牛品台式火鍋

營業中

休息中

已經第二次黎，依然覺得好抵食，最鍾意呢到冇需要同人逼，又唔洗預早攞籌排隊。另外地方又乾淨，所有服務員亦都好有禮貌，同埋最緊要就真係任食，因為所有嘢都上得好快！今次聽咗侍應姐姐嘅提議，試咗元氣養生鍋，另外+$50要埋牛品一品鍋。元氣養生鍋真係超級好喎，直頭好似燉湯咁樣，有啲中藥味嘅雞湯，淨飲都可以飲幾碗。澳洲M9肩胛肉同美國封門柳係必點，牛舌片都唔錯。好有牛味！菜方面試咗心內美，顏色好靚之餘，識落仲好清甜！花生芽都屬於平時火鍋店好少見嘅蔬菜！今次都試咗幾款小食，覺得都十分之值得推介：椒鹽蝦，炸魚皮，炸花枝丸，炸地瓜丸都好出色，唔會過分油膩，夠香口！五味墨魚仔都幾特別。仲要鴨血任食！最後都+$20叫咗春陽茶事嘅半糖烏梅汁同埋半糖珍珠鮮奶茶，兩杯都好抵飲，原價要成$30-39架甜品區都係重點，因為有芋圓任食！加埋紫米同花奶簡直一流！

中午食好D，去到尖沙咀食打邊爐，依到除左普通定食外，仲可以有任食的火鍋。最後，係幾款任食既套餐裡面，選左牛極品火鍋套餐，用手機落單。麻辣跟蕃茄湯底，兩樣都好香濃，微微灼好牛肉 - 正😋除左餐牌可選擇既牛肉款式，仲有一些台灣小食，eg：鹽酥雞,甜不辣，而除左依d外，仲可以直接拎其他既火鍋配料，都是台灣直送的，（原本想食高一級的，有M9和牛，但晏左去，剩半個鐘落單，最後無選到。）依到最正係，手機落完單，或者入場選完湯底，店員都好快手送上黎，值得一讚：）轉眼好快就一個鐘過去，食到好滿足，見餐牌有跟餐，可折扣價 $20一杯 加配 春陽茶事飲品，可惜兩人肚子都裝得滿滿的🤣*臨走前見到，晚餐性價比更高，有我最岩既鴨血任食😍

尖沙咀周圍都係餐廳，今次俾我搵到呢間位於樂道嘅餐廳，呢度以前都係日式火鍋店，換手後就變咗台式火鍋，湯底有多款選擇，鴛鴦鍋就加$50，我哋叫咗養生鍋同麻辣鍋～套餐揀咗牛御品套餐 120分鐘，每位仲會送鮑魚／棒球貢丸。普通嘅蔬菜、丸類、飲品、甜品都可以係自助區攞，款式選擇十分多，熟食區都有台式大腸、雞翼尖、魯肉飯等，全部由台灣進口。魯肉飯好出色，味道就好似返咗台灣一樣！另外超推介養生鍋，湯底原本已經夠晒濃郁，可以當湯飲，越煲人參味越出，真材實料！飲品有各類自家製茶飲同平時嘅汽水，特別推介白桃烏龍同桂花烏龍，減膩一流，洛神花帶酸，越飲越想繼續食～澳洲M9和牛肩胛肉係呢個餐推介！食落油脂豐富，牛味都幾香，對比起其他肉類真係食得出好明顯嘅分別！我哋一共叫咗8碟！仲有麻辣鍋必食嘅鴨血都非常出色！甜品區可以任食芋圓，配料可以自由配搭，我自己都食咗3碗！落啲芋圓、小丸子、水晶珠同紫米，啖啖滿足！真係講得出嘅配料都有供應，想點食就點食！整體黎講，呢間台式火鍋值得推介俾朋友，環境闊落之餘又乾淨衛生，任食台式甜品真係性價比十足！

