牛摩+ (新港城中心(5期)) (已結業)

任食邊爐尼講近排成日encore呢間牛摩,質素唔錯，價錢非常抵食，自助區火鍋料選擇應有盡有，上菜上得快，。most town呢間分店同我平時食開既分店裝修少少唔同，用深色做基調比較有格調。今次試精選美國牛肩胛 90分鐘放題，佢有得揀一個煲鴛鴦鍋或者一人一鍋，我哋就叫左蕃茄薯仔湯同埋沙嗲。沙嗲係我每次都必叫既湯，淥肥牛同生菜都好味，唔點豉油都得。但佢出面既醬料區每樣我都勁愛，推薦豉油+蒜+麻油+秘制辣醬，點牛牛食一流牛肩胛顏色鮮艷，唔係雪到好硬既雪藏肉，淥幾秒已經食得，佢薄薄地但係好大片，一啲都唔un!牛味好香又唔會騷，肉質淋滑，我地encore左6-7碟，食唔停口😋😋😋豬肉同羊肉片大大片，肉味好香又夠淋👍🏻👍🏻自助區同其他分店一樣夠多種類，蔬菜有6-7種，又有壽司，咖哩飯任裝，必定要拎韓式粉絲，同沙嗲湯perfect match飲品雖然唔係罐裝，但係都有好多選擇，每樣斟少少嚟飲都飲到好多款

同朋友去完游水，打算去食餐勁嘅！超級肚餓！增肥之旅決定就由牛摩開始！當中有唔少套餐可以選擇，由$119起跳，豐儉由人，我哋選擇咗「特選美國牛肩胛」！$149已經包咗好多嘢！侍應話會每款肉上一碟先，之後可以再逐碟加單，當中有羊卷肉係我同朋友都唔食，店員都好樂意安排走羊，唔需要浪費食物！湯底方面，要咗平時食開嘅壽喜燒汁及餐廳新出既長野蘋果湯🤭淡淡的蘋果香味，令成件事更吸引🤩餐廳環境寬敞，出去攞嘢食都非常方便！生/熟食物既儲存方式都非常衛生！抵讚！熟食質素都非常高！打邊爐之餘都有另類享受😋牛肩胛～肉味香濃，顏色鮮艷，令人食慾大增，一片片牛既厚薄適中！脂肪分布均勻👍🏻雞肉～雞件肉質亦非常細嫩，件件都無骨，非常方便😬壽司～種類比我預期多，質量亦都非常不俗！最鍾意朱古力口味嘅雪糕！自己吱出嚟都幾靚吖🤭放上自己鍾意既配料，合哂胃口👍🏻

對於喜愛牛肉同打邊爐既我黎講，呢家真係我其中一間心頭好！牛肉非常新鮮，質量也非常好，牛小排餐抵食，除左可以食到極品級美國牛小排，仲有好多唔同部位，包括美國和牛、牛板腱、牛肩胛、牛舌，唔想食牛都仲有豬、海鮮、羊、魚等等可以叫。有樣好係佢可以一人一鍋，就算有朋友唔食得牛都可以一齊黎架。手機落單之餘，出面都仲有自助區，自助區竟然有壽司，又有好多菜同丸類，基本上龍蝦丸、獅子狗、貢丸全部都齊。甜品野飲都好多款。招牌牛摩飯一定要叫，加埋紫菜碎同溫泉蛋，然後將佢撈埋，勁好食，我次次黎都一定要食，佢d牛肉碎係加左秘製既莎莎醬，極度中意，每次真係會為左碗飯再黎！

