牛站(駅)麻辣火鍋放題

營業中

休息中

120分鐘吃到飽麻辣火鍋食物種類包羅萬有利是丸類·素菜·飲品·甜品·糖果·炸物乳鴿任食野飲有自家製泡茶•汽水果汁仲有清酒梅酒啤酒🍻 都係任飲各式港式西式甜品好開心有Häagen-Dazs雪糕🤩🍦餐廳位於旺角中心地帶自助區同其他分店一樣食物好齊炸物有響鈴卷·炸魚皮·炸午餐肉🤩午餐肉打邊爐真係超好味🤩最鐘意係自助區的任拎麻辣小龍蝦🦞小龍蝦🦞食得好滋味一食就停唔到 食得好盡興其他食物以QR Code落單估唔到有海鮮🦞仲要連鮑魚都有😳😳另外值得一提係餐廳圍裙提供著白色衫都唔怕👍🏻今次叫$298SRF美國極黑和牛套餐牛肉豬肉都好唔錯落左單好快就上菜亦冇漏單湯底選擇了鴛鴦湯底(+$48)香辣沙嗲鍋同清甜椰子雞鍋沙嗲湯幾有驚喜😯夠香沙嗲花生香夠濃郁🤤🤤🤤清甜椰子雞鍋都好高質啲蔬菜吸哂啲湯精草多左陣椰子香🥥🤭正

聽過呢間火鍋店性價比好高😍😍今日終於有機會試到🥹晚市點了SRF肩胛肉眼成人套餐（$288）我地簡左招牌的牛駅秘製麻辣鍋，可以簡辣度，我地簡左bb辣都好滿意個色香味🤤 獨特且痛快淋漓的辣味與香料的複雜口感交織在一起，讓人一試難忘。鍋底的湯底經過長時間熬煮，濃稠的湯汁帶有微微的甜味，與辛辣的麻辣味道好夾！鮮嫩的SRF美國極黑和牛片，到多汁的美國安格斯牛板腱，再到充滿口感的美國牛肩胛片，每一種肉質都有獨特既風味，同埋品嚐到豐盈而濃郁的肉汁😝估唔到有任食乳鴿王😍😍滋味豐富且細膩，口感柔嫩而不失彈性海鮮選擇都好多帆立貝則帶有海洋的鮮美，清甜而口感緊實。組西蘭青口的肉質細膩，帶有特別的鹹鮮味，與鮮甜的沙白形成了一種奇妙的口感對比。而鮑魚肉質豐厚、鮮甜彈牙🤪自選配料都好多選擇，唔同肉類、蔬菜，連少見既羽衣甘藍、水蓮、冰菜都有🤩🤩飲品除左一般既茶，仲有珍珠奶茶同熱清酒甜品仲有Häagen-Dazs😍

🐔田雞脾任食打邊爐好少會有田雞髀，見到呢到有即刻叫，隻隻脾都好肥👍🏻🐃SRF美國極黑和牛片油脂好豐富，雖然薄切但牛味勁濃🐂手切封門柳比較有口感，望落去冇乜脂肪但食落口牛味非常香，會比較煙靭🐮美國安格斯牛板腱牛肉質素好唔錯幾高質🤩肥瘦均勻🐖西班牙豬五花片豬亦一樣高質，五花腩嘅油花超靚，薄得嚟又大塊，肉質夠嫩🐙手打墨魚滑火鍋必點嘅墨魚滑，好爽滑彈牙，同沙嗲湯勁夾🐦燒乳鴿皇好難得火鍋放題仲會有埋任食乳鴿🤩估唔到質素仲要唔錯，好有驚喜，仲要即叫即熱辣辣上台，皮脆肉香🤤🥠爆漿紅糖糍芭推界要試，一咬開中間係即流心啲紅糖漿湧晒出嚟😆 外皮仲要夠熱同炸得香口，食一條真係唔會夠喉🍡出邊自助區除咗有醬料之外，仲有好多唔同嘅丸類，菜類，麵食，熟食，甜品，最後記得一定要食Häagen-Dazs🍧🍹嘢飲方面都有好多選擇，除咗一半嘅汽水，台灣嘅飲品之外，仲有一自家冷泡茶同波霸珍珠奶茶🧋鍾意飲酒嘅朋友仲有各款酒類揀，有啤酒飲白油仲有燒酌任飲🍶

