牛屋餐廳

營業中

休息中

網上見到話四十蚊可以据扒 今日就同老公試下一來到就feel到個"趕"字😂😂 Set Lunch 有五個一點完店員已經九秒九立即奉上餐湯同餐包 餐湯係羅宋湯 算幾多料 不過比較油 同唔夠熱 (應該一早已經盛定晒) 餐包正當我地奇怪冇牛油時 咬一啖原來已經幫我地搽好左了！ 我幾鐘意因爲岩晒我呢個懶人😜 (如果唔食牛油/要少牛油既人就可以早啲提出) 我平時鐘意食牛扒 但如果平價扒的話比較薄 都係叫雞扒比較穩陣！ 雞皮同肥肉比較多 但隻蜜糖芥辣味有驚喜 應該係餐廳自己調配 甜甜地有少少wasabi香味👍🏻 （廚師仲將啲蜜糖藏左喺個扒個窿度😂) 老公叫左西冷牛扒 個汁有啲假 牛扒好薄之餘 顏色都唔太鮮豔 價錢仲要貴啲添 奶茶都係暖既 (應該都係一早準備好) 所以呢餐午餐我地食左唔夠三十分鐘就食完 真係好趕😅

今日行行下想食好西，見到門面好似ok就中左入去自問都唔係一個要求高既人但係呢餐真係食到講粗口咁滯一入門口已經覺得有伏味，飯市時間小貓三四隻，門面同餐廳環境完全唔搭，門面好似舊式扒房，心唸應該唔會差得去邊丫，點知我錯了叫得牛屋諗住專食牛差極都唔會跌錢叫左2個肉眼扒晚餐，每位盛惠$88（另加一服務費），其實我都唔明服務左d咩一落order就知中伏，9秒9極速送到湯及餐包，紅湯望落都可以既，但飲完就好似飲緊一杯加左紅色色素既水咁，淡到呢餐包同一時間送到，個包乾硬化既程度絕非筆墨可形容！主角「牛牛」都好快送到黎，餐牌寫明黑椒肉眼扒，點知上台個汁勁似蒜蓉汁加黑椒粒，我塊肉眼扒呢，就變左肉碎咁上台，真心見到都唔開胃！食到呢度，只想出廟街搵野食，唉⋯

食物只能欣賞個牛油餐包，熱的新鮮的，真美味可惜叫左個晚餐肉眼扒，個款可以講像大家樂甘，完全失望。職員態度一個字……差帶住兩個小朋友的我們，個職員一埋位就叫佢地唔好倒瀉嘢，收碟不會問多句，食完未等等，想趕我們走甘。走前仲要講多句，【擺番好d調味料先】，講真就算食物幾好味都好，職員態度差係事實，我下次都不會去囉。

講到食，佐敦，從來都不缺選擇。一行四人，今次隨機揀了一間扒屋。從朋友口中得知此扒屋已在佐敦經營咗幾十年。我都算見識淺薄，今日至第一次試。店內裝修唔多講了，乾淨企理，唔太光唔太暗甚有情調。以下送上食評。個羅宋湯好足料，味道適中。朋友點既係忌廉湯，佢地都話個湯好香、味度好濃！至於個餐包，攞上手嗰陣已發現原來已上牛油，好有心機！影相撕開個時發覺：餐包烘到外皮脆卜卜，內裏軟棉棉，不過對減緊肥既我就未免有D可惜，所以牛油包最後俾其他朋友食哂。(無錯, 我係柔輪完個餐包先比我朋友食香焗田螺 $68薯蓉有好香既牛油味，好細滑, 仲加左D煎過既煙肉碎，係稍為咸咗少少，可接受。田螺入口口感一流，無砂！呢個價錢我敢講係我食過最好食的！香煎德國鹹牛脷 $68過往食過既鐵板燒牛舌一般都係薄切，今次試既厚切牛舌算係另一種嘗試。果然無揀錯！入口好爽。我個人口味既話，如果稍為加多點海鹽吊味就100分了！美國一級 Prime 肉眼$268主菜係我點既係美國一級 Prime 肉眼，聽餐廳侍應介紹佢地既銀雪魚係招牌菜，但我對魚就一般般，最後都係叫佢加錢俾一小塊我試下。魚係好食的，比起以前係鐵板燒食過既銀雪魚有少少唔同。特

