牛摩+ (新港城中心(5期)) (已結業)

又一間曰式放題火鍋店另我滿意。裝潢跟一般的火鍋店沒太大分別。寛敞坐得舒服。不同等級嘅牛有不同嘅價錢，通常我會選擇最平宜的。美國牛肉，雪花分佈不錯, 肉質香軟，牛味濃，丁點肥膩感沒有，雖然平但品質不差，相當好。另一賣點可選擇每人一鍋、即是每人可以選擇自己喜歡的湯底。我喜歡蕃茄，完熟蕃茄湯最適合我。蕃茄湯底味道不太濃，我自己還加入大量蕃茄增加濃度，可見我喜歡達至程度。配料擺放整齊乾淨，另人食得放心。種類款式稍為少咗一點點，主要我想食的金菇，南瓜片....都有，ok la 。甜品區有迷你榚點，還有乳酪、沙冰。其實90分鐘真係時間不夠噢！

11/6 晚上首次到馬鞍山牛摩分店試下，中伏了！Ｄ肉似紙，沒肉味。！有KIRIN生啤放題意為好正，但又要全枱齊叫先有，多多限制！全枱女仕不飲洒，自己一個加＄啤洒放題又不可，反影給店長又話全枱五人齊叫啤酒放題才可！早知不入座。全枱五人共消費千多元，呢個價錢其實有好多更好選擇。呢間一次也嫌多。

原來想去食屋子，但係好多人排隊，所以唯有去新港城睇下有咩食，打算食傷心酸辣粉，但醒起有牛摩，於是去望下，見到唔洗等位，於是就試試。全程感覺唔錯，環境係幾乾淨，裝修都唔錯，位好大，坐得好舒服，我地叫左最平個套餐，都幾好味，櫻花炒飯好好味，兩個人食左好耐，服務員態度都唔錯，自助餐，有咩自己可以出去拎，肉類都上得好快，基本火鍋的配料都很足夠。我覺得食火鍋最緊要個環境要乾淨，呢度算係唔錯，所以我決定聽日再去食多次，$118其實唔算好貴，如果出去旺角食，連埋車費貴好多，所以難得馬鞍山有呢間日式火鍋放題係值得試下，而且比起酒樓又乾淨好多，味道又好味過韓國部隊鍋，值得間唔中去食下。

話說星期一返屋企, 經過新港城巴士總站收到牛摩宣傳單張, 一睇傳單有4送1優惠咁抵, 真係心郁郁想去試下.即刻問班老死去唔去黎到牛摩門口, 大大個公仔係度, 一定唔會搵錯地方門口有把尺, 開頭以為比我度高, 原來係用來計小童收費.竟然有日本牛肉證書認證, 唔似其它咁食左又驚佢呃你朋友未到, 唯有自己等下啦. 店員又好好招呼我可以入去睇下先, 朋友5-10分鐘內到的話又可以坐住等唔計時（可能因為星期一關係, 接近7點時客人不多所以可以邊坐邊等）話明限時90分鐘, 襯佢未計時梗係拿拿臨睇下自助區, 轉頭可以揸緊時間, 食盡佢啦黎到自助區, 好自然比個大木牌吸引左, 原來都係日本牛認證之類既野（這次同朋友食無揀到, 下次再黎一定試下佢）自助區範圍不算大, 但勝在多元化. 小小的空間已經滿足了你所有願望.最最最估唔到, 火鍋放題竟然包埋有熟食供應天婦羅同炸物幾吸引.好多當眼處都貼有溫馨提示朋友終於都黎到, 店員都好體貼問我地想坐卡位定需要一人一鍋. 原來卡位係大鍋黎, 不過同班老死食, 梗係一齊先過癮店員都好耐心講解優惠, 牛肉種類等等, 搞到我地都唔太好意思. 最終我地揀左澳洲特級和牛, 由

平時都有黎開牛摩打邊爐，一直都食開佢最平個套餐。點知今日約朋友去食見佢新推出左個優惠，晚市放題有88折喎咁抵咁味試下其他肉咁我地揀左澳洲和牛食，睇落個樣真系同平時食開既美國牛肉好唔同，平時戈d大大塊咁，依隻牛肉則系長條型既，d紋都比最平戈隻美國牛肉靚同有雪花，食落口仲好重牛味好嫩滑易入口今次食既套餐有包埋海鮮，咁我當然唔執輸叫一份試下。d帶子大大粒，蝦都好爽口，系個青口有d腥所以冇食到。個餐牌寫住包埋豬同雞咁味各叫一份試下，點知個豬出乎意料地好食，真系好滑完全唔鞋，個雞就一般正常水準，推介大家食牛之餘都可以食下個豬依間野比起出面同類型既鋪真系算抵食，價錢雖然差唔多，但系勝在款式多，除左打邊爐仲有熟食，炸物，壽司，甜品咁。有時唔知食咩好都會黎依度貪佢咩都有得食ma。我最中意食佢個芝麻雞翼真系好正，同埋佢d壽司唔似出面d任食放題咁慳得就慳，我每次黎都有三文魚壽司食，仲要有埋炸蝦卷戈d好多款比你揀。食完個正餐，走之前就一定要食埋個甜品佢，除左同類型鋪頭都有既乳酪雪糕外，仲有泡芙，蛋糕同奶凍。佢d泡芙真心好食特別系隻原味每次都拎佢5，6粒，重點推介黎!唯獨美中不足既系佢等位時間長，成日都排哂隊