簡約木系裝修，座位間隔寬敞，幾岩約朋友吹水聚會，2小時任食冇咁趕，仲可以慢慢嘆埋個台式甜品。套餐價錢豐儉由人，推薦最抵入座時間係6:30pm，最平$179就有。因為想試和牛，所以簡左牛御品，計埋加一，三百幾蚊就可以嘆到澳洲最高級別既M9和牛，等同日本最高級既A5牛，自己買最平都要一二百蚊得幾塊！本身以為有任食和牛，其他食材就會比差啲，點知有驚喜。好多食材由台灣直送，連湯底都係。試左元氣養生鍋同牛品秘製麻辣鍋，湯底本身材料豐富，尤其養生鍋，雞件多，仲要滾左一輪都唔嚡口，湯底有濃郁藥材味，面頭有層薄薄既雞油，感覺滋潤。私心推薦必食‼️準則係易回本又平時少見既😂🔸肉類：澳洲M9肩胛肉：油脂分佈均勻，肩胛位帶筋位，熟後彈嫩、有口感，非常薄切，食多幾塊都唔濟封門柳：打邊爐必食，成隻牛最重肉味既部位牛舌片：帶少許內臟味，熟後爽彈羊肉片：唔會過瘦，後勁帶羊羶味🔸海鮮：鮑魚：叫牛御品套餐送的，入口爽彈蜆：新鮮！肉有厚度，食落冇沙手工蝦滑/花枝漿：各加入大量蝦粒同花枝粒，增加口感🔸小食：椒鹽蝦：炸到可以連皮食，椒鹽味香五味墨魚仔：墨魚仔夠大粒，甜甜地又幾開胃麻辣鴨血：任食好正，鴨血軟滑，可以再麻辣啲。建議

🍲湯底·我地揀左麻辣同酸菜白肉湯, 原來佢午市照樣有火鍋仲有午市套餐提供😍 不過麻辣鍋我最在意都係有鴨血任食, 呢個好重要😛連午市都有M9和牛食, 成件事好幸福!! 整體性價比高, 食材同飲品都好多係台灣進口, 而且店舖內既座位都好闊落👍🏻我地仲有叫啲小食, 鹽酥雞都好香脆同埋豬耳都爽口, 每樣食啲感覺好豐富佢最正既係隔離舖就有春陽茶事可以叫, 係度食野仲有折扣價$20一杯😋 當然唔叫野飲, 雪櫃都有冷泡茶,蘋果梳打等等飲品全飲😝

第3次幫襯第一次book 枱去到先話係waiting list Book 8點話要等曬啲booking （8枱）入曬先到我地但望極都冇8枱人等緊最後都係要等到8:25先入得辛苦fd 要餓住等咁耐叫左個牛極品餐 120 分鐘送每人一杯春事野飲不過冇講明間鋪收8:30pm所以原本諗住之後先叫野飲既我地冇左3杯贈飲🙄牛照舊好食👍🏻❤️湯底叫左柴魚海帶 同養生照顧足料👍🏻不過人太多做唔切牛漏左好多單出面既熱烏龍冇曬冇人理直到9 點幾我真係想飲搵staff 幫手然後話 熱茶係樓下交貨人地收左鋪 冇得refill 🙄🙄🙄好彩係夜啲叫少啲人搵個staff 黎幫手跟跟啲牛既單之後都出足既食飽既😋Staff 整體都friendly n nice 好似之前咁不過今次既經歷我會奉勸大家‼️過左8點 係聚會既 唔好去‼️‼️‼️‼️‼️我明既我地8:30pm正式入到去到9:30pm stop ordering 10:30pm 還枱但一個女staff 話 「我地要收鋪！ 」🙄而個陣係10:25pm 而之前既另一個男staff 係話埋左張單 可以坐到10:30pm🙄🙄🙄但之前見個啲早入既枱門口staff 係話 人地想走先走🙄🙄

