牛大人台灣火鍋吃到飽 (銅鑼灣廣場二期)

營業中

休息中

最近人氣爆燈既台灣火鍋—牛大人，人頭湧湧，每晚都好多人排隊！預約訂枱都要排期一段時間，而walk in就需要6點前入座/拎飛先可以七點半前入座💫 牛大人既澳洲和牛真係頂級，油脂分布均勻，入口有化開既感覺～ 火鍋湯底黎講麻辣鍋辣得黎又唔會油，香辣既味道非常開胃😋 另一個酸菜魚湯底就失色少少🤏 唔夠酸味～ 而火鍋食材方面新鮮、多元化～ 飲品類大多為清新健康飲品，消暑解渴～ 熱愛火鍋既朋友一定要試返次☝🏻💫💫

身為台灣人，我真的不得不說 來到這裡吃飯真的瞬間回到了台灣的感覺😭 真的很感動！尤其飲料櫃裡面竟然有麥香紅茶！！！！！小食裡我最喜歡吃台灣香腸還有梅粉地瓜！不過美中不足的是，一個人用餐也要算兩個人頭費⋯⋯對於自己一個人在香港的台灣人來說真的太想哭了吧⋯⋯

真係超級難book位😂唯有勁早去walkin🤪(歡迎追蹤我地ig睇更多美食)🔅 #hkfoodmap火鍋🔅 #hkfoodmap銅鑼灣第2次食牛大人🐮最吸引我嘅地方係無限鴨血😋配料同湯底亦都好高質湯底都好鮮同好足料！連野飲都好正🍹有幾款台式茶飲仼飲🤪有烏龍茶呢d消滯 仲有冬瓜茶 烏梅呢啲清熱氣！不過真係好難book位😟分享下我當日係下晝4點左右去銅鑼灣分店等佢晚巿5點果轉嘅walkin位👅上到去已經有10幾人喺前面🤯我以為我已經好早🤣好彩最後第一輪就入左去🥰

食果日仲係有二人限聚令 原先係8月食 但因為疫情取消左堂食 就延期至9月先食 當日係bk左7點 total可以食120分鐘 而且當時堂食只可以去到9點 所以我地7點一定要入座先可以食到120分鐘 我地6點8 91左右已經到齊 我地4個人要分開兩張枱 侍應不停入二人枱 到到7點3 4 我地再問侍應佢話佢唔小心miss左 入座既時候已經係7點半 到到入坐揀湯底 職員落錯單再到個煲黎已經係7點8 但當日8點半已經係要last order 整個過程只係食一個鐘 用餐心情已經係超差 不過中立d講返d食物質素先湯底 我地一個叫左麻辣 一個叫左菠蘿雞湯 首先麻辣湯底中辣真係有d辣 大家真係好食得辣先好叫中辣 大概都有譚仔小辣程度 但個麻辣湯底 我地佢4個都係覺得得個辣 完全係無麻 所以都幾失望 而個雞湯係清甜既 好有雞味 但菠蘿味就冇乜  所以湯底呢part已經失望左熟食方面我地大家都覺得好滿意 好有台灣味道 最推薦係鹽酥雞 但份量係比較少同細舊 而打邊爐既食物方面有好大部份都係出去攞 d丸既質素都幾好 除左牛丸個味好奇怪 大家可以唔洗食另外肉類方面我地揀中間個餐 d肉既質素其實都唔係太差又唔係太好

剛開業時頭啖湯食過一次，3️⃣個半月後終於攞到張飛仔再擦過。係吖，之前撞上來兩次都食唔到，兩公婆今次早有預謀4:30pm就上來，龍尾都要搵下，排第一食客話3:30pm已經嚟排隊🤪4:40pm開始派飛，我地攞到17號飛仔感恩有🉐️坐卡位仲係4人大枱🥰其實餐廳好大所以排得後我地少少的食客基本上都食到5️⃣點頭圍。今次揀中價路線，選台中蒜頭雞鍋湯底，好多蒜頭不過唔算好大蒜頭味。於食物專區攞蔬菜和丸、混醬專區和雪櫃內飲品都令到選擇困難症番發；如果喜歡食芋頭記得攞炸芋頭和芋頭貢丸😋掃QR code點牛肉豬肉，味道不過不失；點左幾個必食推介例如私房鴨血、澎湖花枝漿、真味牛肉漿、秘製鹵大腸、蛋餃都唔錯。而手工小雲吞、瓜仔雞水餃🈚️驚喜、鬼馬老油條退步唔好嘥quota。送甜品可以揀名牌瑞士雪糕，而我地當然以台式仙草凍作為呢餐台式火鍋的完美句號！坦白講，比較剛開業時水準係差左，不過食物飲品湯底勁多選擇而質素總算不過不失，已經值得咁多食客願意大排長龍來幫襯。下次會再嚟試過其他湯底，希望到時質素唔好再跌😉

