牛大人台灣火鍋吃到飽 (荷李活商業中心)

營業中

休息中

啱啱放寬晚市堂食，已經第一時間想食牛大人，見到星期五頭輪5點仲有位，即刻book。第二次食牛大人，一心諗住試啲上次未食過嘅野，因為佢選擇實在太多喇，上次好多野都無試已經飽左。結果⋯今次都係一樣😂好多野無試到，因為啲牛肉太高質，忍唔住係咁落，prime grade肩胛真係肥瘦均勻，估唔到中等價位$23x/位嘅餐有咁嘅質素，結果淨係試左上次無食到嘅肉燥飯同皇子麵，其他餃呀丸呀好多都係無食到😅但已經非常滿足。肉燥飯嘅肉燥係牛肉，聞已經好香，食落都好香牛味，皇子麵第一次試，感覺質地介乎福麵同一丁中間，好食台灣腸鹽酥雞等小食都係即整，新鮮熱辣，好食所以食左幾碟，野飲試左個麥香茶都幾特別，係無奶味嘅麥精，另外大推個墨汁墨魚滑，好好味，好有鮮味仲有今次試左個較有特色嘅鳳梨雞湯底，不過唔覺有鳳梨味，好普通嘅清湯咁。

堂食禁左咁耐之後都冇同依班友食飯，梗係要出黎打返個邊爐，揀黎揀去最後去左依間牛大人，好彩夠早到，冇book枱都可以有得入，早收工團隊先行攞位入座，限時120分鐘，當時大慨係下午6點10分唔夠 (請記住，依個係重點)。早前食過牛大人都係要預早好多book枱，而且未試過食依度嘅封門柳，而以往有友人又高度推介，今次就一於試下，所以叫左"澳洲極上和牛"餐，湯底揀左麻辣鍋同鳳梨雞。鳳梨雞鍋不值一提，完全冇特別，只係提供左一個唔辣嘅湯底俾我地烚野麻辣鍋夠香夠辣，為免以失公允，僅提供小弟食開譚仔十小辣嘅水平供大家參考，依個麻辣鍋對小弟黎講岩岩好，喺出面配料區拎百頁豆卜同埋枝竹返黎落依個鍋，正~!謹原諒當晚聚舊為主，未有為其他配料拍照每人送2粒嘅和牛丸牛味重、濃，必食不過冇得再叫，可惜封門柳大失所望，肉味尚不及牛丸，口感亦無甚特別，稍後時間亦未有再點太多，猶幸其他切片上碟的牛肉質素不俗，挽回不少分數漿類食品相信係牛大人嘅一大賣點，是晚亦不失水準，各款漿類均大受好評，尤其是牛肉漿、墨魚漿，口感彈牙，好食~!炸魚皮及響鈴皆為水平以下，黎牛大人食野可以慳返，留返個肚食其他好過台灣小食正常，始終係黎食火鍋，不

堂食一直人氣高企, 現在不需排隊, 在家中都可以食到牛大人台灣風味的特色湯底, 堂食的時候已經試了牛大人秘方麻辣鍋, 今次試下其他湯底口味 - 牛大人秘方紅燒牛骨鍋, 只需加入3000ML雞湯或者開水就可以打邊爐, 非常方便又不需再調味火鍋的靈魂就是湯底, 一打開包裝已經香氣撲鼻, 湯底有300g, 足夠可以四人至十人份量享用, 湯頭味道濃厚, 鮮甜的牛骨湯, 加入打邊爐配菜已經很入味, 每啖都嘗到湯汁的味道, 非常滿足隨時隨地都可以食到牛大人湯底, 火鍋湯包可以於門市購買或到各大 IEAT門市及網店選購

