牛摩+ (新港城中心(5期)) (已結業)

燒肉同打邊爐不嬲都係我至愛，成日都搵啲餐廳可以一次過食哂呢兩樣野。估唔到馬鞍山都有得食。90分鐘牛小排加海鮮鍋燒放題，先燒烤再打邊爐。先燒咗雞肉，等個鍋多啲油先燒海鮮同肉類，冇咁易痴底。雞肉超香，雞皮香脆，爆哂啲雞油出嚟，所以食落冇咁肥。之後就開始燒海鮮，有海蝦、元貝同魷魚筒。全部都好鮮甜，唔使特別再調味。海蝦大大隻，肉質彈牙。跟住就燒肉了。先燒牛小排，油脂分布好平均，色澤鮮明，好靚。店員話燒肉時可以加骨膠原，會更juicy。另外個醬料有少少麻辣，會令肉更惹味。果然加咗呢兩樣發寶，真係好食啲！好香牛味，好滑好香。同埋有豚肉同牛舌，牛舌好煙韌彈牙，估唔到咁好食。燒完就打邊爐，揀咗昆布鰹魚湯同蕃茄牛肉湯，兩種湯都好香。今次就主攻蔬菜同丸類，平衡返。金菇、蘿蔔同冬瓜都係必食，好入味。麻吉燒好煙韌，龍蝦丸彈牙。最後食返個3.6北海道牛乳雪糕作結，滿足嘅一餐！

疫症侵港多時😢疫情稍緩，是時候打邊爐呢牛摩有多款fusion湯底今次選了越式牛肉湯crossover地獄湯底再用蕃茄南瓜餚製地獄蕃茄湯！精選牛肉脂肪分布通常都是這樣子呢但美國牛勝在牛味濃豬肉味道不錯、雞肉沒有雪味不俗！下次可以揀更高檔次牛牛🐮Shabu 除了吃牛，就是為了吃菜這裡蔬食類有廿多款正合乎女友食多色食物吸取營養的心意蕃茄南瓜粟米餚出惹味蕃茄湯而芽菜粉絲美牛肉更是與越式牛湯絕配一切盡在不言中😋星期日以$119加一食牛任食90分鐘來說性價比很高，值得再幫襯！

自從上個月惠顧後登記成為會員，贈送四人同行一人免費優惠券，今天全家一齊去打邊邊！大人小孩都最喜歡吃牛肉，所以我們便不選擇吃雞肉了。一人一鍋，湯底方面其實有很多選擇，不過我們各自選擇了蕃茄薯仔湯、豬骨濃湯、九州地獄湯，投其所好！選擇了特級牛肉，每位$179 加一，這次的牛肉也很不錯，牛肉入鍋後滾3秒便恰到好處，牛肉並沒有太多肥膏，吸收了湯底非常好味，加上配合不同的自助醬料(辣椒、炸蒜、生蒜蓉、芫茜、麻油、芝麻醬、辣椒油)就更加惹味。極上黑豚肉也不錯，薄薄片放入鍋中滾10秒便可，豬肉紋理均勻，豚肉有咬口卻不韌。除了牛肉和豬肉之外，牛摩還提供很多熟食和火鍋配料供應。而比較出色的熟食是各式各樣的壽司、炒烏冬、香煎魚頭。火鍋配料較特別的是芝士丸，丸裏充滿濃郁的芝士汁，其次是貢丸，貢丸10分彈牙，香菇味重。還有西生菜、油麥菜、小白菜、甜粟米、麻辣包心丸、牛摩魚旦、南瓜、芋頭、金菇菜，樣樣都新鮮。最後要介紹甜品區和飲品區，甜品區一定要試試泡芙、北海道3.6牛奶奶凍。還有軟雪糕🍦不容錯過！飲品推薦蘋果沙冰和荔枝沙冰，偏甜但配合火鍋是很不錯的！

今日六點幾去咗牛摩食晚飯，趕得切喺七點前入去，個價錢係會平啲，入到去當然先叫湯底，今次係鴛鴦鍋我哋冇叫一人一鍋。就叫咗蕃茄湯底同埋壽喜燒湯底，個壽喜燒湯底完全跟足傳統有蛋，同埋個壽喜燒湯底都好正，蕃茄湯底入面都有好多濃嘅番茄味，之後就不停叫阿牛食啦當然，D牛又林又快熟。另外佢哋熟食都有好多，有七味燒雞翼，日式雞串燒，燒三文魚件，又有壽司，豆腐，及野菜蔬菜系列等等數之不盡。最後試埋燒菠蘿，好正好甜好juicy，另外最後一定要食軟雪糕好有牛奶味，個topping就自己加上去，有朱古力碎，花生，棉花糖等都可以加。

