牛站(駅)麻辣火鍋放題

營業中

休息中

好耐冇食過牛站啦，喺我眼中牛站係最抵食嘅一間火鍋放題。因為平日最平$168就食到，而且仲有無限任食嘅Häagen-Dazs雪糕，晚市亦都會有小龍蝦，清酒，珍珠奶茶等等。如果想肉質再靚啲，想食得更豐富，仲可以向上升級唔同嘅肉。我今次叫咗佢最好食嘅特上牛小扒先至$308，而且仲有得食乳鴿象拔蚌等等。雖然佢係一間火鍋店，但係佢嘅乳鴿幾好好食。當然牛肉嘅肉質都唔錯。湯底亦都非常之唔錯，我今次叫咗一個鴛鴦湯，椰子雞湯拼龍蝦湯，佢嘅龍蝦湯係有大大隻龍蝦頭，超級有誠意！底味道唔錯，用嚟打邊爐就啱啱好。

旺角其中一間必食的火鍋店 放假黎同朋友食火鍋🍲，難得牛駅打8號風球都照開🥹午市仲有4小時任食火鍋，出面打風冇街行，就要坐耐D食餐好嘅👍🏻叫左湯底之後，就出去自助區食熟食，夾火鍋料😍 自助區好大，選擇好豐富。有D丸類仲好特別，比較少見。 貓爪型蝦丸同哈哈笑咸蛋流心丸，得意又好味👍🏻飲品選擇都超多，仲有啤酒🍻 冷泡茶都係任飲 點左好多款唔同部位嘅牛肉片🤤全部都好正，薄薄地一片碌7-8秒就食得 ，真係食唔停口🤤而且上菜速度好快，服務態度又好，店員清理空碟都好快👍🏻枱面keep 住乾淨👍🏻值得一讚 又點少得甜品同雪糕， 好彩有4個鐘慢慢食，可以全部試晒🤤呢間絕對值得黎食👍🏻食物豐富，質素高👍🏻必定會再黎🤤

二訪牛站火鍋🍲 上次黎食過晚餐，今次再同埋朋友黎食午市火鍋👍🏻水準keep 到，而且午市仲係4小時任食😍同fd黎邊食邊吹水一流，夠曬時間食飽飽湯底揀左豬骨湯底🤤大大舊豬骨+奶白色湯底，好濃郁👍🏻牛肉片塊塊都好靚❤️推介美國特級肩胛肉眼👍🏻好滑嫩，牛味重👍🏻好味 豬腩片都超正，夠肥美，滑口🤤仲有蝦滑同墨魚滑😍必食！墨魚滑爽口彈牙，蝦滑大大粒蝦仁🍤鮮味十足「牛站」最正係出面個特大自助區，超多火鍋料，飲品牆，甜品雪糕同熟食🤤4個鐘任食，真係性價比好高👍🏻

呢兩日打風，天氣轉涼打邊爐就最合適不過了😆 餐廳位於旺角創興廣場，佔地全層，主打台式麻辣火鍋放題，座位超級寬闊，好舒服，就算人流多都唔會覺得逼，絕對係加分位，平日晚上好full，想食嘅記得要預先book位，唔係嘅話排到天光都未入得😢晚市時段120分鐘任飲任食，湯底選擇眾多，龍蝦頭都係第一次見，膏味好鮮，都幾特別🦞 而四個餐分別有唔同肉類供應，個人私心推介SRF極黑和牛片，無筋且軟嫩多汁、牛板腱肉味香濃，口感紮實、羊肉片唔騷，鮮甜美味😋encore得最多嘅係乳鴿同小龍蝦，絕對係回本option之選！乳鴿熱辣辣上枱，外皮好香口，咬落juicy，啖啖肉，又夠嫩，感覺好幸福☺️ 小龍蝦色香味俱全，啱晒重口味人士，仲提供手套慢慢剝殼，唔怕整到污糟晒👍🏻 炸物類同樣有驚喜，榴槤炸彈食完一粒又一粒，外面炸到脆卜卜，內裡爆餡，榴槤味香濃，榴槤控表示滿足！芝麻雞翼同鹽酥雞外脆內嫩、紅糖糍粑軟糯可口、炸油條、魚皮、響鈴、午餐肉有個熱櫃㷫住，好香好脆，而且會不斷refill！海鮮類有海蝦、帆立貝、魷魚等，而丸類、蔬菜、小食、甜點同飲品就放晒喺自助區～ 好多食材都係台灣直送，不過太飽試唔晒咁多，幾欣賞佢嘅甜品櫃

