牛扒先生 (康怡廣場) (已結業)

西冷牛肉質嫰口 叫左7成熟 有黑椒調味岩岩好 食過番尋咩 下次去諗住都再嗌每一碟都大大份肉百幾蚊 仲要係沙律甜品半自助 考慮到份量同品質～ $14x 都值。嗰晚係甘筍濃湯 唔會太咸 咁會話太creamy 恰到好處 襯新鮮出爐熱辣辣嘅scone 兩樣好夾

去康怡食 lunch 其實幾好, 餐廳夠曬多又雜中, 通常都好易搵位. 今次都係無目的咁搵, 邊間有位就食邊間. 行到尾, 見到呢間餐廳門口大大張廣告寫有 semi buffet. 價錢都 ok. 只叫個意粉就直情抵食. 又唔洗等位. 就即入去啦. Salad Bar 都好多選擇. 我就主要食 caesar salad & 炒雜菇. 都新鮮好味. 滿意既. 我本身係諗住平就叫個辣肉腸芝麻忌廉意粉. 點知係最有驚喜! 我第一次食白汁意炒係有日式芝麻醬既味. 但原來又好夾 wor. 而選用既辣肉腸都好味. 唔係一般餐廳既不辣辣肉腸. 就算唔計沙律 & 甜品. 只食個意粉都 ok 既. 最後就到甜品, 我揀左2件日式甜品 & 凍豆腐花. 全部都幾好. 如果個豆腐花係熱既就更好喇!

其實平常8點左右就有早餐供應。雖然說早上侍應人數比午晚市都少一些，但服務不會大打折扣，出餐的速度也頗快。早餐選擇不多，跟一般的快餐店和茶餐廳的選擇差不多，大概是煎牛扒的選擇比較少見一點。自己習慣早上來點麵食，所以還是點了沙嗲牛肉麵餐，配半片多士和炒多火腿扒，價錢算是ok，至少都是在餐廳內嘛!味道其實跟一般餐廳相比，差別不大。但有時候牛肉會用上牛扒切丁，偶像會忽發奇想，不知是不是拿早餐牛扒餐的肉切來做的呢?

難得來了太古。要好好坐下來和朋友慢慢聊天。於是來到Mr Steak看到Mr Steak semi lunch buffet蠻吸引，價錢相宜，有一個main dish + salad bar + coffee or teaSalad bar 好豐富😆😆😆有多款醬汁提供， 包括千島醬 芝士粉前菜有很多選擇，我吃了點沙律，沙拉菜尚算新鮮。難得仲有黃色番茄仔，係我最愛 💜好甜呢泰式木瓜沙拉好開胃，refill左幾次😻麵包有點過乾，唯有沾著玉米湯吃吧😿主菜點了紅酒燉牛肭骨，好咸啊救命甜品麻麻地，最正常係右上角的 cheese tart

銅鑼灣既Mr. steak buffet 之前食得多，偏偏呢個牛扒先生未試過。一值想試好耐喇😍，見佢lunch 既semi buffet 價錢都係百零蚊，呢個價錢堅抵！✨沙律款式真係好多，有成十幾款。除左西式沙律，仲有日式，泰式。好似日式螺肉沙律，胡麻豆腐沙律，泰式木瓜沙律，螺絲粉沙律，雜菌沙律等等。仲有沙律菜，不過太多款所以我都無食到。✨沙律整體都好好食，味道醬汁配搭出色。平時食buffet 其實我只視沙律做配角，但今餐我覺得沙律係最好味既，可能無乜其他野食😂，所以可以慢慢細味下，剩係食佢都夠皮。✨另外仲有兩款火腿都唔錯，味道咸香。✨餐湯只有一款，椰菜花忌廉湯，質感不算滑但味道不過不失。黎mr steak, 梗係想試下佢個扒🤤。✨法式胡椒風味安格斯西冷扒（$158):雖然係七成熟，但肉質啱啱好唔會韌。牛扒邊位有d 肥油好香，不過牛味唔係好濃，同埋其實唔係好覺有咩胡椒風味。侍應有埋黎問我要唔要加醬，試左兩款芥末醬，蜜糖芥末醬最正👍🏻。另外牛扒底有d 薯蓉，不過我覺得得出面個薯仔沙律仲好食，所以我都無食晒😆。✨肉醬意粉：味道同平時食開既無咩大分別，係麵質有咬口d甜品時間到喇，款式一眼睇晒

