牛摩 (屯門時代廣場南翼)

營業中

休息中

而家周圍都開好多打邊爐嘅任食雞、豬、牛既店由於家人嘅生日，我第一次去幫襯當然要食好啲，食牛小排$259另加一（17:00–19:00入咗都可以有呢個優惠)晚市仲有各款壽司、卷物都係任食飲品都有好多款有檸檬茶、咖啡、芒果/提子沙冰、綠茶同埋各款汽水我點左個加$10嘅博多美人骨膠原湯底湯底好濃厚，雞件放入去滾完就咁食都好入味，好推介大家試下雞肉好滑，豚肉唔會鞋口牛小排點芝麻醬一流係我哋瘋狂嘅掃食之後就轉戰我哋第二個胃就係食甜品🍮有朱古力蛋糕士多啤梨及朱古力泡芙仲有我最鍾意食嘅乳酪雪糕有香芋同埋原味（仲有其他配料可以加落去）我個人都食咗兩杯今餐真係捧住個肚滿足咁返屋企

牛摩而家做緊優惠，七折任食封門牛同SRF極黑牛同埋海鮮，每人三百幾左右，所以試試佢😛 我地叫左上面既牛摩解牛套餐，可以任食list入面既野㗎主打既手切封門柳為牛橫隔膜肌肉，每隻牛得一條，所以比較罕有。肉味較重，油花較少，適合鐘意肉味濃既人，而且質感腍身每片牛碌6-8秒就夠架啦美國SRF極黑牛是將日本和牛與美國頂級黑安格斯黑牛繁殖出産的品種，同時保留日本和牛細緻的油花同美國黑安格斯牛的濃厚肉味，肉質較薄同嫩口手柳粒比較厚身，需要碌耐啲，肉味相對冇咁濃厚海鮮方面有虎蝦同硯，虎蝦好大隻，肉質彈牙😋乳酪，飲品同蔬菜可以喺出面自己拎😋仲可以嗌冷泡茶，比較健康同解渴😛另外湯底選擇都好多，我哋就就揀左沙嗲湯底同麻辣湯底，越式牛肉湯都好特別

打風多左日假，拿拿林叫左fd一齊去打邊爐～牛摩又係好耐無黎食，見佢有新set，就揀左黎試下。我地食既係牛摩解牛套餐，除左可以任食普通既美國肥牛，精選牛肉，雞肉同豬肉之外，仲有最令人期待既手切封門柳，美國SRF極黑牛，同埋一口安格斯牛柳粒！另外仲有特別湯底同冷泡茶揀～手切封門柳封門柳姐係牛既橫隔膜肌肉，油花少，色水偏深紅色。油脂香味相對低，但肉味超濃郁。😍因為呢款肉油份少，建議淥到剛剛好熟就要拎上黎，咁就食到最好既口感。美國SRF極黑牛呢隻油花比較多，薄身快熟，落去淥6-8秒就可以拎上黎食。帶油脂香味，但同時都唔算太油膩，算係比較清爽。一口安格斯牛柳粒同我一樣鐘意食肥野既朋友仔一定都會鐘意呢個！厚肉，多油花，煮耐左都唔會變鞋身，入口有超香既牛油味～超正！❤️至於出面既自助bar，有多種唔同既蔬菜，菇類，瓜類同丸類。最最最特別既係，竟然有煲湯既紫菜！！！超愛食紫菜既我夾左好多翻黎，將芫茜湯變左做紫菜湯～冷泡茶正正常常，但打邊爐飲就最岩，解膩之餘又零負擔。

比我想像中還要劣，好耐之前有食過覺得質素唔錯諗住同屋企人再去食結果差到死完全唔值呢個價。 首先，服務態度差擇餐入座講解並沒有講清楚，一個店員比一個差。落單牛變豬叫佢換反個樣仲要好不滿咁🙄，叫加湯加兩個鍋結果加得一鍋🤷，上菜仲要跣落黎差啲搞到倒瀉我哋個碗 個碗入面仲有湯一聲唔好意思都冇講。 其次，食物方面牛肉一碟仲差過一碟都係好柴口感一啲都唔好仲差過街市幾廿蚊半磅仲啲。壽司一夾就散味道更加似隔夜壽司。食物總類少仲要睇個樣好唔好新鮮咁。 再者，衞生情況惡劣 ，壽司區入面將夾小八爪魚同壽司既係放埋一齊。

星期日上午預備陪同女兒到可以自製乳酪的牛犘，食物尚可，值得一提的是，門口應該負責帶位的員工，無視門外等候的人群，對於詢問一律無視。即使已經走到他面前仍然裝作聽不到。直至被人大聲喝斥，才正面作出回應，

