牛気 (雅蘭中心)

營業中

休息中

今次係第2次黎,琴晚同左2個朋友去呢間, 門口已經排左好多人,因為訂左位, 好快就可以入去坐低.坐低無耐職員就問我哋揀好未,朋友叫佢推介, 咁人O地就推介$268有海鮮.當然得90分鐘, 出面又甜品, 又雪糕, 仲有棉花糖,梗係揀平D, 反正都食唔切.原本想揀$158, 職員話加20蚊, D牛肉滑好多,咁好啦, 揀$178. 出去拎完蔬菜返黎, 檯面有1碟牛, 1碟豬+雞，5-6片左右, 好快清左碟牛，職日員收走左個牛肉碟。過左好耐都無返黎。最後，　我問職員，佢話你要落ORDER先有,之前去牛陣, 涮涮鍋..... D職員收碟時主動會問你仲要唔要REFILL先收隻碟走. 如果D好少食放題嘅人以為得一碟, 就無洗REFILL 啦.咁我話要2碟牛, 10幾分鐘都無出碟牛, 距離last order得返15分鐘左右,於是再追另一個STAFF, 終於2碟靚D嘅牛(有完整d同埋有雪花).點解咁講?因為之前嗰一碟牛好似濕濕哋，個樣仲溶溶哋，十足酒樓任食嗰隻,淥完碎濕濕, 好鞋口, 食不知味.下次揀餐前, 影定相, 費時自己揀左d咩都唔得.後面兩碟牛好d, 但都唔係好有牛味.可能揀貴d嘅牛會好味d.

好耐冇黎過牛気食野 因為上次食完覺得麻麻 今次見朋友誠意拳拳話要黎食 唯有捨命陪君子 一於食多次今次冇上次咁多人 可能天氣都熱 吾係咁多人想打邊爐 所以好快就有位 叫左178果個 湯同肉都好快黎到 上次牛肉煮完比較乾身 冇肉汁 好似牛肉乾 今次就好好多 吾知係咪轉左牛肉 牛肉煮完好有肉汁 一D都吾乾身 即刻叫侍應追多兩三盒牛肉 即刻變左牛魔王上身 個侍應都嚇左嚇出面buffet bar 野食款色多左 墨汁墨魚丸依舊吸引 烏冬依舊咁滑咁彈口 有隻魚旦入面有d沙津汁 超好食新加既有我最中意既炸薯角 好脆好香 keep住熱一熱仲有碗仔翅 好足料 加埋紅醋好有街頭風味比較有驚喜既係竟然有凍腸食 有兩款 兩款都好好食搞到好似去左食buffet 多過打邊爐不過都希望牛気黎緊可以有埋炸三文魚頭 三文魚骨就正 不過要加埋椒鹽先吸引 仲有會吾會可以提供埋蟹粥等你地好消息做食客既都希望食肆保持水準 有增冇減 牛気正正就做到呢點 牛肉質素有改善 野食種類豐富 不過暫時牛気都只係得一間 既然保持到水準 始終多幾間方便D 起碼減少要客人等位既機會 期待你地開分店

大概都有成年冇嚟過牛気, 食材質素比之前差咗, 一睇飲品櫃見到得返可樂/fanta/康師傅已經冇乜興趣... 另外, 熟食以前會有炸三文魚骨, 而家就變咗炸薯角, 仲要淋哂... 🙄火鍋配料選擇比以前少咗, 隻烏冬亦冇以前咁靚, 不過豬肉/牛肉都keep 到, 碟牛肉都幾靚仔嘅呢個價錢嚟講都acceptable 嘅, 不過而家任食火鍋競爭咁激烈, 睇嚟佢都要提升下質素先可以留到D 客啦...🙈🙈🙈

