牛站(駅)麻辣火鍋放題

營業中

休息中

放假同妹妹去食午市火鍋放題，鋪頭裝修新淨，坐得舒適加了錢叫鴛鴦鍋，椰子雞湯清甜，令食材保持原有鮮味，而麻辣湯底夠刺激，香辣惹味食材豐富，有各款蔬菜同丸類，最特別有咸蛋流心丸，有笑臉很可愛，食落似奶黃飲品選擇多，有冷泡茶、果汁等，喜愛白桃烏龍茶，茶味濃郁，桃味香濃，解渴一流最驚喜是美國特級肩胛肉眼，肉質鮮嫩，有牛味，食極唔厭，唔肥膩又高質素美國肩胛肉都好味，油份重少少甜品雪糕批味道唔錯，特別愛拖肥味店員服務快捷良好，性價比超值，可再試晚市

新開業嘅火鍋放題]， 裝修新簇簇帶木系風格， keep得好乾淨， 食得特別放心。下午時段特別抵， 唔使二百蚊已經有精選特級牛肉放題套餐。肉類點選以二維碼落單，方便清晰， 成個過程都冇漏單～👍✨特別喜歡週邊嘅食物，飲品，款式有勁多選擇。雪糕櫃裏有雪糕批，雪條。 甜品櫃有綠茶撻，3.6牛乳布甸，木糠布甸， 慕絲，泡芙等等。難得還有健康嘅乳酪杯， 豆腐花， 旁邊還有自助軟雪糕機， 注重甜品環節嘅朋友一定要留肚及預留時間好好品嚐！另一邊有炸物，小食。 吉列蠔， 估唔到裏面蠔肉大隻鮮味。 另一款生煎包外皮好硬， 可以skip還有滷肉飯，中式糖水， 可惜最後竟忘記了～自助冷盤有西瓜， 蘿蔔泡菜， 涼拌豬耳， 豬脷和支豆。各款自家製涼茶， 不會太甜。醬料齊備， 乾淨整齊。👍商量過後決定點了中間價$168嘅套餐， 新開業可以自選鴛鴦湯底也不另收費～非常吸引。😍😍牛駅秘製麻辣鍋併椰子雞先喝一口椰子湯底～超清甜！椰子味也十分突出～ 湯底令食物更鲜味， 甚至不需要醬油。 雞件好滑，渗滿椰香！還設有清酒，梅酒🍶可以小酌一番。另一邊「秘製麻辣鍋」揀了小辣， 濃郁鮮香， 刺激辛辣， 與椰子鍋形成強烈對比好過癮～套

好少寫食評，但真係性比價高！小食麻辣豬俐特別好食，另外仲有酒醉雞腎，泡菜蘿蔔，仲有唔記得咩麻辣小食。另一邊有飯，肉燥，吉列蠔，仲有類似薯條？有糖水，有甜品，雪糕！正呀

放假出尖沙咀行街經過加連威老道見到一間新開嘅牛駅麻辣火鍋放題，凍凍地都想打個邊爐，於是就試吓餐廳有幾個唔同嘅放題餐，視乎揀嘅牛肉質素，我哋揀咗個中價位，食澳洲和牛由於餐廳新開，環境光猛開陽，坐得又舒服用手機落單揀嘅食物，可以無限量添加。而出邊自助區有好多唔同嘅蔬菜甜品醬汁。而飲料方面就最誇張，居然有日本Asahi啤酒，唔覺意就飲咗三四罐食物上枱速度超快，就算第二輪追加，都係幾分鐘就上枱，效率一流。肉嘅質素都唔錯，最鍾意係美國特級肩胛肉同羊肉，味道對辨，淥一淥就食得。其他蔬菜都好新鮮，餃子都唔錯但最最最大嘅驚喜居然係台式滷肉飯，心諗响一間火鍋放題餐廳居然有滷肉飯🤔到底係想食飽啲食客定係真係質素超高所以有信心攞出嚟，答案好明顯係後者，因為我食咗兩大碗，超超超滿足結論係餐廳質素唔錯，上菜速度又快。尤其是飲料，毫無吝嗇，每人都唔洗$300飲飽食醉，好超值👍

今天和朋友去尖沙咀逛街，路過這間新開的火鍋店，看見午市有任食套餐便入內一試。 由於是新開張，環境很新淨，亦很舒適，店員服務亦很周到有禮 。 我們選瞭一個168元的套餐，款式不是太多，但水準很高，特別是牛。另外飲品款式 齊備，除瞭提供啤酒外，還有清酒、梅酒，亦有自傢製的飲品，可謂一應俱全。吃飽瞭火鍋，還有不同的甜品供選擇，而且質素不錯呢！ 除瞭用手機下單的火鍋材料外，外麵亦有不同的丸類、菜類、菇類等自行添置，還有熟食區，所以以午餐來說，這個價錢是一個不錯的選擇。

