牛気 (雅蘭中心)

營業中

休息中

我個人對牛冇乜特別興趣，亦唔會主動食牛。適逢琴日屋企人約左朋友喺呢間食，我又跟埋嚟。初頭我怕成間鋪頭會以牛為主，萬一我唔中意食就會冇啖好食。但原來我錯 ! 除左牛之外仲有好多選擇，有好多款平日食火煱都會有嘅餸，例如各類型嘅丸，菜，肉，麵... 甚至甜品都有好多款任君選擇 ! 絕對唔洗怕唔食牛就會冇嘢好食。除左食物質素之外，啲侍應服務態度都好好，又有禮貌又有耐性。餐廳內部都算寛倘，都坐得幾舒服，而且幾乾淨整潔。至於價錢方面因為唔係我比錢，所以唔太清楚。總括而言，呢間餐廳無論你愛唔愛牛，都一樣啱食。

四日食三次，噚晚仲黎食生日飯，食物同服務質素滿意，環境舒服，價錢合理。生日仲有和牛生日蛋糕送，食左一餐好開心0既生日飯！大家食極唔悶，同一班人，上星期五，六，噚晚再食，正！六月再黎！

非常直得，所有食材新鮮，好食蒜蓉即炸勁趣，冬菇，蘿蔔，西洋菜，生菜，沙律，牛腩，魚蛋，烏冬，米線，炒飯，凍頂烏龍，綠茶雪糕，乳酪，番茄仔，娃娃菜，豉油，麻將，聰，辣椒............任食

放工再返學，仲要考試，趕頭趕命，到差不多十點，終於解脫！飯都未食，同學巧問：「何不食肉糜？」大伙兒當然不反對，就去了牛氣，黎個宵夜任食，好邪惡啊！餐廳環境不錯，地方尚算闊落！蕃茄湯底濃郁，又唔會太油膩。配料都幾多選擇，算係同類牛鍋，質素比較高的一間！最重要係飲品，竟然係罐裝可口可樂，so happy ! 我最怕無氣汽水機，任飲都等於無得飲！肉食都唔錯，肥瘦適中，又唔會好大陣羶味！最正係share 有movenpick 雪糕，簡直就為整餐邊爐畫上完美句號！總評：$150有飲有食，服務唔錯，環境ok , 值得推介！

曾經有朋友告訴我，食過牛氣後一想到食牛一定會想起牛氣我就不是太信，這日和朋友決定來此一試入來後員工已經招呼一樓，安排我們坐下後更講解餐單的菜式組合，很有誠意最後在店員誠意推介下選了極上美國牛小排放題組合 ($248)一開始當然是先食下丸食下腸，等待主角的駕臨牛丸香腸都肉質不錯，沒馬虎，所以也食了不少主角隆重登場，各款超正的牛肉極上美國牛小排嚴選美國牛肩肉兩款都牛味重，肉質好，入口好軟滑精選巴西雞腿肉，雞肉軟滑鮮嫩，同樣好正特級美國豚腩肉新鮮爽軟又可口，水準以上今餐好滿足地吃了好多肉like完其Facebook再share相可有甜品送，幾好味，而且高質貨

之前食過好多次每次都唔差 今次服務同食物仲有進步真係用心做既放題式香港餐廳已經唔多試左就知必食係蟹柳同一定要試下加多幾十蚊就有埋海鮮任食個個setd蝦同埋青口真係好大隻同新鮮彈牙無雪味肉方面只係食左牛肉質素仍然保持住 有肉香唔un甜品方面其實無次都食得唔多但一定會食焦糖燉蛋同埋雪糕至於服務以往不嬲都唔差既但今次有加分既係真係會有staff過黎主動幫你換野同埋傾計真心會主動同客人傾計既餐廳香港點搵到多已經忙到7彩都用心做既客人就會feel到

我已經係第四次幫襯呢間餐廳，冇黎一排估唔到差左。黎到旺角唔知食乜好，諗起牛氣，係門口睇緊餐牌時店員好落力咁介紹，本來都諗緊食唔食海鮮，但都係$288有海鮮呢個都係好似吸引啲，跟著店就好落力推$338有和牛呢款，我問佢會唔會第一轉黎和牛，之後再叫就變返cheap牛架，但店員拍曬心口話佢地唔做呢啲野，咁見佢咁有信心即管試下啦⋯⋯點知真係伏...第一轉和牛係ok嘅，但第二轉牛我真係好懷疑係咪百幾蚊果啲黎，好差，試左一塊又厚又鞋，之後叫店員換一碟黎都唔好得好多，我放棄叫和牛了，反而$288嘅小牛排仲好食囉⋯⋯今次蝦又細隻左，我最鐘意嘅壽喜燒湯底都淡味左，我鐘意以前嘅濃味，咁嘅湯底不如去吉野家打邊爐好過。今次兩個人食七百幾食啲咁嘅野真係好牛望。

今天經過旺角，很驚喜地發現咁正的任食打便爐！先講湯底，點左壽喜燒，湯底不算太濃，清甜度👍任食的牛肉超級好味，不但口感嫩仲有牛氣，讚。豬肉相對遜色，但味道其實係不錯。任食菜很新鮮，款式多，仲有有餡的丸，最喜愛芝心丸，很正👍👍👍👍野飲真係一罐罐，很有誠意。目前最愛的打便爐

今日3個人去打邊爐 有朋友推介呢間話d野好好食所以試下 其實一早就有位 但等個朋友所以坐左陣係出面～d職員好好見我冇野做同我傾下計又話我知點拎movenpick雪糕🍨又叫我地下次試下海鮮餐因爲佢試過真係好食❤️又同我地講生日有和牛蛋糕/香賓🍾之後我地9點入座勁肚餓 好彩有好多熟左/即食既野醫住肚先！芝士腸好好食好芝士一路雖然忙但服務都好好 Katherine(其中一個好好既職員）仲拎左幾舊和牛俾我地試下 真係好好味😋下次會試個個set～見到員工係差唔多12點都做得禁開心仲有講有笑～😏見到佢地禁都覺得幾開心