朋友總係鐘意食，今次最平既餐係$98(加一)我地選左$98同$108餐，限時1小時，如想慢慢品嚐就有d難，但只求一飽，都還可以湯選左三文魚味噌湯，味道有如清水，先講下個豚肉餐，豚肉肉質較實淨，無麥豬蘇味，肉味都還有，胕皮配呢個湯唔甲，轉返來諗，清清淡淡都未嘗係件壞事！乳酪雪糕都好正，不過今次就酸左d，可能改左配方蛋壽司，蛋唔夠甜，壽司飯醋唔夠，成個味都唔特出，中華沙律好咸，肥牛唔錯，清甜，貨源提供得唔錯餃子反比其他地方既好味，肉地鮮味，皮唔會太厚，無d特別怪味

端午節快樂~!!端午節的晚上去左食牛気, 其實之前都食過不下5次架啦,今次先第一次有keep住上次惠顧後的coupon,食滿$200可減$20 =D我地大約7:30pm去到,無book位就例牌要排隊等...好在都唔算等太耐, 我地8pm就有得入坐~揀左最便宜的牛肉set (因為飯伴不吃牛, 就只有我在吃就不吃貴價的喇),要了日式甜醬油湯底,有coupon的朋友記得要在落單時就提供coupon喇!因為佢地就會即時把優惠都印在單上喇!先說湯底 - 甜醬油比之前食冇咁甜, 不過有好有唔好喇, 因為唔係個個客人都好似我地2個咁中意食太甜 之前食呢個湯底我地係唔加其他醬油的, 今次我地都冇加, 不過就覺得冇咁濃郁喇!另外甜醬油湯底係會跟一隻生雞蛋的~之後好快就上左肉食喇, 近鏡頭的是牛肉, 遠一點的是豬肉和雞肉~外面任吃的配料也很多, 目測的蔬菜也很新鮮, 而且refill得都幾快, 唔會只係得一隻隻的空碟而沒食物可拿.由於我地2個悶蛋次次都係食果D野, 我就只可以提供我有吃的食物的意見喇!牛肉 - 這兒的牛味很重, 薄薄的又不會很硬身要咬好耐, 我覺得很不錯!豬/雞肉 - 這個我沒有吃, 不

星期六放假日等於放縱日可以同男朋友行下街食下飯。唔知點解食過一次牛氣之後又好想成日去食，上次食過晚餐之後好唔夠喉，所以成日都心思思想黎食。今日終於等到喇！今次我地選擇食午餐心裏懷著一個以興奮既心情我地叫左$178個set因為午市做優惠減$40最後加埋一就$152一位哩個價錢食個午餐還可以啦⋯⋯一開始黎第一碟既牛係幾靚既，午市少左好多野食，都少左好多款食物，令我突然覺得好唔低之後叫第二碟牛就分別大了，沒有肉味的，感覺怪怪地咁，再同店員溝通一下原來發覺俾錯我地！原來咁都會錯！有待改善！本人真係覺得90分鐘真係唔夠時間食..........

突然想食日式火鍋,於是就去了牛気到試下由於無訂位,所以要walk in 等我地揀左個豬骨湯,呢個湯底好好味,好重豬骨湯味,一讚配埋D生菜娃娃菜食一流!我地點左極上美國牛肩肉+海鮮放題,第一碟牛肉色好靚好好味,入口即渦既感覺!~非常好味,可惜只限第一碟牛!!!到我想再食第二碟既時候,好明顯佢比左第款牛我地,我地睇到就同佢講,結果都係換返次一級比我地,呢款級數次一級無咁好食,一食落口就知,感覺唔同左,有相為證,你地睇完自己諗下係唔係一樣不過佢D海鮮唔錯,大海蝦啖啖肉,肉質好實,超新鮮,青口都好好,配上個豬骨湯一流!敗筆係第二次黎既牛,如果咁做生意,真係好失望