開心share抵食外賣自取邊爐-牛大近日嘅6pm起禁堂食+二人限聚令措施打亂左好多人嘅生活習慣同社交活動 變相飲食業要出招做外賣自取同外賣自救牛大人🐂之前連預約好多次都冇位 而家外賣自取唔使煩又抵食仲要勁好食4人份-$648（包1個湯底,4種肉,花膠,4種台灣手工餃,4款台灣在地直送漿類,6款丸類,4樽3揀4冷泡茶,蔬菜拼盤)2人份-$388 （包1個湯底,4種肉,花膠,2種台灣手工餃,2款台灣在地直送漿類,4款丸類,2樽3揀2冷泡茶,蔬菜拼盤）*數量不同4人份Total 8種湯底試咗台灣鳳梨雞鍋,牛大人紅燒牛骨鍋 我哋覺得牛骨鍋好正 鳳梨雞鍋可以唔洗試外賣自取另外85折 仲送鴨血唔夠食仲有加料區 但冇折扣

啲朋友個個食過都讚不絕口，所以我專登早咗大半個月，預約咗銅鑼灣牛大人同朋友慶祝生日。不過都揀唔到啲咩好時間，所以預約咗夜晚9:30。去到都座無虛席，全場坐滿晒。坐低就先要揀食邊一個plan，價錢分別係$178/218/268，價錢越貴食物品種越多，我就揀咗中間嗰個，做會員可以有優惠券扣番啲。湯底有九款每一款都好特別特別有台灣風味，我揀咗白肉酸菜鍋+秘方麻辣鍋。同平時食開嗰啲港式邊爐湯底好唔同。火鍋配料種類好多，其中推薦蟹子墨汁漿、干貝鮮魚漿、澎湖花枝漿、即炸午餐肉、私房鴨血。呢幾款都係要order嘅，佢另外仲有一個自助區有啲丸同埋蔬菜可以自取，種類都非常之多。飲品款式都非常多，其中比較喜歡桂花烏龍，菊花普洱，無糖仲要大大支，唔使好似平時打邊爐飲汽水咁有罪惡咁。熟食真豬小香腸、皮蛋豆腐同埋梅甘脆薯三總都好好食！唔好錯過。飯後甜品唔好嗌雪糕，因為雪糕咪又係咁，佢個仙草凍真係好美味！整體來講，完全對得住佢價錢同埋排隊，有機會一定再食。

Order delivery for 7 people was late by more than 1.5 hrs. Restaurant personnel was only able to say sorry. Unacceptable. The driver said he had been on the road for 2 hours, so of course I offered him a tip. The other concern besides having to starve was hygiene: all the raw food was not kept in coolers or next to ice pack but instead was kept right next to the hot soup. Fortunately no one got sick after consumption. The portions were good and the quality was acceptable. The soup was bland. Any

全場坐滿爆滿既一間台式火鍋店，好難好難先訂到位，早左小小到，因為太多人，都係等半個鐘先入到去，證明真係好好味咁喎！！同平時火鍋一樣，有分三個牛肉既級數，當然越貴越靚啦！！我地都係最愛食牛既人，所以揀左最高級既澳洲極上和牛，因為一來我地最鐘意食牛，二來唔會好貴，最靚都係300蚊左右，超抵食！跟住就可以開始用QR Code點野食，佢有超級多選擇，海鮮有蝦，有脆肉鯇魚，仲有5款魚滑，另外仲有幾款小食，醬料，飲品，菜就要自己出去拎啦～嘩。。。D野食湧上黎啦，好多呀，好正呀！先講下特登叫最貴既澳洲極上和牛先啦，雪花面已經夠曬吸引，薄薄一片，好快熟，入口溶化個個感覺真係好正，牛味香濃，一啖可以掃曬一碟～跟住就要介紹下我最愛既台灣美食，佢有台灣好出名既甜不辣，香港真係好難食到嫁，好彩呢間真正台灣舖有賣，煙韌既口感，好似年糕咁，味道似魚蛋，甜甜地，勁正呀！！仲有個一口鹽酥雞，岩岩新鮮出爐，金黃脆口，雞肉嫩滑，食完在叫。另外仲有火鍋料，不黎野之前俾左一碟牛丸，睇落平平冇奇，只係比普通牛丸特別圓，原來佢係一粒芝士牛丸，好特別，牛丸味濃，咬落去爆出超香濃既芝士，仲可以拉絲，正呀！！果然冇去錯地方，咁多人黎食

