影片
更多
2022-02-15
27 瀏覽
好彩打邊爐黎講無人會落青椒（掛），因為餐廳最近同蠟筆小新合作，一步入店內已經見到小新and his friends，今日坐嘅卡位仲有大大個小葵係隔離～可愛い♡𖤐❝90分鐘極上和牛吃到飽❞ (午市$198 + 10%，星期六日公眾假期另加 +$10）邊爐放題食肉為主，餐廳叫得做牛大人牛肉質素當然有保證，依到嘅肉類係兩薄片一盤，牛肩同牛板腱嫩度適中，豬肉雞肉都有幾款選擇，飯後甜品有玄米茶雪糕～邊爐配料種類出奇地多，所以想介紹下值得一試嘅配料！自助配料推介☟NO.3 自家製茶飲 - 多款口味可選，推介白桃烏龍！白桃超微甜而茶味突出，幫手解渴解辣NO.2 拉絲芝心丸 - 係屋企打邊爐都會落街買芝心丸，但依到嘅丸外層更有彈性﹑有更明顯拉絲效果NO.1 寬粉 - 以前打邊爐最尾都係碌烏冬居多，今次試到寬粉原來彈牙又爽滑，bye bye 烏冬～點餐配料推介☟NO.5 私房鴨血 - 鴨血表面滑溜溜，外面薄皮剛好凝固﹑內面軟身嫩滑NO.4 章魚珍珠漿 - 鮮味突出，食厭咗一般丸類可以試試NO.3 蟹籽墨汁漿 - 外面黑蚊蚊夠搶眼，原來裡面仲有粒章魚～整體配搭有驚喜NO. 2 真豬小香腸 - 腸衣滿佈蜜糖
𖤐
❝90分鐘極上和牛吃到飽❞ (午市$198 + 10%，星期六日公眾假期另加 +$10）
邊爐放題食肉為主，餐廳叫得做牛大人牛肉質素當然有保證，依到嘅肉類係兩薄片一盤，牛肩同牛板腱嫩度適中，豬肉雞肉都有幾款選擇，飯後甜品有玄米茶雪糕～邊爐配料種類出奇地多，所以想介紹下值得一試嘅配料！
自助配料推介☟
NO.3 自家製茶飲 - 多款口味可選，推介白桃烏龍！白桃超微甜而茶味突出，幫手解渴解辣
NO.2 拉絲芝心丸 - 係屋企打邊爐都會落街買芝心丸，但依到嘅丸外層更有彈性﹑有更明顯拉絲效果
NO.1 寬粉 - 以前打邊爐最尾都係碌烏冬居多，今次試到寬粉原來彈牙又爽滑，bye bye 烏冬～
點餐配料推介☟NO.5 私房鴨血 - 鴨血表面滑溜溜，外面薄皮剛好凝固﹑內面軟身嫩滑
NO.4 章魚珍珠漿 - 鮮味突出，食厭咗一般丸類可以試試
NO.3 蟹籽墨汁漿 - 外面黑蚊蚊夠搶眼，原來裡面仲有粒章魚～整體配搭有驚喜
NO. 2 真豬小香腸 - 腸衣滿佈蜜糖，外皮脆口，豬肉新鮮無霉味
NO.1 梅甘酥脆薯 - 蕃薯甜度剛好﹑炸得金黃，梅甘粉用量大方，好出色！
𖤐
今次選擇咗麻辣湯底，香辣而無乜「麻」感。記住金茹索湯後會變辣（食開譚仔五小會覺得辣個種），唔好浸太耐～
𖤐
𓂃𓈒 𓂂𓏸 用餐提示 𓏸𓂂 𓈒𓂃
店鋪鋪面非常寬闊，有大量卡位，坐得舒服，而且座位之間距離絕對more than enough，空間感十足。
食任何類型放題都好重視上菜速度同漏單情況，比起其他放題店依到上菜偏快亦少漏單，算係很不錯。要留意放題完結前30分鐘就會截單，要準時交枱。
𖤐
餐廳除咗有小新打卡裝飾仲有精品出售，黎沙田店嘅話更加可以自費同小新影即影即有，小新fans唔好掛住影相唔記得食嘢呀ԅ(≖‿≖ԅ)
𖤐
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♡♡
抵食指數 | ♥︎♥︎♥︎♥︎♥︎♥︎♥︎♥︎♡♡
店舖環境 | ♥︎♥︎♥︎♥︎♥︎♥︎♥︎♥︎♡♡
用餐體驗 | ♥︎♥︎♥︎♥︎♥︎♥︎♥︎♥︎♡♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 四人或以下聚餐
張貼