90分鐘牛駅午餐火鍋（單點$198），有較多特色火鍋配料選擇，鴨血口感滑溜，但因為無氣孔，食落欠Juicy，不過配麻辣湯底幾好味。牛駅秘製麻辣鍋（單點$20），麻辣湯底，好足料，內有大量辣椒、花椒，飲落麻辣十足，花椒頗多，我成日食到，所以條脷好麻痺。澳洲和牛（跟餐$0），食落牛味濃厚。美國特級肩胛肉眼（跟餐$0），肉質嫩滑，油脂分佈平均。美國肩胛肉（跟餐$0），肉味濃香。韭菜餃（跟餐$0），皮薄，餡量適中，肉汁好多，多到朗吓朗吓。芝士牛丸（跟餐$0），牛丸超爆芝士，口感彈牙，牛味突出。麻辣小龍蝦（跟餐$0），一搣咗個蝦頭，就有d肉突左出尼，一扯就會扯到曬d肉，超方便，好夠麻辣味，d肉都爽口。麻辣豬脷、醉雞卷（跟餐$0），食落好入味。奶凍、杏仁味馬卡龍（跟餐$0），值得一試。

今日同朋友行街，下午搵地方醫肚，路過見到有間新開的火鍋「牛駅麻辣火鍋放題」就上來試試。入到去覺得地方很清潔乾淨，環境很寬敞，所有食物、飲品、甜品分類很清楚整齊。滋補豬筒骨湯：用筒骨燉湯香味濃郁，而且清甜可口，加上湯料豐富，絕對是不錯的選擇。鹹蛋流心丸： 每次我外出吃火鍋，我都甚少吃丸，因為會好快飽肚！但今次先被這款丸外按深深吸引到，丸上邊印着微笑公仔，而這粒丸是鹹蛋流心丸，坊間很少放題有這個選擇。而這丸味道一流，夾著既邪惡又好吃的流心蛋黃，鹹鹹甜甜，絕對值得一試。最後有各式各樣嘅甜品以供享用，真係吃得飽又超級滿足。

聖誕新年長假期出尖沙咀周圍逛，搵地方食lunch，於加連威老道有新食店，午餐火鍋放題是個好吸引的選擇。店內環境好整潔，光線好充足，主要是卡位。飲品櫃有大量不同款式飲品，應有盡有，特別的有冷泡茶- 洛神花茶、玫瑰花茶及白桃烏龍茶，仲有幾款錫紙包裝果汁飲品，另外見到有清酒、梅酒。美國特級肩胛肉眼片餐(90分鐘任食)鴛鴦鍋~牛駅秘製麻辣鍋+清甜椰子雞鍋，美國特級肩胛肉眼片~肉質鮮嫩，美國牛肩胛片~十分肥美，美國豬梅肉片~肉味一流。花雕醉雞翼醃得入味有酒香、鴨血大大件、水餃及韭菜餃餡料豐富，鮮蝦彈牙。炸午餐肉及炸芋頭一定要試，響鈴脆卜卜，秘製豬大腸好入味，炆得夠淋。蔬菜選擇都好多，特別有羽衣甘藍、唐蒿、萵筍等。另一個凍櫃有各種丸類、凍豆腐、牛柏葉、水魷魚等等，鹹蛋流心丸及紫薯最吸引我。即食麵、刀削麵及菠菜麵，試咗個刀削麵好爽呀。已經食到好飽，都要試下啲甜品，軟雪糕機，雪條、雪糕批、蛋糕、甜點……甜品櫃有好多選擇，有奶凍、慕絲、豆腐花等等，我試咗木糠布甸、布朗尼及綠茶批，美味。肉類餃子手機落單好方便。店員友善招待，落單後好快上菜，火速收碟，讚！