我好少食放題，因為覺得任食嘅多數質素麻麻，今次竟然比我發掘出值得去食嘅高質放題，揀左午市去，性價比更高湯底多選擇，今次揀左關東風壽喜燒配生雞蛋&養生蟲草花雞白湯，一個濃味少少，一個清淡少少，配合唔同嘅食物。先將牛肉放到壽喜燒湯，到合適嘅熟度再沾上雞蛋汁，令牛肉更滑更多汁。海鮮類我較喜歡搭配雞白湯，唔會掩蓋了海鮮本身嘅鮮味今次揀左極品美國牛小排午市90分鐘放題，極度推薦大家揀呢款，因為呢度嘅牛小排太高質，好大塊之餘，多油花，油花愈多代表牛肉肉味更溫和，唔會騷，牛肉新鮮，唔會雪到一舊舊美國和牛同樣好食&大大塊，牛舌好咬口，豚豬帶鮮甜味，另外蔬菜、飲品、甜品等都任拎任食，最後一定要食返杯北海道牛奶雪糕海鮮好多選擇，有海蝦、魷魚仔、帆立貝、扇貝、廣島蠔、青口等等，可以每樣食少少，咩都試到

同朋友揀湯底先1)關東風壽喜燒(附鮮雞蛋一隻)2)港式番茄薯仔湯，佢湯底夠濃，滾肉類就好夠味。3)再選午市極品
美國牛小排放題$299x2套餐已包埋: 美國極上黑豚肉、極上美國牛小排、牛舌、美國特級精修胸腹肉。💗4款肉類都正好食👍4)包埋海鮮盛盒廣島蠔x2 帆立貝x2 半殼青口x2 半殼扇貝x2 海蝦x2 魷魚仔x2 加拿大翡翠螺x2💗呢個盛盒食材都好新鮮👍💗出面還有自助形式攞下蔬菜、丸類、麵食、炸物、壽司、汽水、雪糕🍧等等。我哋食到差唔多，就再掃描下單。再另叫一碟極品美國牛小排台灣祭-珍珠奶茶，唔太甜我鐘意。💗佢嘅軟雪糕超級奶香，加埋細細粒綿花糖，更好味。💗地方乾淨衛生

朋友話上網見到而家做緊指定分店推廣優惠，個套餐幾抵食，所以要黎食下，今次揀左美國穀飼精修胸腹肉+海鮮放題(平日$219/位)，任飲任食90分鐘，而且原本台灣祭活動延長左，所以有多D配料可以嗌，今次賺左🥰呢到掃QR CODE落單肉類海鮮，同埋出面自助區拎配料飲品裡面有分大電磁爐用大鍋、或者一人一鍋，可以按照同朋友嘅飲食喜好入座前決定😉裡面座位都好闊落，坐得舒服，而且枱夠大放得晒D食物👍🏻呢到仲有圍裙可以拎，唔使怕D湯汁彈到衫污糟左，幾細心嘅服務🥰大約有20款蔬果丸類配料可以拎壽司：雖然主力都係打邊爐，但都可以食D壽司過下口癮😆有三文魚、蟹柳、甜蝦、玉子壽司等飲品區：有汽水、果汁、熱茶、清解茶，口味選擇都唔少調味料區：按照自己口味調配醬汁甜品區：有杯裝啫喱、泡芺、蛋糕仔、軟雪糕等今次揀左鴛鴦湯底，昆布鰹魚清湯味道幾清甜，而博多美人骨膠原啫喱雞白湯(+$10)帶點香濃雞湯味😁美國特級精修胸腹肉心：肥瘦比例相當平衡，入口嫩滑，肉味唔錯帶點油香🤤特級美國牛肩胛：肉質較為實在而肉味更香濃😋海鮮盛盒：有海蝦、蟹籽墨魚滑、半殼青口、魷魚仔、帆立貝，整體都算唔錯，食落鮮味彈牙😋ENCORE左好多次海蝦同

