牛品台式火鍋

營業中

休息中

雪滑奶白色嘅湯底令人食慾大開，一見到已經忍唔住攞個調羹飲一啖試試個湯底🥄除左顏色吸引香味得宜之外湯底仲有好多材料。元氣養生鍋包括紅棗人參蟲草同埋杞子，有得飲又有好多野食咬，齋係飲湯食材料都已經可以飽飽地。加入套餐原本包括嘅海鮮同埋牛肉類令到湯底味道變得更鮮味更濃郁更加好味！台式滷水豬耳係另外叫嘅，以一個獨立小碗裝著。豬耳口感柔韌又爽脆👂味道鮮香唔油膩，食到有豐富膠質嘅口感。經過滷水醃製 台式滷水汁濃度適中，生抽老抽比例剛剛好。

第一次到呢間位於嘅台灣火鍋店就平平地試下佢地第一個級別嘅任食套餐先，如果好味下次再encore😆第一個級別叫做🐮牛上品🐮肉類款式有：精選美國牛胸腹、紐西蘭羊卷肉、西班牙栗飼豬梅肉、花雕酒雞件、牛舌片，另外仲有火鍋配料同埋飲品可以自己無限添加。特別配料仲有台式小食、台灣最後直送嘅配料。最後有埋芋圓甜品🇹🇼 每碗甜品包括紫蕃薯芋圓、黃蕃薯芋圓、芋頭圓、仙草粒粒、紅豆同埋自行加嘅椰奶。芋圓口感煙韌又有粉粉地嘅口感，香甜軟糯🍠 好鍾意個椰奶係分開另上嘅，可以自己選擇加幾多。係呢餐嘅完美總結🥣

呢度有最近幾年興起嘅澳洲M5和牛肩胛肉同鹿兒島黑毛和牛。澳洲和牛🇳🇿嘅脂肪比例比日本和牛🇯🇵低，不過牛肉味更突出更濃郁，兩款牛肉都算係各有千秋。鹿兒島黑毛和牛🇯🇵見到非常細緻嘅霜降雪花紋，牛肉味道濃郁但係感覺又好溫和唔會過火🐮鴛鴦湯底酸菜白肉鍋 + 沙茶海鮮鍋。酸菜白肉鍋一上台時候飲到微微酸菜酸味同埋豬肉甜味🐷煲耐啲酸菜嘅味道就更加突出惹味；沙茶海鮮鍋同樣係煲耐啲味道會更突出，飲到濃郁濃稠花生味道帶微微辣🌶️台灣特色小食都有唔少款式，最最鍾意就係個台灣蔥餡餅，超香蔥味。

餐廳裝修同一般火鍋店或者任食餐廳唔一樣。裝潢型格，主要以白色銀色灰色為主。環境乾淨唔會有髒髒嘅昆蟲或者色澤昏暗，而且座位好寬敞坐得舒服！叫嘅秘製麻辣鍋非常香辣帶麻感🌶️ 最最最鍾意落西班牙豬五花同西班牙豬梅肉配搭湯底。兩款豬肉片質地鬆化但唔會誇張到入口即溶，前者豬五花油花更豐富，吸收左麻辣鍋味道香香辣辣又有豬肉甜味🐷除左任點嘅肉類之外仲有唔同配料攞。有唔同嘅台式小食 台式香腸 醉雞卷 台式甜不辣 通通都有。我地追加左兩碟台式香腸 香糯香糯非常有台味🇹🇼

澳洲M5和牛肩胛肉牛脂只需要放落湯底裡面輕輕渌一渌大約八至十秒就已經可以將食用，湯底融入牛肉當中，係口裡面爆汁湯底我地叫咗一邊黑蒜黃金鍋另外一邊就係牛品一品鍋，一黑一白。黑：牛品一品鍋，湯底顏色呈深啡色，係濃郁嘅牛湯加上滋補藥材味道白：黑蒜黃金鍋，呢款湯底顏色呈奶白色好似熱牛奶咁，係餐廳侍應特別推薦我地嘅。齋飲湯底已經可以飲到牛嘅鮮味，非常鮮甜。加分位係仲加入左大量蜆肉，鮮上加鮮。尤其是加入牛肉，牛肉本身嘅鮮甜加上湯底更上一層樓🐮🐮🐮

