牛摩 (屯門時代廣場南翼)

營業中

休息中

屯門牛摩一向少人，午市從來不用排隊，而我一直覺得佢係好抵食，因為牛的質素不錯(只食過最便宜那種)，碟碟都差不多質素，不似有些日式火鍋，第1碟雪花紋，第2碟起變成了肥瘦相間的「牛腩肉」，雖然配料比其他日式火鍋餐廳較少，但牛肉補救又一可以一人一鍋，所以都係忠實FANS。可惜，自從裝修後，本來已經不算多的配料變得更少，款式大約只有附近商場的X一的1/3，侍應嚴重不足，叫加湯加牛肉試過等了15分鐘，限時火鍋要等咁耐，不能接受。再見牛摩。P.S.從來只食牛市，未食過晚市

平時夜晚成日經過見到好多人要等好多張飛難得今日同老婆放假見冇乜人就入去試吓因為同老婆都係食牛之人🐮當然唔會揀個質素太差㗎啦所以我哋就揀咗午市放題牛小排任食火鍋配料冇乜特別驚喜，都係常見嘅丸同埋菜但唔緊要主要目的係食牛🤤烏冬算有驚喜，比起平時食到嘅烏冬彈牙同滑。今次同老婆揀咗一個豬骨濃湯，而我就揀咗一個新嘅唔知乜嘢越式牛肉湯。豬骨湯就不過不失大有少少味精味，但牛肉湯算誠意之作，食到有唔同嘅香料嘅味再加埋淡淡的魚露味仲有好濃嘅牛味。牛肉到咗望上去已經知道唔錯 有足夠嘅雪花同埋切得唔會太薄身而且望落去新鮮，唔會好黑好梅個湯未滾就睇吓其他飲品同埋有咩甜品先六款雪糕配料，不過不失啦雪糕有北海道低脂乳酪同黑芝麻味食日式火鍋放題梗係食乳酪㗎啦，老婆就揀咗黑芝麻味，但佢話黑芝麻味都幾濃同埋夠滑。嘢飲就冇乜驚喜，比較少見嘅就有沙冰，但我同老婆都唔太好，所以就冇試到🤔另外出邊仲有沙律吧同埋甜品，因為個肚位置有限所以食夠牛肉先去試吓啦。😂😂😂最尾同老婆每人加左四碟肉，連埋最頭嗰一碟總共食咗九碟，中間都保持到水準，唔會話的牛肉個差別太大，最咪兩個人埋單大約＄400到，CP值係有喺度嘅，而且上菜嘅速度OK ,每

行街到而家念住無咩人入黎牛摩食個消夜時段點知入到黎咩都無問職員係咪5加浾野食，我入到黎好似快打咩咁樣子要食凈人地野食咁樣咩而家只好係填飽個肚就算豬有雪藏味， 壽司竟然只反一個係度佢地話等等........等咗15分鐘仍然係無加連水機都停態度又勁惡劣，個個都黑口黑面，前台仲叫到呼喝客人連fill湯都要叫先有人，但而家都無咩客你地職員仲可以自已拎雪糕去岩吓其實我黎不過好多次平時係晚餐時段黎都有好多野食但消夜真係令人十分之差我一定5會再黎咩時段都5會

今天晚上我和家人去這間餐廳打邊爐，我們3個人叫了最便宜的那款牛肉，湯底選了豬骨湯。牛肉方面，牛肉十分大份，而且有很多片，不過每片都十分薄，薄到接近透明，而且一點肥膏都沒有。換來的結果便是，牛肉十分(鞋)，口感又乾，而且完全沒有牛肉味，我吃了幾片已經不想吃。個人認為這間餐廳最便宜的牛肉比牛涮鍋差，牛涮鍋或牛一都比較美味。反而雞肉味道不錯，雞柳都算大件，而且十分鮮嫩多汁，啖啖肉十分美味。豬肉方面，豬肉都十分薄，不過口感比牛肉好，不會太(鞋)，但個人最喜歡都是雞肉。丸類蔬菜方面，款式選擇不大多，我只有幾款喜歡，芝士腸，墨魚丸之類。湯底方面，這間餐廳一人一鍋，自己喜歡那款湯底自己選擇，設計幾好，豬骨湯味道都OK。甜品方面，軟雪糕有3款味道，朱古力味味道都OK。而其他甜品味道都OK，可惜選擇不多。總結來說，個人認為都是牛涮鍋，或者牛一比這間美味，而且牛肉薄度比這間厚一點。不過大家都可以試一試的，因為雞柳真的十分美味