整體都差，選了澳牛，初黎4碟正常，味道已經比同類餐廳差，之後再黎既肉唔同樣，味道更差鞋口。湯底選了越南牛和壽喜燒，唔夠味，失敗。自助區和飲品區地方用具超污糟，令人唔想去拎野！員工態度一般。

今日嚟到屯門，見到平日打開邊爐嘅舖頭竟然出咗新野，叫做海鮮鍋燒，鐘意試新嘢嘅我就走咗入餐廳了🤣餐廳環境舒服😌我哋揀咗依個放題，又有海鮮又有肉！嘢飲方面除咗汽水仲有自家製作嘅沙冰或者熱飲。外面亦都有好多打邊爐嘅材料可以選擇，而且亦都有蓋蓋住，比較衛生。亦都有乳酪雪糕可以俾你自行領取，佢嘅乳酪雪糕出奇地好食😋唔似出面其他商店咁會變咗成舊白色嘅冰🤓食之前會有舊牛嘅脂肪比你，以免痴底。安格斯，牛小排，手仔骨同牛舌係推介！！肉味濃，唔出面用其他野加工過嘅嫩滑，反而肉質會厚實小小！鍋燒嚟到，店員有好細心同我哋講唔好將火力較多過700，因為油會彈到自己。食肉同海食飽咗，都要食返少少菜去緩和返。佢有十幾種湯底比你揀！一定會揀到眼花撩亂！我地就揀咗番茄同壽喜燒，佢蕃茄味超濃，好出色，再加多小小蕃茄入去煲真係超入味🤣最後買單兩個人先508蚊，以任飲任食嚟講都真係相當唔錯！

屯門人打邊爐既首選地方😚位置就腳 價錢實惠 味道質素都唔錯今次同朋友兩個人 見到有新既套餐就決定試下😍 海鮮鍋燒放題食盡海鮮燒肉涮涮鍋😚逢星期一至四 仲可以食夠120分鐘！每位都係$259一開始會係燒肉先食肉獸真係啱晒😍牛仔骨安格斯牛肉牛小排牛肚牛舌全部任食！ 全部都好新鮮油脂分布平均，肉味都唔錯😋推薦:牛小排 口感最幼嫩 燒完岀黎 會有好多油汁🤤配料仲有:豬頸肉豬大腸豚肉雞肉海鮮類 海蝦墨魚仔帆立貝燒墨魚仔 一縮曬啲水就準備食得！配搭埋個秘製北海道醬汁 真係又爽又好食涮涮鍋 湯底可選返2個地獄湯，蟲草健康湯個地獄湯 辣味足夠😍建議放入牛肉、豚肉好入味 🤤而且肉質好易咬蟲草湯 建議放入蔬菜類，食多d菜可以中和到啱啱燒肉既熱氣🤣仲有任食雪糕、甜品、飲品

奶綠男收工之後霸個位做報告 做完都九點 就帶我試吓人生第一次咁晏先入座既宵夜邊爐 起屯市嚟到之前食過幾好又近近地既牛摩 我地入去既時間係最後一段 叫咗幾靚既極品牛小排 呢個時段$199就食到無限靚牛😛今次都係咁大個人第一次咁晏打邊爐 之前無諗到三十歲之前竟然可以自由食到一餐正正常常既晚邊爐 全靠有奶綠男carry😌依加晏啲山卡啦返屋企都無咁驚牛摩呢度既邊爐形式係以一人一鍋 一人選擇一款湯底 我見門口海報上面有個公仔啫喱狀既美人湯鍋底 於是就揀左🤣原來個湯底係叫博多美人骨膠原雞白湯 睇住啫喱狀公仔好快就溶成湯底 過程幾治癒🤩不過湯底味道就唔算好香甜 唔係重口味既湯底牛小排同牛舌都刨得好平均薄度啱啱好 牛舌夠薄口感幾正好爽彈😳牛小排就肉質比較軟熟肉味較香甜😍上牛速度同份量都okay 我哋一人都食咗好幾碟牛 另外仲拎咗啲蔬菜同芝心丸 質素正正常常 其他甜品沙律bar就無拎到 不過最後都有整多杯乳酪雪糕食 好完滿😋

7點前入席有平，即管試試朋友講到勁好食一定要試，所以可能抱住太大嘅期望黎試，但係試完之後我都覺得冇乜特別啊服務方面上牛嘅速度都算快，收碟又快手牛肉方面幾薄下，淥兩淥就食得不過無咩牛味，而湯底方面都唔算話好濃既味