今日係旺角睇完戲就諗住係附近食午餐最後就簡左食牛氣了今日係紅日 但係去到竟然無咩人 甘一坐低 我地就叫左任食入面最平個隻因為我地兩個都唔係食到太多我地簡左要加十蚊既壽喜燒湯底仲有一隻生既雞蛋因為之前係呢間食過唔錯誰不知係一個錯誤既決定 無咩甜鼓油味 好淡而且坐低左先同我地講星期六日公眾假期要加十蚊 甘都坐低左 都要食架啦😅😅😅D牛幾有牛味 雞同豬就一般了 好大陣雪味還是主力食牛好了😉😉呢道仲有個特別之處 就係可以自己整綿花糖 不過部機熱得好慢 想食綿花糖就要有心理準備要等下了乳酪雪糕隻味小小怪抹茶雪糕比較好食飲品方面都幾多選擇 有八款罐裝飲品 同兩三款熱茶總括而言 坐得舒服既 唔會太逼 食物質素都中上既

昨晚我們二人去牛氣吃火鍋，拿到93 號票，等了五分鐘在右，已經可以入座了。 本應11:13 pm分鐘才時間結束。但是去到10:45 pm ，職員未問last order , 我們仲吃緊之時，已經收了個鍋。 我們同職員表示未吃完，他們才停止收我們的筷子。並即時要我們結賬。明明是九十分鐘放題 ，個客未吃完就收鍋。 我們走時向職員表示不滿，出門口未見有客等位，分明就是趕客。食物方面， 我們選了牛小排及甜豉油湯底，牛小排及豬肉都很好，入口即溶。有少量沙律，甜品供應，味道也好。但飲料選擇比較少。

已經係第3次幫襯呢間分店今次個朋友環遊完世界返黎想揾餐坐得耐d 既餐廳食所以就諗起呢間訂左7點枱我6:50去到 門口知客話訂左7點就一定要由7點開始計結果我個fd就岩岩好黎到準時開飯肚就得一個，所以有共識揀最平果個餐不過都好貴埋單要成2舊水講左湯底先個fd話想食豬骨湯，咁我都ok, 就叫左豬骨湯(好似叫博多豬骨湯？)煲左一陣就有香味 正！之後黎左豬牛雞各一賣相好似第一碟特別靚d?之後出去拎野食今次竟然係春卷唔係薯角但好似唔太受歡迎其他d料好似同年幾前幫襯一樣令人失望地無新鮮感講返味道就真係ok 既粟米甜，菜呀芋頭果d都很新鮮都無咩特別值得mention係甜品再試左個yogurt 都仲係唔太得無乜酸味，亦無乜toppings需要改善一下or 不如加d 杯裝雪糕仲實際？另外做緊個promotion要post野上佢個ig/fb就有魚生/movenpick 雪糕送咁雪糕梗係去到食完先攞整果時都未真係夠鐘應該仲有5分鐘有多既時間點知個類似經理既人勁無禮貌仲兇我地話下次早d 出聲佢拎黎果時仲要講多句"雪糕可以拎走食"即係趕客啦不過另外有位職員負責加菜加湯既女士幾好服務幾好禮貌高級反而仲衰d

今日行經旺角，好肚餓，係OR search 見到呢間ok, 於是就入去啦。可能係weekday啦？冇book到，好采都有位肥牛唔算肥，薄！ 雖然未到入口即融，但幾有牛味，豚肉好好味，值得encore! 我同朋友叫左好多碟呢到都算幾多款飲品揀，連啤酒都有！我想要嘅醬汁同配料都齊蔬菜好fresh， 丸唔算多款雪糕都ok, 唔算好甜，可以食多杯。有幾款topping可以加總括黎講食物ok! 環境乾淨， 座位唔逼，可以舒舒服服同朋友坐係度傾下計服務態度不錯

第一次係朋友建議下黎食，好在另外個朋友有訂位，呢間店係大排長龍既店家，訂左位都等左十分鐘。我同朋友選左清清淡淡既昆布湯底來食shabu shabu! 而簡左個餐單係包肥牛，蝦，螺肉，同三文魚刺身，食左9塊三文魚，唔係得雪藏味，值得一提佢呢度既芝心丸比其他。而自助吧有金菇，芽菜，豆腐，腸仔，拉麵，炒飯等等，當然自助吧既食物係唔夠自己點既餐單新鮮好食啦，另有好多醬汁配料提供，調味料又有我鐘意既麻醬，不過甜品賣相較差，就相對得雪糕同奶凍好食，其他甜品賣相唔討好特別係個疑似燉蛋個賣相，好似放左成日咁，已連試都唔想。肥牛似係用料好明白係限時放題，服務員唔係係咁催人走既話就好啦。

星期五約左客係旺角傾野, 未到6點就走得。係朗豪坊買完戲飛睇8點場, 一個人, 想食豐富D。咁岩收到傳單, 知道牛気做緊新優惠, 7:30pm前埋單走人就可以憑傳單上的優惠券減$50!二話不說, 就上左去食。叫左個牛小排餐。牛味重, 肉質好! 而且最令我滿意的是服務同自助吧豐富的食物。準時7:30pm食完走人, 減埋個$50, 2百零元真係抵到爛!!呢間每日營業至凌晨2點, 而且10PM後就會有宵夜優惠, 都有得減$50。下次會再幫襯。