牛県

營業中

休息中

雖然而家人人都話食素健康啲，但我都係未戒到，最多盡量食少啲啦。今日同朋友食晚飯又食牛啦XD呢間位於荃灣既小店，我同朋友見到，木門同個格局都覺得有啲日式，同埋睇logo就知係食牛。時間尚早，所以未洗排隊，不過都keep住有人入座同埋等位咁。位唔算好多，大約十數個，我同朋友坐類似吧枱既位，不過係正常高度，不是吧枱高度。menu有五個部位既牛揀，另外有A5和牛。每揀一份牛可以揀醬汁，有紅酒牛肉汁同埋阿根廷青醬，另外可以+錢揀配菜同飲品。Menu背面有詳細介紹唔個部位既牛有咩特點，睇完一輪都係有選擇困難症，問過店員後，我同朋友揀左兩款牛試下，一款係牛橫隔膜腹肉，一款係牛側腹扒，另外仲叫左A5和牛😋😋由於叫左兩份牛，所以醬汁各叫左一款，另外叫左一個飯一個薯條，飲品都係汽水，唔知之後會唔會有多啲選擇。餐廳裡面既水係自助斟的，所以唔加錢加配菜同飲品都可以自己斟水飲。而餐廳都配有圍裙比我地，咁就唔驚彈到自己件衫。好貼心❤️❤️啲牛來到時仲係用一張吸油紙蓋住，蓋住都會睇到塊鐵板好厚，店員話想大家自己食到想食既熟成度，所以上枱時大約係一成，可以自己再調節。成塊扒咁樣喺塊鐵板上面燒係需要多啲時間，我地望到就好想

這間濕式熟成牛排，係openrice留意了一段時間，沒有一篇負評，全部是正評，今日有機會來食啦。有好幾款唔同部位同重量，圖片清晰。我們係第一枱客人叫左每人一份牛排，午餐包湯，沙律，飯素飯。千島醬沙律牛橫隔膜腹肉，係用張白紙蓋面，熱鐵板上的打開見到有三件牛排，200g份量也唔少呀，要自己切開的，熱鐵板好熱，一切開d牛油就彈到周圍都係，仕應見到我著白色衫，就拎圍裙俾我們。這個牛的部位都算淋身，味道幾好，有個紅酒醬或青醬，青醬都幾特別。同事因為問了仕應那個部位比較淋，他介紹了上腰西冷，因為200g仕應告訴我們的大小後，同事驚細，就叫了300g，原來好大件，同好厚，切開也有困難，可能太大，所以切得好辛苦，感覺唔夠牛腹肉淋身。原來餐廳有午餐的，但只是貼係門口，餐廳好多仕應，至少6人以上，可惜服務真的好一般，不會主動拎水給客人，不會主動拎圍裙，還有如果全份午餐一次送給客人會更加貼心，雖然不切開件牛排可以保持肉質，但太大件的話，建議可以切開一半，這樣比較容易處理！！

同朋友去荃灣買嘢，喺荃灣廣場附近見到呢間幾別緻嘅扒房就入去食晚飯，入面個環境唔大，但都幾整齊乾淨👌🏾🐄牛橫膈膜肉👉🏾好少地方有得食，所以揀左呢個餐，有飯有湯，有小食，幾抵👌🏾👉🏾牛味重，肉質好嫩，其實唔洗點醫都好好食🐄上腰西冷👉🏾肉質結實爽口，咬入口啲牛汁流晒出黎🤤👉🏾醫汁有紅酒汁同青汁，兩個各有風味🐄A5和牛👉🏾好出色，入口即融，有驚喜，建議大家一試👉🏾另配醫油同wasabi，個人覺得點wasabi都幾好食😋

朋友住附近，一於就下佢黎佢地頭食飯啦。雖然係佢地頭，不過餐廳係我揀既😂上網見近排石燒牛扒大熱，周圍都開左唔少店鋪，當然要響應潮流試下啦。有圖案標示不同部位既牛肉位置🐂一場黎到，好多唔同部位既牛肉都想試下，所以總共叫左三款😜上枱時，餐廳會有紙蓋住牛肉同熱石，以免油濺出黎。一路遮住一路聽到熱石同牛肉的滋滋聲😍餐廳用封煎方法黎鎖住肉汁，放上熱石前係一成熟，客人可以隨自己喜好去決定燒幾耐。我就比較鍾意食熟d😉上腰西冷 200g上腰部位的肉，肉質較結實👍牛橫隔膜腹肉 200g牛橫隔膜中間的部位，好矝貴的hanging steak，每隻牛只有一塊呀。味道比一般部份濃郁，而且肉質柔軟。建議切細細件，趁鐵板仲熱的時候煎熟佢😂不過慢慢食都唔緊要，侍應好貼心見我食得慢會主動問需唔需要換鐵板😎A5和牛 100g最愛A5和牛😋充滿油花的和牛片好正，煎兩面幾秒熟度啱啱好。配飯，汽水，薯條叫完牛扒，可以選擇加$30套餐，係飯，湯，薯條，汽水同沙律入面揀3樣。我地就加左一個套餐，再單叫左罐汽水。

