牛扒先生 (康怡廣場) (已結業)

考試完同肥髀班同學輕鬆下，帶佢哋來呢度据扒，門面已經裝飾聖誕節氣氛，場內好大，深木加暗藍梳化好貴氣，店員比咗張好靚嘅圓型梳化我哋兩大三小，午餐可以食埋自助沙律吧同甜點！大家一齊出去攞頭盤！沙律：款式好多，我攞嘅都幾好味！甘荀湯：忌廉湯香滑，甘荀味幾香滑！甜品：選擇比較少，試咗幾款，都只係一般！豆腐花幾滑！煙火腿野菌南瓜汁意大利飯（$108）南瓜湯入味，飯索晒湯味，好香南瓜味，火腿大粒，味道鹹香，菇菌唔多，煮得太淋，整體好味！美國西冷牛扒（$198）牛扒大塊，因為小朋友食所以叫medium well， 牛味濃無筋，醬汁另上，可以自己決定落幾多，問店員攞芥辣，原來芥辣都有幾款，點少少芥辣吊味就好好味！薯蓉好大團，打得滑，好飽肚！拌碟蔬菜最喜歡脆肉瓜！好味！芝士焗原隻龍蝦蟹肉·龍蝦汁意大利飯（$208）龍蝦大隻，肉彈牙，頭部有膏！好味！意大利飯索晒龍蝦湯，不過無米心，無咬口，味道幾濃！好味！凍檸茶：肥髀飲熱檸茶：夠熱好濃唔澀！凍檸水：肥髀飲店員有禮斯文，仲幾細心，見陽光照到我哋張枱，即刻過來落簾！上菜收碟勤快斯文！好舒服食咗一餐自助午餐！

2016-12-23，我同家人提早慶祝聖誕節，訂位時，接電話位小姐話23號唔會做聖誕餐，會照平時一樣做set dinner，咁我就扑鎚啦⋯⋯一入門口，見到好大張易拉架嘅poster，好吸睛買1送1，我地啱啱好4個人，叫2個餐就啱唒⋯⋯落order啦，我地攞住張買1送1嘅menu同waitress講要order呢個餐，waitress話今晚冇呢個餐，吓冇呢個餐，咁點解你地又擺個menu喺枱呢？跟住佢話由於之前幾日太多客人order呢個餐，所以我地未準備得切，咁我就話你冇呢個餐就應該收埋張menu，然後waitress又話，我地唔係冇，係未準備得切啫⋯⋯喂！即係點吖？咁究竟有冇得order吖？佢話你可以order其他set咁我問佢係咪有半打生蠔送，佢又話聖誕期間，所有優惠暫停，但你地餐廳明明唔係做緊聖誕set喎⋯⋯點解冇得送呢⋯⋯我都冇再追問佢但最奇怪嘅係，我問第二個waiter點解你地冇呢個優惠餐仲要擺個menu喺度，個waiter竟然答我，我地有吖，咁即係可以order呢個餐啦！佢話係吖~~~OMG！你地餐廳想點？？唉~有得食都算啦！但我明明話塊牛排要medium，但結果係幾乎well

This is the first time I had Christmas dinner at Mr. Steak, and this was also my last time.   I will never go to this restaurant anymore  because of their service quality.  We had reserved a table for 10 seats.  When we arrived, we ordered the normal Christmas set dinners.  We also had a birthday cake.  The fee is 50 dollars for cutting the cake in their restaurant.  That's reasonable as we are using their facilities.  So each of us ordered the set dinners.  When the dishes come, it was worse th

同朋友夫婦一家食聖誕餐，一個魚一個火雞一個羊，三樣都好乾。我朋友叫個risotto，佢嘅評語係爛飯成餐每人三百，個包已經係比較食得落。唯一特別今晚佢有聖誕老人同小朋友影相。So this is supposed to be a Christmas dinner with my friend's family. The service is ok but the food is awful. We ordered fish, Turkey, and lamb. All of them are overlooked.