上來openrice個個插插插, 都冒險去食次星期5晚預左等, 8點半後等到都9點, 就食最平果個108蚊, 因為見佢都唔係好大差別, 當日對海鮮唔太有興趣所以就108員工冇評論中講到咁差, 或者被插所以有改進啦, 堆單後員工都有主動加湯, 算唔錯, 臨尾都冇趕客了美食沙漠中少見的放題, 食108蚊十分接受ok的...至於食物出面拎既都冇大家講到咁差, 新鮮就一般啦, 不過d鼓油味感覺怪怪咁(但又唔似變)都多選擇, 但好搞笑的是, 豬竟然好食過牛......108牛乜真係咁差? 真係唔太ok冇一種想不停叫既感覺........價錢是ok但真係可能不會有下次了....

知道馬鞍山近呢幾個月開左一新日式火煱放題店，上網查過食評，發現劣多於優，真係吾係好想去幫襯，但我太太好喜歡食和牛，我先同太太放馬試試呢間傳聞惡評如潮既"牛摩"；試過後，發現又不如網上食評寫得咁差姐。甫入座，發覺座位與座位之間有一定空間，不致使有種迫澀感，因為我同太太都想用餐時有一定私人空間；服務員遞過餐牌給我後，詳細介紹有邊款和牛同湯底揀；我揀左"澳洲極上和牛小排"，價錢合理，味道不錯，我太太都話ok；我order左5次肉，發現1st round嚟既肉同2nd round嚟既肉，從外觀上明顯係有d吾同，要求店舖經理更換，可是就換不番1st round嚟既咁樣；熟食方面，味道平平，款式不多，且溫度不夠熱。服務方面，服務員會主動清理枱面多餘既吉碟，又主動行埋嚟加湯同問駛吾駛加肉，同埋不厭其煩地介紹推廣優惠，呢一點值得一讚；不過店舖人手就好似吾多夠，舉手後，往往要等幾分鐘先會有服務員應，如人手再加d，服務應該會再好一點。綜觀上述，我同太太應該會再嚟幫襯，希望下次"牛摩"會有改善。

首先未座低就要簡湯底，問多二問服務員就不耐煩，食完牛又唔會幫手再加，黎左牛又唔黎豬，服務員個個好忙咁，搵極都無人應，自助區碗碟太不乾淨，有油同污積。無提我地幾時last order ，一黎就直接比張單我地。熟食區既野食都唔好食，壽司唔太新鮮，其他熟食好似雞翼，飯，就唔夠熱。自助區既野又小。但乳酪雪糕就唔錯，幾好食。但咁既價錢，出去酒樓任食可能仲抵，款式仲多。下次有機會都唔會再幫襯，食完都唔會開心，好似比人昆左咁，食唔到應有既份量同質素。

因為探望朋友嘅BB而第一次入馬鞍山，晚餐就諗住係附近商場食，朋友話呢間係新開，未食過。而呢排凍冰冰，就非火鍋莫属。由於星期六周圍都要等，攞咗飛仔，係接待姐姐細心解說收費後，大約等咗15-20分鐘，18:45入座，入座起計90分鐘，坐底後有重覆收費同介紹湯底、野食擺放位置，呢樣真係好抵讚！最後我哋選擇咗$248/位嘅澳洲特級和牛，湯底都有好幾款，記得有辣同蕃茄、豬骨等等......我哋係清一色選擇豬骨湯😂😂5分鐘左右就上湯底同牛肉，比預期中快好多，上湯員工不時有提點小心熱同電話唔好擺近爐邊，都幾細心呀。自助區好多野，有sushi 、熟食（炒飯）、韓國年糕（估佢唔到囉）、仲有yoga ......好貪心地一次夾好多丸、菜...員工仲好細心幫手攞👍🏻👍🏻中途不時有人幫手收走吉碟、加湯、洗唔洗加order 👍🏻👍🏻整體黎講今餐食得相當滿意，全程入去食嘅感覺都好舒服！