又有打邊爐群組🤦🏻‍♀️。屋企人因為咁臨時話唔出街打邊爐起屋企打算數喎。買咗料仲準備咗史記雞湯添！喂呀！打邊爐最緊要個湯底！唔好用史記hea 我啦！💣💣💣💣💣之前上網知道牛大人最近出咗兩款湯包，安座家中都搵到牛大人的味道！呢日就即刻仆落旺角牛大人門市買。兩款湯包分別係：🌶牛夫人秘方麻辣鍋🦴牛大人紅燒牛骨鍋今次試咗🦴牛大人紅燒牛骨鍋🦴店員溫馨提示話如果唔係即日食就要放冰格，食果陣先拎出黎。包裝指示落1500ml 水同1500ml牛湯/雞湯，煮沸後再加牛大人個湯包。仲有個建議升lv食法係加埋紅棗、杞子、米酒、桂圓乾、薑、蔥、蒜。不過我就懶人包食法，用3/4 清水同1/4牛湯滾起再落湯包，都已經好夠味！湯底好有牛骨嘅精華，加上唔同嘅香料，淆到成個湯底提昇去另一個層次！濃郁嘅湯底好惹味，浸腐皮吸晒啲湯，食落口感非常豐富。一包可供4-10人食用！個醬料包一次食唔晒嘅話，可以冷藏咗開封一個月內KO 佢！🔔除咗牛大人門市，ieat online 亦有售💰價錢一樣，都係$68一包食完屋企人話，下次試埋個麻辣鍋咯。我串佢，你唔係食史記就ok 啦咩！😒不過算數啦！孺子可教！

有朋友未打齊針 · 想打邊爐見見面但又唔可以堂食呢個時候就要動動腦筋牛大人新推出既火鍋湯包牛大人秘方麻辣鍋｜牛大人秘方紅燒牛骨鍋係屋企都可以食到牛大人既味道同朋友試左麻辣鍋香辣惹味 · 個麻香真係好正無論配肉類定蕈類都好出色而食用方法好簡單 · 加入雞湯/清水煮滾就可以辣度仲可以自行調整4個人都只係用左半包咋👻密封再冷藏 · 過兩日又可以再打多次😎火鍋湯包除左係門市有售ieat online網上平台都有賣架☺️夠哂方便✨

環境算大，座位多，位置在地庫不用等電梯。但廁所兩個裝置都無洗手液，無法真正清潔雙手，而廁所板亦爛了無廁所板，疫情下有點擔心恐怖........食肆自家廁所情況這樣，難以想像。

牛大人，我唔排隊啦，直接買你返屋企食🤣話說朋友想食牛大人，但係因為疫情未穩定又一直唔敢出街打邊爐，唯有買佢嘅湯底上我屋企度打邊爐啦😆佢有兩款口味: 牛夫人秘方麻辣鍋、牛大人紅燒牛骨鍋, $68/包, 湯底好特別，係凍㗎，食法好簡單，加入3000ML雞湯 / 開水即可打邊爐! 一包已經足夠幾個人食，同平時上去打邊爐嘅湯底係一樣味㗎，真係平靚正😍我哋求其買啲牛、丸、腸、餃同菜，用呢個湯底之後，全部都好好味😋邊度可以買到？ ieat online及門市都有售☺️

母親大人唔想同人迫，所以母親節決定喺屋企打邊爐，湯底當然唔可以隨便，一早喺🐂牛大人旺角分店買定包🌶秘方麻辣鍋湯包（$68），湯包需要保存喺冰格，食嘅時候倒出鍋中加入3000 ML 水，5-10分鐘左右滾起就可以落料🥘打邊爐。包裝上建議可用雞湯或加入燈籠辣椒乾、紅棗、杞子、桂圓乾、薑、蔥、蒜等令湯底味道更濃郁，💁🏻‍♀️我只加左清水，湯底味道已經非常豐富，同喺牛大人食到嘅麻辣鍋味道非常相似，食到牛骨、多種辣椒同藥材嘅香味，味道有層次又唔會過咸蓋過食材原有嘅味道，呢個湯底足夠4至10人食，我哋4個人由頭食到尾加左水幾次都非常夠味。💡喺門市得知原來ieat online都有售，呢個火鍋湯包夠晒真材實料，下次會試埋唔辣嘅紅燒牛骨鍋口味。

