牛太 (已結業)

同家人來食日式燒肉，揀選中價的 $288 放題，時限100分鐘，任食多款牛肉，豬肉，雞肉，蔬菜......而且仲有沙律，前菜，麵及飯，甜品亦選擇多，性價比高。牛肉有分醬醃同鹽醃及辛味噌，前者食其香味，鹽醃食到牛肉本身原味，辛味噌即微辣惹味，三款都同樣吸引。醬醃牛仔骨燒得好香，帶骨的位置特別嫩腍，牛味突出。秘制燒汁壺漬牛肋肉，醬汁特別滋味，好夾牛肉，質感亦嫩得來有嚼勁，最正無筋位。特選牛霜降迷你扒，其實一點也不迷你，超級大塊，只是薄薄的，更快燒熟。霜降牛扒的雪花脂肪分佈平均，入口好有牛脂香，嫩到好似唔使點咬就化開，味道非常好，我地點左幾次。另外，牛脊肉富有咬口，肉質較實較有肉感，牛味亦夠重。燒肉點少得配飯，點左配溫泉蛋飯，有蔥花同醬油。伴勻蛋黃汁同燒肉與飯一齊食，滋味無窮，好幸福。怕飽既朋友就最岩用生菜夾燒肉食，清減油膩感，仲健康一點。還有豚肉、雞肉同蔬菜類，雞柳肉幾彈牙，肉質雪白，味道都唔錯。豬肉有腩肉、梅肉、頸肉，腩肉最肥美有彈性，豬味濃郁，配泡菜食仲帶點韓式味道。最喜歡薄切的鹽蔥牛舌，快熟易燒，口感仲一流。先燒熟一面，反轉加上蔥花，一陣就食得。好爽口彈牙的質感，又有椒鹽蔥花的惹味同

跟朋友走到荃新天地吃”牛太”的燒肉放題。餐廳佔地不算大，座位寬闊坐得舒適，環境氣氛不錯，最欣賞餐廳的抽風做得很好，沒有燒烤味。我們選了100分鐘燒肉放題「華美清馥燒肉 $288」：電子落單效率高又環保。食燒肉前先吃點前菜沙律蔬菜，有吞拿魚蕃茄他他、新鮮秋葵配芥末醬、超級碗(羽衣甘藍雜果仁沙律)、雞肉凱撒沙律、涼拌菠菜、豆腐海藻沙律和辛辣凍豆腐。流心芝士奄列辛辣豆腐湯牛類點了霜降迷你牛扒、特選牛脊肉、秘製燒汁壺漬牛肋肉、薄切牛舌、蔥盛牛舌、極尚厚切牛舌。牛肉種類多到試不完，最愛霜降迷你牛扒，有鹽味、燒汁同味噌三款味道；還有厚切牛舌，有口感之余又唔韌。還點了雞肉豬肉：有日本產雞腿肉、日本產豬梅肉、激辛雞腿肉，雞肉嫩滑入味。燒大蝦、鹽燒帆立貝、牛油蒜蓉燒蠔、燒菠蘿、燒金菇、翠肉瓜主食我們點了韓式明太子芝士石鍋飯，熱辣辣石鍋上，拌勻後十分美味。最好點了特別的迷你鯛魚燒，燒後外皮會變脆身，入面暖暖的紅豆麻薯蓉夠蓉身，口感豐富，甜度適中。甜品雪糕好吸引，有iseeisee 芒果糯米飯雪條，入口好重椰子香，酸甜的芒果香，還有粒粒糯米飯，多重口感、多重口味，清爽又解渴。而我就點了最愛的movenpic

冬天又係食燒肉既大好時機啦🥓 雖然真係一年四季你邊日食都得，但係硬係覺得冬天食係岩timing啲既😂 散叫永遠好過任食？世事無絕對既，哩到就係一個例外囉！ 雖則係任食呀，但係都有級數你揀咖，所以性價比絕對係高既💯我食既係$288級數既牛肉任食，人地有welcome drink，哩到坐底就有welcome beef，暖下你個胃先，食岩邊樣就再叫！牛肉當然係哩餐既重點，所以我當然唔會放過哩個機會勁食我最愛既牛舌😛 厚切薄切，咩口味都有🤙🏻 燒肉以外都有冷盤有主食既，放心食到飽飽先走🍅🥑🍛雪糕係movenpick，雪條係iseeisee，夠哂誠意啦掛？

