牛大人台灣火鍋吃到飽 (偉華中心)

營業中

休息中

Master Beef Hotpot🍲Now that the weather is cooler, it's definitely time for some good old hotpot. This Taiwanese one is hygienic, affordable and provides quite a variety of hotpot ingredients.Since we had the premium Wagyu all-you-can-eat sets during lunch time, we didn't really manage to eat a whole lot of meat. Instead we tried every snack dish on their menu, and the fried sweet potatoes with plum powder was my absolute favorite. As for the soup base, we chose the Taiwanese pinapple chicken on

長期大排長龍嘅牛大人，喺沙田開咗分店。屋企長老睇咗報道之後就要我帶佢嚟食，為免老人家唔企得，我哋就一於食5點嗰場。餐廳佈局寬敞，位與位之間空間感十足，在場見到好多蠟筆小新嘅佈置同打卡位，原來牛大人同蠟筆小有新合作，堂食可以換購小新精品。 仲有一部印相機，有蠟筆小新限定相框。飲品、醬料、部份火鍋料都係自助，出面自己拎。飲品最鍾意飲無糖茶，桂花烏龍茶又香又冇糖，老人家都好啱飲。湯底藥膳牛蒡鍋，有大量牛蒡同埋芫荽，加埋杞子同龍眼乾，味道都唔錯。送嘅和牛丸，每人兩粒，彈牙多汁。食豪啲，揀咗極上和牛吃到飽套餐，澳洲和M5牛牛肩卷當然係必點，鮮紅色，油脂都幾豐富。 手切封門柳都一定要食，出晒名肉味特別香濃。海鮮有台灣鱸魚、鮮甜海蝦、新鮮沙白都係新鮮厚肉，值得encore。 屋企人未食過台灣水蓮，專登點俾佢試吓。 特色嘢，質地爽脆咁囉。最後一人一杯雪糕，滿足了。 食兩個鐘，好夠時間！

呢日黎到沙田呢間牛大人, 佢係新開左冇耐, 好彩有book 位, 真係好多人~ 沙田呢間牛大人仲有同蠟筆小新合作, 有勁多打卡點, 差唔多每行兩步都會見到貼左小新D 佈置, 另外仲有小迎既精品買同埋可以俾錢同小新影即影即有! 真係岩哂我呢個蠟筆小新迷! 我地午市黎食, 揀左要呢個90分鐘既極上和牛吃到飽套餐, 一人208加一 (星期日加10蚊)~ 埋單都唔駛500蚊, 但食物質素極高! 極上和牛吃到飽入面既M5 和牛真係好正, 油脂分佈極平均, 食落好香牛味, 同埋一碟牛係會跟你有幾多人黎幾多塊, 例如你兩個人, 你寫一碟牛就會有兩塊, 咁就唔駛同朋友爭食, 另外, 牛個方面你真係寫幾多佢黎幾多碟, 一D 都唔會姑寒! 我地叫左個麻辣湯底, 因為好想食鴨血既關係, 所以叫左呢個麻辣既湯底襯襯佢! 佢既鴨血你睇相就知, 真係一定要讚下佢! 極度厚身, 食落夠哂口感! 真係超超超超好食! 配埋落D 麻辣湯度真係一流! 鴨血既味道同麻辣湯底係最夾, 如果你中意食鴨血就一定要叫麻辣湯底, 咁先係最好食~ 鴨血同牛一樣都係叫幾多黎幾多! 一D 都唔姑寒! 佢既飲品都有好多款, 我好欣賞佢有好多

勁開心而家牛大人終於喺沙田都開左分店，咁就唔使再出咁遠都可以有得食😎今次再次ENCORE牛大人，識食一定係食 澳洲極上和牛吃到飽套餐 平日就$298/位，任飲任食120分鐘今次黎到先知，原來牛大人同蠟筆小新有CROSSOVER合作活動，裡面都有唔同小新佈置，啱晒打卡，仲有D精品可以買走，同埋有得自費影小新即影即有，小新迷黎到食實勁滿足😍除左QR CODE電話落單，出面自助區都勁多配料可以拎，丸類、蔬菜類、台灣新竹米粉、烏冬應有盡有😄仲有自家製飲品、汽水、熱飲一樣齊全自助醬料區，混好個啱個人口味嘅醬，準備陣間黎點野食湯底揀左台灣濃香番茄鍋，茄味郁濃，就咁飲都好香甜今次叫左落花流水啤酒($48)*2，打邊爐嘆住啤酒先夠正😎佢呢杯麥味幾香而且飲落幾清爽食物陸續送上，超豐富🤩 呢個$298套餐每位會送澳洲M9和牛牛丸2粒，味道勁重牛肉味，連牛丸都可以好正😍私房鴨血(辣)：必食之選，嫩滑唔腥，少少辣辣地好惹味🤤爽脆炸魚皮、響鈴：都係火鍋必食，炸得脆口，放入湯到淥幾秒就食得，快靚正😄美人花膠：大大塊花膠毫不吝嗇，口感軟滑得黎有D黏口，唔錯👍🏻牛媽秘製滷大腸、牛媽秘製滷牛筋：滷得入晒味，水準唔錯手工