超吸引呀，康怡做緊開業一周年，送半打生蠔。我已經食左兩次，除左甜品，其他所有嗌嘅都係一樣我同男朋友都叫左呢個set望住呢盤生蠔真係好高興！生蠔非常生鮮，有海水味，唔會太咸個set會先黎生蠔，跟住仲有沙律同湯。食完呢三個course其實已經飽飽地喇。主菜我叫左龍蝦意大利飯，唔錯，但脫龍蝦殼就真係麻煩啲。第一次食嘅甜品係呢個我都唔記得叫咩，印象中麻麻地好食第二次食呢個慕思，我比較鍾意呢個多啲。 總括黎講係好食嘅，加埋一都係$250多啲。但成個set係有好多野食，仲包杯咖啡茶。如果可以嘅，我都想再食多次

放假天！朋友提意來這裡吃午餐，說沙律好好食⋯是半自助形式⋯價錢係睇你叫咩主菜而定，由HKD98~178另加10%服務費。如果怕自己瘋狂食湯、沙律、甜品，而浪費主菜，可選擇HKD78只食沙律自助餐，因為主菜食唔到係唔可以帶走⋯今日係我最愛的磨菇湯，沙律都係基本都有十種⋯有好好味的薯仔沙律、燒牛肉沙律、泰式木瓜沙律⋯而日本豆腐沙律、南瓜沙律就唔太好食⋯甜品就係法式蕉糖燉蛋最有水準！其他的都是一般。而主菜我地叫左⋯煙肉磨菇意大利飯～味道算不錯，但有啲'溜'，食左一半以頂住，食唔到！燒春雞～雞皮好脆肉唔會太老，薯泥都好好味，幾飽都可以清曬最後仲有餐飲送，都算唔錯！

友人回港數天，難得約了幾個朋友一起飯聚。雖然只是Lunch時間，但也坐了差不多兩個多小時。牛扒先生昔日最出名是在銅鑼灣吃自助餐有生蠔的。後來再在葵芳和青衣城試，發覺已經走便宜平價路線，百多元一個主菜已經有自助沙律吧。主菜款式齊備，由意粉，扒，豬/牛有。如果淨食沙律唔跟主菜都可以的。友人分別點了三款餐Share。沙律方面，不能說太多，大約在十來款以內，都是中規中矩。其中比較突出是芝士片蕃茄，沙律菜也特別新鮮。餐湯也是由自助，可惜比較淡和稀，半碗就好了。燒牛扒先來，所謂7成熟卻像5成熟，但還算可以。味道黑椒/調味的味道太濃，牛味一般。不知是否雪得勁得滯，所以有這樣的效果。自由豬扒非常好食，豬肉彈牙，有點脆肉的口感。不過好搞笑的是，侍應拿著兩份份量相差很大(約30%)，其中一份給了我們。最後也是今日最貴的款式龍蝦配安格斯安格斯不幸地well done了。龍蝦肉少，味淡，是最貴也是最失望的。最後甜品也四五款，不是款款好吃，但其中抹茶蛋糕和這款朱古力布朗尼值得一試，味道不錯，甜度適中。埋單每人唔駛$200，十分抵食。可能太抵食的關係，中午12:30左右已經全場爆滿，很多上班族都會來這兒吃飯。

是日Halloween 無無聊又咁岩有同事生日,,,一齊team lunch 慶生~~ 一行6人無book 枱度度都要等位,, 唯獨mr steak 竟然仲有大把空間~~~呢度怖置非想halloween,,, 玩semi buffet + main course 任擇一款的形式~即沙律前菜冷盤, 湯水連蛋糕甜點任揀任攞,,,main course 則有8-10款揀,, 有不同價錢,, 包飲品一杯~眼見最平的main course只須HKD88,, 即$88有個semi lunch buffet,,,, 又唔洗等位環境開揚,,其實真係幾抵食！！！至於食物質素,,, 話晒mr steak, 一定係正常野,, 比咁的價錢,, ,唔會再有特別要精緻特別的要求吧~~~沙津冷盤bar~~~ 連湯任攞!這是甜品corner,, 個木桶豆腐花好滑!! 必食~~~其他甜品則好睇個人喜好了~main course 的份量都算係咁啦,, 正常份量和味道,, 完全沒有渣流攤~

