牛太 (已結業)

係冇訂台情況下7點半拎飛等左半個鐘左右就到我地 真係好好彩平日晚市個場好爆建議都係訂定台 或者用個app拎定飛先見到有人遲過我地拎飛少少 我地等完食完都未到佢地今次揀左中位價個餐驚喜地 牛質非常高 好有牛味仲好嫩滑大推呢隻牛肋條啖啖肉 又唔會鞋口 重牛味Encore 左好多次我地個個都係食肉獸呢款岩哂 非常有口感P.s 落order 留意返 數量1 就係等於一條肉 唔係一分開頭冇留意D肉好多都係黎到一舊另外作地既泡菜都好好味用黎襯食牛肉一流好開胃另外作地個蕃茄沙律都好新鮮好好味好食到停唔到手唔記得影到相到尾星都差d野咁叫左個石鍋飯好正不過細食朋友可以點黎share 淺嚐每人幾啖咁 因為個size 都真係幾大我哋就每人一個最後埋單前就人手落埋雪糕orderMovenpickStandard 個d味 朱古力 士多啤梨 個d完美結束

店內環境舒適，坐位寛敞，待應服務態度有禮友善，今次食嘅係288嘅放題餐，牛肉味濃，幾款牛嘅部位口感十分美味😋😋😋，特別點讚燒汁牛肋肉🥩，濃厚牛肉味夾埋沙律菜🥗，味道特別夾，唔會感覺油膩。呢個餐除咗牛，仲有豬，雞，蔬菜，小食，海鮮、沙律菜等等，款式唔係太多，但相對價錢來講都算合理👌，特別一題，平時鍾意食沙律菜嘅朋友，食牛時可以點選沙律菜一齊食，味道會特別夾。😋

好耐冇網燒，一收工就約家姐沖去食，比起韓燒既鐵板，網燒燒出黎既野食特別香，有燒烤既香味，特別鐘意燒粟米，翠肉瓜同各種姑類我地揀左最平既任食燒烤，野食種類比較少，但夠我地兩個女仔食，肉，蔬菜係一片片用點，呢個幾好，想食幾多，就點幾多，唔會出現一份勁多塊食唔哂，浪費野食冇出現漏單情況，上菜速度都快，唔知係味因為冇咩人食既關係肉既質素我覺得一般般、普普通通，冇咩特別難食或者好食食左好多沙律、泡菜一解油膩感結括嚟講，我覺得試一次就夠，唔係話特別好食，價錢又唔係平

今日公司食Thanksgiving午餐。一向老闆都好闊綽。本身我哋幾個女仔坐低左先，諗住散叫，因為唔想要咁多飯同埋想要多啲選擇。點知前後三個侍應走來同我地講話一定要每人點lunch set！其實明白呢個係公司嘅守則，但係佢哋係懷着一個差態度，同覺得 「我哋係想慳錢share嚟食」 ！ 其實直接講Minimum charge就可以！講返食物先，佢哋嘅牛舌係好出色。每碟牛肉都有放兩條秋葵同埋兩件南瓜。就算唔係雪花牛嘅顏色，都係好食，好有牛味不過帶子就一半，冇咩味。客觀來講，食物出色，態度很差。食物幾好食我都唔會再嚟

做完嘢剛好lunch time，附近間間都要等位，見牛太唔駛等就位，就試下啦。未試過午餐食烤肉，重要一人前，即管試下啦。$89牛豚雞set lunch，不過不失，我喜歡豚肉多些。牛有筋，豚好有肉味，雞都唔錯。但個飯就偏硬，略嫌失色。未食過既，不妨一試。有機會再試埋其他牛。

話說半年前已經話要食呢間，結果拖到而家先食到，提早一日打電話去訂位，好彩都訂到，不過都成8點先有位，見朋友放工時間都差不多，所以決定拍板！佢晚餐有3個價錢，我睇其他人既食評，好多都揀中間嗰個價錢，所以我都決定好同大家一樣😏$288，加埋一，都係300幾。坐低就有侍應俾左部平板電腦我哋落單，我地就快手快腳揀定牛肉，海鮮同飲品，果頭落單，呢頭唔使30秒，飲品已經到左，然後佢原先有既果碟拼盤都上埋，之後d牛肉海鮮勁快手，陸續上台，速度快到我地都燒唔切😂😂因為上得太快，我地就風風火火燒，無停手之餘，又無停口😂😂食左1個鐘左右，開始食唔落啦，因為食得太多肉，朋友們叫左沙律，然後感覺成個人都清新左好多😂😂去到最後，侍應走埋㴝問我地個生日蛋糕係咪上？我哋完全食唔落，但無辦法，今餐係預早同朋友慶祝生日既，所以都叫佢上埋蛋糕。。。。。因為無人等位，所以我地都坐耐左少少，然後再上埋雪糕😂果然係一餐滿足既生日飯整體都值得一食！