自從深水埗出現左一間主攻平民價石燒牛餐廳長期大排長龍之後，香港就開始出現石燒牛熱潮，而家好多地方都有類似既餐廳，今次呢間位於荃灣新開既石燒餐廳，由佢岩岩開果陣已經想試，只係一直未搵到時間。望著佢Openrice食評由幾個去到而家過半百個，仲要全部都係正評，忍唔住再三要求朋友陪我去試。其實餐廳位置唔係大街，平時行街一定唔會路過。估唔到星期六Lunch時間居然咁旺場，keep住都有客。一入到餐廳燒牛香味就撲鼻而來，令本身唔餓既我地，即時引起食慾!!! Lunch time所有石燒牛都包飯、湯、沙律，汽水只需加$5，比晚市更抵。我同朋友分別揀左「平鐵牛扒200g」同「牛橫隔膜腹肉200g」。麵豉湯我一直都唔太中意飲麵豉湯，無評論。沙律菜爽脆，汁開胃。醬汁各一款紅酒牛肉汁同牛肉好夾；阿根廷青醬羅勒味濃，味道清新。兩款我都覺得唔錯平鐵牛扒200g $88200g其實份量都唔算少，牛味以呢個價位可以接受，但明顯食得出因為牛味唔夠所以落左少少鹽提味，食得出同牛橫隔膜好大分別。肉質唔差，每塊都充滿肉汁。最驚喜既係，即使食到最尾果件已經燒到8成熟，但都唔會韌!! 牛橫隔膜腹肉200g $138呢個真係明

I love steak and I love the Japanese styled steak. This time I chose US prime Fillet. The taste is so amazing. The steak set includes salad, soup and drink with $30 extra. You can also choose fries or rice instead of salad. When the steak came to our table, it still very hot as it use the flat iron to carry the steak. On the other hand, the fillet is so juicy as they use a special method to deliver the steak. If you live or pass by Tsuen Wan, it’s a new good choice for steak!

荃灣區真係多嘢食，特別係呢條享和街附近，荃灣廣場就係側邊，呢度真係好多好嘢食，近排好興將件牛肉放喺塊生鐵或石頭上面燒，呢度都有一間呢啲喎！因為呢間餐廳個名都幾特別，好有日本嘅感覺，所以大家要睇清楚先入呀呢間餐廳主要真係食呢啲，將成件牛肉放上石頭係你面前自己燒既，左邊嘅就係主餐牌，大家可以揀選返自己想食嘅牛肉及大小，從而再追加套餐餐廳好貼心咁，仲介紹埋牛嘅每個部份，有埋圖是話埋俾你聽，覺得部份係叫咩名添因為我哋有跟套餐，所以一開始嚟嘅，會喺呢一碗湯，佢係南瓜湯，味道相對比較淡，所以如果鍾意比較香濃味道嘅湯嘅朋友，可能就唔太鍾意啦由於轉頭件牛肉真係就咁放喺塊石頭上面燒，所以會有大量油脂彈出，所以餐廳都好細心咁，為每位客人準備定圍裙一件，以防整污糟件衫當然牛肉上枱嘅時候，會有張紙格住，因為確實 d 油彈得太利害，不過大約過咗 1至2分鐘之後，其實都需要打開，因為如果唔係，件牛肉就會燒焦㗎啦第一件先來嘅牛肉係，牛側腹扒 200g呢件肉嘅口感同佢嘅外觀一樣，望落係比較實在，佢既橫紋亦比較明顯，所以食落都比較有層次，佢既肉質食落其實唔硬，但就未去到真係好林既感覺第二件就有呢件 牛橫膈膜腹肉 200