最近天氣凍凍地，就當然要打邊爐啦～見牛摩裝修完就去試試啦，和其他日式火鍋放題一樣，會有幾款牛加豚肉可選，但同時也有雞肉可選；晚上九點後是特價時段，不過只有60分鐘，現場所見夠60分鐘就會有員工稍微提醒，我們在網上拎位，等了約1小時，在正價時段入內；位子在飲品及甜品區旁邊，也不算太擠迫，只要不是同一時間太多人排隊拿東西就可接受；唯一不好處是甜品旁是廚房出門口，地面也頗為多水和濕，行去拿東西一定小心慢慢行。說回食物，牛肉和豚肉也是點了才用機器切片出來，每碟份量也頗多，而且質素不錯，雞肉方面，吃肉膩時，來個雞肉，清清地不錯；而蔬菜和其餘自取食品種類不算多，質素正常不會太差，飲品除了凍飲，也有茶包提供，不錯甜品方面，有雪糕和乳酪，是日是朱古力雪糕，見員工有多次refill 雪糕醬和Topping,但衛生有待加強，因雪糕醬的桶放完地下再拿上放了Topping的枱，倒醬進機時桶下的水滴了落Topping......總體味道是不錯，可網上拎位是重點

非常差的一次晚餐唔怪得繁忙時間都唔洗等位啦！雖然未至於水靜河飛，但係都唔算爆場既然打正旗號叫做（牛摩）🐮當然會試吓佢啲牛啦！我唔係叫最平最cheap嗰款🙈我係叫最貴果款⚠️可惜味道冇想像中咁好食如果呢個價錢一啲都唔值得食完一碟再叫，最少要等10分鐘先至到😱湯底冇味，叫咗泡菜湯底，一啲味都冇😑同清湯冇乜分別？唯一稱讚就係啲蔬菜都算新鮮，款式多！其他食物一般，甜品一啲都唔吸引（只係食左杯雪糕🍦，有炒飯，有白飯，汽水任飲⋯但係飲得幾多呢？最最最最令人討厭就係啲服務態度大佬我俾錢嚟食嘢！唔係要受氣啊？帶人入座的時候，講解規矩啲態度好似驚死人佔便宜？食物來的時候放上枱面好似大排檔咁😅成隻碟飛埋嚟！最慘係埋單的時候⋯竟然將張單掉喺我面前🙈講仲有15分鐘⚠️即係叫我快啲走😒（純粹個人觀察，和感受）仲聽到一個類似經理的侍應，和同事溝通的時候，用粗口鬧人真係奉勸大家一句，有得揀，就千祈唔好去呢一間🤦🏻‍♀️如果呢個價錢，是但一間都好過佢！我絕望永遠黑名單佢⋯⋯唔會再去！

最鍾意打邊爐，不論夏天、冬天都係我最愛，👍今日黎牛摩，90分鍾午市放題內部裝修簡單，環境非常衛生，一人一獨立小鍋，非常好。食物都算多，丸類、蔬菜類、菇類都有好多選擇，餐前可以食d沙律開下胃，醬料自己調配，沙律旁邊仲有甜品櫃。我叫左九州地獄湯底，邊爐配料，叫左特級牛肉加海鮮，另會跟埋雞肉同豚肉，因為海鮮我唔太食，所以冇叫，特級牛肉非常新鮮，雖然偏薄，但肉質美味，一個人叫左三大碟，加埋d蔬菜、丸、菇、甜品，食到捧住個肚出門口。甜品非常好色食，唔會過甜，細細份，每樣都 都可以試下，最尾仲食埋雪糕添。😄😄