又到每月一次姐妹飯聚🥰火鍋是不二之選🤭因為唔需要考慮各人喜好，只需暢談😜早前已同Hubby食過呢間餐廳，所以今次極力推薦作為姐妹飯聚😆旺角店環境新淨之餘，因完全層都是餐廳，所以無論熟食、甜品同飲品都較多。另外最特別之處無自助區有小龍蝦任食，仲有乳鴿😋全部都熱辣辣新鮮出爐乳鴿非常有驚喜😍完全係意料之外，外皮脆薄，肉質超鮮嫩👍🏻❤️火鍋湯底選擇了鴛鴦花膠竹絲雞+麻辣又麻又辣嘅湯底配清甜嘅湯底可以平衡番味蕾👍🏻我地選擇咗❤️美國特級肩胛肉眼套餐加升級海鮮每款牛都各具特色，適合不同口味嘅人士😋款款牛味都極濃，不會「鞋」口❤️升級海鮮款款海鮮都非常新鮮，鮑魚猶其出色👍🏻非常爽口彈牙，又鮮甜😋我地都encore左幾輪🤭

牛站麻辣火鍋放題旺角彌敦道593-601號創興廣場2樓呢間我介紹左好多朋友食 朋友個個都話又抵又好食今次我同左個唔食牛既朋友去食朋友仔係好欣賞個胡椒豬肚酸菜湯👍🏻原來酸菜係可以食完再加 而胡椒味好重下次唔食麻辣鍋 都可以食呢個湯底今次d牛🥩一樣好好食 和牛幾秒就食得啦牛味重又滑 勁吸湯底味 完全唔需要沾醬配料一樣好豐富😚丸 菜🥬餃子🥟前菜🥗水果🍉 小龍蝦🦞乳鴿🐤每一樣都好足 仲要QR code 勁多炸物小食而自助區雪櫃風夠強 完全唔怕係咁熱地方會變壞 同埋補及都好快手 唔怕人太多 會夾唔到飲品🥤清酒梅酒啤酒任飲🍻🍶甜品🧁同雪糕（Häagen-Dazs ）🍦每一個款式都好多每次黎都可以試下新野..haha😆

出到旺角，常去創興食自助餐或唱K，今次見到二樓新開了牛駅。走去二樓，很多人已在等先看看個環境：看看有很多野食，如任食清酒、梅哂和啤酒, 再行入去就有一打開就好香的麻辣小龍蝦，飲品很多，甜品櫃有多款雪條、哈根大師雪糕任食、榴蓮雪糕，大量丸類和新鮮蔬菜。再看看價錢，好抵晚市都做到$288?! SRF牛肉，這個價錢不易找到，所以立即去排隊入場，通知朋友食這間。湯底也有很多選擇，選了冬瓜瑤柱豬骨鍋，上到枱，好足料，有冬瓜、枸杞在手機落單，竟然有乳鴿任食! 還點了RF美國極黑和牛片，美國安格斯牛皮腱和巴西牛脷托，海鮮類的選擇也很豪華：鮑魚、帶子、象拔蚌、花膠等等......手機落單後，出去拿醬料、菇、粟米、菜和炸豆腐。除了有酒、也有暖飲品櫃，咖啡機，好周全。特式冷飲有多款冷泡茶、珍珠奶茶這些手搖飲品，心動由於氣管情況麻麻，所以食唔到哈根大師，好返再食過，甜品類選了熱銀耳露、不太冷的三色芋圓、脆皮泡芙、泡芙、糯米滋、芝士蛋糕、木糠布甸。大滿足的一餐~

