澳洲胸腹肉，中落牛肋肉，二級牛五花。三款中我最喜愛牛五花，脂肪比例不錯，肉質軟腍，味道濃郁。牛肋骨因為有筋，有點韌。胸腹肉也不錯，入口軟熟，牛脂香濃。蔥燒鹽香牛舌 $88切得夠薄，只燒三數秒就可。最後放上蔥絲伴吃，特別惹味。壷漬牛肋條 $98醬汁醃製夠入味。肉質比起剛才的牛肋骨好多了，沒有多餘筋位，軟熟有𡁻口，味道香濃。野菜盛合 $58有粟米，洋蔥，金筍，青椒，蒜頭和冬菇。肉類食多了，要蔬菜來平衡一下。款類算多，且新鮮，鮮甜喔！

日本連鎖燒肉店牛繁年中登陸了香港 從facebook得知9月開始他們推出了午市套餐 當然要跟朋友中午來吃 午市套餐配一碟肉+白飯+湯+沙律+飲品 價錢$128加一 每位點餐後送上調味碟 日式辣椒醬/味噌醬/燒汁 醬汁全部都又日本空運到港沙律兩款都好像不錯 我們各點了一款 好喜歡薯蓉沙律內面有一條條的青瓜絲//大崎蟹柳沙律就有已調味好的蟹柳絲粟米生菜 味道清新是日湯品是雞蛋湯配蔬菜 簡單不過好飲 原來還有碟前菜 有我喜歡吃的芝麻菠菜及豆芽 超贊肉質就不用多數 S1中落牛肋肉 肉質嫩滑 輕輕燒一燒已經很好吃 // S3特上牛胸腹肉 牛味道濃郁 肉汁豐富 加入香蔥一齊食味道一流以這個價錢食到這個質素 又可以食到那麼豐富 非常值得

晏畫來左金巴利道的「牛繁」，呢度有午市燒肉🥩Set Lunch，超抵價＄128元。新派裝修美輪美奐，落地大玻璃窗，光猛舒服時間尚早，影番幾張靚相比大家睇睇，環境絕對不錯，每張枱都有獨立抽風系統晏畫嘅Lunch Set 其實都有六款俾你揀，係牛嘅不同部位，仲有埋沙律🥗/湯同飲品可以俾你選擇飲品我要左凍檸檬🍋梳打，冰涼可口，提神醒胃元氣牛小排Set，有湯有飯和沙律、前菜，好骨子趁個爐未熱的時候食下沙律🥗前菜，又幾爽咦！件牛小排都好重份量喎，牛脂分布三、七比例，厚薄適中自己燒，自己控制火喉，要幾成熟完全掌握係自己手上，好玩又有趣食得癮起，追加個牛舌都係$58元，薄薄的有成8件，配上檸檬和香蔥，肉味和口感非常特別

見新開左間燒肉店，本身減緊肥都忍五到口，見係日本都見過呢間店，五知過江龍味道又好五好呢。裝修環境都非常光猛，比起我喺日本食嘅牛繁感覺整潔好多。見佢餐牌同日本有啲唔同，款式都幾多。價錢亦都算中等，先點左牛繁和風拌飯，牛肉份量多飽肚！特上和牛肉眼扒，超正呀呢個、牛味夠又軟嫩。嚴選櫻姬雞腿肉，除左牛其他肉類都很不錯。壺漬牛肋條，超喜歡食牛既我，當然會叫。味道很入味，香又重牛味，另外需份量大塊但係絕對嫩口。元氣牛五花，油花同肉汁都勁多，好有滿足感。特選豬五花，份量多，有好多塊，油脂爆，香味四溢。環境同食物都不錯！最喜歡牛類，質素很好。

因為太鍾意食燒肉。所以一見有新未食過嘅，都會衝去食。知道尖沙咁附近開左間，搵日放工同朋友去食。間餐廳都好就腳，係美麗華附近。餐廳唔算大，但好乾淨、同型格。而且抽氣系統都做唔錯。我地就梗係又狂食牛啦。家不過開波都係食左個沙律先啦。其實個餐牌大部分都係牛。我地叫左牛舌，最難忘就係依個啦。叫左厚切同唔厚切，兩個都好不，不過相比之下，竟然唔厚切嘅口感更高。好嫩。食完勁想encore ，不過都係留返食其他肉啦。其次推薦骨付牛小排。仲有專人燒添。好好食。不過要小心燒太耐會鞋左。另外真係encore 左左兩轉嘅牛五花一樣岀色，油脂同肉比例好配合。入口好嫩好軟。好likeeeeee!!!!燒埋啲菜。整體黎講牛肉質素不錯的，環境就係如果兩人枱都可以大啲就好，因為嗌完嘢食都唔夠位擺。希望水準可以keep 住。慢慢燒下燒下都過左成兩個鐘。

雖然打著日本牛繁既旗號到香港，但成餐飯非常失望。叫左牛胸腹肉同牛肋肉，牛肉切得好薄好薄，無咩口感，兩隻肉都無牛味，只有醃料味。護心肉同韓式個種護心肉完全唔同，我都唔知自己食緊咩😰如果要講，牛舌已經係最正常既一碟肉，個醬汁睇圖已經可以見到有幾多，所以係食唔到牛既味，都係主要食醬汁。個蔥係分開上既，所以所謂既蔥燒牛舌，你懂的。餐廳油煙味大，食完個身會好少少味。不過最重要既係食完4碟肉，我同朋友都好似無食過野咁.......😹😹😹😹😹

