牛太 (已結業)

牛太，係一個同事超級推介，因為佢哋嘅和牛係好好味啊！和牛燒肉放題，$428蚊一位，任食100分鐘，其實唔算貴，如果係和牛既話。就算book咗枱，都要等多十分鐘。地方不算大，但座位坐得舒服， 環境裝修得不錯。依款放題既牛和款式不算太多，我哋揀咗日本產黑毛和牛嘅- 嚴選霜降牛肋肉- 嚴選霜降牛脊肉- 嚴選霜降角切肉- 秘製燒汁壺漬牛肋- 特選三品盛合牛紋好清晰，好均勻。燒完後已經分唔到邊款打邊款，只知燒完既牛好鬼香。每款牛有唔同程度既口感同味道。總括而言，口感非常豐富，有啲入口即溶，有啲要趙兩下，但全部都好juicy。另外，叫咗蔬菜、蝦、帶子、魷魚，但味道已被主角蓋過。由於我同我朋友個胃仔太細，食咗兩round就完結了，亦都叫唔到下一級既牛肉放題。最後，配上Movenpick既雪糕，簡直完美。補充一句，員工服務很好，值得再去。

今日去了食韓燒，有很多不同部位牛肉，又其是牛肋骨、牛肩肉，牛脊肉等等...也很新鮮又有肉味，當然也有韓式小食，不過泡菜就比較差唔夠味道，還有一個蕃茄芝麻醬蕃茄好鮮甜，如果喜歡食甜品一定叫一個魚形燒餅，你自己放在爐上面燒的，你張魚燒到脆卜卜然後放在口裡食超正，外面脆卜卜裡面軟綿綿，一定要試吓...但我覺得牛太和牛角我會覺得牛角好食好多。

今晚同老公去咗牛太食晚餐，我哋好鍾意食燒肉，呢個係燒肉放題啱晒我哋可以盡情咁去食，佢嘅燒肉種類好多，個人推介燒汁醃左嘅肉，燒完立即食就得，吾洗再點醬汁已經好入味，再配埋個溫泉蛋黑松露油飯，一流呀😋

選了$288燒肉和牛壽喜燒套餐，任食所有牛同配料，甜品有好吃的MOVEPICK雪糕，飲品都是任飲可以食牛食很多Round呢🐒.將日本鮮雞蛋碗內打勻，擺和牛落燒網燒，然後沾雞蛋食...食落薄切和牛油脂豐富、肉質柔軟細膩的口感，含在嘴裡和牛油脂和肉香產生了極佳風味~😎特選牛肋肉 特選牛脊,特選牛胸腹肉也沒失手,肉味濃郁,壽喜燒汁同燒汁調得不錯,愈食愈牛的鮮味~😀最喜歡霜降小牛排同薄切和牛的漂亮油花,也燒得很快快熟,可快食很多Round仲有好多類海鮮都係任食，例如墨魚、海蝦等等！每用IPAD落單完和牛店員也會極速上貨,很貼心很具效率

見到呢間牛太個舖設計幾得意入去試試🐮係一間專食牛嘅日本燒肉店超級方便用iPad落單🥰仲要係勁多選擇...可以揀件數點咁就可以每樣都試下🎊上菜超快👍🏻👍🏻甜品仲有燒菠蘿🍍燒香蕉🍌燒棉花糖

上次朋友去食完之後念念不忘，於是約了我和幾位朋友一同再去。這是我第一次吃牛太，第一個感覺很不錯，因為餐廳內沒有煙霧瀰漫和燒肉味，抽氣做得十分好。等待的食客很多，幸好朋友一早做了Booking，只需等待一會就可以入座。我們選了新派燒肉100分鐘「華美清馥燒肉 $288」燒肉放題，罐裝汽水就任飲。用電子落單簡單快捷點了沙律開開胃，有《吞拿魚蕃茄他他》、《新鮮秋葵配芥末醬》、《超級碗(羽衣甘藍雜果仁沙律)》、《雞肉凱撒沙律》、《豆腐海藻沙律》等。野茶盛合：有菇、粟米和大蔥。多款牛肉款式令人讚嘆，每款都點的話實在太多，但都點了8款！每碟份量並不吝嗇，鮮紅嫩口，有調味的更是惹味：特選牛霜降迷你扒、特選牛肋肉、特選牛脊肉、秘製燒汁壺漬牛肋肉、薄切牛舌、蔥盛牛舌、極尚厚切牛舌、牛仔骨。日本產雞腿肉、激辛雞腿肉，雞肉嫩滑入味。燒大蝦、鹽燒帆立貝、牛油蒜蓉燒蠔、燒菠蘿、燒金菇款款簡單好吃。雖然已經很撐，但還是想試試朋友大推的《韓式明太子芝士石鍋飯》- 飯拌混配料後有拉絲效果，果然落足芝士，明太子和韓式醬令整體更香濃。迷你冷烏冬 - 十分爽彈香滑。鯛魚燒 - 燒熱後口感煙韌，中間有紅豆。除此之外每人還有M