呢幾日天氣開始涼涼地啦，係時候又可以狂打邊爐🍲話說呢度我一直都好想黎食下今日終於食到啦😍牛我就揀左2號餐，SRF美國極黑和牛片呢個餐既牛都已經好足夠啦！湯底有成10款揀嫁，我就揀左清甜椰子雞鍋🥥我就好鍾意黎先飲一碗湯🍲真係好清甜，椰子🥥味都重，好香嫁🤗除左食牛之外，出面仲有好多配料可以拎，當中包括各式各樣嘅蔬菜🥬，丸類，甜品，清酒🍶，飲品等等。。。仲有唔同種類嘅熟食嫁，除咗呢啲之外，用QR code落單都仲有好多唔同嘅嘢食㗎，例如：海鮮類🦀

超豐富火鍋放題🤭 餐廳主打台式火鍋放題 於尖沙咀、觀塘都有分店 旺角呢間環境超大超寬～ 裝修亦好光猛好新淨 晚市平日都要等位爆哂場🫣 放題一共三個套餐 $248起 豐儉由人～自助區乾淨企理 任攞醬料、飲品、甜品、前菜、火鍋配料、酒精飲品====SRF美國極黑和牛片 套餐 $288中價位嘅放題套餐 除咗牛肉升級外更多咗幾款配料᪥ SRF美國極黑和牛᪥ 安格斯牛肉᪥ 封門柳᪥ 炸物小食᪥ 多款海鮮食物選擇好多種類 而質素都好高😳 連黑糖糍粑、芝麻雞翼、榴連波波都有～ 難怪咁多人等位！建議book咗位先就可以一去到即刻有得入座～

.【 ✨ 超級吃到飽火鍋：無限美食體驗！ ✨ 】 ▬▬▬▬▬▬▬▬▬ 【 General Info 】 ▬▬▬▬▬▬▬▬▬▎菜式分類：#mayfoodie_火鍋 ▎地區分類：#mayfoodie_mongkok▎人均消費：Ard HKD 300▎餐廳名稱及位置：📍 牛站(駅)麻辣火鍋放題 (旺角)📍旺角彌敦道593-601號創興廣場2樓▬▬▬▬▬▬▬▬▬ 【 整體評價 】 ▬▬▬▬▬▬▬▬▬ 同大家分享一間超級吃到飽火鍋餐廳喇！佢喺旺角，絕對可以滿足你對美食嘅無窮追求。佢嗰度提供各式各樣嘅菜式，絕對可以讓你嘅味蕾達到極致享受！一齊嚟細看下啦！首先，我地嚟試吓佢哋嘅招牌菜式之一：鴛鴦鍋。呢個火鍋組合咗牛駅秘製嘅麻辣鍋同埋藥膳牛骨鍋，真係一啖接一啖，停唔到口！麻辣鍋有辣椒嘅香辣味道，再加上藥膳牛骨鍋嘅濃郁湯底，真係令人欲罷不能！然後，我地有幸試到SRF美國極黑和牛片。呢款和牛肉質鮮嫩，入口即化，有濃郁嘅牛肉香氣。每一片肉都精心挑選同切割，確保質素同口感優良！除咗極黑和牛片，我地仲試到美國安格斯牛板腱。呢道菜以牛板腱為主角，肉質鮮嫩多汁，一食就滑爽！加埋啲醬汁，更能增添牛肉嘅風味，肉食愛好者