星期三唔洗OT又難得約到好朋友，大家都話想打邊爐放題，因為可以食到滿足為止。揀左位於馬鞍山新港城嘅日式火鍋店-牛摩，佢哋嘅牛肉品質有保證。碟碟都咁新鮮。同朋一行2人叫左呢個胸腹肉+海鮮放題set。一次過食到牛同海鮮！湯底方面就揀左兩個，一個係港式沙爹，花生醬沙爹味夠濃！另一個就壽喜燒湯底，壽喜燒牛肉點生雞蛋，最正宗嘅食法。牛肉方面有主打嘅牛胸腹肉同牛肩胛，牛胸腹肉係肉質方面油脂分配更好，每件食落較滑身，但同時又唔會太肥。如果鐘意食肥牛嘅朋友，真係推薦你一定要食牛胸腹。 當然牛肩胛都適合返鐘意食肉分佈多啲嘅朋友。但每碟牛都好新鮮。 order 亦嚟得好快。所以唔洗擔心唔夠時間。海鮮方面都有好幾款，海蝦，帆立貝，青口，魷魚筒等等。 每次嚟嘅海鮮賣相同味道都好新鮮，以放題嚟計算係高質。另外其實自助嘅火鍋料吧都應有盡有，全部都有蓋好，保持新鮮衛生。壽司，小食，飲品都好多選擇。

最近有台灣祭，任食火鍋加上台灣小食和珍珠奶茶，每人二百幾蚊，抵食呀～牛小排放題 + 關東風壽喜燒/蟲草花雞白湯鴛鴦鍋底極品美國牛小排任食牛小排，油脂分布靚，肉味香濃，大片特別有口感，滿口油脂香。SRF 美國和牛油脂分布平均，入口肉質嫩滑，有咬口美國特級精修胸腹肉心 肉質細嫩美國極上黑豚肉 脂肪少，比較爽口海鮮盛盒：廣島蠔肥美、加拿大翡翠螺非常爽口、半殼扇貝肉嫩、海蝦爽口彈牙、半殼青口鮮美、帆立貝厚肉、魷魚仔鮮味。雞肉嫩滑台灣祭一鹽酥雞和日本一口芝士都炸得外脆內軟迷你甜薯香甜味美，軟糯香甜唐揚池魚仔金黃香脆，脆卜卜好惹味。甜品

母親節又食酒樓有啲悶，同阿媽黎新開火鍋店食任食火鍋有新意！今期見好多台灣野食，有米血糕、皮蛋紅薑貢丸、凍豆腐、珍珠奶茶等等。慶祝嘅我唔會慳荷包啦！揀第二貴嘅貴嘅牛摩牛小排套餐，幾乎所有肉都任揀，仲有海鮮食。QR code落單嘅肉當中最正係極品美國牛小排，夠軟嫩重牛味；美國極上黑豚肉極薄片焯一焯肉味濃有質感；美國特選牛肩胛，纖維較多質感厚d但肉味又再濃d。海鮮先勁，有廣島蠔、翡翠螺、海蝦、墨魚滑、扇貝、青口、帆立貝等等。任食質素海鮮黎講，算係新鮮，尤其係廣島蠔、翡翠螺同帆立貝，真係幾鮮味。當然除咗呢啲之外，自助區都仲有好多野食，有軟雪糕、西式甜品味道唔錯，同埋阿媽都好鍾意親自整杯軟雪糕嘅過程。仲有壽司啦、其他菜、丸、前菜之類，飲品就任揀啦，呢間分店整潔度同服務幾好，為返1個人先3百幾蚊，平過酒樓啦！

今日去咗馬鞍山呢一邊食shabu shabu 夜晚時段都好彩唔係等咗好耐，好快就有得入去 店員首先示意我哋叫湯底，我哋就揀咗雙拼，我第一種揀咗壽喜燒另一樣就揀咗沙嗲湯底 入到去店員都俾個頭盤我哋，有雞豬同埋牛肉 牛肉嘅油脂分布睇落都幾靚仔，再加埋壽喜燒甜甜地個湯，配搭上都唔錯 牛肉亦都唔會太多肥膏，食落嘅口感亦都唔錯，質素都幾高 海鮮拼盤就有蝦魷魚青口帶子同埋墨魚滑 帶子每一隻都非常鮮甜，墨魚滑亦都非常爽口彈牙出邊自助區，都有好多唔同嘅嘢食 主要都係蔬菜，丸，同埋嘢飲 我哋每款都攞咗少少黎，so far 都睇得出佢食材非常新鮮 啲菜亦都洗得好乾淨 丸類我試左墨魚丸芝士腸，加上沙嗲湯底食都唔錯 嘢飲我哋今日就冇飲酒 選擇方面都好多，我就揀咗綠茶之後仲飲咗杯沙冰餐廳環境都唔錯，位置安排唔會好迫，坐得都算幾舒服 最後甜品食埋個朱古力雪糕，簡直係大滿足！總括嚟講呢個價錢亦都唔算太貴，有機會會再返嚟幫襯