今日去牛摩，睇到出左款新既放題優惠「鍋燒放題」，一個鍋有兩種食法，先燒肉，後加湯底變成涮涮鍋，點指定套餐，更可以免費加時至120分鐘。叫左「美國極品牛小排+海鮮」放題，$235再加一，升級做鍋燒放題。牛小排紋理均勻豐富，超級長既一片，下鍋滋滋作響，非常甜美。海鮮方面，有海蝦、帆立貝、墨魚仔，燒既時間唔需要太長，已經帶出海鮮既鮮味。肉類方面，有牛肉、豚肉、雞肉，餐廳備有秘製北海道燒肉味噌汁，塗係上面燒，少少咸加辣味，更加惹味。燒到咁上下，可以直接加湯，或者換個新煲再加湯。侍應推介期間限定既「牛摩健康湯」，鰹魚湯底加上牛蒡、蓮藕、甘筍，可以增強免疫力，對抗病菌。一開始仲擔心會太淡，但其實幾清甜，唔會搶過火鍋配料既味道。自助區有多款蔬菜、丸類、餃子、蕎麥麵可自由選擇。前菜、甜品、乳酪雪糕、汽水，食到非常飽。所有食材都分別有膠蓋蓋住，非開放式，可以減少污染。整體，午市時段不斷陸續有人入座，疫情下餐廳做足安全。

牛摩最近推出新優惠，凡惠顧90分鐘放題/以上等級可以免費升級為鍋燒同埋120分鐘放題，一鍋兩食，有齊哂燒肉同埋涮涮鍋，更係唔可以走寶！我同朋友點咗90分鐘放題，所以都可以免費升級。肉類要向店員點，海鮮包括咗海蝦墨魚仔、帆立貝，而自助區就有唔少丸類、蔬菜、甜品、飲品、雪糕、涼菜、調味料，任君選擇。店員首先安排鍋燒，係平時火鍋嘅電磁爐上放上燒爐同埋脂肪肉，燒透咗之後就可以放上肉類等等嘅食材，餐廳仲特製咗味噌醬，令到烤肉更加惹味，特別係牛小排，烤到脆卜卜又香口，而海鮮都可以烤得非常鮮甜~想火鍋嘅話隨時都可以叫店員加湯或者換做火鍋爐，火鍋嘅湯底都有唔少選擇，包括咗新推出嘅健康湯，今次我叫咗九洲地獄鍋，比想像中冇咁辣，比起鍋燒，咁樣煮嘅牛小排就會有更濃嘅肉味。值得一提嘅係，餐廳安排咗信封裝口罩仲有手套，入餐廳之前更加檢查埋顧客係咪帶手環，保障客人同店員嘅安全~

好鍾意打邊爐嘅我，成日都周圍試，但始終覺得牛摩嘅肉感非常好，勁鍾意❤️四個人嚟食都要等位等左差唔多半個鐘，佢有時係可以網上攞飛，但好似繁忙時間就唔可以，可以自己出去拎野，款式都幾多👏🏻

等大枱等咗個幾鐘一張枱都冇叫過， 終於等到叫大枱， 前一枱號冇人應， 但唔叫下一張大枱號， 反而拆散叫兩張細枱。唔係咁痳，如果叫細枱應該一叫就叫細枱，但叫左一張大枱無人應就轉叫兩張細枱，我哋係等左成個鐘唔緊要呀，仲有個大肚婆喺度一齊企架，我等左成個鐘都無見過入細枱果幾個人喺度等枱，真係唔明你哋點樣叫枱，真係好嬲好嬲，等到腳都軟埋。

尋晚我哋7個人興高采烈地去食牛摩，等咗大約一個鐘時間，叫咗十幾張細枱，細枱嘅定義係只有4人唔係兩張4人左右隔離，當時有兩張左右隔離嘅4人加4人共8人枱，咁就叫D009，我哋係D010嘅，啦試問大家如果D009無嘅話，係咪應該入下一張先，因為兩張隔離枱真係好難得有吖，但佢哋唔係入下一張，反而入兩張細枱，你哋話吖，係咪做法好無程序吖，我哋同佢講，佢仲大大聲話人哋張細枱等咗兩個鐘喎，大枱都無郁過，十幾二十張細枱係郁，唔通個d人全部都等咗2個鐘咩，我本人未食過吖，本來係想試下，但現在佢哋d態度咁我哋全部人係唔會再食佢，世上有好多間，有牛一又有牛角，我哋係唔會再幫襯囉