沒想到鬧市中佐敦的吳松街，還能吃到四十元左右的午餐。對！四十元左右，不是快餐店，不是茶餐廳，而是酒吧餐廳，有餐包吃，亦有餐湯提供，更加有餐飲，有飯或意粉可選，也有店員為妳為你將食物放到桌上來。是了，對了，就是比快餐店便宜，就是比茶餐廳便宜，這可說是良心食店了！這是現實中的事實，有圖有真相，大家可在中午到吳松街143號走走看。在現實中吃到舊日的價錢，大樂，好吃與否，還重要嗎？這個問題的確變得不太重要，但黎生可以告訴大家，我所吃到的，一定比大家樂的好吃很多！

呢晚響圓方睇完戲出黎成九點半 行落佐敦搵食牛屋好多年前食過 印象唔錯今次帶女友黎試下坐低果陣都成十點了岩岩睇睇簡介 原來收十二點半添叫左兩個餐湯就一紅一白試下紅湯岩重口味人士 頗酸同少少辣 但好足料 有薯仔有雜菜白湯就普通啦 無料既 驚喜既係餐包 上枱時係微暖而且中界切開左 原來內裡已經搽好麵包先黎黑椒牛扒意粉配菜夠多 中和返食咁多肉既罪惡感不過就只係白烚菜黎 有椰菜花 翠玉瓜 青瓜 紅羅白個黑椒汁唔算太辣唔食得辣既女友都食到 幾惹味 牛扒淋得黎都有牛味 蒜茸牛油魚同豬扒 配薯菜呢個又係驚喜黎到已經超香蒜茸牛油味 應該仲加左少少香草我就中意個魚 女友中意豬扒 係咁點個牛油汁食 好香好好味 呢個配搭無得輸連個薯條點個汁都正 唔駛點茄汁環境都幾有feel 懷舊感 牆上有唔少掛畫下次都會再黎食呀！

門外餐牌見到扒餐意粉都係4-50蚊 好抵食咁樣就入去一試 員工未坐定已經問客食紅湯定白湯 但其實佢地都係熱情招待嘅 叫左西冷，雞扒餐跟薯菜 白湯紅湯味道一般 煎雞扒唔錯 薯條份量少 但四十幾蚊算係咁架啦 西冷扒較薄 味道都唔錯 油煙味好大 食完又勁口渴但勝在平

本來打算到對面吃拉麵 經過牛屋 同事又改變心意說想吃牛 便改變行程進來了一進去還沒坐下 還在拉椅子而已女侍應已在背後大聲嚷著問我們要喝什麼湯趕行程不出20秒已經先上餐湯了同事的忌廉湯 稀得不得了小妹點了羅宋湯 味道相對比較濃郁但湯身還是偏水餐包不熱 但口感還算柔軟 不會硬綁綁內裡已預先塗上牛油同事的焗海鮮飯 飯身無味 但面頭的洋蔥和青椒紅椒皆有股酸味所謂的黑椒汁只是蒜汁灑上黑椒醬汁和意粉完全無法融合汁麵分離的感覺吃下去感覺實在很差牛方面吃牛沒有牛肉味羊就幾乎都是脂肪食物質素談不上 服務態度更是一絕實在可一不可再

Service was extremely poor, ridiculously rude and gangster look alike style.And the steak was too salty and hard and too hard to swallow. Never again!