十號風球過後，交通立立亂，連住村屋嘅老細都受影響，叫我地兩點先番工，偏偏我同另一位同事準時十二點番到，無門口入，唯有食個lunch先啦！行過見尼間燒肉店門面幾靚仔，而且有lunch set，入去試下啦！環境舒適整潔，裝潢得非常時尚，啱曬我尼d後生女，因為時間尚早，我地仲包場添Lunch Set $128，ok wor我問店員邊款無咁肥，佢叫我揀牛肋肉（蒜蓉味），而我同事就揀左牛小排（鹽味）個set好豐富呀！牛肋肉好香好好味！蛋花湯清清地不錯連個薯蓉同配菜都好正，仲有滿滿一碗白飯同事個鹽味牛小排賣相都好靚仔呀！牛小排比較厚身，鹽味仲食到牛味好重飲品我地揀左檸檬梳打同柑桔梳打，不會太甜，冰涼爽快最後加58蚊追加左碟牛舌，又清鮮又好口感，燒好夾d蔥食簡直係人間極品，必試睇我燒得幾靚靚係唔係流口水呢？快d去試下啦食飽飽去開工真係特別醒神

預料到嚟緊幾日都冇啖好食，趁未開始打風狠狠咁食餐勁嘅！牛繁menu選擇都幾多，而且價錢唔算貴，唔使就住就住點！兩個人一個爐：先來一點拼盤！$238 份量都唔少！三款肉味道都唔錯，我哋最鍾意呢款特上牛胸腹肉，脂肪唔多，肉味好濃郁，肉質軟熟牛舌係我哋次次食燒肉都一定會點嘅！厚切牛舌好難燒得好味，於是我哋今次就叫咗薄切。蔥燒鹽香牛舌調味幾濃，捲埋香蔥一齊燒好好食！不過略為薄左少少，口感唔夠好～呢碟係全晚最貴嘅全晚最貴嘅和牛肩翼板肉，$158得4件，但真心好食！真係好有油香，好juicy! 係必食推介呀食燒肉一定唔可以無碗飯！呢個叫做霧島溫泉蛋飯，超多紫菜同埋飯素，撈埋蛋汁已經幾好味！最後仲叫咗碟黑毛豬肉同牛肉相比，碟豬肉就冇咁突出啦，不過燒起都幾好食的！有啲燒豬頸肉的口感。食到飽飽，去叫杯柚子梳打消消滯。好満足

每隔一段時間就會想食燒肉，今次就搵到尖沙咀既牛繁黎試下。不嬲有聽過牛繁係日本係性價比高既燒肉，係日本可以散叫或者放題，不過香港就淨係得散叫。醬汁係由日本空運到港，而牛肉亦都有和牛同美國澳洲牛。首先叫左厚切牛舌，醬汁我地揀左鹽醬版本，牛舌千其唔好燒太耐，食落肉好軟熟，雖然佢好厚，但係都唔會好難咬。之後係壺漬牛肋條，牛肋條大大條，已經切左d方格紋應該係等大家好燒d。牛肋條好快熟，味道好濃郁，個醬汁配合牛肉好夾，抵食。之後係和牛既時間，日本燒肉點都要試下和牛，極上和牛板腱配月見汁，和牛見到d雪花紋既脂肪已經知係好野，而月見汁就係生蛋黃加上秘製醬油而做成。燒完肉之後蘸上月見汁個味道加倍提升，牛肉入口即溶，油份十足。最後係牛繁三點盛合，有上級牛五花，特上胸腹肉同埋中落牛肋肉。當中我比較中意上級牛五花，脂肪最多，咬落最香。不得不提既係個霧島溫泉蛋飯，大大碗抵食，上面有d調味好香，食唔停口。

今日同朋友一齊嚟尖沙咀慶祝。朋友介紹依間由東京人入嚟嘅牛肉燒烤，好有期待。好彩有定位，如果唔係可能要等一陣。價錢唔算太貴，又有專人幫你燒，侍應都好熱情介紹每一款牛肉嘅部位俾我哋嘗試，亦有唔同嘅日本飲品例如梳打汽水，啤酒等等。我最鍾意就係食牛舌，佢連買啲生洋蔥同檸檬汁一齊，好開胃。然後有其他牛肉同埋雞肉都好好入味，最好就係有專人幫你燒埋我買教你點樣燒先係最好食。所以下次多啲人嚟會試埋其他食物因為見佢啲海鮮都好似好新鮮。

今日心血來潮想食烤肉，之後食過幾間烤肉放題，質素平平，所以今日就同朋友黎試下牛繁，果然冇令我失望。除咗牛肉，估唔到呢度都仲有海鮮可以揀。極上和牛配月見汁，即新鮮蛋黃同燒肉汁製，食落味道更甜，同牛肉更加夾。和牛牛味更濃，口感好，完全唔會鞋，值得一試。豚肉及雞肉三點盛合一次過試齊三款肉都係$138，都算係幾抵食。個重點係柚子胡椒汁，啲肉有柚子既清香，又有胡椒既微辣，大大提升味道，令到份肉更香口。我點左醬汁配霜降牛五花，我覺得呢個醬汁真係非常出色！令到牛肉既味道更加豐富！而且牛肉軟稔，味道香濃，厚薄亦切得岩岩好。牛骨湯幾有驚喜，入面啲蛋花夠滑，清甜好味，食肉既時侯飲返碗，解膩一流呀。整體味道不錯，多啲人食會抵啲。