上次食過荃新天地的牛太，感覺不錯，今天帶朋友再去食，今次吸收上次要排隊的經驗，今次訂了位之余再早到，等一小會已經入得，朋友很怕烤肉店的濃烈味道，來到這裡他沒有投訴，我當然知道這裡抽風做得好才敢叫上他。我們選擇華美清馥燒肉，100分鐘燒肉放題 $288電子落單效率高又環保，沒有漏單情況，清楚寫了最後落單時間、截單時間和離座時間，十分清晰。先點個超級碗(羽衣甘藍雜果仁沙律)、雞肉凱撒沙律和豆腐海藻沙律先。店員介紹現在有新鮮雞蛋可點，用來拌烤肉食很不錯。燒大蝦 - 夠大隻，肉質彈牙。牛仔骨 - 肉汁豐富，燒到一咬離骨剛剛好。點了一系列牛油：蠔、帆立貝和金菇菜。不得不點的牛舌系列：薄切牛舌、蔥盛牛舌和極尚厚牛舌，厚切有口感之余又唔韌，十分汁潤味道香濃，更追加了2Round。牛肉的種類多到試不完，太豐富了，點了特選牛霜降迷你扒、特選牛肋肉秘製燒汁壺漬牛肋肉。，最愛霜降迷你牛扒，有鹽味、燒汁同味噌三款味道。雞肉有日本產雞腿肉、激辛雞腿肉，雞肉嫩滑入味。主食我們點了韓式明太子芝士石鍋飯，熱辣辣石鍋上，拌勻後十分美味，整鍋不一會就清掉了。最好點了特別的迷你鯛魚燒，燒後外皮會變脆身，入面暖暖的紅豆麻薯蓉

成日經過聞到佢同牛陣發出既香氣勁吸引，早兩日終於忍唔住去試左牛太。究竟牛太係牛太太既意思？定係牛太香既意思？裝修有趣，抽風系統值得一讚，因為佢係從下方抽風，有別於一般韓燒以上方管道抽風。一來唔洗咁多枝管影響裝修風格，二來完全唔會食完之後身上有味。我地今次係食$288+10%的放題。睇下 d 肉既紋幾正？入口唔煙 un 好鮮嫩~不過因為佢係網燒，無牛油紙隔住，所以塊塊燒完都爆油，食左好少就油膩爆。厚切牛舌&薄切牛舌，我推介薄切，好食。因為厚切既實在食完好滯，好肥。呢種就有 d 失色，無再重叫。網燒緊既兩片大塊係特選牛脊肉，係今日食過最好食既部位！玉子燒非常垃圾唔好食，可能因為配左茄汁好怪。豆腐胡麻沙律就好 fresh 好味，叫左3盤先滿足到我，超愛胡麻汁@@明太子石頭鍋飯係驚喜之選！雖然正常應該係要狂燒牛先抵，但係，牛既肥膩令我滯左，所以要食返其他野黎平衡下自己。呢個飯真心好食，比韓國餐廳整得更加好食！牛油帶子都好鮮味，好正另外超鍾意燒菠蘿，甜甜酸酸好開胃咁，完全中和到肥膩感。整體黎講，都好出色，$288+10% 以呢個品質黎講係抵食的。唯一令我唔滿意既，就只有茄汁玉子。另外值得一提既係