哩間野都好出名，之前已經食過幾次lunch，價錢係算平野食都尚可以，但職員既態度惡劣就人所共知喇，咁都忍佢喇。估唔到今日天氣凍叫餐時要熱華田，到埋單時佢先話熱華田要加5蚊！大佬落單時就應該提一提顧客喇，淨係話熱飲唔駛加錢凍飲加3蚊！雖然話5蚊唔係咩錢但熱華田咁普通既野都要加5蚊，仲要落單時唔提下客人哩樣野唔太好。經過今次之後以後都唔會再幫襯，真係貼錢買難受，完。P.S. openrice 會限制用戶使用一d嚴厲少少既措辭，有幫食店護航之嫌，既然咁怕死就唔好俾用戶寫食評喇！吹漲！

Just came to Hongkong from mainland China after a week stay. We wanted something western. We decided on this place and we were not disappointed. The staff was friendly and the food was great. We both had the 8oz steak. It was very tender and flavorful.

很久没去了，想起了又想去食一吓，大约晚上7時去到店内很多人但都有最后一張枱，现在的待應都是年青人，点了2人餐$480.我点了牛排老婆点了豬排，比起以前現在的牛排肉質有点像花園餐厅，我不太喜欢，豬排还行，但想說的是年青人的服务态度真的好似你同佢有仇咁，比起了以前老闆娘相差太遠了，回忆中的牛屋已不同了，以后也不會再去了，再見了，，，牛屋

難得同友人行街食飯，友人想食西餐，大家都想食平點，上網睇去邊間，揀左呢間牛屋餐廳，其實呢間店子，幾年前曾經想去試下，但因為唔就腳之下未有機會去一轉，今次可試下呀。 小小的店子，設計上，有懷舊西餐廳之感，12月時段，餐廳有聖誕的佈置，配合柔和的光，有點點聖誕的氣氛呢。 Set dinner A，黑椒肉眼扒，$85，奉送餐湯，冷熱飲品+$3。 餐包，正想搵牛油時，即發現左原來牛油已係餐包入面，個人覺得幾窩心，但如果對唔食牛油人仕來講就不太好了，牛油份量適中，餐包微熱，味道正常水準。 羅宋湯，辣辣地好足料，味道不俗。 黑椒肉眼扒，都幾大塊，好多黑椒汁，肉眼牛扒唔算好鮮嫩，但肉質有咬口，味道不俗，粗薯條，熱騰騰幾好味。 熱咖啡，普通水準。 可能因為當日少人，環境夠寧靜，坐得幾舒服，食物味道不俗，以呢個價來講算抵食，上菜好快，同澳牛有得fight(唔通佐敦特色)，服務態度上，侍應的確冇乜表情，但其實又乜野，態度正常呀。

lunch 經過，見到價錢合理，又不用等位，就入去試下。裝修有古舊酒吧感覺，尚算坐得舒服。食物水準不過不失，不多佢作評論，因為再好吃我也不會再幫襯！ 皆因服務態度很差勁！首先所有侍應好似著左火咁，上菜時永遠是大大力，似發脾氣咁放係枱上，好冇禮貌！我明白lunch 時間會較多人，所以提早將張單叫你埋左先，都正常。之後其實仲有幾枱吉的，也只有兩位新客入黎，佢都迫我地走，實在不合理。埋單時比左2個5毫子，點知佢講左句唔收5毫子 (5毫唔係錢???)，好啦，比返個1蚊佢。多謝都冇句就收錢即走左去……態度差到冇人有!唔知係咪員工待遇唔好，定咩原因，但都唔應該發洩係客人身上! 今時今日咁既服務態度，絕對唔會再幫襯!!

舊式餐廳食午餐好抵空肚抽完血，立即食返餐豐富的紅湯好濃郁，杰杰的好重蕃茄味道好豐富的配料，成塊牛肉，紅蘿蔔、洋蔥，少少辣好惹味西冷牛扒好大塊，肉質淋，重牛味，蒜蓉汁吊味一流，意粉吸收了牛味蒜汁好好味奶茶一流, 茶味夠濃，奶味剛好，口味幼滑，