今日難得放假，相約好朋友一齊喺尖沙咀行街，最近天氣涼返少少，好適合打邊爐，中午食打邊爐嘅好處係，食完飯仲有全日時間俾你慢慢消化上到嚟呢間牛品，裝修得好靚好大好舒服，以卡位為主，就算兩個人嚟食，張枱都好大張，唔會坐得好迫，自助區域擺放得好整齊，雪櫃嘅冷氣夠凍，醬料區亦都擺放得好整齊，每款醬料都都有蓋冚住自助區有各樣丸類，台灣特色有台灣貢丸，花枝丸，甜不辣等，仲有不同菜類，豆腐，蕃茄，可以根據個人喜好自己選擇，飲品區都有好多自家製飲品包括洛神花茶，烏龍茶，仲有最新出品零糖零卡嘅汽水中午除咗火鍋放題，仲有啲午市套餐，方便附近返工嘅人食飯，今日我哋揀咗$218牛極品午市吃到飽套餐，加$50可以叫鴛鴦湯底，我哋叫咗麻辣鍋加元氣養生湯，養生湯非常足料，湯底有雞，淮山，杞子，仲有一條條人參，麻辣湯底比較適合香港人口味，唔會太辣，但花椒八角味非常突出，湯底仲有一片片鴨血牛肉選擇分別有頂級美國肩胛肉，安格斯牛板腱，美國牛空腹，牛舌片，牛肉簿簿一片，非常有牛味，煮幾秒就食得，入口啖啖油化，牛板健最好味，咁多款牛之中肉味最濃最後仲有個自助甜品區域，有各式台灣甜品，分別有仙草，芋圓，愛玉，紫米等，自己可以自由

好想瘋狂食野瘋狂食牛🥹 見咁耐冇打邊爐 一於簡間靚嘅餐廳 正嘅套餐十下十下🍲 今次就黎到尖沙咀嘅牛品台式火鍋 點左個牛御品吃到飽套餐🤤 最後仲有驚喜😳 絕對會再encore🥳🍀牛御品套餐送一人一隻新鮮活鮑魚 上枱嘅時候好生猛係咁郁🫣 我地簡左鴛鴦鍋湯底 元氣養生鍋清得黎好夠味 淥下啲海鮮🐟同埋牛🐮真係一流😍 可以保留返食材嘅鮮味☺️ 秘製麻辣鍋就淥下菜🥬 餃同埋丸😛 麻辣味好香濃好入味🤩 🍀食材由台灣直送 仲有多款台灣街頭小食可以任食 鹽酥雞🧂炸地瓜球 炸花枝丸 台式香腸 台式甜不辣 五味墨魚仔等🦑 吾講仲以為自己身處台灣🤣🍀除左有大量嘅熟食選擇 依個套餐嘅重點 就係任食🐮澳洲M9和牛肩胛肉 封門柳 安格斯一口牛🐮 任食食到飽丫🤤 每款牛都好重牛肉味 完全吾需要點任何醬汁😍 而且口感嚼勁 超級好食😋🍀野飲方面 除左有常見嘅罐裝飲品 仲有桂花烏龍茶同洛神花茶🤩 如果想飲春陽茶事嘅杯裝飲品 都可以加$20換購☺️🍀去到最後當然要用甜品埋尾🍮 估吾到嘅係 甜品區竟然係任食台灣甜品😳 講梗嘅係有三色芋圓🥹 仲有寒天 海藻水晶球 小圓子 西米 紫米等嘅甜品🥳 由頭到尾都食得好開心好滿足🥰 依個價錢食

收工同朋友去咗尖沙咀食台式任食火鍋元氣養生+ 牛品秘製麻辣鴛鴦鍋兩款湯底都非常有味道～養生鍋有好濃郁嘅當歸味 感覺好補身；麻辣鍋好香辣都仲有得選擇 我試咗BB辣 剛剛好！牛肉既選擇都多～最中意當然係m9和牛肩胛肉 好有牛味！一口牛和牛都唔錯～識落唔會覺得好韌自助吧都有幾多選擇 主要係丸類、粉麵同蔬菜～ 推介芋頭貢丸入面有粒粒嘅芋頭超好食！而雪櫃就有好多款唔同嘅飲品最驚喜嘅係有自家製嘅冷泡茶 解膩解渴真係一流！另外仲可以自助落單有唔同嘅肉類台式小食！台式香腸 炸香芋波波都係必食嘅 感覺好似去咗台灣夜市咁食到飽飽一定要留肚食台式甜品主打芋圓有芋頭 紫薯同番薯味～同埋唔同嘅配料自己隨意夾☺️大滿足

