影片
更多
2023-11-09
166 瀏覽
生日飯食放題就最開心，朋友鍾意打邊爐，咁就近近地揀左呢度食。一早訂左位，嚟到好快就可以入座。第一時間去自助區睇吓先。呢度嘅自助區都幾勁，先講飲品，個飲品櫃仲大個便利店果d，除左汽水、果汁、茶，仲有波覇珍珠奶茶。除左飲品櫃，仲有熱飲櫃、清酒、梅酒、涼茶。菜櫃見到都有10款蔬菜，而且全部顏色翠綠、新鮮乾淨。丸類有過10款選擇，較特別係有蛋餃。其他嘅火鍋料都仲有好多，黑柏葉、豬血糕、煎午餐肉、魚糕串、蟲草花、長蟹捧、萵笋、紫蘿蔔、不同類嘅粉麵等等。冷盤有生果、泡菜、醃菜。打邊爐必備嘅響鈴、山根、炸魚皮，特別一提，呢度個炸魚皮真係唔錯，薄身、脆卜卜，夠香口。雪糕/雪條、甜品一樣好多選擇，杯裝雪糕有正常size嘅HD都較少見；仲有軟雪糕；甜品櫃有豆腐花、牛乳布甸、木糠布甸、仲有三色芋圓。最估唔到係，就連時令食品糯米飯同蛇羹都有。講真剩係食自助區嘅食品都食唔晒！到自選餐單，當然必定要食牛啦，我地分別點左安格斯牛板踺、封門柳、同和牛片，最好食係封門柳，有牛肉味，而且夠軟腍，重點係細細片，可以留胃食其他。😂實在太多嘢食，不能盡錄，呢度絕對係性價比極高嘅火鍋放題，雖然無驚為天人嘅頂級好食嘢，但就絕對係對
第一時間去自助區睇吓先。呢度嘅自助區都幾勁，先講飲品，個飲品櫃仲大個便利店果d，除左汽水、果汁、茶，仲有波覇珍珠奶茶。除左飲品櫃，仲有熱飲櫃、清酒、梅酒、涼茶。菜櫃見到都有10款蔬菜，而且全部顏色翠綠、新鮮乾淨。丸類有過10款選擇，較特別係有蛋餃。其他嘅火鍋料都仲有好多，黑柏葉、豬血糕、煎午餐肉、魚糕串、蟲草花、長蟹捧、萵笋、紫蘿蔔、
不同類嘅粉麵等等。冷盤有生果、泡菜、醃菜。
打邊爐必備嘅響鈴、山根、炸魚皮，特別一提，呢度個炸魚皮真係唔錯，薄身、脆卜卜，夠香口。
雪糕/雪條、甜品一樣好多選擇，杯裝雪糕有正常size嘅HD都較少見；仲有軟雪糕；甜品櫃有豆腐花、牛乳布甸、木糠布甸、仲有三色芋圓。
最估唔到係，就連時令食品糯米飯同蛇羹都有。
講真剩係食自助區嘅食品都食唔晒！
到自選餐單，當然必定要食牛啦，我地分別點左安格斯牛板踺、封門柳、同和牛片，最好食係封門柳，有牛肉味，而且夠軟腍，重點係細細片，可以留胃食其他。😂
實在太多嘢食，不能盡錄，呢度絕對係性價比極高嘅火鍋放題，雖然無驚為天人嘅頂級好食嘢，但就絕對係對得起呢個價，起碼我食過嘅，就無嘢唔好食，加上食材新鮮、選擇又多，值得再嚟！
張貼