逢星期六返早都會來呢度食早餐，今日著藍色衫的應該是經理安排我坐一個二人位，我本身自己有一個背包加一袋大袋裝咕臣，這個藍色衫嘅時應他安排我坐咗係對面櫈放了一個公事包的二人枱，我枱前面還放了報紙，我出聲他先叫隔離個食客放回報紙去我前面張櫈到，但他的公事包依現放在我對面嘅座位上今日食早餐人不多，我問他有沒有其他位置，他就叫我將我嘅袋放喺隔離個男人前面，即我嘅左手邊。呢間餐廳其實好大，我唔明一間比較叫做高級嘅餐廳為何座位安排得那麼差，都冇顧及到顧客拎住幾多野去安排座位，甚至枱上有份報紙都可以叫個客坐低相反，有個我時時見到的靚女侍應就很有禮貌及勤力！

今天比較清閒，所以約咗朋友去康怡廣場嗰間Mr Steak食午市自助餐沙律吧.鍾意自助形式因為有好多款式可以隨著個人喜好去揀，既可以嘗試到不同嘅食物，又可以慢慢坐傾下計，感覺非常relax。Mr Steak 嘅午餐有主菜加沙律吧,亦可只選沙律吧,只食沙律吧價錢只需＄78另加一，非常抵食。今天我們只選食沙律吧。沙律種類特別和繁多有：燒南瓜蓉沙律泰式木瓜沙律水蜜桃鴨胸沙律瑞士薯仔沙律芝麻青瓜蕃茄沙律芝士火腿沙律雜菌沙律粟米火腿沙律螺肉螺絲粉沙律紅菜頭沙律凱撒沙律.....沙律吧除咗有各式各樣嘅沙律外，還有切片火腿冷盤，洋蔥湯，香草麵包，番茄仔，芝麻豆腐，和各式甜品及豆腐花，最後還有咖啡或茶。整體食物質素吾錯，環境都算舒適，食得好飽之餘價錢又唔貴，是一個食午餐的好選擇！

快到八月十五中秋佳節，細妹介紹這間半自助餐美食餐廳，和家人一同慶祝，而且也替妹妹慶祝生日。這餐廳可以選擇其中一款主菜，然後任食沙律吧美食，即使不選主菜，也可以用$78 選擇吃沙律吧。我們一家選擇其中四個最精選的不同主菜，包括爐烤榖飼春雞、芝士焗波士頓龍🦐、美國安格斯西冷牛扒及澳洲天然肉眼扒，整體上也算美味。自助沙律吧款式多，也會不停轉款，而且添加也十分快，非常好。但可能坐得較入，所以收碟比較慢。另有驚喜是有職員扭汽球，原本只給小朋友，但媽媽要求他扭一個汽球，職員也沒有拒絕，值得一讚。

與同事食Farewell lunch響太古區選了一間比較得體又可以chill住咁傾計嘅地方。Lunch set都有唔少選擇, 有香草雞胸﹑意粉﹑焗飯﹑紅酒燴牛等等。Lunch set加$38就有任食salad bar, 呢個係比較吸引嘅~有別於一般嘅生菜蕃茄粟米食材, 仲提供好多特色款: 甘筍湯﹑凍火腿片﹑泰式木瓜沙律﹑胡麻汁冷豆腐﹑焗南瓜蓉, 仲有精美甜品。期間都不斷refill, 新鮮又保持水準。至於主食, 點左紅酒燴牛配紅糙米飯。牛柳好淋又唔韌, 而且好香紅酒味。加上健康紅糙米飯平衡返唔會漏，唔錯!店員話, 如果想淨食salad bar都係$78, 一定會回頭食!! 

中午半自座午餐, 意想不到的精彩!映入眼簾的是各樣美食，色彩鮮豔， 垂涎欲滴甜品幾樣也很喜歡!最喜歡這個泰式木瓜沙律, 木瓜加入了特別泰汁, 甜中帶微酸, 夏日清新!是日番茄湯濃厚有香草味很容易就取了一大盤食物, 每樣都好好味!甜品每年體積小巧, 餐廳也照顧到食客的想試多幾樣的心態及胃的容量!主菜來了, 相形見拙, 豬扒大件, 下面有著蓉托住. 食物BAR上有粉筆畫的黑板畫, 十分有創意及美觀!埋單$130, 抵!