好想食牛，好想打邊爐，朋友介紹尖沙咀牛品，話好高質，坐得又舒服，所以就訂位來試試。果然，食都好滿足。首先呢到d服務生個個都超級有禮貌，另外上菜終極快！！！地方又乾淨，除左打邊爐一般肉類、海鮮類、澱粉類蔬菜類、飲品區，呢到都有小食同甜品區。我地要左牛御品，用餐時間為120分鐘，湯底呢到推介養生鍋，係人參雞，但友人唔想要雞湯底，所以最後叫左酸菜白肉同黑蒜黃金鍋做湯底。呢到d食材由台灣進口，仲要鴨血任食，性價比好高！我最鍾意就係M9和牛，雪花marbleing好靚，源源不絕咁出，正正正！另外就係我第一次食嘅花生芽，望落似條巨芽菜，好脆口，好特別！食食下見到係店內點春陽茶事飲品只係$20一杯，比樓下隔離原價買平$10-19！最後一定要mention下個甜品區，竟然有芋圓任食！加埋西米，寒冬，果凍，小丸子，紫米，涼粉同花奶，perfect ending！

下雨天放假就係吃任食火鍋，下站先海港城，呵呵！牛品牛極品！佢有午市套餐同火鍋，秋冬就食火鍋先啦！元氣養生鍋 超級補身！主要有參鬚、北萁同雞！好甘味，好喜歡參味既朋友必叫喔！仲有麻辣同酸菜白肉都想食！麻辣可鴨血任食！不過店員話黑蒜黃金鍋都特別，叫我哋一試！店員個個好nice，環境整潔！黑蒜黃金鍋 呢個就比較偏濃味！主要有黑蒜同埋白蒜！黑蒜帶甜，為肉類添甜，十分ok！台式甜不辣幾好金黃！台式鹽酥雞必叫，同行朋友大讚，多汁比一般台灣餐廳正！台式炸地瓜丸幾有風味！台灣蛋餃同燕餃都算薄皮！阿在伯高麗菜豬肉水餃同阿在伯韭菜豬肉水餃可一試，肉料幾足！頂級美國肩胛肉比牛板腱多雪花，食多幾碟，牛肉味重同快熟快來幾碟！哈哈！安格斯牛板腱比較有咬勁，唔係老呀！花雕酒雞件好香酒味，加少少杞子！紐西蘭羊卷肉必食我既羊肉fans，佢落咗鍋之後都可以搵到佢嘅蹤影，唔會爛到一嚿嚿！西班牙栗飼豬梅肉同豬五花腩肉都好唔錯！後者栗子甜味帶回甘，幾特格！台式甜品係必食！有芋圓、小圓子、水晶珠、紅豆、仙草、綠茶寒天、西米、紫米露、鮮奶、花奶同埋糖漿。另外叫春陽茶事的飲品，可以有折扣價$20一杯。佢原價都$30$40，比平時飲抵

近來在YOUTUBE不小心看到 晴天林的《小品之歌》"嚟牛品打個邊爐 把憂鬱苦惱放入個煲""嚟牛品 牛品 食完碟牛先再諗""牛品 牛品 就忘掉世間黑暗"非常洗腦，把持不住就相約友人到尖沙咀【牛品台式火鍋】大吃大喝一番。火鍋店佔地逾5000呎，寬敞闊落。裝潢亮麗雅緻。自助區食物飲品排列得井然有序。客人取食物偶然不小心弄污也會迅速處理，清潔衛生吃起來也特別放心。放題套餐價位由$179起，可任吃任喝2小時。湯底由台灣直送，其中秘製麻辣鍋、元氣養生鍋和酸菜白肉鍋是店內招牌。特式火鍋配料以QR Cord下單，還有十多款地道夜市小食可選。點了$299「牛御品」套餐，亮點是肉味濃厚，油花均勻的"澳洲M9和牛肩胛肉"和脂肪較少，更有咬口的"安格斯牛板鍵"。每位還附送"新鮮活鮑魚"或"棒球貢丸"，性價比甚高。台灣直送的火鍋配料"麻辣鴨血"軟嫩帶彈性、辣勁十足，Encore了數次。本港不常見的紫紅色蘿蔔"心內美"鮮甜帶甘，"水蓮菜"翠綠飽滿，入口清甜爽脆。小食"椒鹽蝦"鹹香鮮美，滋味得連殼也想吃掉。"鹽酥雞"外脆內Juicy、"原味香腸"皮脆肉香、"宜蘭蔥餡餅"肉汁滿滿蔥香四溢，"炸地瓜丸"金黃酥脆

