牛摩 (屯門時代廣場南翼)

營業中

休息中

每次經過牛摩，就被它的火煱香味，深深地吸引著～(〃▽〃)每次也心郁郁想吃。終於決定家人入去大吃一餐了！(^▽^)o我們選擇了宵夜時段～湯底是壽喜燒，揀了最優惠的美國牛肉，另外會有豚肉和雞肉，當然是全部無限添加的。入座後，店員便立即送上壽喜燒湯底，美國牛肉、豚肉和豬肉各一碟，另外可以在自助區取菜、丸類食物。美國牛肉雖然不是最高級的一款，但它的脂肪分布也很平均，而且很香牛味～又不會黏牙，是優惠美味之選！雞肉也是很滑很香～每次吃放題火煱，最後也有一杯雪糕，來一個完美的一餐(´∇｀)

返夜前既晚上，想食得好啲對自己好啲🤣就去咗食任食火鍋啦！預先用app拎定位，去到等半小時就入得啦，揀咗特級牛肉加海鮮個款火鍋餐，我就揀咗蕃茄湯，我朋友就揀咗泡菜湯啲牛肉睇落好新鮮有飲品放題，仲可以最後食埋乳酪雪糕就結尾

牛肉色澤鮮美，每次去到牛摩最喜歡看到這一碟新鮮牛肉奉上，不限次數的任食牛肉一定係這裏的主打，不得不提就是豚肉都非常好味，煮熟之後香噴噴，雞件也相當出色香菇也是這裏不得不提的食物，品種多又新鮮，每次嚟到我也會食好多南瓜一人一鍋夠衛生，自己食幾多煮幾多，湯底啊非常多選擇，每次嚟我一定點這個蕃茄湯底食到我朋友也很開心，每次都很盡興宣傳單張清晰，什麼價錢也一清二楚牛摩是我本人的喜愛，因為由裝修開始都非常舒服

日式火鍋連鎖店開到成行成市，每一間感覺都差不多。某一日係市中心行街，因為有小朋友同行嘅關係，好多食店都唔方便，知道呢間有bb櫈就揀左佢。我地叫左基本牛肉嘅餐，每人一個湯底。夜晚9:00pm有優惠，60Mins 仼食都係$150左右。叫得最基本套餐，牛肉一定唔會好靚嘅質素，但係都唔錯，可能夜晚比較忙，有少少慢。湯底我地分別嗌左豬骨同泡菜 ，同出面嘅日式火鍋店真係無咩分別。出面可以自助夾蔬菜同醬汁，感覺食物唔太多種類，都係一啲蔬菜同丸，味道普通。好開心就係有甜品同雪糕機我食左乳酪味，屋企人就食朱古力味。題外話呢度嘅主任阿細超級好人，知道同行有小朋友會安排一個比較闊落嘅位置，仲留意到我哋嘅需要。例如放袋同埋上菜小心，值得一讚總括黎講，餐廳嘅食物質素唔錯。但係職員嘅服務超加分，下次會再黎嘅原因都係因為個位好細心嘅主任。

😆呢日又係火鍋日等男朋友一放工就一齊去牛摩💓好醒嘅我用The Gulu拎定飛，見到開始要等兩張枱就即刻㩒飛諗住好快有位，點知呢兩張枱一等等左一個鐘😭好嬲，入左勁多張都係B枱（3-4人？）其實啲枱都係組合兩張一齊做四人枱可以拉開，唔明點解唔分啲俾二人枱入🤨🤨.Anyway，入去前店員話我地知呢期做緊優惠😍可以用勁抵優惠價$58加配日本佐賀縣霜降黑毛和牛😋同男朋友即刻一人一份試下‼️和牛果然係唔同啲，入口溶嘅感覺好正😍而且好重牛味，加埋我地配嘅壽喜燒湯底嘅日本蛋漿💓絕配呀享受完和牛，就食下唔同嘅配料同壽司🍣個人覺得佢嘅魷魚壽司唔錯，算幾鮮味👍🏻火鍋配料黎講最欣賞有芝士獅子狗😆唔係度度有得食，而且個芝士餡烚完係唔會流走曬💓正.經過呢次，下次決定會同男朋友試下任食佐賀牛😆唔知質素係咪都一樣咁好呢？

呢d連鎖日式火鍋店基本上每間商場都僅有一間！最好是一人一鍋，可以揀自己喜歡的湯底，我中意呢到的蕃茄湯，d食物唔使點醬油已經好入味。我點左最普通的牛，都已經好好味，好鮮嫩。仲有幾款壽司🍣添