一向鍾意食牛大人 而家安坐家中都食到之前無晚市 心癮起好想食於是訂咗湯包牛大人兩款招牌鍋底 出咗方便火鍋湯包只要將湯包 加３０００ｍｌ雞湯或清水輕鬆就重現牛大人招牌鍋底 真心好方便湯包足３００ｇ 一包夠４至１０人食用隨時隨地有靚湯打邊爐 雪櫃看門口必備-🐮牛大人秘方紅燒牛骨鍋湯包🐮採用優質牛腿骨先燒後燉而成，湯底既能散發燒牛骨濃郁香味，亦能保留牛骨中的細緻的味道。慢燉烹調能釋放牛骨營養物質，使牛骨鍋熱量低又富含蛋白質，絕對是牛大人美味的心血結晶。-🌶️牛夫人秘方麻辣鍋湯包🌶️秘方麻辣鍋具有獨特牛骨清香，以辣椒乾大紅袍花椒郫縣豆瓣，以及三十多種中藥材悉心熬製。先烤後煮的牛骨帶有濃郁香味，在醇厚滑順中帶著多變的層次，氣味醇香味鮮回甜完美的配搭。

之前有幸攞到飛去晚市嘅牛大人，今次就同朋友仔去試吓佢嘅90分鐘午市。午市都要攞飛，仲好多人添🙈🙈🙈▪️午市套餐：極上和牛吃到飽 $198/位 (+$50轉鴛鴦鍋)入座前要決定好咩湯底同埋要邊個套餐。入座後用QR code order 啲牛呀、手工餃、蝦滑等等，款式冇晚市嘅咁多選擇。至於丸類、菜類同飲品，要去自助吧攞。湯底就叫左麻辣同蕃茄鍋，賣相望落去以為蕃茄嗰個仲辣啲咁😆😆😆麻辣鍋唔係好麻，辣偏多。蕃茄湯底可以再濃啲啲就好啦。啲牛肉比較薄，有肉味，肉質可以。勝在可以係90分鐘任叫(食得晒先好叫😊) 性價比高。除咗拎咗平時飲開香而不澀，解漏解膩嘅桂花烏龍茶同白桃烏龍茶，見到有OOHA呢款，就攞咗白桃烏龍味、荔枝乳酸味。白桃烏龍嘅桃味較出，整體味道就正常。荔枝乳酸味，我飲咗一啖就擺低咗…..個人覺得好似藥水味…..😅😅😅

打邊爐湯底真係好重要 最近買左舊靚靚吊龍伴打算打邊爐 當然要買多包靚湯底襯番佢啦👅 見到牛大人推出左新品 秘方火鍋湯包 當然要試下啦🤩一共有2款招牌鍋底 分別係牛大人秘方紅燒牛骨鍋湯包同牛大人秘方麻辣鍋湯包🍲 屋企人唔係好食得辣 所以一於試紅燒牛骨鍋🐮 撕開包裝 加入3000ml清水/雞湯就得 好方便👅 每包足300g 4-10人食都夠哂😆紅燒牛骨鍋主要用牛肉熬製而成 加上各種香料 紅燒風味出眾🤩 牛味香濃惹味 怕太重口味嘅朋友可以只加清水已經勁好味😋 岩哂襯靚靚牛打邊爐🌟

地址－牛大人台灣火鍋吃到飽 (荷李活商業中心)旺角彌敦道610號荷李活商業中心地庫上網見到牛大人居然推出湯底，可以係屋企食到牛大人風味，身為牛大人粉絲的我當然買黎試下啦，而佢有兩款湯底，一款係牛夫人秘方麻辣鍋 而另一款係牛大人紅燒牛骨鍋，咁我地今次就試後者啦。💋牛大人紅燒牛骨鍋，呢個湯底個設計幾好，包裝精美，一倒出黎就見到濃濃的，就知道未來幾個鐘頭就可以有一餐味美的晚餐，正，我為免過鹹，就只加清水就算，而呢個決定係無錯的，加清水已經好夠味，食落帶有甜甜地咁，好特別。我特意買左好多吸湯材料，例如有冰豆腐，佢索晒D湯汁，真係邪惡得黎又好滿足，另一樣係肥牛，用佢黎淥肥牛，絕對將牛肉的味道推高一層樓，牛味更突出，最後用埋佢個湯底去煮埋個公仔麵，唔好講笑，如果唔係太飽的話真係好想煮多個！每條麵條都掛滿湯汁，好正！