生活在香港真係幸運, 一個便宜既價錢, 往往都可以品嘗到各種美食。放題係其中表表者。市面上多如牛毛之放題店, 撇開油淋淋既韓燒同牛燒。我最鍾意日式火鍋。牛氣絕對係其中較令我滿意的同類食店。晚市由百零元起跳, 豐儉由人! 我通常選擇中低價餐。因為自助吧上岩自已食既, 已遠遠超越所能裝載的。最鍾意係鍋中放上滿滿的食物(鮮菇、粟米、金菇、蘿蔔、豆皮、台灣腸、芝士丸、墨魚丸生菜...), 煮的過程, 先食牛!墨魚丸、台灣腸同日式魚蛋令我食不停口。特別係一身黑的墨魚丸, 既新鮮又彈牙, 印象中無係其它地方食過。香菇、炸芋頭、日式餃子、芝心丸、娃娃菜都係我最愛!自助吧除左呢D之外, 仲有凍食、甜品、糖水、雪糕、罐裝飲品/啤酒、日式食品(如壽司...)最正係, 無論你係最平, 亦或最貴的套餐, 都可以無限任添, 享用此精彩萬分的自助吧!我會最來!

這三數年已很少出旺角，因遊客多車多廢氣多，出旺角都要鼓起很大的勇氣今日為食行先，再到熟悉而陌生的旺角覓食！食物種類多，而且排放整齊雖然選的是最平那個plan，牛肉質素也不錯！叫了3,4轉牛肉，質素也不會越來越差。肥牛吸收了甜醬油的味道，再沾上旦汁，滑溜溜的軟滑口感，香甜旦汁配上濃香牛肉，真是最佳配搭！黑色墨魚丸也十分出色！用餐尾聲以乳酪雪糕畫上句號，大滿足！牛氣質素比同類任食餐廳做得出色，日後一定會再光顧

朋友喺附近返工，只有一個鐘食飯時間，我哋衝咗上牛氣，被遍排坐𥦬口卡位，環境舒適~安頓好後，就要揀湯底了，其實我同我朋友兩個都唔食牛嘅,於是揀咗60分鐘放題嘅A餐-特級美國豚腩肉~而湯底方面就揀咗博多豬骨湯湯底好快就到了，我哋亦急不及待出去攞其他嘢食，如芝士腸，蟹子丸，磨茹忌廉丸，金茹，芋絲，豆腐，烏冬，出前一丁丫等等，不過有一樣食物可以介紹吓俾大家,就係叫葛絲，如果唔係我朋友攞咗嚟，我係唔會揀嘅，不過佢煮咗，我就試吓，點知一入口，超彈牙，煙煙韌韌，又真係幾好食喎！最後當然揀埋甜品啦～有綠茶雪糕同原味乳酪揀，兩樣都噤正！

 呢期火鍋店愈開愈多，身為牛之達人既我見到以牛為名既火鍋當然不能放過！呢間日式火鍋聽聞係近排大熱，佢雖然唔平，但質素好高，值得一試！鋪頭座位舒適闊落，我地就就六人卡位都唔逼，拎野食又近，very nice！放題有個半小時任食，而牛既種類就有分澳洲和牛牛肩肉、美國牛肩肉同普通海鮮，我地既然一場黎到就揀左$378既極上澳洲和牛牛肩肉放題！主角來臨，碟鮮紅色既和牛牛肩肉令人眼前一亮，油花同肉質分佈都十分平均，連視覺都極度享受！每款牛肉大約有五至六片，份量相當足夠，而且厚薄度岩岩好，牛味十分之出色！另外梗係要試試美國牛肩肉，比起岩岩既極上澳洲和牛，牛味不遑多讓，但美國牛肩肉就比較有咀嚼感。但對於牛之達人黎講，都係鐘情於岩岩既極上澳洲和牛多啲。其他既丸類菜類都好多，而且幾新鮮，我就唔一一多講啦！總括而言，出色，值得！