又係時候食好野慰勞下自己喇今次就嚟到屯門一間日式打邊爐放題我哋就揀咗近排推出嘅優惠美國和州牛尊尚海鮮放題原價 $399/位 依家每人都係半價渣即係兩人同行一人原價錢呢 而且仲可以食2小時添比平時餐多30分鐘嚟過牛摩嘅朋友仔都應該知道大家可以選擇獨自一人鍋又或者齊齊同一鍋咁我通常就獨自一人鍋多嘅 因為可以揀自己鍾意嘅湯底嘛 海鮮方面有蝦、帶子、蠔，章魚仔而且可以指定要邊幾款 免得揀自己唔鍾意食嘅海鮮嘛呢到嘅配料都好齊全 有丸類、菜類、豆腐、麵類都有添仲有甜品同雪榚食嘩，今次唔想肥住咁走都難呀至於主菜 牛、豬、雞因為我之前都有食過幾次對呢間餐廳都有信心今次都無令我失望架肥牛就算放係爐太耐都無過韌豬肉食落都覺得好似肥牛咁 簿切而帶有肉感雞肉就是我的至愛 嫩滑、厚肉 is ok整體嚟講 係好好食 價錢 肉類 都分得好仔細又想平食又想任叫肥牛 平到$102蚊/位都有仲有仲有就係我呢個和州牛尊尚海鮮放題 仲送多杯 0.5L嘅日本生啤 嘩 🍻🍻啱哂我呢啲鍾意一路食肥牛一路飲啤酒嘅人

屯門吃日式火鍋除了牛一就是牛摩了。平日的晚上也要等位，可見頗受歡迎。這次叫了最普通的牛肉，$158。配了兩個鍋底，因為多人所以不能一人一鍋，少了很多湯底選擇。有朋友叫了一個紫薯鍋，最後食到很恐怖，湯底變藍紫色了。肉雖然是最平價，但質素不差，配料選擇都多樣。飲品有沙冰，是少見的。最後甜品有乳酪雪糕。

今晚去牛魔食晚飯，環境清潔、店員服務都ok！點了$279澳洲和牛，初頭上枱的兩碟和牛都很好，肉質嫩滑，牛味十足，但再來的一碟就完全吾一樣，試了一片，非常酥！於是詢問店員是否攪錯，他表示沒有錯，但亦幫我們更換了另一碟，可惜跟住再來的和牛都已經同先前的不一樣了！

發覺近期這些日式火煱，間間水準也在下降，包括呢間。以前吃得最多那間叫乜一的食物選擇越來越小，而那碟牛肉亦越來越小，縮皮或加價或兩者同步，是香港近年高通脹經濟的營商把戲，最終消費者流失。所以我近期多來這裏，雖然食品種類也比從前少了，但牛肉豬肉質素還是較高。現在也做單碟肉的套餐，反正不是食肉獸，一碟也可以了，當然份量還是偏少，但肉質算不錯，有少少雪花脂肪，亦有肉味。湯底叫了壽喜燒， 貪佢送多一隻雞蛋， 而甜豉油亦沒有想像中太甜太濃味，正。 炒飯不過不失， 加生蒜蓉麻醬吃亦滋味。 最唔滿意係， 門口帶位嗰位滿面暗瘡印的哥哥， 態度輕佻唔耐煩，倒米的員工，最能代表香港服務業的質素是如何倒退到第三世界不如！

我鍾意打邊爐就係朋友都知😂😂基本上任食連鎖式嘅火鍋店我都係常客特別係「牛摩」啦因為佢真係好抵食👍🏻👍🏻選擇又多個人黎講☺️最鍾意食嘅唔係佢啲牛😂而係佢啲雞 🐔🐔實不相瞞，我真係好鍾意食雞架但好多時啲雞肉會俾好多餐廳或火鍋店「乸」到滑孱孱好假🤢🤢但呢度唔會架啲雞係正常口感😋😋而且唔會有雪藏味牛呢，我通常只會食最平果種😂因為真係唔太好肥牛但佢最平果隻都唔差架個厚薄度適中👍🏻都有輕微牛羶味.至於豚肉方面，我就覺得好「鞋烚烚」食完頭一碟都唔會再叫🙈.食飽仲有沙冰飲🤤