晚市火鍋任食套餐選擇都幾多架，總共有三個餐我地叫第二級。有澳洲M5和牛肩胛肉、安格斯牛板腱、西班牙豬梅肉、紐西蘭羊肉卷、花雕酒雞件、西班牙豬五花、牛舌片、美國牛胸腹、香辣青口、蝦卷。每碟肉類份量都幾足，肉片厚度唔太厚但都食到有口感。呢個厚度我覺得剛剛好因為火鍋煮唔需要太多時間，任食又可以食多啲啲😍酸菜白肉鍋 + 沙茶海鮮鍋酸菜白肉鍋酸中帶甜🥬 沙茶海鮮鍋有幾款海鮮，有大蝦、蜆同埋青口。感覺就好似加濃版沙爹牛肉湯底加入啲海鮮鮮味，有少少辣味又有花生味🥜

兩小時晚市吃到飽套餐 分咗三個等級肉嘅套餐 如果五點至七點入座價錢由$179至$279。分別係“牛上品” “牛極品” “牛御品”。今次叫咗第二級嘅“牛極品”，牛肉種類會比較靚亦都有啲雞肉豬肉同埋少量海鮮青口蝦卷等等。湯底選擇有十款 有辣有唔辣同埋都幾有特色🍲試左五款肉類 三款牛肉兩款豬肉，咁多款肉類裏面最鍾意以下呢兩款：西班牙豬梅片口感鬆軟之餘亦好嫩滑；安格斯牛板腱牛味香濃同樣好鬆軟元氣養生鍋有隻雞 杞子 紅棗 人蔘 蟲草，顏色奶白色見到少少雞油泛面。雞肉味道鮮甜又有其他食材味道 非常養生💃

舖頭非常乾淨整潔到極高，食物擺放地方冷藏非常足夠👍雖然食物每次數量較少及偏細，但質量非常高及新鮮，價錢也合理，絕對會有下次😋值得一提就是舖頭職員雖然年紀輕 但服務態度很好，路過見到吉碟一定會盡快處理收拾，讚❤👍

咁大個人真係第一次係OpenRice打劣評 太嬲😐😐因為佢地對待客人既態度同解決問題既方法實在太差-首先琴日係同屋企人慶祝生日所以都突登早一個星期book 因為我地都有17個人 book既時候已經問清楚晒價錢時間所有野已經confirm好晒（可以upgrade我地個餐+7:00鐘前入座就可以平啲）-點知臨食飯前兩個鐘先打黎同我地講我地book左6:45就要計7:00後入座既價無得平 如果想要7:00前入座平啲既價錢就要6:30前到齊入座 但琴日係星期五 十幾個大人都要返工 咁突然先同我地講6:30前要到齊 會唔會太遲？同埋明明一早book好左點解咁突然先要我地去改 完全黑人問號-之後我就同佢講話我地一星期前（22號）嗰日你同事同我comfirm晒所有野話6:45入座係可以平啲 無同我講過話6:30前入先平 之後佢就即刻話因為23號先改左新政策（心諗你23號改，咁應該係23號之後既booking先套用到你所謂既新政策）都唔緊要啦 咁我問佢咁點解你23-27號唔打黎通知我地改左 佢又答唔到 又賴落啲新同事到話佢地唔識乜乜77（唔識都係你公司責任）講真你23號早啲通知我 咁我地17個人都可以

返工嘅時候往往得1個鐘頭食飯，想食得好啲可以食咩？🙈今日我就去咗牛品食60分鐘 Lunch 火鍋放題，幾抵食～不過會準時收嘢，所以想食咩一開始要拎定🙈整體評分：6.9/10味道：7/10服務：6/10環境：6.5/10人均消費：$100-200地址：牛品台式火鍋 (尖沙咀)尖沙咀樂道32-34號1樓*我哋揀咗F set （$115/位），入面有安格斯牛板腱同西班牙豬粟飼豬梅肉（total3份）元氣養生鍋湯底：都好足料，入面仲有人蔘添！😍另外有雞肉 、蟲草花，飲落好清甜❤️安格斯牛板腱：牛味都算重 , 肉質都唔錯西班牙豬粟飼豬梅肉：油脂分佈平均,唔會好肥自助區：入面有新鮮蔬菜同丸類，全部台灣直送💕其中我最鍾意百葉豆腐！口感特別，好彈牙～另外肉燥飯啖啖肉，都幾香💛飲品方面有自家製冷泡茶同汽水