Lunch time 四圍都排晒大隊，經過發現原來呢個位本身嘅邊爐鋪已經改左名變埋做台式（後尾發現原來已經轉左好耐），見無人等緊位一於試下佢。玩法同其他同類嘅餐廳都係大同小異喇， 佢有一個係「60分鐘午市定量套餐」有十款湯底同八個餐可以揀，第一次嚟又想食牛，於是揀左佢平少少但係全牛果個「精選美國牛胸腹」（150）配「沙茶海鮮鍋」 坐底就去佢個「自助食物」區拎其他野食，有丸呀、菜呀、菇呀等等，當然仲有醬料區畀大家隨意「混醬」，另外仲有幾個雪櫃可以攞飲品，每人可以最多拎兩杯。湯來了肉來了，開飯喇～！ 湯底比想像中腍 同濃， 都幾夠味，入面有兩隻蝦，幾隻蜆同一隻青口。 肉一嚟就一人三盤，比想像中多，牛嘅質素合理，絕對無輸。 60分鐘要清晒佢其實都有少少趕，但係好夠飽， 埋單連加一人頭 $97 絕對係物有所值！ 佢其實有好多好多唔同嘅套餐玩法嘅，大家可以睇下自己有幾多時間同可以食幾多野去睇下點邊個餐最抵~

最近發現間幾抵食既台式任食邊爐，食材都係台灣直送，仲有水蓮、鴨血、芋圓等少見既選擇提供，呢晚就同左朋友一齊食😝晚市餐廳都幾Full，建議book定位，好彩野食上菜速度幾快，亦都唔覺有漏單。牛御品120分鐘放題套餐>澳洲M9和牛肩胛肉：M9係澳洲和牛最高等級，油花呈雪花狀，肉質嫩滑，食落口肥而不膩，牛味濃郁，我太廢食得7碟，惟有靠朋友食到回本😣>美國封門柳：封門柳切成心形咁，雖然脂肪較少，食落肉質有少少緊實，但肉味幾濃，打邊爐食都唔錯。>新鮮活鮑魚：每位有一隻，用筷子督下佢仲識郁😂淥熟後食爽口彈牙。>蜆&海蝦：加d海鮮打邊邊，個湯底都鮮甜d，蝦好爽脆；蜆大粒又無沙。>麻辣鴨血：辣度適中，食落細膩嫩滑，帶少少藥材香。>花枝漿&手工蝦滑：打邊爐必點，質素都唔錯👌🏻>芋圓：有好多配料揀：檸檬愛玉、小圓子、仙草、芋圓+蕃薯圓、海藻球、紅豆、紫米等等，可以砌岩自己心水既，當中檸檬愛玉酸酸地又滑溜，推薦。本身飲品區都有汽水和茶，如果想升級飲台式飲品，仲可以用優惠價$20加配春陽茶事既飲品。

有得去旅行但仲未去得台灣只好和朋友吃個台式火鍋止止癮晚市套餐分4個價錢用餐時間為120分鐘牛御品吃到飽套餐可點多款高質肉類包括澳洲M9和牛肩胛肉、安格斯牛板鍵除了牛肉西班牙栗飼豬梅肉、花雕酒雞件和紐西蘭羊肉卷也值得一試店內多款食材由台灣進口包括大甲芋頭、棒球貢丸、百葉豆腐、燕餃蛋餃麻辣鴨血也可任叫任食台式小食主要為滷水炸物牛品牛三寶、甜不辣、麻辣牛展、鹽酥雞、五味墨魚仔、炸地瓜丸米血糕、蔥餡餅款式多得好像把整個台灣夜市帶了過來飲品有罐裝汽水及自家製杯裝冷泡茶白桃烏龍、桂花烏龍、洛神花茶無糖更突出茶香還可以折扣價$20點春陽茶事飲品1款非常超值甜品區可任吃最愛的三色芋圓配上仙草凍和愛玉等9款食材充滿台式風味餐廳不但環境寬敞舒適食材尚佳服務也令人滿意性價比高會再回訪喔