牛站(駅)．任食Häagen-Dazs與高質和牛美味的火鍋放題，有哪個人不愛？天氣微涼，又是更進一邊的時間！大愛牛站(駅)的乾淨企理這裡非常抵食人均不用300，可以任食和牛、haagenDazs雪糕！好酒之徒更可任飲清酒(冷熱都有！)小朋友大把果汁汽水女生大愛的花茶、涼茶應有蜢有！更爽的是冷盤涼菜、熱食已可即時自取仲有軟雪糕、軟糖、大量任食Häagen-Dazs非常吸引！這次點了清甜椰子雞鍋 + 香辣沙嗲鍋各有特色！先飲為敬是椰子雞湯，非常清甜可口我們先吃菜菜子，再以芋絲放入沙嗲鍋吸足香味蝦滑、墨魚滑、象拔蚌料子都很鮮！特別是親愛的牛肉們美國極黑和牛SRF美國肩胛肉美國牛利心色鮮味濃香口，令人吃得很開心我們用香辣沙嗲湯底煮個牛肉麵簡直好食到震！ 牛味香濃，湯底既有牛香又有沙嗲辣令出前一丁吸收所有精華一吸入口，就一個字：正！不需加入其他調味已成為高質素的沙嗲肥牛撈麵簡直是另類食法！之後加入大量菜菜子即時菜肉平衡，心情舒暢！糖水與無限量的Häagen-Dazs與豆花真正實現了Häagen-Dazs自由沒有辦法不連食3杯啊！此家好店必須回訪！牛站(駅)麻辣火鍋放題旺角彌敦道593-601號創

放工想食得豐富啲，來到這間任食火鍋店。 之前都去過牛駅的尖沙咀分店，覺得十分不錯，所以今日就想試試另一家旺角店。旺角店地方空間比尖沙咀的大很多，座位寛闊，坐下來也舒適一點。因為喜歡食肉，所以選擇了最貴套餐，有特上牛小排和澳洲M5和牛可以點，味道是不俗，就是最初來的時候可能解凍了一段時間，血水浸濕了介紹牛品種的卡紙。湯底有很多款，加了48蚊選了鴛鴦鍋（點了沙嗲+龍蝦頭湯）。水海鮮選擇豐富，蠔，鮑魚，蝦，帆立貝等等都係至愛，仲有墨魚滑同蝦滑，不過今晚喜歡的花膠就沒有了。雲吞，魚皮餃，響鈴，不同丸類應有盡有，就是食不了這麼多，熟食有乳鴿和小龍蝦...而甜品選擇都多嘅！同單點火鍋專門店味道上當然始終會有距離，但食任食就係食佢嗰款式選擇，餐廳食物款式很多，遇上啱食的絕對會讓你苦惱好唔好淥多舊，因為食多一舊，quota就小一舊......

心血來潮就約埋同事去旺角食返個台式火鍋，喜歡這裏環境寬敞坐得舒服，食物有很多選擇又有乳鴿，清酒啤酒任飲任食👍場外亦擺放很多火鍋配料及小食，有丸類、菜類、粉麵、台式小食、麻辣小龍蝦、甜品、飲品仲有珍珠奶茶等…..入座後我們點了椰子雞鍋做湯底，湯底味道濃郁香噴噴飲落好清甜。SRF美國極黑和牛片/美國牛肩胛片牛肉色澤紅潤新鮮，肉質帶有少少油脂，淥大約一至兩分鐘就食得，入口鮮嫩多汁。海鮮我們點了沙白、象拔蚌片、帆立貝、海蝦、田雞髀和沙鯭魚等，沙白粒粒都好肥美，象拔蚌片好爽口，田雞髀啖啖肉配辣椒豉油食味道一流，其餘海鮮都好新鮮。乳鴿王乳鴿任點任食，外皮炸至金黃色，香脆可口。炸響鈴/炸魚皮/油條這三款食火鍋必點的，放落湯底吸入湯汁超正。最後飲埋杯珍珠奶茶，食埋個台式甜品呢一餐好滿足👍

之前去過尖沙咀同觀塘分店，今次去咗旺角創興分店，呢度有一個火箭打卡位，仲有唔同嘅標語牌可以拎嚟影相📸️，一次過滿足打邊爐同打卡嘅願望🥰.今次試咗龍蝦頭湯底，有成個龍蝦頭同雜菌，味道好濃郁，煮蔬菜更加有好香嘅龍蝦汁味🦞！絕對值得一試！.最鍾意「美國SRF極黑和牛」，大大塊又唔韌，口感好之餘，牛味好濃郁🫶🏻🫶🏻🫶🏻乳鴿、芝麻雞翼等嘅熟食都做得幾好❤️.最令人期待嘅係甜品環節，有必食嘅Häagen-Dazs雪糕，今晚係曲奇忌廉同士多啤梨味✨今次仲試咗蜜桃汁汽酒，桃汁味道香甜，酒精味唔濃好啱女仔飲🥰.📍 牛站(駅)麻辣火鍋放題 (旺角)旺角彌敦道593-601號創興廣場2樓