想大口食肉嘅時候，總係會諗起屋企附近嘅呢間牛摩火鍋放題🥘。最近見到佢搞緊台灣祭，同一個放題價錢多咗好多期間限定嘅台灣食物， 咁又真係幾抵食 😲。 所以呢日夜晚，就嚟嗌咗個最高階嘅極品美國牛小排放題套餐😋。 ❤ 湯底 湯底揀咗蟲草花雞白湯同埋沙嗲湯， 蟲草花雞白湯好鮮甜，清清地用嚟淥海鮮就最啱㗎喇😋。沙嗲湯底就比較濃味，煮肉同埋菜都好合適。 ❤肉肉推介極上美國牛小排🐂，肥瘦適中，大大塊淥幾秒就食得， 肉味好濃而且質感好軟稔。另外，美國極上黑豚肉🐷都一定要試，豚肉切得好大塊好薄， 油花細緻，煮一陣間已經有好鮮嫩嘅肉味 ， 點埋麻醬食真係好好味😋。 ❤台灣祭特色食物啲丸丸真係好好食，特別推介麻香貢丸、芝心牛肉貢丸、蘑菇芝士丸😍。 另外，炸魚皮、豆腐干絲麵同麻辣鴨血都值得一試😚。 飲品方面，仲有珍珠奶茶同埋寒天晶球奶茶🥰，又唔使加錢💕~ ❤ 海鮮蠔煮熟後又鮮又肥美， 另外帶子都好大舊， 如果個餐包海鮮就一定要點呢兩樣啦😝。 ❤自助區食物除左QR code點餸， 自助區仲有好多唔同嘅嘢食，包括蔬菜、菇類、瓜類、 麵食等等。另外仲有炸物、壽司、雪糕、甜品、冷熱飲品。手握壽司🍣選擇都唔少，其中三文魚

一直很喜歡台灣火鍋，見牛摩上月推出了台灣祭限定，決定和朋友一戰！我們選的是極品美國牛小排套餐 ($349)，限時90分鐘放題。湯底方面，蟲草花雞白湯清淡而不失味道，十分健康，而我朋友則點了壽喜燒。海鮮有8款，選擇不少，最推薦廣島蠔及扇貝，肥美飽滿，非常新鮮，讓人回味。牛肉點了極品美國牛小排和SRF美國和牛，牛肉味十分濃，脂肪比例均勻，試了幾款，最愛牛小排。另外雞、豬、羊每款都很新鮮，質地鮮嫩。另外有多款特色丸類供應，牛骨濃汁牛丸、醬爆瀨尿牛丸、蘑菇芝心堡等，每款都非常彈牙，當中夾著的爆汁餡料讓人有驚喜及滿足。小吃方面點的雞軟骨粒本身不抱期望，點知係即炸的，十分香脆可口！而台灣祭限定的麻辣鴨血口感亦十分出色，辣度適中。外面自助區蔬菜選擇亦很多，驚喜有羽衣甘藍。飲品有驚喜，竟然提供了珍珠奶茶和寒天晶球奶茶，細細杯不會太飽，兩款都非常不錯。最後少不了雪糕環節，為整餐劃上完美的句點。總結來說，這個價格絕對物超所值。食物種類超多，而且每樣味道都十分出色，極為推薦。