香港最近有一間火鍋好出名,我身邊好多朋友已經不停訂位!!當然我都唔輸得,即刻又訂位啦~嘩......真係太勁啦!!超級超級多人~呢間係香港最近好出名既台式火鍋舖,湯底,食材,多數都係台灣出名既野!不過就算book左位,都係等一等,因為真係太多人了~因為疫情既關係,佢地都做足防禦措施,有量體溫,有消毒酒精.等左差唔到15分鐘就可以入啦,入之前先揀左湯底同咩價錢個套餐先,今日我地就揀左最貴既澳洲極上和牛套餐!!呢間都係用最新點菜方法,用QR Code點菜!都有一部份要出去拎,飲品方面都有好多特別野,有幾款茶,我都比較鐘意桂花烏龍,清清地,有濃濃既桂花香味,打邊爐食咁濃既野,飲呢個就最岩~頂級澳洲極上和牛果然唔同,超級靚既肉,肥瘦均勻,每片都有岩岩好既雪花,唔怕煮得耐,因為靚牛煮幾耐都可以非常嫩滑,入口既溶,好正!!另外仲有好爽口既豬頸肉,又嫩滑,又新鮮雞味既雞,大大隻,一碟有成5-6隻既蝦,爆膏,必點~超級推薦脆炸午餐肉,唔會好油,食落又香又脆,超好味!!!其實佢都仲有好多野,不過肚仔放唔落,下次在黎過!!!

無論網上定朋友親身食過都一致好評嘅牛大人令我期待已久，呢日終於有機會一嚐！我嘅心情簡直係未出發，先興奮😆。本身訂咗五月喺荃灣食，但奈何食物中毒被迫取消，再訂已經要六月底，仲要係下午五點個時段！我呢日專登請咗下晝假食🙈，無諗過準時去到，已經全部都係人，坐滿哂個走廊，勁誇張！好彩我哋訂到位啫，如果唔係應該食唔到，Walk-in嘅話要預下午四點半吧。店員安排咗我哋坐二人枱，都坐得幾舒服😀，打邊爐最重要係冷氣夠。餐廳真係好大，有超多座位，但都全部爆滿；部份四人卡位設計較為獨立，更以廿四節氣命名，好特別。一開始店員問我哋有無食過，再簡單介紹下個流程。首先就係揀選湯底嘅部份🍲，有九款選擇，全部各有特色，兼係台灣風味，同港式鍋底唔同。鴛鴦鍋要加$50，不過一場嚟到就試多款啦，我哋要咗㊙️牛大人秘方麻辣鍋同牛大人紅燒牛骨鍋。前者有得揀辣度，我哋要咗小辣，辣味相對弱，完全係我接受範圍，食得出有少少麻味同藥材味，但整體未算突出。後者就反而有啲眼前一亮，紅燒湯本身帶有好微嘅辣，而且仲不乏牛骨香，又夠濃味，正。不過食到後期就鹹咗啲。點完湯底後，我哋就事不宜遲嗌牛肉🐮，肉類同部份台灣食材係要用手機自助落單，都方便

☄️請follow @foodplanet.hk 美食星球為你速報美食 不專業 但很嘴饞🤪🐮🐮🐮🐮🐮🐮牛大人 | ＃銅鑼灣【正宗台式酸菜鍋 和牛吃到飽 $298】無得去台灣，不如走翻轉牛大人！終於可以一睹牛大人的風采， 記得一定要預訂 即日拎籌實在太耐啦。。。 排到2046都未有得食！ 鍋底（鴛鴦鍋 +$50）🍲🍲差不多每枱必點麻辣鍋，今日有啲唔舒服所以冇食辣！不過反而食到驚喜！【台灣濃香蕃茄鍋🍅 ＆ 眷村白玉酸菜鍋🥬】番茄夠濃郁，配搭任何食材都咁惹味！ 白玉酸菜鍋 夠酸夠濃，酸菜用上大白菜，蝦米等，配搭海鮮同蔬菜最夾！肉類🐷🐮揀咗最高級別的極上和牛，每個套餐送「澳洲M9和牛蘑菇芝心味牛丸」，牛味濃郁一咬芝士濃郁，夠彈牙！【美國SRF極黑牛肩胛肉眼牛味香濃，脂肪分佈平均，嫩滑啖啖肉！！【安格斯牛柳粒】安格斯牛味濃郁唔使講，夠嫩滑，比一片片 肉味較濃 同多汁！【西班牙豬梅肉片】豬肉片俾坊間的更滑 同無豬騷味！搭配酸菜鍋最夾！台灣直送小吃🇹🇼🇹🇼【肉燥飯】🍚香噴噴肉燥 同白飯 都係外面自助區域 任添！ 肉燥甜度適中，豬肉肥瘦均勻！ 【鹽酥雞】🐔即叫即炸，外脆內面多汁，啖啖肉！ Encore