📍牛品台式火鍋 (尖沙咀)📮尖沙咀樂道32-34號1樓.疫情持續, 晚市堂食被禁⛔️唔可以夜晚出街打邊爐, 唯有趁住平日放飯有限時間下試試打個60分鐘快邊爐🤭.餐廳樓面好寬躺, 由於平日加上疫情影響, 大家都仲wfh緊, 當日入座率唔算好高, 大大張卡位桌令我地成餐飯都坐得好舒服😌.60分鐘牛品吃到飽特選優惠 HKD88湯底有好多選擇, 我地倆想試兩款唔同口味, 所以就加左HKD50選擇鴛鴦鍋底😙經過一番討論後, 最後揀左牛品一品鍋同埋元氣養生鍋牛品一品鍋岩哂🙎🏽‍♂️濃濃牛骨湯底, 入面有唔少入味既牛肚同充滿骨膠原既牛根, 養生鍋相對比較清甜滋潤, 附有幾件啖啖肉既雞件雖然呢個set牛肉選擇只有精選美國牛胸腹, 但出面自助區既配料同飲品係以放題形式可以隨便選擇, 我地2個都揀左桂花烏龍🥤解膩一流, 值得推介食物方面, 大家可能會覺得丸類係普通急凍貨又好飽肚, 呢度既丸類幾高水平, 標榜台灣直送, 個人推薦墨汁花枝丸, 黑椒牛丸同埋貢丸等等, 全部咬開都有肉汁, 而且仲好彈牙添, 記得要試下😛.呢個價錢有咁多食物選擇都算抵食, 下次黎開尖沙咀想打個快邊都值得再encore☺️整體環境：👍🏻👍

真係我暫時食過嘅火鍋店中，環境最舒適，服務周到，湯底最好飲嘅一間火鍋店！真係連湯底都忍唔住飲返幾啖⋯而且60分鐘午市定量套餐價錢抵到爛，最平HK$68就有一個養生素鍋（想食肉就最平HK$75已經有埋150g西班牙栗飼豬梅肉），仲包埋自助火鍋配料，包括台灣直送嘅丸類、蔬菜、麵食、小食（當日有豬手及滷肉飯）、茶飲（加HK$20仲飲到春陽飲品）🧋✨✍🏻 / 西班牙栗子豬五花+花雕醉雞▪價錢：HK$88▪️美味指數：♥♥♥♥♥雞肉好正，連男友都話好味，仲食得出係有調味過。放落「元氣養生鍋」，連湯飲，即刻元氣滿滿，平靚正之選😆✨✍🏻 / 西班牙栗飼豬梅肉+美國頂級肩胛肉▪價錢：HK$148▪️美味指數：♥♥♥♥♥呢個套餐好抵食吖～一次過食曬2款靚肉，食肉獸要試呢款🤫✨✍🏻 / 鴛鴦湯底▪價錢：+HK$50▪️美味指數：♥♥♥♥♥店內有10款湯底供選擇，最後揀咗牛品推介嘅「元氣養生鍋」及「柴魚昆布湯鍋」。呢度啲湯底真係可以飲得落肚㗎～仲要好好飲，湯鍋材料好足，前者主要有一抽蔘同幾粒紅棗，後者主要有3大舊柴魚同幾片昆布，柴魚好正啊！推薦試試呢2個湯底👍🏻✨✍🏻 / 推薦自助火鍋配料▪黃金魚蛋：似豆腐炸魚蛋