睇見食評甘鬼差，懷著戰戰兢兢既心情打算搏一搏喇。星期六下午，基本上唔使等位。揀左單碟美國肥牛，$79加一。兩個人坐大卡位，不過卡位只會得一個鍋，方檯先係一人一鍋要留意啊！有熱食區，火鍋配料區，沙律吧，飲品區及甜品區。熱食有：炸餃子，香脆必食薯條，已經淋晒白汁意粉，地獄雞柳，炒野菜，炒飯，賣相普通沙律吧有：中華沙律仲有菠蘿粟米紅腰豆等既配料火鍋配料有：4款菜+5款丸，最得意係芥末丸另外烏冬豆腐粟米南瓜粉絲之類既野飲品區有：熱咖啡機，沖杯朱古力好濃。仲有汽水機同沙冰機甜品有：北海道乳酪，正常味芒果布甸同咖啡奶凍一杯起一杯止。湯底揀左一邊豬骨湯，另一邊蕃茄湯，豬骨夠濃，蕃茄無味。食夠60分鐘自動有人拎張單黎埋單至於人見人怕既服務方面有個類似經理既職員表現得異常有禮貌其他職員正正常常甘囉。總括黎講，食物種類牛摩多d,服務我覺得日牛好d!

訂咗10人枱，一入去就逼人落鍋，仲要逼所有人叫同一個套餐。食得個90分鍾根本唔飽，D熟食望落去仲好污糟，望到就唔想食服務人員態度差到不我得了，叫佢就當聽唔到，又一副唔耐煩樣!套餐D肉食唔晒又唔俾人攞走，最騎呢就係等埋單時，佢收晒所有既鍋但留低碟生肉係我面前，唔知係未想叫我食生牛肉豬肉?!

知道馬鞍山新開打邊爐放題，於是一行五位朋友諗住去試下晚市。其實都預佐多人要等，於是有朋友就早佐個幾鐘拎飛啦。之後有位朋友因有事黎唔到，咁我地就提早同叫飛位女同事講，點知佢企得好硬話如果唔係五個就要我地從新排過。我地都同佢解釋朋友黎唔到我地都唔想，同埋我地已經等佐個幾鐘，有無其他辦法。佢話因為四人同五人抬唔同，如果改四人要去另一條隊排。嘩!!講真，我真係無諗過會係咁樣既安排。佢個樣同服務態度真係好差!!大大聲係門口鬧我地拎錯飛無得改，公司政策係咁!!後尾見到位自稱男經理，我地同佢講返呢個情況，佢不但唔去了解仲推比另一位男同事跟進。反而呢位高高瘦瘦男同事態度好好，仲解釋返比我地知佢地既難處。其實我地都無心難為佢地，只係因爲都已經八點倒，其他餐廳都已經好多人排隊，而且一心想試下呢間野，睇下有無其他方法唔洗再排過。雖然佢地最後都比我地入去坐，但整體感覺好差同無下次。同埋入到去好多吉抬，出面人依然咁多但都唔放人入。總知就唔會有下次。另外一提，佢地啲碗碟好油同有污漬，建議各位洗洗佢望清楚先好用。

開張幾日 身為長居美食沙漠既居民當然要急著嘗新晚市為5點開始 6點3左右拎飛 排到7點左右就入得好的是螢光幕會顯示1-2人號枱最後叫飛既時間等大家有好預算 因為用餐時間為90分鐘入座時職員會問埋要咩湯底咩牛 2人可選2種湯今次選了澳洲特級和牛 壽喜燒同豬骨底 $248+入座後 急不及待去拎熟食 事關太肚餓串燒 // 柚子雞翼//日式餃子//魷魚圈柚子雞翼係唔錯之選 好入味 但唔知小食會唔會日日轉新款拎完小食入座後已經見到兩個湯底同食材已到壽喜燒湯 + 豚肉豬骨湯+三款海鮮 (帆立貝 + 海蝦 + 青口) 都是任叫的兩款肉質都唔韌 簿身 快熟 共加了4次 2碟2碟咁加但入味就始終唔會入味 因為食材十幾秒就被錨走所以先行試過湯底 濃味的!!再去拎其他食材三丸為 海鮮三文治 // WASABI湯包 // 麻辣湯包海鮮三文治不証試也罷 另外兩款記得唔好一口氣食晒 好熱嫁好多汁!!Captain服務抵讚 留意到客人枱上無晒牛會問你使唔使加仲入埋廚房親自跟單再拎出黎但最不滿係另一屠職員居然最後6分鐘先通知用餐時間剩6分鐘仲要準時90分鐘熄爐 搞到冇時暑食甜品 好唔開心走前問了captain 大家要