經朋友介紹和男友周年紀念便選擇了牛太，我們選擇了$288的華美清馥燒肉放題。鋪頭不算大，裝修似韓式但其實是日式燒肉。但也有韓式菜點。坐低後職員已經很快的送上了一盤肉，說是跟餐送的。點餐是用電子平版電腦，十分方便。除了沒有和牛，$288餐的肉基本上也應有盡快，十分多款式，包括牛霜降迷你扒、牛肋肉、牛脊肉、牛舌等等，上菜時間亦快。不要以為$288餐的牛應該很普通沒什麼，這樣想你就大錯特錯了！每款肉竟然都相當好味，十分新鮮，滿口油脂香，牛味香濃特別是牛舌，更有分薄切和厚切。（另外小小提示，個人喜愛用海鹽點牛食，但這裏要開口問才會送上海鹽。）食燒肉必定要配飯，而這裏更有黑松露醬油配溫泉雞蛋飯！超級好味！再配上一塊油脂香濃嘅燒肉簡直一流！只能一口接一口！我還點了烏冬、泡菜湯，食物款式簡直是多到你食唔曬！烏冬好味到我叫左兩碗！有圖有真相！牛太絕對滿足到你不同口味，只是你需要有一個更大的胃！另外還有鯛魚燒，內有紅豆餡，十分特別。這個很少在其他放題有，必定要試！甜品方面更配有movepick雪糕一個，最後太飽都要拿走吃。而且店內通風系統做得非常好，過程中不覺有油煙，走的時候身上也沒太大陣味，十分抵讚總

荃灣，想吃烤肉但又想嘗嘗新，便一行六人去牛太了。牛太分別有3個價位，最貴的可享和牛，最平的有簡單的牛豬雞，而我們，選了中間價錢的，比較多款牛肉，還有海鮮。牛肉部位多樣，醃好的味道也很足，基本上不需點醬便很夠味。最興奮的事，有厚切牛舌。畢竟多數餐廳只會是薄切呢。 容易咬開，就算烤舊了也不怕老。基於牛太是韓式烤肉，基本韓國主食都有的。是夜喝了一個泡菜豆腐鍋，味道濃郁料足。不夠飽的，還可以有飯麵選擇。最後最後，還有一杯movenpick雪糕，完美的句號。

荃灣友想食燒肉並唔係太多選擇😕平時食開出名嘅連鎖燒肉店，好食係好食，但價錢始終偏高💸💸其實行開Citywalk成日都會經過【牛太】，無奈太多人，次次都唔敢入😅今晚難得見到唔駛排隊，當然即刻就要入去試下啦！同朋友一齊叫咗＄288嘅燒肉放題 😇 呢度好先進，會用iPad落單，而且侍應哥哥超好禮貌，上菜都好快 👍🏻👍🏻平時食開好多燒肉放題，啲肉都有機會解凍唔夠，痴埋哂咁。但係呢度完全無問題，肉質好好之餘仲夠新鮮🥩平民燒肉嚟講絕對唔錯✌🏻✌🏻味道 ⭐️⭐️⭐️⭐️服務 ⭐️⭐️⭐️⭐️⭐️衛生 ⭐️⭐️⭐️⭐️性價比 ⭐️⭐️⭐️⭐️

今日心郁郁想吃下燒肉啦，見係荃灣近近地就嘗試下啦，點知點暈曬吃暈曬甘多種燒肉，我真心都覺得好神奇!個個味竟然係一樣，只係差別厚同薄/鹹啲定唔鹹啲/，我都吾信，嘗試一次點一樣再試真d,但結果個味都一樣，另外要讚既係上菜速度同收碟速度好高效率！但就係一間除左雪糕好吃之外，令我對燒肉淡如止水既一間燒肉店，我諗短期內內都吾會再吃燒肉，有陰影⋯⋯