這次要介紹的是香港非常流行的日式涮涮鍋餐廳—牛気。在香港，無論是在夏天還是冬天，會跑去吃涮涮鍋的人也是那麼多。而這次文章中主要記述的已經是二次體驗了。還記得第一次惠顧所選的是 $178 極上美國牛肩肉放題，該次牛肉不過不失，和香港另一間著名涮涮鍋—牛一 的牛肉質量不相伯仲。套餐內包含的巴西雞腿肉還是值得一試的，雞肉是滑溜的。而另一項甚麼特級美國豚腩肉則讓人感到失望。身為牛魔的我很直接便把所有 quota 都奉獻給牛肉之神。事隔兩星期，再次來到牛気挑選了價值 $318 的嚴選澳洲和牛牛肩肉放題。自助食品區的選擇仍然是多得讓人眼花撩亂，應有盡有。單是蔬菜類，就有：芽菜、金針菇、大白菜、娃娃菜、唐生菜、蕃茄、翠玉瓜、蘿蔔片、木耳等，多不勝數。而丸子類的款式也很多，大大粒的龍蝦丸、蟹粉丸、菠菜丸、全黑的墨魚丸（特別推薦！外表不討好，但絕對好吃，好吃到想買幾磅回家吃）等等。除此之外，更有不少面吃如讚崎烏冬、米粉等。而最值得稱讚的是食材依舊新鮮，每次出去拿蔬菜，都看見侍應在 refill 各類蔬菜，籃子裡永遠都是盆滿缽滿。 而當中最討我歡喜的莫過於一大鍋的日式咖哩牛肉，旁邊還有白飯和牛肉炒飯供應。

牛肉很好，寿喜烧锅恬淡适中，性价比极高。蔬菜丸子等也都很好吃。甜点也不错～ 粘了生鸡蛋和自己配的酱油醋的辣料～彩色的像kisses巧克力一样的丸子推荐。龙虾丸子也好吃～

今次來這裏品嚐牛涮涮鍋, 點選了最平的套餐$158, 已經十分滿足。 是次點選了三文魚湯底, 但三文魚味不濃, 亦没有三文魚, 味道一般。先來了兩盤肉, 包括雞, 牛及豬肉。 第一盤牛的牛脂分量較少, 肉是鮮紅色的, 十分新鮮。 等二盤牛肉的牛脂驚人, 牛脂佔肉的一半, 分佈十分均混, 肉滑, 入口即溶, 值得encore。 芝心丸亦不錯, 不只是流心, 是爆心, 要小心吃。 內裏芝心很多, 芝士味香濃, 咬一口, 芝心隨即流出, 包心皮亦很彈牙。墨魚滑是用仿竹筒盛載, 很精美。 肉質爽口彈牙, 墨魚味鮮香, 沒有腥味, 好味。 甜品推介是乳酪雪糕, 乳酪香味十足, 牛奶味亦很重, 雪糕沉實, 吃完一杯要來多一杯。 這裏還有抹茶雪糕, 但抹茶味不重, 很一般的雪糕。

係旺角唔知想食咩既時候，都有時會諗打邊爐...今日同男朋友食有海鮮個個任食有得無限添加豬、牛、雞、海鮮、三文魚刺身,算係個全餐啦!出面d火鍋食材都唔洗多介紹，都不外乎菜、丸、瓜、腸... ...仲有咖哩薯仔牛肉飯(其實好香，好想試，不過我當時太飽T^T)最好味既係...乳酪雪糕^^有埋雪糕筒比你唧雪糕，我食左兩轉，其中一轉唔係幾好彩，個雪糕筒"林"左@u@"真係好好味呀，乳酪味好濃香，又幼滑...另外d蝦都好大隻好新鮮，唔錯唔錯，encore左一次侍應姐姐服務唔錯，佢見我地牛肉冇晒，即刻主動問要唔要再加我地考慮左一陣，佢見我地想加與唔加之間侍應姐姐：你地係咪驚食唔晒呢？我：係...驚叫完食唔晒侍應姐姐：我幫你地落半份丫=)幾好!!!去食呢d任食既餐廳，最唔鐘意見到人地浪費食物，食唔晒好浪費咖嘛，係咪先？=)