平時夜晚大排長龍嘅牛摩估唔到lunch竟然人數唔多😲於是相約好友一齊食個快lunch 😍60分鐘任食出面自助配料再加一碟牛肉/豬肉/雞肉都係$78+1同晚市價錢差好遠😍由於🐷女掛住食嘅關係只影左兩張相😂😂出面配菜應有盡有必定要食嘅係芝心丸！😋😋一咬d芝士就湧出黎好幸福呀💕😚仲有我最愛中華海草 麻醬烏冬😍 大大盤任你拎😃😀甜品櫃仲有綠茶泡芙😍60分鐘都可以食到滿載而歸😘------------------------------

由於稿件加入相片後一直都未完成，所以未能送出，但已足足遲咗幾個月…真不好意思，請見諒天氣突然轉冷降至十多喥左右另一半又提議火鍋找到附近屯門時代廣場牛摩… 2人枱很快已有位，由於前晚已吃過90分鐘放題有了經驗，一坐下…先取枱上的吉碟雖然湯底熱窩未上枱，也可先出去自助吧取食物以爭取時間！驟眼看…食物素材都幾新鮮，而且蔬菜種類也很多款式選擇現時放題食店多數都有這溫馨提示不要浪費食物 但我們坐下的時候…見到隔離枱剛埋單離場竟然滿枱未吃的食物看到連忙趕緊清潔檯面的服務員臉上的表情，眼望著要清理桌上將要浪費的食物都覺得有點兒誇張，實在是無奈！是兩大碟蔬菜丸類，腸仔等…全部未放入煲的食物但礙於衛生問題，我相信店員都一定要放棄及清理客人已取回枱上的食物想起這世界仍有很多想吃都沒有得吃的人，真的叫人心痛我倆都喜歡清湯底另一半選昆布清湯底最喜愛這店獨有的…蕃茄薯仔清湯底，其他同樣食店多數都是蕃茄濃湯底如果能加設芫茜皮蛋清湯底就更加perfect我們選擇了最基本的價目但送來的牛肉和豚肉都不錯啊當然是超勁薄切啦90分鐘時間很快已到但其實都會很飽！在這寒冷天氣裏有一餐溫飽晚餐都已經足夠了

來這裡都是第一次。入座是九十分鐘為限，夠鐘前十五分鐘會有人拿來賬單及提醒你的。未入座前要選定價錢的套餐及湯底。要了豬骨湯底。但原來吃到最後那些湯太濃縮了，超咸。另一個地獄湯底。簡單一句"無料到"。豈是不辣，而且去到尾像清水一樣"無味"。兩者簡直是極端。先來了雞件和豬肉片，而牛肉要等好久。問他們卻說牛肉即片。所以慢一點。(那麼其餘的是隔晚或是幾日前片定，不明？)雞件很是好吃，可能是雞上脾肉掛。豬肉片是三種中，最不好吃的。牛肉來時真的是好大的一碟的。反而這個只吃了這一碟沒有加過。而出面的配料。你可以自由取的。講真真的款式不多，不要祈望。汽水和熱茶是無限的，那個雪糕忘了吃。甜品看了很不吸引，沒有吃。但這裡的服務真的很好。

今日百厭仔學校假期, 廿四孝爸媽就請假陪仔. 本來打算又去牛一, 行過見到牛摩裝修完開返, 咁就試牛摩喇.去到12:00 得兩三枱客, order  90分鐘 精選牛肉放題, (包括豬肉雞肉) 成人 $108.00 小童 $88.00. 另收加一服務費.原來呢度係一人一窩, 叫咗豬骨湯, 豆乳湯 同埋蕃茄薯仔湯.出去巡視咗一陣 + 影相啲肉類都到了! 嘩! 都好大碟啊! 原來係三人份量. 開餐囉:-牛肉又唔太肥喎, 又夠林,  百厭仔都食幾多啊 (平時佢多菜少肉, 學校教嘅)豬肉都唔差雞肉就算滾耐咗都唔會鞋口另外再ORDER嘅牛肉食飽正餐就到甜品時間:-芒果慕思蛋糕--細細件, 唔太甜,  味道唔錯. Mousse 略嫌唔夠鬆  3.6牛乳奶凍--充滿乳香, 入口香滑朱古力奶凍--同樣入口香滑泡芙--有原味同朱古力味, 個人同百厭仔都LIKE朱古力味, 一咬開就有朱古力Mousse, 真係好正! 百厭仔ENCORE咗幾次最後當然要食埋乳酪雪糕啦! 呢度嘅topping比較少, 所以我都係食淨乳酪雪糕算了!埋單$334.00 真係非常滿足! 