今日late lunch, 下午三點鐘先食lunch, 唔知食咩好, 見到午餐幾抵食就走入去試吓, 一個人食飯都要善待自己。用平板電腦點餐方便快捷, 揀咗牛肉三品盛盒燒肉餐$89, 有三款不同嘅牛, 跟餐除咗燒肉仲有湯有飯有沙律, 都幾豐富。每款牛大約有三至四塊, 三款牛之中除咗一口牛比較難咬開, 其餘兩款牛燒一燒之後有油香易咬開, 點一下個燒肉汁撈飯食係幾正, 要讚下佢碗飯似係用咗日本米同埋個燒肉汁都好好味!食完晒所有嘢先飲紫菜湯感覺有啲腥味, 可能趁熱飲會好啲。

今日專登去睇下荃灣有冇好食既烤肉，就揀左牛太試下，一試真係好好食！餐廳既裝修好靚，坐位都好寬闊我地三個人叫左和牛燒肉放題，d肉真係好高質肉同脂肪比例好好入口即溶，好有肉味！我地仲叫左海鮮，牛油帶子好鮮甜，加埋牛油真係好夾。蝦都好fresh我地食得太多肉，諗住叫番個沙律消下膩，點知連羽衣甘藍沙律都勁好食最後仲叫左啤酒🍻強烈推薦牛魔王去試下

早前同屋企人黎試牛太店內裝修幾乾淨因為驚多人排隊我地好早就入左去食因為掛住用平板叫野食 唔記得影相前菜泡菜同蘿蔔都好好食 甜甜辣辣依家餐牌重做緊新泰國菜 東陰公海鮮湯-唔係正宗東陰公湯 不過有隻蝦 可以暖下胃都唔錯牛仔骨有牛味同小小脂肪 好味厚切牛舌有彈性 又有小小牛味 超好食飲品全部都係罐裝飲品 選擇唔多沙律最好食係豆腐沙律 豆腐軟滑 麻醬好味麻油沙律就太油啦泰式沙律柚子冇咩水總括黎講 牛肉新鮮 泡菜好味最尾重可以簡芒果糯米飯雪條 睇落幾好食

泰國+日本放題燒肉套餐 $288+10%👱🏼‍♀️:不如今晚食日本野👱🏼‍♂️:但我又好想食泰國野喎如果你都有遇到同樣嘅情況🤨小編就建議你去牛太食佢而家最新出既Thai Fes’18泰國燒肉放題，一次過滿足你兩個願望-其實$288嗰個套餐燒肉部份已經包含咗牛肉豬肉同埋雞肉🍗款款肉都好高質，每款肉其實都食到有輕輕醃製過，同埋真係好Juicy，特別係牛肉，最好如果你食得生嘅話盡量唔好全熟，七分熟啲肉質會好林，入口即溶-同埋特別最近牛太做緊泰國節，所以你除咗可以食燒肉部份之外你仲可以試到佢五款泰國料理+泰國啤酒任飲+特別限定芒果糯米飯雪糕，同一個價錢可以食到兩個地區嘅嘢非常之抵👇🏻👇🏻👇🏻👇🏻👇🏻👇🏻👇🏻👇🏻1.泰式青木瓜海賊沙律2.泰式柚子沙律3.泰式酸辣豬頸肉4.石鍋冬蔭功海鮮湯5.石鍋香葉肉碎溫泉蛋飯6.泰國象牌啤酒任飲放題7.限定！ISEE iSEE「芒果糯米飯味手工雪條」-當中小編覺得最有驚喜嘅係泰式酸辣豬頸肉、肉碎溫泉蛋飯同芒果糯米飯雪條🤤🤤嗰個豬頸肉完全係你一聞起上嚟就已經可以聞到好重嘅泰國香料味，酸酸辣辣嘅味道如果係重口味嘅你一定會鍾意，之後嗰個肉碎溫泉蛋飯，佢比起一般嘅肉碎蛋飯