好耐未打過邊爐，趁有啲凍試下呢間新開既火鍋店🍲入到去兩個人坐張卡位，而且座位闊落到兩個人可以坐埋一邊梳化都仲有位剩，無論一家大小定拍拖食飯都唔失禮🤩作為甜品控一黎試曬成個甜品櫃，甜品款式非常多，但每樣細細件，即使有選擇困難症食曬全部都唔怕太飽🤤而且隔離仲有雪糕機diy 二百幾蚊食到呢到已經值回票價😆甜品呢樣野係好多火鍋店都做唔到🥲同埋酒水唔洗加錢任飲！唔止得啤酒，仲有梅酒、清酒等等，食開火鍋都知冇幾多間包埋酒精飲品，仲要咁多款揀，單係呢點已經想回頭食😜講番主食，依家做緊優惠只要係社交平台 like番佢地個page可以即時免費轉鴛鴦鍋！今次揀左個中等價位既套餐已經有齊海鮮同肉類放題，肉類上碟時非常新鮮，而且上碟速度好快，叫完唔洗一分鐘就到。牛肉食落唔會太多油脂，肉同脂肪比例啱啱好，唔好祿完成鍋油。雖然手機落單可以叫既野食唔算好多，但自助區款式繁多，總有一款啱食😝最後一定要讚下員工服務態度，一夾完啲肉即刻過黎收碟，唔會堆到成枱野，全程食得好舒服，而且店員主動問需唔需要加湯，仲主動比多個碗我地盛走鍋裏既油，比起其他食過既火鍋店，呢點值得稱讚，唔洗個客下下主動要求👏🏻👏🏻👏🏻

這個聖誕終於有點寒冷，有點冬天感覺。趁住放假，今日和老公吃個熱辣辣的火鍋。火鍋店最近才新開張，十分光猛，坐得舒服。店員亦很熱心和勤力。午市套餐要了$168的美國特級肩胛肉眼片餐，假期關係加$20。除了電子下單肉類和部份選擇，還可以去自取不同的蔬菜、丸類、麵類、小食、飲品和甜品等。湯底有辣有不辣，由於聖誕外出吃飯比較多，所以選擇了兩個不辣的湯底，材料都相當十足。最喜歡的是牛肉，肥瘦適中，肉質香滑。響鈴亦是我喜歡吃的，浸一浸，入味又嫩滑。

其實自己不嬲好鍾意打邊爐，今日嚟到呢度新開嘅牛駅果然有驚喜！首先一入去已經比佢多元化嘅食物同埋設施所吸引，例如佢有台式肉燥，又有炸蠔同埋生煎包好新穎，仲有糖水添！另外仲有好多甜品同埋各式各樣嘅雪糕，仲可以自己唧雪糕食，有綠茶同朱古力兩個口味，之後仲可以加上自己鍾意嘅糖果作為潤飾，太吸引😍識食係要食麻辣湯底，不過吾係個個人都鍾意食，咁就要嗌鴛鴦湯底，嗌咗秘製麻辣湯底同埋椰子雞，一邊滋潤一邊火熱。火鍋配料都幾有質素，例如美國特級肩胛肉眼、美國肩胛肉，特級肩胛肉眼真係食得出牛好嫩，同埋牛味好充足，係真係好高級。令人想一食再食！而出邊嘅配料，都有我鍾意嘅芝士牛丸同埋鹹蛋黃流心丸，佢個鹹蛋黃丸仲有笑哈哈喺面，好特別，食咗心情都靚啲！最重要嘅係鹹蛋黃味好香，非常好味，仲真係流心咖！仲有我鍾意嘅魚皮，非常香脆！唔會太鹹又唔會唔夠味。又有手打墨魚丸，最鍾意係手打丸，因為質素有保證，材料新鮮，味道自然好。最鍾意嘅就係台灣鴨血，因為唔係好多地方有得食，同埋鴨血係特別有咬口，質感特別好非常好味😋好快時間就過咗90分鐘，希望下次再有機會嚟食啦真係好好味！

今日去完尖沙咀行街就搵嘢食醫肚，經過見到有間新開的火鍋放題，見到門外的餐牌價錢及食物都很吸引就去試下。火鍋放題有三款不同價錢套餐，我們選擇了90分鐘美國特級牛肩胛肉眼片餐放題，可以無限量飲食靚牛肉！入到店內餐廳環境寬敞，火鍋配料及其他食物都擺放得整整齊齊，環境衛生做得不錯。醬汁選擇多可以按照個人喜好配搭👍坐低之後即刻點了湯底，這裏的湯底有大約十款，這個蕃茄豬骨湯底好吸引，店員上枱時已經聞到香噴噴的味道，裏面有大大件豬骨及粟米🌽好入味，即刻飲咗一大碗！第一轉我們點了四盤牛肩胛肉眼片，色澤好靚好新鮮，肥瘦適中，入口牛肉味香濃。除了肉類自助區還有大量火鍋配料選擇，樣樣都好新鮮，有特色的丸類，刀削麵，蔬菜，糖水，甜品，雪糕及很多特色飲品，全部任點任食任飲，90分鐘火鍋放題二百元都唔使有咁多高質素的食物，非常滿意！

