233
14
6
港鐵荃灣西站 A1 出口, 港鐵荃灣西站 D 出口 繼續閱讀
電話號碼
24062800
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
付款方式
Visa Master AlipayHK 支付寶 現金 銀聯 JCB Apple Pay Google Pay
其他資料
餐廳運作模式 - B類
Wi-Fi
酒精飲品
自帶酒水 詳細介紹
切餅費 詳細介紹
加一服務費
當面支付
食評 (276)
等級4 2022-01-21
29 瀏覽
☀︎ 𝗦𝘂𝗺𝗺𝗮𝗿𝘆:牛太最近推出左冬季主題「日本の冬のおもてなし」只要選購「極上和牛燒肉放題 」即會送出期間限定既「御節豪華和牛肉二つ重箱」!大歎日本黑毛和牛西冷同嚴選和牛稀少部位都只係$329/位,100mins任飲任食日本和牛◈ 頭盤。和牛四款稀少部位,分別係牛頸脊,厚切牛舌,牛肋肉,肉眼芯當然唔少得大判燒-和牛西冷啦!雪花好似大理石般分佈均勻,紋理細膩一眼望落去,極為吸引特別係牛頸脊同和牛西冷,真係冇得彈一入口瞬間溶化,柔軟鮮嫩嘅口感配上濃郁嘅牛肉香同表面微微焦脆嘅肉香真係大愛呀!淨係頭盤份量已經夠多當然作為食肉獸嘅你唔夠過癮仲可以掃QR code encore架~枱面上6款調味料,可以自行調味有麻香鹽醬,味增燒汁,甘味醬油黑胡椒鹽,七味孜然粉同山椒芝麻粉推薦食法:將和牛蘸上日本產雞蛋蛋香同和牛互相交融,口感更嫩滑再配以蘿蔔蓉柚子醋,帶出和牛嘅清新香◈ 豬肉。雞肉。豚肉,海鮮除咗和牛,仲有其他肉類值得一試推薦:蒜蓉黑胡椒曰本豚腩肉丹麥皇冠豚腩肉燃鹽燒手羽牛油燒日本產帶子,鹽燒帆立貝,大虎蝦推薦食法:以生菜或紫菜包住燒肉同泡菜一齊食爽口帶辣,口感豐富◈ 熟食仲有幾款熟食好受歡迎架~有香蔥溫泉蛋配黑松露醬油,冷稻庭烏冬軟骨湯拉麵,辛辣海鮮豆腐火鍋等◈ 甜品。迷你鯛魚燒(紅豆/奶油)內餡飽滿,再燒一燒,外脆內軟又甜美。海苔年糕軟熟又軟糯,超級煙煙韌韌最後每人送上一杯Movenpick雪糕杯添~ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-17
75 瀏覽
又嚟停晚市🤦🏻‍♀️ 好在剛好停之前2日同朋友約咗嚟✨牛太,仲唔放肆地享受一下😂呢度有三個燒肉放題可以選擇,既然今次要放肆、就揀個最正嘅【 極上和牛燒肉放題 】❣️因爲呢個套餐可以選擇嘅食物係最多(🤗成個menu都包)、最最最重要係仲包埋🇯🇵日本產黑毛和牛呀!🤤🤤 我哋真係好肚餓😂所以好唔客氣咁樣一次過點好多嘢食呀! 和牛、上級牛肉、牛油🧈帶子、廣島蠔、菠蘿🍍、前菜、沙律等~~ 提返大家~😜食得晒先至好嗌!咪做大晒鬼呀!先品嚐💁🏻‍♀️冬季主題的期間限定 - ❤️‍🔥御節豪華和牛肉二つ重箱❤️‍🔥 (2人起送🥰),1️⃣第一層 : 選用和牛稀少部位:和牛頸脊、厚切牛舌、辣椒肉、肉眼芯2️⃣ 第二層 : 和牛西冷片西冷係和牛中最高級的部位,肉質柔軟細膩! Wow!!! 一上枱已經衝擊視覺🤩 各個部位風味不同、靚靚霜降雪花❄️油脂均勻、肉質細緻嫩滑、入口即化🤤 配搭黑毛和牛專用醬料,帶出與別不同的口感😋亦可以用生菜包住食、減輕油膩感~至於和牛以外的食材都很不錯! 我自己較為偏愛封門柳、大虎蝦、牛油粟米、菠蘿等😆😆臨尾仲有Movenpick嘅雪糕做甜品🥰其實我自己好想食埋鯛魚燒😆不過真係好飽啦!留返下次再嚟試啦!最值得一讚嘅係呢度嘅職員態度殷勤有禮、亦有專業嘅知識。👏🏻跟其中一位叫Winnie的職員傾開,原來呢度嘅和牛係來自其日本公司位於鹿兒島的自家農場!貴為日本全國最大的🐮和牛產地,絕佳的氣候及地理位置對培育優質產品絕對有優勢!所以可以以大眾化價錢😽俾客品嚐優質靚和牛!真心好抵食呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-22
507 瀏覽