見新開又多人食，所以試下。食午餐時段，90分鐘。Walk in 2個人排左5-10分鐘就入得。其實門口都係得3張2人等緊，但眼見裏面有4-5張卡位吉左都唔比入。應該係留比4人座。我同朋友就坐左圓桌，中間有隔板。不過見唔到對面既人，都接受到。（呢個就係2人同4人既分別）叫左個阿嬤xx養生濃湯，好一般既豬骨湯，一啲都唔濃。只係加左幾粒中式既唔知咩杞子紅棗，就叫養生…🙃叫牛肉。其實我唔係好識食…入得口既我都照食落口。但佢每碟牛得兩片…仲要薄到…唯有要不停落單，只係辛苦啲職員不停傳菜同洗碗丫姐。叫豬肚…咁樣上…叫小食… 呢碟野我無掂過，上菜就係咁樣上.好似比堆垃圾你食… 又凍又硬…唔通係凍食？好既地方係醬料同野飲多選擇。地方寬敞。環境清潔（啲碗碟除外），啲職員都知佢地做得辛苦，服務不過不失既。一分錢一分貨。最後都係$185蚊一位。 但真係唔會再食囉。🤭

同媽媽覆完診，出開沙田就去試下，諗住佢開左一段時間，應該冇乜人喇，點知1：30去到都仲要等成10張檯！但職員好好人，會問等到2點有冇問題，仲要好好禮貌！所以我拎左飛先，之後去附近睇過，都決定照等！差不多1：45就開始叫檯，同時媽媽開始企唔住，唯有問職員，可唔可以比張櫈我地，點知職員即刻話唔好意思，要我地等咁耐，即刻安排門口張圓檯比媽媽坐住等最後1：57我地就可以入去，職員仲安排一個近自助吧既卡位比我地，方便媽媽唔使行咁遠之前上網睇過下有咩食，肉類方面都冇乜特別，啲飲品樽幾得意，醬料有兩款都幾特別，蔬菜種類都係果啲，有幾款丸都得意我比較鐘意佢啲小食，甜不辣，鹽酥雞，地瓜粒，都好好食！火鍋鴨血都好好食！其他就一般般。。。。完場前半小時要埋單，我地13：57入場，90分鐘應該可以食到15：27，14：57叫我地埋單，之後就截單，15：15埋黎同我地已經夠鐘要離開，但我仲有野未食完。。。唯有即刻食埋就走人，離開睇鐘發現只係15：20。。。

發現沙田有台灣火鍋！期待左三個月！終於都訂到枱～ 四位食極上M5澳洲和牛！$298+$10～ 叫左鴛鴦鍋要另加$50，但原來用App入會員有劵可免鴛鴦鍋收費👍🏼，叫左店內唯一款辣湯底，麻辣湯底+牛骨湯底！和牛好有牛味！好味！有幾款自家製茶飲品好飲！都有幾款罐裝飲品！我地可能早訂，枱好近自助食物區！👏🏼鍋好香！我哋都比較鍾意麻辣底！牛骨底較重藥材味，手機落單上菜快齊！喱點唔錯！會再食！

今日排隊排左好耐食牛大人，食物都正常， 但到最後食牛大人玄米茶雪糕，味度還可以不過食到最尾時發現硬物， 吐出來才發一張好似膠紙的物體仲好污糟， 嚇死我！以後都唔敢再去食啦！

沙田都開咗牛大人，星期四中午1:00經過，見唔使排隊就入去試試，我哋揀咗「極上和牛吃到飽」，成人每位$198再加一服務費。環境唔錯，坐得舒服😌 服務就普普通通啦⋯⋯食物方面：1. 熟食：皮蛋豆腐同鹽酥雞好好味😋 台灣香腸同甜不辣就麻麻🙅🏻‍♂️2. 湯底揀咗白玉酸菜鍋，都夠味道👌🏼3. 火鍋配料：澳洲和牛M5牛肩卷、安格斯牛板腱、西班牙豬梅肉、章魚珍珠漿、鴨血、蛋角好食😋 花雕雞、大腸、牛筋麻麻🙅🏻‍♂️4. 飲品：試咗三款冷泡茶，包括：白桃烏龍、菊花普洱同洛神花茶，三款都係無糖嘅。我自己就鍾意白桃烏龍👍🏼5. 甜品：牛大人麥茶☕️味雪糕🍦，味道非常之一般，唔推介🙅🏻‍♂️

Yeah yeah yeah!!!終於在沙田開分店啦！講緊邊間梗係「牛大人」啦！新張期內不可以訂位，只可以排隊取票。不過在試業期間所有套餐都有88折優惠架。午市有60分鐘和90分鐘選擇飲品有很多選擇汽水果汁同自家製茶品，食物方面種類也頗多，所有肉類、小食等可以用手機QR code點選，而蔬菜、丸類、粉麵等就自肋形式。火鍋湯底我們選了酸菜白肉鍋，味道酸酸甜甜很醒胃，材料豐富有咸酸菜、豚肉片、芽菜等等。而我喜歡這裡的小食是鹽酥雞和皮蛋豆腐，每次來必定叫的。

一間超多人嘅任食火鍋店，沙田分店還沒有網上訂坐，要16:30 去攞籌，當日16:45去到（星期五）很幸運還有3-4人檯，前面排隊的二人檯已經沒有，也聽到19:00 全部沒有籌，所以如果還沒有訂座服務，就要16:30 去攞籌。今次第一次食，選擇了最平的價錢，我選擇了最平價錢所以對牛肉沒有抱住很大期望，一般肥牛咁，但這個價錢已經可以食到好多其他食物，還有很多台灣小食，都足夠欺騙一下自己去了台灣打邊爐。酒精另收費$48一杯。最後每人可選擇雪糕一杯/糖水一碗。如果想去嘅朋友3-4人是最好的，坐位大一些，又有卡位。服務黎講佢哋真係不錯，証明佢哋主管，管理得好。

期待咗好耐喺沙田可以有牛大人， 佢終於開幕啦， 排隊都係要排好耐可能因為好好食嘅關係啦。 我最欣賞佢嘅桃茶， 唔會好甜又好清香， 當然唔少得就係佢主打嘅牛啦！冇影相不過無令我失望！