同朋友聚會一定揀呢間打邊爐🫕，呢次就黎左旺角呢間新鋪，地方夠晒大，提早book定位一定無問題呀！😋 湯底：秘制麻辣鍋🌶️/美顏花膠竹絲雞鍋黎呢度必點麻辣鍋，今次知道要叫BB辣了！好香麻辣味，淥牛肉一流呀！花膠竹絲雞鍋有成1/4隻竹絲雞，好足料既湯底，啖啖雞湯味好清甜～😋 牛肉都係有好多款，我地都係重點叫和牛、肩胛肉同牛板腱，因為呢３款最深得我心！🥩🥩和牛大大片， 牛味又濃郁！ 🥩🥩肩胛肉肉質係有咬口又彈口，牛味同樣濃郁！而🥩🥩牛板腱既雪花分佈都唔錯，油脂感唔會好膩，好味道！😋 旺角店自助區仲有麻辣小龍蝦🦞供應，都煮得好入味，各位鍾意既大大，記得唔好錯過呀！另外仲有必試既乳鴿🐦～上次係觀塘試過，水準真係一流架，燒到好香口，好好味👍🏼！ 除左放題必有既飲品同甜品，呢度仲有🍶🍻🥃清酒梅酒啤酒任飲，大家知點回本啦～～～🍽 牛站（駅）麻辣火鍋放題 (旺角)📌 旺角彌敦道593-601號創興廣場2樓☎️ 3188 2660 / 3188 2661⏰ 星期一至日 12:00-16:00，17:00-23:00#foodiek#打邊爐#放題#和牛#牛駅麻辣火鍋放題#台灣#火鍋#鴨血#麻辣#和牛#放題#任食

7點半前離座$298加一，新join會員迎新有9折，姐係免加一😆呢間性價比真係好高，$298就可以食到牛小排,m5和牛,牛頸脊! 仲有好多款海鮮可以任食，唔洗成枱人加錢但係得一個人會食海鮮好蝕。湯底選擇多，試過苦瓜同胡椒豬肚，前者唔會覺得苦，後者胡椒味太重，平時當湯飲ok，用黎打邊爐有少少太搶味，但係鍾意呢個湯嘅人一定覺得ok。出面夾嘅配料又有好多選擇，手機落單嗰啲又多，每樣都食啲都真係會食唔落啲牛😂 最後仲要留肚食甜品，雪糕有好多唔同牌子，唔同牌子又有幾隻味，鍾意榴槤嘅一定要嗌榴槤炸彈🥰

旺角呢間牛站地點好優勝，因為喺創興廣場2樓，環境舒適地方真係好大，以前未轉做打邊爐嘅時候已經成日過嚟食，一上電梯已經見到一大班人喺度等緊位，好彩朋友早放工，我哋先可以早啲入到去食，講返嘢食質素，基本鍾意食台灣打邊爐嘅面底，全部都有齊，當然有我最鍾意嘅王子麵，另外食物嘅保鮮質素都好好，唔會放晒喺度，仲會有啲說冷風吹雪住佢，其實熟悉嘅選擇都唔少，如果有小朋友嘅話仲有滷肉飯，白飯，各類唔同嘅水果，同小食，仲有清酒梅酒啤酒任飲，真係岩哂酒鬼朋友，火鍋乳鴿任食，小龍蝦，各式甜品，Häagen-Dazs雪糕任食，任君選擇，講開肉質方面，我哋今次一行四人嚟食，佢大概每一碟牛肉有四塊 ，男性朋友覺得唔夠喉，一次就嗌咗十碟，好想讚賞職員們真係根據我哋落單嘅疊數去上菜，呢個真心想俾Like。