又到周一同同事出去食飯大家都想食啲暖暖既野有同事提議食韓國菜見倒呢間食燒肉（以為係韓國餐廳）係門口睇左一啲午市餐牌叫就都正常，咁就入去試試（原來係日本餐廳，用日文講歡迎光臨）入到去，用電子餐牌落單看看午市定食有什麼先得四個定食可以揀會唔會太少呢？我地幾個都諗左陣轉唔轉第二間好呢但因為服務員已比左水了就算啦，都叫做揀倒一個定食既我揀左個有溫泉蛋既飯我本身想食牛但佢無温泉蛋所以我放棄了因為佢係泡菜，所以有啲啲辣味我個人勁怕食辣都食倒，佢既程度係BB級（可以話一啲都唔辣）味道來說，真的普普通通，正正常常感覺似吉野家但個份量真的稍為少了點因為係定食，佢有個前菜沙律同埋紫菜湯我幾鐘意飲呢個湯，但好像有啲鹹但都接受到既最後每人$65埋單

昨天早了一點食午餐，所以點了一份烤肉， 其中一個餐是有三款牛肉的價值$89 ，埋單收+1服務費，總共$98落樓.食物：質素真的麻麻地🤭，牛肉雖然還有一點點肉的味道，但感覺就不太新鮮，沙律製作不認真，那些菜都是大大塊的，不易入口，而那碗湯更是沒有也罷. 最好吃的是那碗飯. 不過還有值得一讚的-醬汁，可能因為肉的味道不太好，這個醬汁就令食物的味道好一點點. 還有有一塊南瓜，是伴碟嗎🤪份量：對本人來說還可以，但看到隔離枱的男士要問女伴取多一點飯，以這個份量如果是男生吃的話就應該不足夠了.環境：因為人不多所以尚算舒服，座位與座位之間也不擠迫，可以接受服務：不需要什麼服務，只是加水叫了3次才有回應.價錢：這個價錢真的不值，因為牛X的價錢差不多但質素就好太多了. 總結：沒要求的ok. 但不會推介給朋友！

這天趕著把BB車拎去荃灣公司維修，但無奈職員說要放低數小時來換零件，結果迫住和老公到附近吃午餐消消遣，剛好留意到這一間餐廳有燒烤或定食的午餐，正好慢慢消磨時間。剛剛好過了午飯最繁忙的時段，所以不用等位就能夠入座。室內裝修以型格黑和鮮黃色為配襯，樓底夠高，座位與座位之間相距闊落。燒烤往往最擔心就是燒到一身燒烤味，幸好這裡有完善的抽風系統，食飽之後都唔會有明顯成身的燒肉香，就是這裏一大特點。用平板電腦落單夠方便快捷，又可以奉行環保概念， 午市套餐分有Rice bowl或BBQ set，價錢由最平的$59到最貴的和牛$239不等。最後揀了澳洲產和牛二品盛$119，日本產黑毛和牛三品盛$239兩款。套餐跟有湯、白飯和沙律。米飯採用日本珍珠米，不會太乾、微微帶黏， 軟硬度適中；沙律菜新鮮爽口、沒有苦澀味，配上 粟米和車厘茄，再拌入胡麻醬，口感一流；紫菜湯則清甜微咸。日本產黑毛和牛三品盛 ($239)和牛三品盛包括有牛肋肉、牛脊肉和牛腹肉。每款牛大約有三至四塊，油花紋路細緻清晰，油香豐盛，肉質更加滑溜。燒起來就更加香口，入口即溶、油香潤滑，絕非澳洲和牛可以美媲。不過以午市的價錢來計算，實在有點貴，

話說今日去左荃新天地嘅牛太食佢最新嘅泰式冬陰公系列，作為一個燒肉放題黎講，佢都相當多選擇。有🍋泰式柚子沙津(我個人覺得有啲太辣, 不過柚子好fresh，可以平衡番個味道)石鍋冬陰公海鮮湯🦐🦑(真推介!!係真材實料煲成嘅冬陰公湯啊)
仲有石鍋香葉肉碎溫泉蛋飯🍳(香葉肉碎超好食,但我個人覺得啲飯煲得有啲太濕)至於燒肉方面，男朋友勁推介牛脊肉🍖，佢叫左3 Round🤦🏾‍♀️~而女朋友最推介嘅係，食到最尾個條限定ISEE iSEE「芒果糯米飯味手工雪條」，因為條雪條上面真係有芒果肉同一粒粒糯米飯架，好特別！真心好食。-利申我地食嘅係$288套餐