Happy Friday~ 這天和同事一起外出午飯。我們選了這家 "牛扒先生" 可以在午市時間Book位是很重要的，因為周圍也是滿滿的人流。像這裡也看到一堆人在排隊 -口-!! 不過來到才發覺原來這裡的是主食+自助沙律吧、甜品的Lunch Set！不過既然這裡是滿座嘛～在沙律吧排隊的人龍當然也很長！基本上排完一轉再回位置，主菜已經到了 QAQ 沙律吧的選擇其實也滿多的啊~ 像番茄+芝士、各種的沙律、日式胡麻醬豆腐、蝴蝶粉等等推介這裡的「日式胡麻醬豆腐」~滑身的豆腐，豆味也算濃~胡麻醬的量亦剛剛好。另外這裡也有湯可以飲~番茄湯！比想像中的酸一點，但也容易入口的。還有一些番茄肉。同事的主菜是 烤英國自由豬、火腿燴小扁豆 ($128)除了很多舊的豬肉外，底下還有薯蓉~所以這個吃起來應該滿飽的吧。我自己的話則是點了 煙鴨胸野菌忌廉汁意大利麵 ($98)這是Lunch Set中唯一一款意大利麵來。味道確實濃郁，但不太喜歡那忌廉汁過於杰身~在加上肥美的煙鴨胸，吃起來超膩。但就煙鴨胸、野菌的份量來說倒是滿豐富的~而且切得比較大粒。意大利麵的話是扁身的那種，煮得也比較硬身最後還可以去拿甜品，蛋糕、啫喔

諗住近近地食個早餐去買餸求其食啦以為mr steak 晚餐都好食早餐應該差不多理想同現實永遠都係唔同叫佢兩個餐同老細食我食牛牛公仔麵佢食牛尾湯通粉牛肉好難食好堅硬通粉好鬼酸只係d 蛋同ham 係正常其實晚餐係主打不如只做晚餐早餐真係有改善既地方

環境 嘈雜，食物無味，生蠔瘦只有 鹽水味，牛肉要3成熟，變了6成熟， 又靭又硬又乾，牛肉汁無味，龍蝦還有燶味， 圍黑邊，看見已沒胃囗，只有甜品，咖啡還可以，但唔會有下次。

第一次食Mr. Steak！食晚餐多人係正常，特別係太古，但Reception服務唔有待改善，出面企晒成堆人係面前等拎飛，長期冇人理，等左近五至十分鐘先拎到飛😓但好彩入得算快，只係唔夠人執枱…舖面算清潔，只有少少飯係櫈到，見到客人_自己抹都有主動幫手👍但人手唔太夠，辛苦d職員喇😢前菜：芝士忌廉蟹肉焗大磨菇主菜：香煎三文魚柳伴烤大蝦配小香蔥忌廉汁”😊甜品：朱古力曲奇芝士餅整體都唔錯！最正係個前菜，又香又重芝味！鍾意食菇既人可以試下！主菜三文魚煮得岩岩好，好軟熟，唔“鞋”😝甜品，對於女士就實好味啦！但冇咩特別，都係正正常常😂最值得推介係前菜同主菜😊8個心心💓但治肚程度就…大食女士係唔夠架！

未食lunch, 想去太古Mr Steak 食late lunch, 個心想食牛扒，入到去問侍應有冇a la carts, 他答只供應下午茶，食完一份carbonara 下午茶仍未夠飽，侍應問我係咪上埋甜品，我卻問他是否肯定連小食都冇？只得下午茶，他答係，我惟有問他再要多次下午茶餐牌，正掙扎一個人食兩份下午茶餐是否太過份時，四眼侍應哥哥巳趕收工放低個下午茶餐甜品，即是叫我唔好搞咁多嘢--快D埋單、快D走。如此服務，下次絕對冇幫襯。

下午茶抵食價錢唔算太貴平均40-50蚊左右就有好野食 牛扒都係60幾就有！包埋野飲 平均黎講都好好食唯一就係牛扒叫5成熟但黎到變左9成熟但都可以接受 大致上都好好味而叫意大利包就要等好耐因為即焗 其他人食完先到不過係最平 30幾就有味道都唔錯環境都好好～

今次第二次黎食，只要係其他餐廳冇位。。同第一次一樣，牛扒無味，不夠熱，醬汁都冇味。。似係滾熟的牛肉再焗一焗個面就算。。 食物只值100蚊樓下。沙律吧普普通通。種類都ok，但要比過百元食沙律就真的不值得了