旺角創興出名多打邊爐🍴要做都突圍而出真係唔容易🤔俾我發現到一間乾淨企理✨坐得舒服 食物種類夠晒多而且非常乾淨嘅高質台式打邊爐😆成班friend食嘢呢度真係不二之選😍==============================𝐅𝐨𝐨𝐝 𝐋𝐢𝐬𝐭📌先介紹清甜椰子雞鍋 完全係有藥膳嘅味道😍唔係得個樣 係飲落去有椰子同埋雞味🥥基本上之後打邊爐嘅食物都會有椰子嘅香味😍要講到佢所有食物嗰三日三夜都講唔完😎重點介紹幾款特別嘢💁🏻‍♀️🐣乳鴿王 邊估到打邊爐都有得食乳鴿 仲要係脆皮肉質柔嫩😊邊有得輸👍🏻🐟仲有好特別嘅藤椒魚皮 辣得來好開胃🌶️即刻可以食多幾件食物😍牛都有唔少選擇㗎🐮例如有美國安格斯 黑和牛片等等🤤🦐仲有唔少海鮮嘅選擇 例如有帆立貝 鮮甜沙白 象拔蚌 美顏花膠 手打墨魚滑🦑新鮮到不得了😍鮮味突出👍🏻你以為就咁完❓咁你就錯喇❕佢個甜品同樣出色🥛牛奶燉蛋白🍦泡芙🍮咖啡奶凍🍯最重要係有Häagen-Dazs任食🤤只能說呢度嘅甜品可以媲美甜品舖😋==============================地點方便📍呢間強烈推介俾大家👀

牛站今日同老婆去旺角牛駅食，本身以自己太早到要等一陣先入座，原來佢地晚市5點已經開始，入面已經坐左好多人食緊。重點係環境比我之前去過既其他分店大，自助吧亦比佢地大好多，好寬趟，唔會人迫人。說時遲那時快我地都2話不說揀左個7點半離坐$248美國極黑和牛🐂片餐。我地一個食辣一個唔食辣，所以叫左鴛鴦鍋+多$48（麻辣/美顏花膠竹絲雞🐓鍋）美國極黑和牛🐂：唔算太肥，但勝在牛味濃。美國安格斯牛🐂版腱：食落去牛味比黑和牛濃味，有d咬口。肉類🥩方面仲有手切封門柳/牛肩胛片/西班牙豬五花片海鮮方面有沙白🐚/象拔蚌片/花膠/帆立貝/魚肚/海蝦🦐熟食方面有龍蝦🦞仔/黑糖麻糬/榴連炸彈/炸雞🐔粒/炸魚🐟皮/油條/炸乳鴿蔬菜方面都差不多有20款，太多選擇，最重環有我最愛既翡翠苗/蟲草花。佢地上菜速度非常之快，只係我地出去拎配菜醬料既時間，就已經全部到齊。雪糕/飲品/甜品🍮選擇真係眼花潦亂，太多選擇同款式。總結：舊式放題已經滿足唔到我，係依d新派火鍋既餐廳先會值得我地黎食。

好耐冇約過咁多朋友出嚟打邊爐👯‍♀️話說依家多人食嘅話，book檯都要俾訂 💵（Yummy今次book咗兩檯），不過幾百蚊訂都算合理嘅。出去拎野食嗰度都幾大，特別欣賞佢飲品選擇都幾多，就連清酒🍶梅酒🍹等等都免費自己斟咁。 Yummy少飲酒就揀咗支人參烏龍茶，好似第1間放題見到有，即刻拎返支，有正常人參烏龍嘅回甘😋😋😋食物方面，今次揀咗第二級嘅套餐，有SRF美國極黑和牛片🥩同手切封門柳嗰d，肉方面都ok。呢個套餐有鮑魚同象拔蚌片，呢兩樣嘅質素唔錯，本身所有套餐都有嘅沙白都一樣出色夠鮮甜。湯底就揀咗🐔花膠竹絲雞湯，Yummy冇特別去飲個湯底，但烚菜🥬食嘅時候都食到dd雞湯味都ok👍小食就冇乜點試，朋友拎咗少少🍚滷肉飯，Yummy偷食咗啖其實都唔錯🤣不過呢d太飽一啖夠了呢間店不得不提係佢個甜品🍧款式好多，雪糕勁大方，哈根大師仲係大杯㗎，咁啱拎到Lotus味😋雖然幾甜但好好味。 炸物有得嗌榴槤炸彈同醬爆糍粑，糍粑同炸彈一樣係熱辣辣🔥🔥咬落去流心😍😍😍甜品櫃嘅泡芙同卷蛋朋友拎咗兩轉，睇嚟都ok，但Yummy就拎咗榴槤大福，食落質感係未冇雪到硬嘅雪米糍咁，成粒都好滑，最後拎咗勁多！！