今日到尖沙咀， 發現一間新開的打邊爐， 天氣涼涼地， 午餐打邊爐都不為過。有一人一鍋／90分鐘放題揀， 見聖誕假期中， 對自己好啲， 食放題新開的味道， 所有餐具， 環境， 食物擺放位置都非常乾淨整齊， 員工亦非常積極。揀左清甜椰子雞湯底。鴨血勁大舊， 擺盤又靚.肉類選擇不多， 主攻美國特級肩胛肉眼。肉的厚度不錯， 有牛味， 新鮮自助區勁多野食， 又勁多飲品甜品都勁多， 仲要樣樣都細細件， 件件都可以試下最鍾意朱古力批同布朗尼雪榚係綠茶朱古力扭紋， 正性價比勁高， 比起某大人更佳

屋企人喺附近返工，話俾我聽尖沙咀開咗一間新嘅火鍋店，見到個Menu望落去都唔錯，所以就趁假期最後一日黎食一個遲來的聖誕大餐😋-入到去餐廳非常之光猛，而且入面空間好大，所以座位都幾闊落，同埋都有大部份卡位坐得幾舒服👍👍-呢度總共有三個餐可以揀，我今晚就叫咗澳洲和牛餐(19:30前離座$258)，大部份嘅食材都可以係scan QR code之後落單，出邊亦都有自助區🥳而湯底方面，都有八款唔同嘅選擇，我今次就揀咗鴛鴦鍋，滋補豬筒骨鍋同埋牛駅秘製麻辣鍋👍湯底十分有誠意，麻辣鍋嘅味道十分平衡，麻得黎又唔會苦，而豬骨鍋更加有兩大舊豬骨，真材實料🎉-出面嘅自助區都有好多選擇😋1.醬料區呢度嘅醬料比起出面嘅款式多好多，有啲比較少見嘅蠔油、XO醬同埋陳醋等等🙈可以好好咁樣混一混出獨特嘅醬😆-2.沙律冷盤區沙律嘅區都比較多特別嘅選擇，例如有枝豆亦都有帶子裙邊等等，而生果就有車厘茄同埋砂糖桔，我食咗幾粒砂糖桔，感覺幾開胃😆😆-3.飲品區飲品都有超多選擇，鍾意飲酒嘅話可以揀梅酒、清酒🍶同埋啤酒🍻，鍾意飲茶嘅話亦都有無糖嘅洛神花茶、白桃烏龍茶或者玫瑰花茶㗎，我三款茶都有試哂，好香嘅茶味😋而小朋友亦都有好多果汁可

Boxing Day，係開Party前先打個邊爐打打底，哈哈。原來之前間日式放題變咗呢一間牛駅麻辣火鍋放題，一於試一試佢。見有大把時間，叫咗一個90分鐘美國特級肩胛肉眼片餐。嚟咗嗰啲鴛鴦湯，分別係秘製麻辣鍋，椰子雞鍋。間餐廳以麻辣為名，果然佢個麻辣湯底係堅嘅，叫小辣其實都已經好辣，所以唔食得辣嘅就記得嗌微辣。另外係椰子雞煲，清清地又帶甜，落啲菜落去超甜超好食。本身個set都跟咗兩款牛一款豬。先講咗豬先，因為真係有驚喜。個豬一啲都唔柴，夠爽口，比起其他地方嘅打邊爐豬肉好好多。另外至於特級牛肩胛肉，肉味香濃，唔會切得太過薄，搞到唔知食緊啲咩咁。配上個麻辣火鍋湯底就一流。至於其他配料，以午餐來講其實都有好多選擇。其中比較係lunch少見嘅就有熟蝦，開頭以為會麻麻哋啦，點知其實都仲爽同彈牙嘅，放落湯底都仲有啲蝦膏出嚟。醉雞翼都值得一試，不過記得放清湯嗰邊，咁樣先至唔會無左啲酒味。咁當然有一系列丸類，有一款都幾特別，我第一次見，係鹹蛋流心丸，食落去有少少似食奶皇包嘅感覺。喺出邊仲有一啲已經整好嘅小食，我嗰日去食係迷你生煎包同炸雞，都算幾有水準，炸雞依然有汁，生煎包外皮都脆。前菜分別有麻辣牛脷，枝