⠀⠀⠀⠀⠀⠀⠀⠀⠀⠀⠀⠀✎ 特選燒肉放題 $288ᚼ 價錢未加一ᚼ 另有平啲嘅燒肉放題 但就無得點餐牌特選menu⠀⠀⠀⠀⠀⠀⠀⠀⠀⠀⠀⠀牛太除左有燒肉放題，仲有定食/燒肉餐🤔即是有一碟肉仔比你燒，又有飯食個種$5~60 至 $100左右有交易⠀⠀⠀⠀⠀⠀⠀⠀⠀⠀⠀⠀但一心食燒肉我個人好推介食放題🤤因為單點的話食肉獸要食到爽太苦了銀包⠀⠀⠀⠀⠀⠀⠀⠀⠀⠀⠀⠀除左薄牛舌之外，我基本瘋狂re-order嘅都係特選menu入面嘅，一個人應該食左兩三人份🤣如果你都係牛魔值得加少少錢去特選牛魔推介：牛肋肉👍🏻👍🏻👍🏻牛脊肉👍🏻👍🏻👍🏻👍🏻厚切+薄切牛舌👍🏻👍🏻👍🏻除左牛，放題仲有海鮮同野菜可以燒，另有定食咁款嘅飯麵，不過真心講 除左牛肉 其他嘅都幾一般，無咩surprise🤷🏻唯一幾得意係佢明明似日式燒肉定位，但佢偏偏好多泡菜前菜同石鍋飯，鐘意食泡菜的話應該會幾鐘意呢個安排 (我媽咪就係不斷讚泡菜好開胃又解膩個個XD)

牛太: 100分鐘燒肉放題（hk$288) + 10% + Thai fest 食品 + 泰國象啤放題 + 芒果糯米飯味手工雪條1條 （$0）-Great beef! Good time! 呢期去牛太比平時更good，因為食$288既放題套餐就可以免費食埋thai fest ‘18既食品🤩 除左有泰式沙律、冬蔭公同香葉肉碎飯，最吸引係無限泰國象啤同iseeisee既芒果糯米飯味手工雪條，淨係支雪條都值$48啦😛除左充滿椰奶香，仲食到新鮮芒果的纖維同真糯米飯，超超超好食呀🤤-講番燒肉正題🤣，不少豬肉同雞肉選擇係日本產的，真係好有誠意，燒泰式酸辣豬頸肉好惹味。牛有好多款部位選擇👍🏻手殘的我推薦燒特選牛脊肉，因為薄切，較易控制火喉😆，燒完係最香軟同埋牛味濃郁。另外我都喜歡燒豆沙鯛魚餅，外層燒到脆卜卜，內裡係熱辣辣甜軟既豆沙🤩-另外要讚既係用tab落單，上菜速度奇快，同埋0漏單！野飲有道地烏龍茶，照顧到唔飲汽水同啤酒既我☺️

【😍牛太燒肉+泰滋味】日本燒肉🐮crossover全新泰風味燒肉Thai Fes'18， 任食日本燒肉海鮮和泰式美食100分鐘, 電腦落單, 快捷方便, 日本燒肉質感軟嫩入味， 肉質細緻， 燒起來帶出陣陣油香， 細嫩惹味香口， 用生菜包起來吃， 不怕油膩， 更有風味 👍👍泰國象牌啤酒任飲，淡淡的酒味不苦澀，容易入口， 啤酒送燒肉， 不怕上火。🍺🍺泰式青木瓜海賊🦑沙律🥗 和泰式柚子沙律，清新又開胃。😘😘石鍋香葉肉碎溫泉蛋飯 ，流心蛋🥚加埋熱辣辣香葉肉碎，好滋味， 好開心發現鍋底下仲有少少飯焦!😋😋石鍋冬陰功海鮮湯🦐🦑🐟, 裏面有豐富海鮮, 湯底酸酸辣辣加埋海鮮精華, 特別鮮甜開胃🤗🤗飯後甜品是限定 ISEEiSEE芒果糯米飯味手工雪條，香濃的芒果肉、椰奶加埋粒粒糯米飯, 估唔到味道好夾，有創意好好味， 今晚真係充滿泰國風味, 唔洗坐飛✈機都嘆到泰國美食 😋😋

今日去咗荃灣嗰邊食晚飯，食左牛太，餐廳嘅位置都幾方便，喺西鐵站一出行5至10分鐘左右就到。喱到都係食放題嘅，咁當然要點我哋最鍾意食嘅牛！啲牛我哋都差唔多點晒，每款都幾好味，但我覺得最好味就係呢個特選牛腩腹肉，我哋揀咗鹽味，食落去啲牛肉好嫩，好有肉味，最緊要嘅係佢唔太瘦都唔太肥，食落啱啱好，我哋叫咗好多次！除咗牛肉之外我哋都有食到雞肉，豬頸肉，但係個人就覺得佢嘅豬頸肉比較硬身，唔知係咪因為我哋唔識燒。豬腩肉亦都好香口，配埋泡菜，再用生菜包住食就啱啱好。我哋仲有點蠔黎燒，個燒蠔就唔算好大，但係都好多肉汁同埋幾鮮味，唔錯。除咗必點嘅燒肉之外，我哋仲有食其他嘅蔬果，例如菠蘿就好出色，好多汁。而我哋嘅最愛就係呢個日本甜薯，細細粒咁樣，真係好甜，我哋應該每人食左7-8粒。最特別嘅呢度就係有燒棉花糖，就最啱小朋友食，仲有燒香蕉，同埋日本嘅紅豆燒餅，佢款款嘅味道都唔錯，當然我最鍾意食嘅都係燒棉花糖。個餐仲每人包一個雪糕或者係雪條。雪糕方面呢就係movenpick嘅雲呢拿雪糕，我好鍾意呢個雪糕，非常滑同creamy 。另外仲可以揀去呢度嘅特色雪條，芒果糯米飯雪條，個味都幾特別架。人均消費大概$320。