附近係荃灣廣場位置容易搵，餐廳外面更有泊車位！朋友之前已經食過🤣佢就帶我呢個牛魔王去試試..如果去到記得先拎飛,當時去到已經有好長人龍。平民價錢食物質素高質👍百幾蚊有埋配菜飲品好抵食。期間限定餐牌上沒有的！這個設計很貼心，順便可以吸埋多餘油脂。上腰西冷🌟最好既事係可以自己調節幾成熟👍我最鍾意七成!牛味濃郁肉質嫩滑加上自家製紅酒汁可中和油膩感牛橫膈膜腹肉🌟對比西冷牛味相對比較淡,但肉質更淋身我自己鐘意呢個多d😋日本A5和牛膜🌟追加了A5和牛見到價錢好吸引只要$158😍油脂分布平均入口即溶真心好正😋配菜選擇了薯條同飯。薯條炸得好酥脆食不停口😋

平日收工食下好野慰勞下見到呢間新開餐廳評價唔錯 又有石板燒牛 即刻黎試下平日黎既好處就係唔洗排隊 一入就有位坐 家庭式餐廳 唔係好大 假日我唸都要排隊 睇緊個menu個陣 個侍應走埋黎問我地係未第一次食 跟住就同我地簡介下每款牛既味道都口感 感覺幾nice 我叫左個廚師/是日推薦 個menu冇既要同侍應直接落單 每份牛都有大中細3個size 我地呢次都係叫左最細個個 +$30 有埋3個配菜 （5選3）配菜我地試曬5樣野 👆🏼沙律同牛湯 沙律就唔講喇 不過值得一讚係裡面都有唔少煙肉碎 牛湯清清地又唔會冇左個牛味 食牛個陣配埋唔錯👇🏼醬方面有紅酒xx醬同阿根廷青醬 前者比較濃味 後者就好有草清味 所以都係見人見旨黎到個陣 佢地會有張紙擒住 以免d油係咁彈 仲有係佢地會俾圍裙你 食個陣就唔會整污糟d衫 好貼心牛柳原來都唔細 口感唔錯 不過個人口味就鐘意再林d 反而驚喜既係d配菜薯條 即炸食落真係好正 又脆又挺身 必叫羽下牛 就真係比較林身 建議大家切細小小黎再燒下佢 因為成塊牛都真係幾厚 加埋白飯一齊食真係冇得輸 一淡牛一淡飯再一條薯條 幾重享受埋單2xx 價錢好親民 會再去

這種自己煎都幾特別，所以愛上了，朋友知道後就講荃灣有間都幾好食，所以今日專登過來，都幾近荃灣廣場幾方便，舖頭油煙不重不錯，牛肉選擇有幾款又有不同重量，我們一人一個牛肉再加食物，質素都不錯，而且鐵板熱度保持得十分好，有驚喜。醬汁二款紅酒牛肉味好濃紅酒味好配到牛肉，另一就要了阿根廷青醬好清新。牛扒來到蓋住紙等一陣就取走，上腰西冷二百克，來到都幾香，切都幾軟熟，而且煎了七成少嫩帶口感但不難咬，牛肉味濃郁。朋友的牛橫隔膜腹肉二百克，比西冷更嫩，各有各特色。加了錢要了五選三套餐，最後我地要了一個飯加了飯素好香，芝麻醬清新，沙律菜都十分新鮮，有汽水和湯選擇，就要了汽水飲。見有人吃和牛又忍不住叫了一份，日本和牛A5和牛腹一百五十八元，肉質好靚，微煎就可以，仲配上醬汁和岩鹽，靚和牛配岩鹽已十分好味。

買左戲飛等睇戲既同時諗住喺附近搵下野食 點知見到你間新開店 坐無虛席 就決定試試等左30分鐘左右就入得裏面空間唔算太大 人數唔多通常要搭枱 會坐得迫少少 我同男朋友決定只加一個set share重點要試下啲牛本人係薯條fan 真心中意呢間既薯條 炸得香脆又夠薯味 其實2個人share都好足夠 個湯一啲都唔hea 有誠意！好濃幾好飲肉我地點左護心肉 牛橫隔膜同牛側腹提下大家 燒果陣真係要小心控制火喉 因為一燶左就會影響肉質 睇相都知我燒得唔好😭😭但真心推介必食護心肉 啲肉質好嫩好好食其他肉都好靚 但好視乎自己燒既程度恰唔恰當整體嚟講都推介食肉獸嚟試試佢😋