打邊爐已經變左同朋友每月一聚既選擇🤣烚下烚下 同朋友傾計真係會好開心牛站邊爐好高質 牛肉出色 同時食物種類超多真係每樣食一款都已經飽左👍🏻性價比高一行朋友叫左SRF美國極黑和牛片Set牛肉方面當中包左SRF美國極黑和牛片 同安格斯牛板腱😍😋大大片 入口即溶超正油脂同牛既肉味平衡 非常唔錯海鮮包左象拔蚌片&帆立貝&紐西蘭青口&海蝦&魚海蝦🦞新鮮彈牙👍🏻而帆立貝超好食 🤤新鮮 大大粒好出色而象拔蚌片真係唔係間間邊爐都有 非常爽口牛站既海鮮款式比其他打邊爐既多同新穎👍🏻真係好多款最最最後梗係甜品環節🤤勁多款式可以揀 例如有木糠布甸🍮豆腐花仲有大量款式既雪條同😍HaagenDazs雪糕任食 正正正

高質既打邊爐🍲任食真係少之又少🤤牛站係我其中一間超愛既任食打邊爐食物質素好 同時款式超多😍除左牛仲有大量小食 出面自助位仲有超多款式🤤岩曬咩都想食既我SRF美國極黑和牛片Set✐美國極黑和牛片✐美國安格期牛板腱✐美國牛肩胛片✐巴西牛脷托牛肉肉味濃 同埋勁淋😍肉同油質分佈好好湯底✐美顏花膠竹絲雞鍋&✐香辣沙嗲鍋雞湯底有半隻竹絲雞係入面 睇👀得出落重料而沙嗲個味岩岩好🤤好野味放埋牛肉落去個湯度 吸曬d沙嗲汁好好食🤤小食🤤牛站小食都好多款同出眾✐乳鴿 打邊爐竟然有乳鴿食 仲要好出色我即刻食左成隻😂😂好正✐藤椒魚皮 & ✐麻辣鴨舌E二樣都係我既最愛 辣度適中好野味 不停encore而且仲有醬爆糍耙，榴槤炸彈，芝麻雞翼 E類小食最後最後👀愛酒人士要留意牛站仲有任飲白酒 熱清酒🍶同燒酌同朋友碰碰🥂🥂🍻🍻yeah

服務：收錢個女仔態度極差，未黎得切申請會員埋單，明白可能阻佢少少時間（已經即刻申請完），佢黑口黑面催快Ｄ，唔洗咁樣對住Ｄ客下嘛？甘唔開心甘高貴唔好做服務行業啦？唔去做老細？因為佢唔想啊？報會員電話號碼我正常聲量佢聽唔到，聽唔到又唔出聲講，淨係企系到望住我，第一日出黎做？比咩面色人睇？之後又填錯我電話號碼。咪仲浪費時間？認真建議咁高貴翻去讀多D書唔好做服務性行業囉。而家香港經濟咁差仲咁差態度。其他服務人員態度都好好，D阿姐個個態度都好好。食完即刻幫你收。問野態度都好好。食物：一般，肉都唔錯，會上齊比你，海鮮都算新鮮，生蠔係冰凍生蠔亦好新鮮。湯底好多都冇，叫左椰子雞同沙爹都好味。座位：闊落，舒服