打邊爐個湯底好重要，美味嘅湯底可以提升、吊出食物嘅味道！身邊食過「牛大人」嘅朋友對佢嘅評價都幾正面，所以喺呢個品牌嘅加持下，知道推出咗兩款招牌鍋底🥘 -「牛大人秘方紅燒牛骨鍋湯包🐮」同「牛夫人秘方麻辣鍋湯包🌶️」，就即刻去「牛大人」旺角分店買個紅燒牛骨鍋湯包同屋企人開心分享！👉🏻價錢及份量：$68一包，300g，足夠4-10人享用！👉🏻食用方法：撕開包裝，直接將湯倒入鍋中，再加入 3000ML 雞湯或清水煲滾，就可以加入鍾意嘅食物開餐！想湯底味道更濃更有層次，可以加埋紅棗、杞子、桂圓乾、薑、蔥、蒜一齊煲！👉🏻 成份：牛骨 牛肋骨 洋蔥 紅棗 八角 肉桂枝 香葉 陳皮自己同屋企人共4人食用嘅時候，先喺鍋中加入清水，再倒入大概半包稠杰嘅湯包，已經即時感受到牛骨嘅香氣撲鼻！湯底味道濃厚，熱量又低，食物浸透淥熟，一啖入口，異常滋味！期間適時加水，湯底仍然好濃郁，已經唔洗點再加入湯包材料，最後竟然剩咗半包！份量充足！

［台灣鴨血、澳洲和牛任點任食］當不知道想吃什麼的時候，帶著愛吃的友人，想吃多少點多少！火鍋套餐的火鍋比較適合他。而牛大人令我們想起在台灣旅行的日子主打食安格斯特選牛板腱同澳洲和牛M5牛肩卷的牛大人，有3款火鍋套餐可以揀，最後選擇：極上和牛吃到飽湯厎有九款台式選擇，另加錢可享用鴛窵湯厎湯底選擇有麻辣鍋、紅燒牛骨鍋、台灣鳳梨雞鍋、養生素鍋白玉酸菜丶蕃茄鍋等等。火鍋湯底選揀麻辣加養生鍋：真正辣中帶麻，有不同台式香辛料，越食越辣好過癮；另一款是養生湯汁，愈食愈入味配料方面有好多選擇，特別的是有腐乳醬、沙茶醬、特調豬肉醬、烏醋等等；手機掃QR code落單，必叫澳州和牛M5牛肩卷：肉質鮮嫩，脂肪比例平均，牛味香濃；和牛、台式小食等都會用手機下單，豬、生雞都有齊其他配料如：丸類、蔬菜類、麵食、飲品、醬料，就設有自助區，每款都有用盒覆蓋，街生程度心！香芋雞肉丸、拔絲芝心丸、娃娃菊、西洋菜、皇帝菜等都有配料有特別的真味牛肉漿、澎湖花枝漿、手打旗魚漿蟹子墨汁漿、章魚珍珠漿，真材實料另外有台灣鴨血，台式蛋餃、燕餃都比較罕見，值得試！此外除了冷飲，醬料旁邊還有熱飲，養生桂圓紅棗茶、無糖紅茶都有

家人生日我請客下午茶時段去吃，點了美國特級安格斯套餐，兩個湯底選了鳳梨雞鍋和牛大人紅燒牛骨鍋感覺有點辣，有好多有特色的丸供選擇，牛肉質素都中規中距，還有我超喜歡的海鮮漿，鴨血和油炸鬼，最重要的是有好多好多枝裝泡茶，不過今次沒有我最喜愛的洛神花茶有點失望