荃新天地嘅牛太環境唔錯，坐得舒服，而且燒嘢食都唔會燒到好大油煙，食完唔會成身味！今次食咗$288燒肉放題餐，90分鐘任食任點，有唔少沙律、前菜、主食！種類非常豐富，而且質素都好高💕沙律款款都好吸引，佢每樣少少，我就點左三款不同口味，全部都好有水準！而我呢個$288嘅套餐係可以揀更高級嘅燒肉！特選牛脊肉真係好好食❤️不停地encore！不論係包生菜定配飯，簡直係一流！肉類有分鹽燒同燒汁，我覺得燒汁味更好食！牛胸腹肉、牛肋肉、霜降肉，油脂豐富而且分布均勻，肉質非常新鮮，真係食得好滿足！而且仲有日本產嘅雞腿肉，肉質鮮美多汁，燒到皮脆肉嫩！海鮮方面大蝦都非常唔錯但燒帶子仔就比較一般，無咩味。我鍾意佢哋嘅燒肉係用網燒，唔係韓式餐廳嗰種煎pan，油分會減少好多！最重要係佢哋嘅肉好新鮮juicy，完全唔會痴住個網！我要咗個生雞蛋黑松露醬汁飯，欣賞佢哋係用珍珠米🍚本身就咁食已經好好食，再配埋燒肉簡直無得頂！最後甜品仲有movenpick雪糕同埋比較特別嘅IseeIsee芒果糯米飯雪條！今餐真係超滿足❤️🤤

同事表示想吃燒肉，於是選了她家附近的牛太。有三個價錢選擇，我們選了288元一位個款，100分鐘。鋪頭裝飾一d都五似燒肉店，裝潢較為新穎，店面雖然不大，但每張枱的位置，空間充足，坐下來都幾舒適。一坐低，職員就拎左一碟雜錦肉黎，話比我地燒住先。此舉雖好體心，不過我都係想自己簡多d牛仔骨牛味濃Hahah，我愛了燒蝦同帆立貝帆立貝充濃濃嘅牛油香味，好邪惡薄牛舌同蔥花牛舌。牛舌薄切，所以好快就熟仲有叫了好多不同部位的牛，可惜我掛住食，忘記了邊件打邊個燒雜菜，也不錯，牛油金菇好味道除燒肉，仲有其他食，如沙律、前菜，飯烏冬豆腐湯，呢個係芝士蛋。最後每人仲有甜品食，可以揀movenpick 嘅雪糕或者雪條happyyy

第一次黎呢度食BBQ放題，印象非常好！非常抵食！同埋食完個身唔會成陣味，抽風系統一流。員工都臉帶笑容，服務態度好～我揀左$228放題，店員首先會奉上一份牛肉頭盤同埋新鮮生菜。生菜洗好切好，乾淨企理。呢度用IPad落單，以件數為單位，想食幾多件可以自己隨意+/-，唔會浪費，讚！介紹番呢幾款我個人推薦既部位先~右：特選牛肋肉-肉味濃郁，有趙口，趙吓趙吓啲牛汁同香味滲出黎中：特選牛胸腹肉-啖啖肉，三款之中脂肪比例最高，如果鐘意香口既就啱曬左：特選牛脊-薄切，肉質鬆化，速食之選三款都各有特色，而且以件數落單好靈活，建議可以一次過點曬三款，試左自己鐘意食邊隻再加單。另外牛舌都係必點既~左：厚切-口感一流，一啲都唔韌，超級肥美，略帶爽口彈牙右：薄切-依然保留到爽口既感覺，比起厚切無咁油膩感，同埋好快熟特選霜降迷你牛扒牛扒脂肪唔多，對我黎講係好事~因為我喜歡肉既口感多於脂肪既口感。雖然佢脂肪比例低，但食落好鬆化，而且呢度既肉都係有牛味的，唔係雪到無曬味既急凍肉咁簡單。燒肉汁雖然只有一款，但勝在夠百搭，點咩都OK，另外本身肉既調味都足夠，所以唔點都無問題。涼拌蕃茄牛油果呢味頭盤係凍凍地既，好清新，就係