晚市有4款120分鐘吃到飽套餐，價錢由$179至$499不等，第一次先試吓第2價位嘅牛極品套餐ʕ•ᴥ•ʔ.牛極品 $229 (17:00-19:00入座)🥣 湯底約十款特色湯底，揀咗牛品一品鍋，湯底配有藥材、牛筋及金錢肚，味道濃郁富牛肉香。.🐮 牛類牛極品套餐有澳洲M5和牛肩胛肉、安格斯牛板腱、精選美國牛胸腹及牛舌片，每位送兩粒和牛丸，肉質新鮮質素唔錯。主攻嘅一定係澳洲M5 和牛肩胛肉，油脂分布均勻，肉質爽滑富油脂香。安格斯牛板腱肉質軟腍，牛舌片爽口，牛胸腹就稍為肥咗少少。.🐷 豬類豬肉有西班牙栗飼豬梅肉及豬五花，豬梅肉幾有驚喜，肥瘦適中，口感油潤軟嫩。.🐑 羊類 • 🐔 雞類有紐西蘭羊肉卷及花雕酒雞件兩款，羊肉卷肉質軟腍唔會有羊膻味，雞件酒味突出。.🦐 海鮮海鮮有蝦、青口及蜆，不過要另外單點收費。如果想任食海鮮就要揀其他2款貴啲嘅套餐。.🥟 台灣直送台灣直送有水餃、燕餃、蛋餃等，當天麻辣鴨血sold out，無得食(;´༎ຶٹ༎ຶ`).👅 台式小食台式小食有成十幾款，選擇豐富。試咗鹽酥雞、椒鹽蝦、府城蝦卷、原味香腸、炸地瓜丸、宜蘭蔥餡餅等，熱食全部新鮮整起香口滋味，凍食皮蛋豆腐及蒜泥白肉

Lunch hour得一個鐘都唔知有咩可以選擇，又想打邊爐🍲比我發現到尖沙咀有間台式火鍋店入面有個午市特選優惠，60分鐘既定量套餐，最平都只係$88，仲要冇加一服務🤩🤩湯底方面有10款可選擇，今次就試下元氣養生鍋，入面有雞肉、人蔘、蟲草花等藥材，感覺好養生🥰🥰飲落有淡淡既雞味同人蔘味，仲好清甜😙套餐選擇左F set 有安格斯牛板腱同西班牙豬粟飼豬梅肉🤩🤩🐂牛板腱新鮮得黎幾嫩滑，而且牛味又重，十分推介👍🏻🐖豬梅肉油脂分佈好平均，食落好香，又唔會太油膩，肉質超嫩口🤤另外出面仲有大量新鮮蔬菜同食材可以隨便任拎🤗有部份仲要係台灣直送，例如百葉豆腐、墨汁花枝丸等相當豐富不過最值得推介係佢地既肉燥飯，肉燥好香濃，而且肉粒既份量好多，食落根本啖啖肉😋😋最重要係味道同台灣一樣，真係食到停唔到口🤤🤤飲品方面最基本既汽水、仙草飲等都有😋佢地都有自家製冷泡茶都唔錯架😊😊

今日嚟到尖沙咀行街，梗係要食飽個肚先有力行啦😌 所以我哋就嚟到呢間開咗幾個月嘅台式邊爐店，由於lunch time食唔到太多野，所以我哋就叫60分鐘午巿套餐，同普通放題嘅分別就係午市套餐只有一set肉類(150g)，但其實其他配菜嘢飲都係任食任飲嘅👍🏼 餐廳嘅環境都幾舒適，座位大部份都係六至八人嘅卡位，而且走廊好闊，即使一齊出去攞自助嘢食都唔會覺得好迫😀 另外再想讚一讚嘅係佢哋嘅洗手間非常之乾淨，而家疫情我都特別注重衛生，見到乾淨嘅洗手間都想俾個like佢哋😇我哋叫嘅係H餐，肉類份量包括西班牙栗飼豬梅肉美國頂級肩胛肉 ($148)，湯底就揀咗店家推薦給元氣養生鍋🍲 一嚟到就聞到個鍋好香藥材味，味道屬於清淡唔會話好濃好鹹可以即刻當湯飲。睇吓入邊啲料都有幾條人參，甘甘地連埋藥材味都幾好味👍🏼👍🏼肉類方面，我好欣賞佢哋嘅美國頂級肩胛肉😍😍😍 雖然每人有兩碟而且都好大塊，但高質嘅牛肉真係百吃不厭啊😍😍 佢嘅牛味好重，但又唔會切得太薄，碌落個火鍋度唔會話一煮就散，咬落亦都有口感，而且有油脂但又唔算太肥，真係啱啱好😋😋 如果再多啲就好啦🤪同其他台式火鍋一樣，佢哋都有出面嘅自助吧，有遠慮，蔬菜，粉面