28
14
17
港鐵太古站 A2 出口 繼續閱讀
所有分店 (5)
電話號碼
28951100
營業時間
今日營業
11:30-22:30
星期一至日
11:30-22:30
付款方式
Visa Master AE 現金 銀聯
食評 (74)
半自助盛宴 焦點食評
等級4 2017-06-05
7210 瀏覽
適逢母親大人一年一度生日就帶佢嚟呢度食自助晚餐估唔到都幾抵半自助晚餐可以自由選擇沙律甜品飲品餐湯同埋主菜主菜選擇十分之多如果唔想食牛扒嘅 亦都有好多其他選擇架雖然只係閒日黎但眼見已經座無虛席 相信食物質素應該唔錯沙律吧有驚喜 有別於一般普通蔬菜沙律 比較有特色我個人最鍾意就係呢一個烤香草什菌沙律同埋南瓜沙律主菜我就揀咗澳洲天然肉眼扒足足8安士 分量十足而且肉質非常鮮嫩又多肉汁 調味加左玉桂粉 非常特別!好食媽咪就揀咗烤鱈魚柳配韓式芝士焗薯鍋芝士相當澎湃 配以魚柳食感覺都唔錯薯仔香軟可口 而爸爸嘅就揀咗法國春雞同埋秘製醬汁烤free range 豬rib燒春雞肉質實在太嫩滑喇!而且肉味好香就咁以簡單嘅香草配以秘製醬汁美味可口Rib用上傳統燒烤醬非常惹味再配上香滑薯蓉 好味又飽肚! 甜品方面亦都精緻多選擇味道都唔錯 特別係呢一個果批! 整體來講超滿意! 繼續閱讀
(以上食評乃用戶個人意見 , 並不代表OpenRice之觀點。)
考試後午餐 焦點食評
等級4 2016-12-31
11203 瀏覽
考試完同肥髀班同學輕鬆下,帶佢哋來呢度据扒,門面已經裝飾聖誕節氣氛,場內好大,深木加暗藍梳化好貴氣,店員比咗張好靚嘅圓型梳化我哋兩大三小,午餐可以食埋自助沙律吧同甜點!大家一齊出去攞頭盤!沙律:款式好多,我攞嘅都幾好味!甘荀湯:忌廉湯香滑,甘荀味幾香滑!甜品:選擇比較少,試咗幾款,都只係一般!豆腐花幾滑!煙火腿野菌南瓜汁意大利飯($108)南瓜湯入味,飯索晒湯味,好香南瓜味,火腿大粒,味道鹹香,菇菌唔多,煮得太淋,整體好味!美國西冷牛扒($198)牛扒大塊,因為小朋友食所以叫medium well, 牛味濃無筋,醬汁另上,可以自己決定落幾多,問店員攞芥辣,原來芥辣都有幾款,點少少芥辣吊味就好好味!薯蓉好大團,打得滑,好飽肚!拌碟蔬菜最喜歡脆肉瓜!好味!芝士焗原隻龍蝦蟹肉·龍蝦汁意大利飯($208)龍蝦大隻,肉彈牙,頭部有膏!好味!意大利飯索晒龍蝦湯,不過無米心,無咬口,味道幾濃!好味!凍檸茶:肥髀飲熱檸茶:夠熱好濃唔澀!凍檸水:肥髀飲店員有禮斯文,仲幾細心,見陽光照到我哋張枱,即刻過來落簾!上菜收碟勤快斯文!好舒服食咗一餐自助午餐! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-27
8351 瀏覽
友人回港數天,難得約了幾個朋友一起飯聚。雖然只是Lunch時間,但也坐了差不多兩個多小時。牛扒先生昔日最出名是在銅鑼灣吃自助餐有生蠔的。後來再在葵芳和青衣城試,發覺已經走便宜平價路線,百多元一個主菜已經有自助沙律吧。主菜款式齊備,由意粉,扒,豬/牛有。如果淨食沙律唔跟主菜都可以的。友人分別點了三款餐Share。沙律方面,不能說太多,大約在十來款以內,都是中規中矩。其中比較突出是芝士片蕃茄,沙律菜也特別新鮮。餐湯也是由自助,可惜比較淡和稀,半碗就好了。燒牛扒先來,所謂7成熟卻像5成熟,但還算可以。味道黑椒/調味的味道太濃,牛味一般。不知是否雪得勁得滯,所以有這樣的效果。自由豬扒非常好食,豬肉彈牙,有點脆肉的口感。不過好搞笑的是,侍應拿著兩份份量相差很大(約30%),其中一份給了我們。最後也是今日最貴的款式龍蝦配安格斯安格斯不幸地well done了。龍蝦肉少,味淡,是最貴也是最失望的。最後甜品也四五款,不是款款好吃,但其中抹茶蛋糕和這款朱古力布朗尼值得一試,味道不錯,甜度適中。埋單每人唔駛$200,十分抵食。可能太抵食的關係,中午12:30左右已經全場爆滿,很多上班族都會來這兒吃飯。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-11
115 瀏覽
今天比較清閒,所以約咗朋友去康怡廣場嗰間Mr Steak食午市自助餐沙律吧.鍾意自助形式因為有好多款式可以隨著個人喜好去揀,既可以嘗試到不同嘅食物,又可以慢慢坐傾下計,感覺非常relax。Mr Steak 嘅午餐有主菜加沙律吧,亦可只選沙律吧,只食沙律吧價錢只需$78另加一,非常抵食。今天我們只選食沙律吧。沙律種類特別和繁多有:燒南瓜蓉沙律泰式木瓜沙律水蜜桃鴨胸沙律瑞士薯仔沙律芝麻青瓜蕃茄沙律芝士火腿沙律雜菌沙律粟米火腿沙律螺肉螺絲粉沙律紅菜頭沙律凱撒沙律.....沙律吧除咗有各式各樣嘅沙律外,還有切片火腿冷盤,洋蔥湯,香草麵包,番茄仔,芝麻豆腐,和各式甜品及豆腐花,最後還有咖啡或茶。整體食物質素吾錯,環境都算舒適,食得好飽之餘價錢又唔貴,是一個食午餐的好選擇! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-02
262 瀏覽
快到八月十五中秋佳節,細妹介紹這間半自助餐美食餐廳,和家人一同慶祝,而且也替妹妹慶祝生日。這餐廳可以選擇其中一款主菜,然後任食沙律吧美食,即使不選主菜,也可以用$78 選擇吃沙律吧。我們一家選擇其中四個最精選的不同主菜,包括爐烤榖飼春雞、芝士焗波士頓龍🦐、美國安格斯西冷牛扒及澳洲天然肉眼扒,整體上也算美味。自助沙律吧款式多,也會不停轉款,而且添加也十分快,非常好。但可能坐得較入,所以收碟比較慢。另有驚喜是有職員扭汽球,原本只給小朋友,但媽媽要求他扭一個汽球,職員也沒有拒絕,值得一讚。 繼續閱讀
(以上食評乃用戶個人意見 , 並不代表OpenRice之觀點。)