又黎到食燒肉上次試過午市燒肉套餐都覺得唔錯晚市黎試下超多人好彩我地早黎到因為每枱都食100分鐘，否則等都等到悶呀😛揀左個中價位嘅套餐位位$288，間中都要豪下嘅🤫呢排做緊泰式promotion餐牌多左少少泰式選擇，包括有青木瓜沙律，酸辣豬頸肉等等加上本身都有嘅韓式菜單唔計肉類都幾多野食揀食乜都超開心呀！😍😍😍肉類都專揀極上黎嗌試過最好味嘅係牛肋肉同牛脊肉！有牛味，但又夠淋滑瘋狂encore🤤🤤除左肉類，都勁多蔬菜沙律俾我揀都叫減輕啲罪惡感🤭食到咁上下，開始食甜品餐牌上有紅豆鯛魚燒本來覺得好奇怪咁但原來燒完超好味！外脆內暖紅豆剛剛好，不會過甜！正！埋單後仲有自選甜品Movenpick 雪糕又或者芒果椰汁雪條超開心呀！呢度抽風好足完全唔會聞到油煙味又唔會食完食身燒肉味非常滿意😄😄😄

同男朋友叫左一個晚市 $288 燒肉放題餐環境都幾乾淨 d staff 都肯幫人應下order但係野食既感覺好一般 肉質唔差 但味道不足 燒完一食有種好濟好膩既feel 叫左一份冬蔭公湯 呢碗湯就幾好飲 有帆立貝蝦魷魚等等既料 解濟開胃一流泡菜沙律個d 都幾好食架 但主菜 肉類就真係稍嫌味道一般 食左冇幾耐就停哂手唔想再食同時飲品選擇唔多 得汽水同酒 完認真覺得成個放題唔值$288呢個價錢 市面上其他燒肉放題可能更好 下次應該唔會再黎la

有冇人同我一樣好鐘意食泰國菜🤔最近牛太推左泰國主題既烤肉放題，除左可以任食澳洲和牛，仲有各式泰國小菜。餐廳用電腦點餐，幾方便，重點係肉類款式極豐富👍🏻仲可以逐件咁點，咁就唔怕浪費👍🏻雖然係放題，但牛肉質素都非常唔錯，牛味十足，口感軟稔，唔會覺得好鞋。而且仲有得選擇唔同調味既肉，當中牛胸腹肉係我最愛！燒肉店好少會有得食牛油金菇，仲有三大塊牛油添。除左常見既泰式生木瓜沙律，呢度仲可有泰式柚子沙律，第一次食，柚子酸酸甜甜，有帶點微辣，幾開胃。冬陰石鍋湯，辣度岩岩好，仲有隻大蝦。最後食埋芒果糯米飯雪條，圓滿了。

對於我地喜歡食牛朋友，一定要來哩度，$300左右/位，就可以任食靓牛（非常雪花，而且新鮮，燒到半成熟，咬全部油，勁香）距地除左牛靓之外，其他食物都非常得，新鮮乾淨。牛除左特級牛頸肉甘靓外，距地牛舌都非常棒的，厚度剛剛好，當上下2邊烤一烤就可以食爽而滑，點上秘製燒汁絕配。海鮮方面有蝦，魷魚，北極貝等等。除左肉方面仲有好多野選擇，比如日本小蕃薯，棉花糖，牛油金菇，波羅，雞臂菇，沙拉，距連烤香蕉都有，意想不到好味，配上朱古力，非常搭一定要試。 當我戰鬥完一大輪肉食之後，就慢慢食烤蕃薯棉花糖，波羅，消消油膩，之後再繼續，非常非常滿足，而且價錢唔貴，一睇到個牛可以雪花程度成甘，任食就知道超抵食。