🔎 銅鑼灣駱克道463-483號銅鑼灣廣場二期5樓*📍 牛大人.好掛住台灣嘅火鍋,因為疫情好難再去回味一番.但好彩香港都有唔小台式火鍋.但係今次令我讚不絕口,就係牛大人.佢完全比到台灣火鍋感覺比我.疫情關係,如果拎食物嘅範圍都必須要配戴口罩.範圍都幾大,坐得十分舒服.幾欣賞佢哋係用QR Code模式,第一唔會浪費太多紙,第二可以隨時睇返自己之前落單點過D咩食物.佢哋有唔少係自家冷泡茶,口味種類都唔少,而且味道十分唔錯.其次我覺得佢哋真係好多台灣當地嘅特式小食食到,竟然係到食到甜不辣,甜品除咗好出名嘅Movenpick外,仲有台灣嘅仙草,可以係到食到好多台灣嘅味道.而我哋都係集中食牛肉,我哋揀極上和牛個set,價錢我覺得係抵食.因為種類選擇真係好多,夏天咁熱都一定要試,真係會喜出望外.

登登~ 今次終於等到傳說中既牛大人啦~ 好在朋友早早去排隊，等班遲到大帝到埗就可以入得啦!今次試左鴛鴦湯底，麻辣+鳳梨雞~ 麻辣都幾夠味既，鳳梨雞出奇地唔錯，而且有大大隻雞脾係湯底入面，真係好足料~ 食得298 PACKAGE既，梗係一黎就試虐佢D肉先啦，M5和牛肩卷切得好薄，但卷埋就岩岩好一啖食晒，肉質唔算好彈牙但勝在脂肪同肉既比例好好，絕對唔會有果種好油膩或者好「鞋」既感覺!除此之外，佢係沙白都係好一流!未見過邊爐放題既海鮮係可以食到咁新鮮既海鮮，仲要係沙白喎!仲有其他邊爐例如丸類、菜、百頁等等都好好食~ 特別一提係佢D丸真係好多花款，大路至墨丸、牛丸、貢丸，罕見至竹炭海鮮包、芋頭豬肉丸等等都好好食~ 最後臨走前食返個甜品，除左哈根大師既雪糕杯之外，朋友仲嗌左個台中風味既仙草凍，據說真係同台中既差唔多，等我下次都要試試先

這間火鍋店朋友一直都好想食，今次佢終於book到位，帶埋我黎試試。餐廳座位很多，有卡位、普通枱和圓枱。飲品櫃也很大，有多款飲品可以揀。醬料區也有多款配料可以選擇，令人眼花撩亂。座低後先揀選湯底同埋食咩套餐，跟住就可以慢慢係網上落單。網上主要落一些新鮮的材料，如肉類、海鮮、小食等，而丸類、蔬菜就係出面的雪櫃自己取，櫃內每款火鍋配料都用上膠箱盛裝，感覺上較衞生。湯底揀了台灣鳳梨雞鍋，原來材料除了有鳳梨和雞，還有苦瓜，係一個很特別的湯底。湯底清甜又帶有少少酸味，感覺開胃。牛肉選擇很多，共有5-6款可以選擇，而且款款新鮮又夠薄切。除了牛肉，還有豬、羊、雞可以選擇。這裡的鴨血非常惹味，海鮮蝦和沙白也很新鮮。還有一些台灣直送的魚類，我們試了鯛魚，味道香濃。飲品除了可以係雪櫃拎，還有些特飲可以在網上叫。甜品有雪糕和仙草可以揀，我揀選了仙草，夠哂清涼。