牛摩，屯門長龍店，每個週未都好多人。今次預先喺The Gulu拎定電子飛，避開人潮！今次進食時間係9:00後，入座前就要簡定套餐種類同湯底，我哋一行兩人就簡咗精選牛肉套餐，黑夜時段60分鐘放題每位只係需要$139（加一服務費）！我的是蕃茄湯底，有蕃茄粒同洋蔥。友人的是泡菜湯底，微辣。以放題來說，精選牛肉油花花紋都算唔錯，不過就比較薄，無咩嚼勁。除咗牛肉，仲可以簡豬肉同雞肉！店內環境闊落，位與位之間唔算逼。而放題區選擇應有盡有，有丸有菜；墨魚滑夠彈牙，蔬菜夠新鮮。當日進餐時間較晏，食物都唔係fill滿，都啱嘅，唔好做大㗰鬼嘛。熟食方面，就有壽司、炒飯同白飯，啱晒大食嘅朋友！飲品區選擇都算多，仲有兩款沙冰𠻹！去到甜品區，賣相唔吸引...夾咗幾款嚟試，泡芙係最好食嘅。而雪糕都有三種，對芝麻無興趣嘅我只係試咗乳酪雪糕，唔夠酸！隔離有toppings可以加上雪糕，朱古力脆片、波波、蜜糖星星脆唔脆就要睇吓運氣啦。食到一半，竟然見到有響鈴夾。雖然唔夠新炸嘅好食，不過有就都值得一提！戰績：2個人，4碟牛，1碟豬

今日心血來潮想打邊爐，於是就用咗Apps拎飛鑒於今日係星期六，人流都比較多最終等左半個幾鐘終於入到去座位比較窄，放唔到幾多野入去前揀左個美國極上黑豚肉+海鮮餐，豬骨濃湯底同埋日式味增湯（其實依個餐包既肉類都比較多，包括特級牛肉、精選牛肉、牛舌、雞肉）海鮮就只有三款選擇（帆立貝、海蝦同墨魚仔）不過本人覺得墨魚仔比較難咬而外面配料選擇都可為多，除左普通菜、菇外仲有墨魚滑👍另外亦都有前菜同埋壽司雖然得90分鐘，但兩個人都食到飽住走甜品除左雪糕外仲有芙（原味同朱古力味）

平安夜緊係要食好啲啦！而我係一個牛控，平安夜又唔會同人迫，又唔想夜晚捱貴餐，就係下午呢個時候就同男朋友一齊黎到市中心，食牛摩呢間牛摩都食過幾次，只不過係無今日禁多人，同埋無今日禁豪氣食禁好，平時會簡特級牛肉，今日係平安夜就食好少少，選擇了極品牛小排 配上壽喜燒，由於我好鍾意沾生蛋，壽喜燒係會附上一隻生雞蛋！極品牛小排睇落雪花分布平均，有紋路，顔色鮮嫩！好期待牛肉好鮮，好有嚼勁。店內可以見到廚房員工係有order先用機片d牛肉出黎既，唔係事前冷藏切好既牛，抵讚。另外每次上牛，d牛都放得好整齊，唔會話堆埋一齊。放入鍋裡面滾20秒左右就可以食得，鮮嫩既牛肉加埋d湯汁，沾上蛋汁，豐富了口感，正。相反；牛舌用係打邊爐我個人確實一般，感覺好似同隻牛鍚鍚禁，雖然牛舌打邊爐食落有牛味，有咬口！味道唔會比牛小排遜色！而我男朋友就好鍾意既種感覺！佢大讚牛舌有咬口唔會入口即溶，仲有牛味，好特別，我同男朋友宦係第一次打邊爐係牛舌！醬汁呢度既醬汁種類都有唔少，可以比客人自行調配，而我只係鍾意沾生蛋，醬汁係欣賞有禁多種類，適合唔同人士既口味！配料配料以蔬菜類為主，提供了唔同種類既蔬菜，而且大多好新鮮，可以家下香港

本來諗著天氣凍去打邊鍋 咁夜度度都多人 行到邊就排到邊 咁啱又行到個邊又見耐無食 咁諗著食下啦 嘩...點知間嘢真係越嚟越唔掂 以前都還可以嘅 宜家啲食物品質真係差到呢 啲菇好似洗唔乾淨咁 豬骨湯又無味 啲肉又唔新鮮 連汽水機啲嘢飲都越嚟難飲 款式又越嚟越少 想食咩就無咩 叫員工full都無人理 啲服務態度又差 舉手舉咗成分幾鐘都無人行過嚟 啲員工企晒係度吹水 一過到嚟又黑口黑面咁 好似我前世欠咗佢哋咁 啲嘢食差咗都算啦 員工態度又差咗 下次真係唔會再去食