間唔中食餐增肥餐咁囉！b朋友book位時話得返2個位咋。原來唔係間間都有呢個semi-buffet。按主食價錢，semi-buffet當送嘅。一黎先攞左個粟米湯，D蒜蓉包粒好正。前菜：好多款，有機青瓜同華度泰沙律，仲有羅絲粉沙津都好好食。主食1.燒春雞，底下有薯蓉同青豆。一般，唔算乾嘅，但唔夠juicy囉就係。主食2.欖oliver oil cream 扁意粉，呢個意粉正，好夠味。唔夠口乾嘅提子鬆餅，我想要再乾D豆花正，甜品有水準，仲會轉款，十足buffet。前菜again前菜3，好嘢係要ancore其他甜品同中華沙津豆腐包2杯嘢飲，我地叫左凍0茶。聽到隔離問好似soft drink要$12，唔肯定有無聽左，但如果真都幾得意。成惠$331，2位，抵。

品嚐左半自助晚餐 沙律同甜品任食 兩樣都尚算多款而且好味 但主菜嗌左燒春雞 味道略嫌淡 而且肉質粗劣 可能快餐店都好食過佢 好失望 (後尾醒起 佢叫'Mr. Steak應該食牛排既lol) 但另外個忌廉闊條麵就幾好食 咸道適中 埋單三百三十兩個人 價錢還可接受 環境幾好 只係太多人有啲嘈 另外服務幾好

自從返了新工之後，認識了同樣喜歡食野的同事，有一次同事send whatsapp比我有關牛扒先生的半自助晚餐，好平好抵食，決定揾日放工一齊去食，6月頭打算打去book位，點知原來7點至9點只有walk in,不能book位(沒有記錯好似係)，7點前可以book位，但又怕趕不切7點到，所以沒有book位，那天星期五，我地就去walk in，出面好多人等，不過都不算等得太耐，我地等左7個字就有位，主菜不錯，任食的有沙律及甜品等，但不是樣樣好食，不過整體唔錯，只能說，這個價錢去邊度揾呀，抵食!主菜我食了燒春雞，我同事食雜扒，淨係賣相已經夠靚，味道也不錯，燒春雞嫩滑多汁，當然，雞胸一定有少許鞋身，雜扒最抵食，有4款食物，牛扒厚，羊架香，好味。

午膳半自助餐選擇多，主菜點選意粉只須一百多元，就可以任食沙律、水果、甜品！本來以為沙律只係得兩條菜，諗唔到有凍豆腐、甜酸木瓜、煙三文魚螺絲粉、日式螺肉、煙鴨胸沙律⋯⋯就算唔食甜品、水果，都已經回本，而且唔會將貨就價！想食豪啲，可以點選燒牛扒或者西冷，水準不錯，份量都夠。唔知點解，去過其他分店，但不論食物、環境，都係呢間最多款、最好食、最好坐！

今日約咗男朋友喺太古睇戲 因為時間尚早所以諗住食啲嘢先去睇 行過見到呢間 貌似幾好食嘅餐廳就入咗去我哋兩個每人叫咗一個set分別係蕃茄湯通粉。昆布蘭豬肉腸。北海道牛乳炒蛋。軟甜餐包蕃茄湯通粉。炸魚柳。北海道牛乳炒蛋。軟甜餐包另外叫咗一杯凍檸茶同熱檸水兩杯飲品就冇乜特別同平時嗰啲差唔多先講一下豬肉腸我覺得豬肉腸嘅味道 有少少奇怪我唔鍾意 不過佢嘅質感係幾好嘅好有咬口 炸魚柳應該係即炸既 熱辣辣外脆內軟 點埋個獎都幾好味炒蛋方面幾重牛奶味 不過冇乜特別同食開嘅北海道牛乳炒蛋都差唔多 我覺得佢個牛油都幾香搽落麵包度一齊食幾夾最令我驚喜嘅係蕃茄湯通粉佢啲通粉冇煮林晒 仲好有口感 食落就知唔係平時食開個種平通粉嘅質地 而且佢個湯底非常濃郁 係杰身同埋好重蕃茄味 如果有得單嗌一碗大嘅就好啦xdxd 你個Tea set雖然唔係特別抵食不過環境幾好 如果唔趕時間同朋友來坐下傾吓計都幾好嘅