我家两件小惡魔成日唔太食嘢，但對日式火鍋放題情有獨鍾。每次去都放懷狂食。今日適逢放大假，又適逢係每月的最後星期四，是「牛摩」的優惠曰，有75折。一於接小朋友放學去食餐勁。識食的一定係5點入座。因為午市做到5點，之後係晚市。入座有成90分鐘，食到6點半，好good fit.两小一大被安排坐卡位，可以有鴛鴦湯底，小朋友中意味噌湯。我就中意豬骨湯。牛肉三人件有一大盤。另外仲有豬肉片及雞件。至於小食，蔬食，麵食，甜品，飲件就放題任食。小食中，炸物頗搶手。埋單两百幾，餵完两個小惡魔又食得開開心心。值！

侍應對客人呼呼喝喝，態度差，比說話啲客聽。間舖生意本來都不是旺，都咁既態度.... 馬鞍山有咁多餐廳，更加不止一間日式放題餐廳，次次去到都咁既態度，免費都不會去食啦.

天氣凍，最好打邊爐。十十下，成個人暖哂。第一次食牛摩，平時路經不太多人等位，今天等了15mins.原来是一人一鍋，幾好，唔使爭要咩湯底。點了最平的牛肉任食。首先look look有咩熟食，有驚喜！有炙燒shushi,泰式魚餅，炸豬腓，沙律，甜品(細細粒的朱古力cake,拿破倫，軟雪糕)。。。飲品有罐裝，也有機冲(奶茶，咖啡，朱古力…等)Shushi大大件，幾新鮮。八爪魚也是我flavor自己混醬有南瓜，粟米，韭菜，番茄，餃子丸丸丸和丸大大粒龍蝦丸，芝士魚方塊，黑墨汁墨魚丸一人一鍋most card 會員有9折架，個廣告貼係門口唔當眼位置。入座時show給waitress睇apps上的member no.就得。一個好大缺點，是無分生熟筷子，應該自動提供兩對筷子

天氣凍左，想食邊爐放題，咁某日下午就來到馬鞍山牛摩這裏食火鍋，佢係火鍋放題，唔知係咪下午冇咩野食，基本上好吃的，我已拿了，見附圖我地叫左個鴛鴦湯底，揀左壽喜燒同日式豆乳，揀壽喜燒要另加10元，附送一粒雞蛋，我地當日食左牛肉，豬肉，雞肉，菜，烏冬，甜品~食物種類唔多，味道一般店員態度正常環境都ok乾淨，同埋呢到比較少人同靜

又系小妹搵平野食嘅時💁🏻～如果大家有中銀信用卡～平日星期一至四～17:00-21:00去牛摩食野～特價$179咋！（原價$358，非廣告😂）我見平左咁多就約個有中銀卡嘅朋友仔去食啦緊系🍺🍺🍺🍺🍺🍺🍺🍺🍺🍺🍺🍺🍺🍺馬鞍山呢間牛摩幾濶落嘅～坐得幾舒服鬆動！衛生都幾好～幾乾淨企理嘅～中銀優惠海鮮牛小排任食2個鐘～仲有一杯啤酒🍻送添，可以同朋友啤啤佢！牛肉d 紋都幾靚但未到最高質～海鮮都算多選擇，除左有蝦之外，仲有生蠔呀、花甲、同帶子添！🦐🦐🦐肉類都仲豬呀雞選擇～百幾蚊1個人～仲包杯啤酒都可以食下嘅！但食正價就唔算好抵啦～ 仲要好多人排隊，我諗我地等左個幾鐘🙈所以如果無折我系唔會再幫襯💁🏻～

由於本人好鍾意食sabu sabu或者日式燒肉⋯所以好多時同男朋友慶祝都係呢兩樣。今日終於同男友一齊放假⋯諗左好耐終於決定去沙田食牛摩,點知係火車出發途中手痕去睇下個食評，發現近期de評語差到呢⋯食野最驚食得唔開心又一肚火所以即刻轉分店，轉左去馬鞍山，當行遠de拍拖拖⋯去到我地揀左個$248既極上奧洲牛⋯我揀左壽喜燒（記得以前食開其他公司既都好咸，呢個清清地唔錯），男友揀左蕃茄。薄薄地先入味好食～嘩de花紋好靚呢～最後我地2個食左3碟牛同2碟黑毛豬～（不過我同男朋友都發覺佢俾第3碟牛應該係低一個價個款，因為個味道有唔同，但見都好靚，所以就算啦）仲有其他熟食（但就見唔到壽司，我無所謂因為主攻牛）～呢度都想講～個黑毛豬真係唔錯（唔記得影）臨尾食返個乳酪雪糕舒緩下～不得了可能下午人流唔多，店員服務態度都無問題，環境衛生都舒服既

天氣好凍，好想打邊爐!放工後趕住去上堂，但都要滿足我呢個小小願望!係馬鞍山選來牛摩60分鐘!!因為要快食，影相唔多。整體都OK，正常LA!最滿意係乳酪雪糕，前後食左四大杯!!!