午餐好想食燒肉，就嚟呢間睇下，雖然係星期日，但係都有午市套餐叫。特選燒肉定食有好幾款揀，肉類以牛同豬為主，除咗燒肉外仲配一碗白飯同湯。我哋揀咗最基本一個豬同一個牛嘅套餐。套餐送芝麻醬沙律，啲菜好甜個湯好清，感覺可以平衡燒肉嘅油膩燒肉配白飯，正！我覺得啲牛比豬好食，配白飯剛剛好。肉質好食，醃料都好夠味，點佢個汁好好味。呢個套餐好適合我呢啲想食下燒肉，又唔想食太多肉嘅人。對於食肉獸嚟講可能唔夠喉🤣🤣

唔抵食，我叫左個set lunch $239燒肉，$1xx燒肉，仲衰過牛角個lunch, 明明無人排隊，夠鐘佢都會趕您走，態度好差咁話是公司制度。牛肉已經唔掂，仲要無得坐好耐，唔怪得假日都唔爆啦（隔離食店就排晒隊）

呢間日式和牛燒肉係我先生嘅至愛👍🏻每次食指大動, 想食靚和牛嘅時候, 一定係揀呢間, 佢嘅牛肉並唔係好似其他鋪頭咁薄切, 而係厚切牛食材選擇豐富, 仲有少量海鮮選擇, 同大部份牛肉放題店一樣, 都係分唔同價錢食唔同質素嘅和牛呢似我哋就試吓食質素最好嘅極品和牛, 雖然價錢係真係比其他貴, 但食完之後覺得真係值得嘅👍🏻雖然冇特別影相, 但係牛肉質素好高, 紋理清晰, 油脂豐富, 而且唔會好似其他鋪頭咁, 第一點拎出嚟嘅和牛特別靚, 之後再叫質素就每況愈下, 呢度每一碟嘅牛肉質素都係咁平均, 絕對唔會令你後悔😋如果有不值的話推薦嚟呢間試吓❤️

前幾日放工，約過荃灣citywalk 見到有間牛太，原來食BBQ放題，今日放工即刻約朋友去食啦！第一次吃BBQ，最怕煙霧瀰漫和充滿燒肉的氣味！ 一入去感覺幾好，而店內抽氣也不錯，沒有這個問題！準備了解下點樣order，用i pad 落單，又簡單又快捷，嘩，可能快到，一落單，轉頭到添！様樣好吸引！最後決定左，新派燒肉100分鐘「華美清馥燒肉 $288」燒肉放題，汽水就任飲！牛肉種類及款式太多了，而每款分量又適中，而且肉質鮮紅嫩口，我地叫左牛仔骨，特選牛霜降迷你扒、特選牛肋肉、特選牛脊肉。每款牛肉，充滿肉汁，新鮮可口！鹽燒帆立貝、牛油蒜蓉燒蠔，燒菠蘿、款款美味！最正的係個甜點，Movenpick雪糕！真係超好味！果然抵食！

在上年12月中，我跟在荃灣工作的男朋友到荃灣食晚飯，他帶我去位於荃灣荃新天地一期地下的 <牛太>！餐牌頗大，相對有點難影相！主打新派燒肉放題，當中，牛肉的種類繁多！ 其他如：海鮮類、蔬菜類、小食...等，應有盡有！ 點食物用 I pad，簡單方便又快捷！一落車，廚房部就會收到！從而減輕店員工作量及避免落錯單惹爭拗！餐廳地方不算大！勝在抽風及油煙系統一流，他發現烤爐旁邊就是吸風位置，就算我們食完這一餐，身上的衣物也吸不到油煙味！$428 和牛燒放題嚐盡82種美食尚未烤肉類，先點些小食！和風海帶沙律新鮮爽脆的羅馬生菜，拌勻日式麻醬，酸香開胃！芹菜蝦沙律芹菜清爽，蝦則爽口，勝在有口感！茄汁玉子甜與酸的組合！不過不失啦！肉類：(我們也分不清是牛肉什麼部份)和牛肉味尚可，入口即溶超鬆化！牛胸腹長身而厚肉，看起來較有層次感！肉質鬆軟富牛味！海鮮類：蝦烤蝦又怎少得呢！除了散發鮮香之外，還有食起來爽彈鮮甜！牛油帶子以錫紙兜盛載，並不是把帶子直接烤熟，用錫紙兜可保存帶子水份及鮮嫩！否則！會容易燒燶及黐底！蔬菜類：粟米、翠玉瓜、南瓜、洋蔥、雞脾菇、鮮冬菇洋蔥經輕烤後，便會分開一圈一圈！略嫌