呢間任食火鍋係觀塘、旺角、尖沙咀都有分店，旺角店地方超大，佔地創興2樓全層，一邊係自助區，另一邊係座位區。食材選擇超多超豐富，去之前真係要預備定個空肚。🤣 小食除左有自助區嘅前菜，仲有鹽酥雞、小龍蝦同埋乳鴿可以食！乳鴿好有驚喜，皮脆有肉汁，肉質唔乾，一份細細舊，一定要試下。 肉類方面最推薦美國安格斯牛板腱，淥3秒左右就食得，肉質好軟嫩。 海鮮全部都好新鮮，無論係邊款都唔會伏，可以放心嗌👍。有鮑魚、象拔蚌、青口、帆立貝、蝦、沙鯭魚，我都encore左兩輪。 火鍋料有試左兩款少見嘅，蝦仁棒棒同海鴨蛋福袋，都幾特別。 飲品甜品都有好多選擇，啤酒清酒梅酒都任飲超抵，甜品仲有Häagen-Dazs雪糕！任食時間有2個鐘，夠晒時間食到飽飽先走。

今次點咗鴛鴦湯底，沙爹鍋拼椰子雞鍋，鴛鴦鍋 好正。🥥會有新鮮嘅椰子片，湯底都好香。而沙爹鍋好濃郁，用嚟煮肉，🐮基本醬汁都唔使點，已經夠味。.佢哋嘅手打蝦滑都唔錯，🍤可以食到蝦仁嘅口感，啖啖肉。.滷牛筋可以系湯底滾幾滾，放到最後再食，🍖淋身之餘有啲彈牙，充滿骨膠原嘅質感。.自助區域有多款配菜，醬料，🍲同埋熟食任意選擇。☺️佢哋嘅鴨腎都幾好食。#mongkok #hotpot #buffet #火鍋放題

可以食足4個鐘，🥩真係可以慢慢食住傾計，先食肉再食甜品，有凍餅同芋圓，然後食🍦雪糕，更有雪糕控最愛嘅靚牌子haagendazs，滿足嘅和牛放題，🤓黎到旺角必試。環境坐得好舒服，我哋坐嘅係卡位，所以私隱度高。而且上菜速度都幾快，🥰不得不讚佢嘅和牛好高質。美國極黑和牛SRF，生嘅時候油脂均勻分佈。😍碌熟之後完全唔覺得肥膩，入口香嫩，而且都有好濃郁嘅牛肉味。另外佢哋嘅象拔蚌都唔錯，🥢淥熟之後幾爽口。

今日同朋友去咗旺角創興廣場「牛駅麻辣火鍋放題」食晚飯！環境都幾舒服👍裝修以淺木為主調，地方寬敞，感覺非常乾淨整齊。加上食物的擺放好有條理，種類亦非常多😊食材豐富多樣，啤酒🍻清酒又可以任飲，仲有水蓮等多種台灣直送食材㖭！放題有3個不同套餐，當然價錢亦有不同，我哋選擇咗一個$288套餐，有SRF美國極黑和牛片、帆立貝、手打墨魚滑、象拔蚌片、🦐蝦、蜆、剝皮魚…. 等等，每様食材都不錯，沒有雪味👍！湯底款式選擇多，我哋就擇咗🥥清甜椰子雞鍋，湯料有紅棗、海底椰、杞子等等··夠哂清香鮮甜！SRF美國極黑和牛片，脂肪組織細緻，肉質口感非常柔嫩，輕輕灼吓，入口帶有濃厚的肉汁味！蝦都夠新鮮😋灼熟即食，口感彈牙且爽脆！榴槤炸彈、紅糖糍粑、芝麻雞翼熱辣辣，特別惹味😋！火鍋放題都有乳鴿食，確實少有，乳鴿味道鹹香，油炸得表皮香脆，肉質幼嫩😋！整體而言，在環境及食物方面，呢個價錢的確性價比高，店員服務態度亦不錯，食完超滿足😌！