可能lunch時間幫襯，選擇一小時優惠，門口接待員服務態度超差。入到去仲有20分鐘夠鐘，同一職員就趕住埋單，4個人食淨大半兜丸，其實當時我哋仲食緊，但職員已經話我哋食淨d食物，不過我哋都算啦，講咗唔好意思，就算，點知之後個職員仲同其他職員指指點點，真心冇禮貌。職員已經想趕我哋埋單走，成件事好矛盾，又要我哋食晒d嘢，又急急趕我哋埋單，埋完單多口問差少少夠商場泊車優惠，有冇多單可以夾，佢又話商場一定要同信用咭同名，明白佢可以唔俾，亦都無義務幫手，但冇需要講大話，其實平時泊開呢個商場都知唔洗對信用咭，不過算啦 。食完呢餐lunch,大家認為貼錢買難受，冇下次。

今日同朋友睇完戲,就系附近搵下野食,行下行下就見到呢間火鍋店。今次第一次黎牛摩打邊爐,感覺都幾乾淨企理。我今次揀左牛板腱餐$229，不過我地6點半就黎到,門口個職員同我地講,平日晚市7點前入座會平10蚊,真系好抵啊,另收加一服務費。一坐低職員都有同反我地講用QR code落單，個版面都幾清楚,唔洗驚要自己不停咁舉手舉到攰。用QR code落單,叫幾多食幾多,唔洗驚浪費ma我地食牛板腱餐仲有得試埋美國牛肩胛,豬雞羊牛舌,咁我當然唔執輸,每樣都叫下啦,可以試多幾款唔同既肉。又估唔到佢呢度D雞都幾嫩滑BO今次我坐卡位叫左鴛鴦湯底壽起燒併番茄湯, 值得一讚系呢度叫鴛鴦湯系唔需要加錢,出面好多打邊爐放題都需要加$$50。番茄湯酸酸甜甜，味道濃郁，感覺都幾健康,壽起燒湯仲會跟一粒蛋。估唔到除左打邊爐,呢度仲有得叫埋炸野小食,例如甜薯,枝豆,溫泉蛋,炸餃子等。D炸野都好熱辣辣,我諗應該都系即叫即炸,唔會攤到凍哂。牛摩打邊爐推介：牛板腱，中間有一根透明的嫩筋，脂肪少，肉又結實 ,想吃有嚼勁口感的牛就必揀佢。呢個餐大件夾抵食仲包埋海鮮,有魷魚仔,青口同帆立貝,D都青口都幾肥美。打邊爐,飲品都系不可或缺的

今次我去左屋企附近既牛摩打邊爐,我都算系佢地既熟客,分店面積都算大，簡潔乾淨.我今次都系食反平時食開既美國和牛餐$279 ，星期五、六、日及假期加$10 ，另收+1服務費。用scan QR code自助落單，介面都幾清楚，容易落單。每款肉都係寫幾多就比幾多，可以減少浪費唔驚食唔哂，仲可以試多幾款唔同既菜式。職員服務態度都好好，經常會自動幫你收碟和加湯。餐廳提供WiFi，自助區選擇都幾多，夜晚仲會提供埋壽司,花多眼亂有排揀。火鍋配料推介：SRF美國和牛，肉嫩味濃牛骨濃汁牛丸, 濃郁牛肉鮮香、多汁彈牙炸雞軟骨,即叫即炸,好香脆呢個餐除左SRF美國和牛,仲包埋IBP牛板腱,美國牛肩胛,黑豚肉,羊肉,牛舌,雞肉。估唔到除左牛肉好食,黑豚肉都比想像中出色, 肉質鮮美細嫩,中意食豬既人可以ENCORE多幾碟。呢個餐仲包埋海鮮,有蝦,青口,魷魚仔同帆立貝,青口都幾大隻,蝦肉質都幾彈牙,一D都唔霉。今個月15至28號食牛板腱或以上,只要在牛摩IG/FB讚好,就會送大虎蝦,我都唔輸蝕讚左先,時間岩岩好,冇遲又冇早,正!如果我下次再想打邊爐,牛摩會是我的首選。