最近香港越開越多呢類型嘅石燒牛扒專門店. 近近地就揀咗荃灣呢間「牛県」一試🍴小店位置唔算多，但都幾多食客. Meun提供唔同牛既部位比客人選擇，另外亦有today special一啲比較特別嘅位置. Menu 亦都可以選擇唔同嘅份量，200/300/400克等. 餐廳會將已點選既牛扒以煎封方法將牛嘅肉汁鎖住，煎至一成熟再放上高溫既熱石上比客人自己控制牛扒既生熟程度👍🏻點了一份300g平讓牛扒🥩平讓牛扒價錢比較親民，300g才是$128. 肉質雖然比較實但食落都算嫩口，但唔算肉味濃. 另一份點選了店員推介的Today Special, 200g的 羽下牛扒 $158🥩 羽下牛扒，是近牛肩胛比較軟身同嫩身既部位，食落口肉質比較軟而且肉味較香濃😋都幾好食～佢唔係Menu上面，所以真係要撞啱嗰日today special有先有機會試到😁 午市套餐仲包括左一份沙律同埋麵豉湯一客😁以呢個價錢黎講真係算幾抵食🙌🏻 而且D staff都好好服務態度，食完都會走過來問下我地意見，味道如何？啱唔啱食？呢間小店絕對會再次幫襯👍🏻

牛県一入餐廳已經比濃濃的牛香包圍，超級期待牛肉駕到☝🏻<南瓜湯>先出場嘅南瓜湯香濃幼滑，飲得出係用新鮮蔬菜打出嚟～營養加誠意100🐚<牛橫隔膜> 厚厚的，可以隨心水切厚薄，入口慢慢融化，油脂＋肉嘅比例啱啱好～係論三成熟、五成熟定七成熟都好，🐚都係香濃而不膩，配埋清新嘅青醬，真係好滋味！<牛側腹>牛肉紋理均勻細緻，燒出濃濃嘅牛肉香味，配上加入意大利黑醋嘅紅酒牛肉汁，帶出牛肉嘅香味～肉質較有嚼勁口感，食完嘅感覺好幸福～<羽下牛扒>呢款牛係廚師推介的～因為廚師每天精心挑選一些味道和肉質好的牛肉食完一次真係唔夠～真係好想再去食多次！！

之前經過一間食店門口好多人等，好奇停低望下，原來係食石燒牛扒！今次終於有機會來試下啦！牛扒只係兩面約略煎一煎，用封煎以鎖住肉汁🤤再放上高溫岩石出俾客！牛橫隔膜腹肉 $138/200g牛扒望落都好厚身，可以自己調整牛扒生熟，一邊切一邊食就岩岩好啦！😋肉質好嫩完全無根👍🏻👍🏻值得一試！上腰西冷 $118/200g有食開西冷都知會有根，所以係正常既！不過除左有根部份，肉質都係唔錯，都好多汁！有兩款特色醬汁可以選擇，不妨一試🔸日本A5和牛腹 $158/100g勁多雪花，另上一個新熱石可以自己慢慢燒，因為係薄切，所以意思意思兩面燒一燒就食得啦！勁正👍🏻👍🏻入口即熔🤤加埋個飯一齊食就唔會覺得咁油膩啦！記得加$30就可以轉做套餐啦！

睇完戲在附近一帶覓食，竟見新開了一間鐵板牛肉店，回憶起上次鐵板燒牛肉自覺技術不夠，令牛肉容易燒至過熟，今次要再次挑戰煎牛扒手藝！無求練到爐火純青餐廳以深木色為主，鋪面細小大約可容納最多20人。大門一打開，濃郁的牛排油煙味隨即湧出，在這一瞬間突然有二個諗法，肚子餓的我嗅到牛排氣味第一想法表示份外飢餓，第二想法覺得那股香氣或許會跟隨我回家餐牌簡單只有6款牛肉部位選擇包括肩膀位、上腰西冷、橫隔膜腹肉、側腹、肩胛及A5和牛腹，加$30可從白飯、薯條、湯、沙律及汽水中五款選三款轉成套餐，另外貼心地附有牛部位指所南，說明部位位置及其肉質與口感，完全解答了我對牛部位的不熟識，亦可以了解自己喜好選擇喜歡的牛質感牛肉湯內有2片青瓜及1片冬菇，味道非常清淡，牛肉味欠奉，勝在油份不多，一點不覺油膩感都沒有即炸薯條熱烘烘並炸至黃金色，屬粗身炸薯條能清楚品嚐到其薯味及薯質感，自行灑少許鹽及胡椒更惹味，最後一款我選擇了汽水。經上次經驗後，得知牛肉在鐵板上非常快熟，所以決定吃一塊切一塊，這樣得注專地控制該牛肉的生熟度。不過用膳速度也是因素之一，如用膳時間太長而石板已失去熱力，會令完塊牛扒外焦內生，如先將牛扒完全切成