一心想食燒肉, 行過荃新天地,見到牛太已經覺得好吸引, 原來仲有放題就更加唔駛考慮!見唔算好多人, 等左一陣就有位我地揀左豪華燒肉放題, 有100分鐘可以任叫任燒!!牛太都係以QR CODE落單, 非常方便 , 但同時都有不便就是太多選擇, 一個PAGE SHOW唔晒~時間關係, 先叫左幾款牛再慢慢揀前菜/小食, 甚至澱粉質項目另一個小TIPS就係一定分段ORDER, 張枱真係唔係好大…..真心推薦可以先叫一份澳洲和牛五品盛, 有齊牛肋肉. 嫩板腱,封門柳, 牛脊肉, 一口牛肋肉可以試左自己鍾意邊一款就開盡火力!眾多牛當中個人鐘愛有牛肋肉/ 封門柳及柔嫩板腱…好貪心, 因為佢地真係覺有特色牛肋肉:  薄而大片, 非常惹味柔嫩板腱:  油脂分佈平均, 好JUICY封門柳:  牛味挺出, 口感豐富**其實薄切牛舌都好出色豚肉代表嘅有勁蒜豚肉及豬頸肉雖然次序錯晒, 但食肉嘅同時都唔好漏左食多D菜去解膩, 否則戰鬥力會減低豆腐沙律及芥末八爪魚放題SET當中包括左汽水同埋烏龍茶等飲品都係任飲嘅, 不過食少燒肉點少得啤酒, 所以忍唔住叫左杯生啤開心下食到最後如果仲爭啲野的話就一定係烏冬喇,牛太嘅烏冬好值得讚,  細細碗之外仲要係巑岐冷烏冬,加少少蔥粒同醬油已經好好食, 仲有仲有一定要食埋個燒年糕以為食完甜品就搞掂晒, 爭d漏左個最人見人愛嘅MOVENPICK雪糕~ 好在店員有善提醒 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-07
783 瀏覽
天氣凍食燒肉就最好,可以對住個火爐,肉又香口,啱晒我呢啲食肉獸。呢度嘅燒肉放題有好多款牛肉,我同朋友都係牛魔王,真係食到舔舔脷。我哋揀咗豪華set,每位$329。首先講吓肉類,我哋梗係專攻牛肉啦,推介澳洲產和牛五品盛合,有齊板腱、牛肋條、一口牛柳粒、腹胸扒、薄切牛舌,款款牛肉味濃郁,而且餐牌寫呢啲牛肉無添加激素,不含抗生素,食得安心。另外,厚切牛舌必食,燒後外面酥脆,內裡柔軟,肉汁豐富,肉味甘香。豚肉方面,我哋試咗超盛蒜蓉黑胡椒日本產豚腩肉,燒得甘香,沾上醬汁,夾埋泡菜,用生菜包住一齊食,好好食。海洋方面,牛油燒帆立貝、大虎蝦、原隻魷魚仔都新鮮。肉質唔會霉,唔會腥。味道仲好好,燒完之後海鮮嘅香味散發晒出嚟,超正。主食方面,推介韓式辛辣海鮮豆腐鍋同埋冷稻庭烏冬。前者材料豐富,有大蝦、原隻魷魚仔、帶子,鮮嫩豆腐、蛋,配上惹味嘅辛辣湯,好食。想到庭烏冬口感好煙韌,配上嘅湯汁清得來又唔會冇味,加上香蔥同埋Wasabi一齊食,好清新。甜品都有幾多選擇,我哋試咗迷你紅豆鯛魚燒、醬油海苔年糕串、甜燒牛油蕃薯仔、特色燒香蕉,正!最後仲有Movenpick雪糕,朱古力味好好食。食完甜品真係飽到上心口,好滿足。 繼續閱讀
(以上食評乃用戶個人意見 , 並不代表OpenRice之觀點。)
這家位處荃新天地嘅日式燒肉放題CP值好高,午市放題嘅肉類選擇頗多,脂香肉甜,食肉獸絕不能錯過😋仲有多款配菜、小食選擇,任飲非酒精飲品,食物上菜速度很快,每位客人仲送Movenpick雪糕一杯🤤特別一讚,餐廳樓底高,抽風系統良好,食完都唔會成身味👍豪華燒肉放題(100分鐘)$329有幾款清新沙律、泡菜、菠菜及芽菜等,配合少量調味料製作,食落十分開胃多款優質肉類肉類主要以鹽或燒汁醃製,有牛肉、豚肉、雞、羊等,特別推介以下幾款:.極上厚切牛舌油脂分布平均,柔嫩脆韌,十分輕鬆就可以咬斷牛脊肉肉質嫩滑,肉帶點筋但十分脆口果香旨味牛肋肉上碟時係用一個密封玻璃樽盛載,用菠蘿舖上肉嘅表面,濃濃果香滲透到牛肋肉當中,口感獨特,爽口香甜燒雞軟骨串作為傳統串燒料理,呢款當然無得輸,食落香脆又有嚼勁,調味亦剛剛好.超盛蒜蓉黑胡椒日本豚腩肉厚切燒香後,迫出豚肉嘅油份,香濃嘅蒜蓉黑椒味好突出,鹹香脆口.海鮮一共有3款海鮮,包括:人氣大虎蝦食落蝦味濃稠,啖啖肉,鹽燒帆立貝加咗牛油,一燒完滾起個下,香味撲鼻,味道鮮甜,原隻魷魚仔鮮香惹味,可能略為燒過火,食落口感較韌野菜有翠肉瓜、南瓜、京蔥、菇類等,食燒肉嘅同時,再食點蔬菜,可降低油膩感飯、麵、湯款式及賣相都非常吸引,有辛辣牛肋肉湯飯、明太子芝士石鍋、豚骨湯拉麵等,胃部戰鬥力強嘅你,不妨點幾道來試試😋小食及甜品一共有6款選擇,唔食得都睇得😂當中有兩款較為特別:.迷你鯛魚燒有紅豆及奶油兩種口味,燒完外皮鬆脆,紅豆蓉略帶微溫,味道香甜特色燒香蕉一條原隻香蕉上碟,另配一碗朱古力醬,將香蕉放鍋上略燒片刻,再淋上朱古力醬,成個香蕉船甜品咁啊🤤 繼續閱讀
(以上食評乃用戶個人意見 , 並不代表OpenRice之觀點。)