係馬鞍山要搵食真係唔難，但要搵到位就真係好難，間間鋪出面都排滿人，不過好彩今次我地得2個人，而且6點9黎食早晚飯，所以排左15分鐘就入得呢間牛摩唔係第一次黎，再黎原因係$2xx，食到既牛唔會係超多肥膏，我地今日仲試左魚蝦湯底，清清地幾好味而出面啲蔬菜，丸等等種類唔算多，但就足夠我地兩個鍾意食菜既人，因為有生菜，油麥菜，白菜，棠菜，冬瓜，南瓜，香芋，白蘿蔔，蕃茄，特別一提係雙重芝士丸，絕對唔係嗰隻一凍左入面啲芝士變膠嗰種，佢芝士味好濃，好好味至於熟食方面，有4盤，雞翼，雞串，炒飯同燉肉，另外仲有炸物，燒菠蘿，壽司，沙律雖然呢種日式火鍋放題佢唔算最好，但已經係算好好架啦，但90分鐘的確有啲趕

成日見到呢間餐廳大排長龍，今日終於有口福了。預先訂了檯，所以人齊後等了一陣就可以入座了，入座前要同職員講你要咩湯底以便安排。我們一行六人,冇得一人一鍋，叫了兩個鴛鴦湯底，兩個煲一齊開心share.餐廳座椅尚算闊落，而且抽風系統做得好，沒有平時火鍋店那種煙霧瀰漫的現象，吾會打完邊爐成身味。職員會根據你點的套餐奉上肉類，食完再叫，其他配料就可以去自助吧隨意挑選。我幾鐘意佢呢個自助吧，款式多的是！ 疏菜有成十款有多，而且好新鮮！ 又有壽司，目測都有成十款。特別推介三文魚壽司，三文魚油脂分佈平均，色澤均勻，大推！ 除此之外，自助吧還提供炸物和熱盤。主角的美國牛肉吾錯，如果有多些「雪花」會更好，哈！打得邊爐就括左出去啦，肥牛梗係肥d 好，咩減肥大計都要暫時擱置！ 食完一碟侍應都好快再上另外一碟，吾會拖你時間，吾錯！ 飲品方面照顧到大人細路的需要，有汽水，有水果沙冰，亦有茶包供應，非常周到。飲飽食醉過後，個肚已經冇位置裝甜品啦，只係食了杯乳酪雪糕😝九十分鐘好快就過，有咁多野食仲要有咁既質素真係估佢吾到！ 吾怪得知咁多人排隊啦😏

自從個女搬了去馬鞍山住， 對那邊的環境熟習了很多。我最喜愛市中心的商場。無論高檔或平民化的商舖皆有，食肆又多選擇，配套充足。 今天就選擇了一間牛肉放題專門店。 店內環境寬敞 牆壁上印製了趣緻可愛的牛牛卡通 甚為吸引。客人可自由選擇個人或共同享用火鍋涡料，大家便選擇了個別喜愛的湯料~ 完熟蕃茄 、九州地獄和豆乳湯底。 而店內有不同級數的牛肉可供選擇， 當然價錢是不一樣的 ;我們就選擇了美國牛肉。肉質食落唔錯，薄切得嚟又有雪花; 牛味濃。豬肉和雞肉可隨意任點，還有 一個自助吧有不同種類的配料和蔬菜提供;可惜蔬菜種類不多。 雖然店內規矩每短時間只有90分鐘 但勝在上菜快，大家感覺並不急速。

位於馬鞍山新港城商場的牛摩，主打任食牛肉火鍋，場内有多款美國和澳洲牛肉選擇，價錢當然因應牛肉的優劣而分高低，不過就算是最便宜的168元九十分鐘任食的美國牛肉亦不差，肉中有油花而不覺肥貝膩，還有豚肉及雞肉都可任叫，而最重要是上菜夠快，絕無拖時間，其它火鍋材料提供都算可以，可惜是疏菜就只得三，四款! 算是少一點。甜品都是一般的芝士餅，雪糕及沙冰等。 因為針對的是中產階層，所以裝修都是簡潔為主，總括而然，若五星為最高分，我給三星半。