今天來到牛魔，決定一試它的蕃茄湯底。我們選了午市69元，沒有肉類任食，但所有其他食材配料也是任食。可能因為職員見我與朋友選擇同一種口味的湯底，就問我們可否用一個大鍋。既然我們都吃蕃茄湯底，所以也沒什麼所謂。湯很快就上了，這間分店有芝士腸，芝士丸等等這些較貴的食材。而蕃茄湯底很濃郁，很重酸酸甜甜的風味，非常合我們的口味。用大鍋比起每人一個獨自的鍋的感覺很不同，用大鍋的感覺很爽，好像在製作九大溝一樣，有各式各樣的材料食材混合在一個鍋中。

同事farewell食lunch, 得一個鐘，又想特別d, 決定去牛摩任食一小時放題。壽喜湯底和蕃茄湯底。壽喜湯底跟一隻雞蛋，我們有三人要壽喜湯底，所以有三隻蛋。因為我地10個人，佢本來一人一鍋套餐，跟一碟牛肉，每位$79(唔知有無記錯) 加一，但呢間分店安排我們坐兩個大卡位，每卡位得兩個爐頭，所以我們可以叫鴛鴦鍋，即每卡位有四個湯底，實質比每人一鍋少左兩個湯底，食起上來無一人一鍋咁放便，因為要就埋其他人等野食熟同大家口味要就下。牛肉都鮮紅，好新鮮就未算，是好薄切的，放便快熟食快d湯底未滾，由於時間關係，要食住其他熟食先，飲左杯蘋果綠茶再食住牛肉炒飯同乳酪雪糕先。炒飯味道都香，飯是珍珠米口感較軟，牛肉碎都幾多，唔會太咸，喜歡吃飯的都應該鍾意食。乳酪雪糕好好味，是原味少少甜，不過飾面的配料比其他任食火鍋店提供的少d選擇，我喜歡加的只有蜜糖星星、棉花糖和朱古力粒，不過食乳酪雪糕又唔係咁在意配料，無所謂啦。熟食仲有咖哩魚蛋蘿蔔豬皮，好入味，可以用來撈白飯或牛肉炒飯，但我覺得咸左d熟食選擇係咁多，但其實一小時根本唔夠時間食，所以少選擇都係無所謂，用來頂肚等湯底滾。肥牛好快熟，有得食啦，食落牛肉

第一次食牛摩，平時都係揀牛一食嘅，今日試新野。叫左午市單點雞肉&豚肉自助放題($69)，揀左熊本蕃茄濃湯&九州地獄湯。首先蕃茄濃湯一啲都唔濃，要自己加左4舊蕃茄先夠味，地獄湯一啲都唔辣，唔明點解叫地獄湯雞肉勁少，豚肉無血色，配料bar好細好少選擇，相比其他日式火鍋放題真係失色，不過勝在refill得快。醬料方面，有好多選擇，竟然有烘焙芝麻醬，真係好驚喜。乳酪雪糕配料少，雪糕似雪皅多啲，不過酸酸地幾好味。整體環境好細，冷氣唔夠，員工服務態度好好。

我個人幾鍾意一人一鍋既，但就佢呢間唔好味道。叫左個地獄湯，完全唔辣既😵 食品選擇都好少，最慘烈係個個乳酪雪糕啊..... 我一心寄望係佢到，點知佢成粒鐘都仲係個個雪唔到做雪糕個個樣，失望。