爆丼屋 (已搬遷) 新店位置

每次經過爆丼屋都排滿人龍，不論本地人還是外國遊客都會被那滿滿魚生的賣相吸引著，口水長流，不試不甘心。最近下大雨的天氣，踫巧沒人排隊，二話不說就入座快吃。餐廳沒有花心思的裝潢，因為食物的賣相已經夠吸晴，而且人流太多，也不打算用太舒適的座位來留住客人吧!午市套餐其實跟晚市價錢沒有太大的出入OMG，角切的三文魚魚生，中央是非常豐富的吞拿魚和粒粒魚子，再配上芥末八爪魚，賣相無得彈。每一口都很rich，每一口都很鮮味午餐是多了前菜和麵豉湯至於火炙過的魚生，烤香的味道很吸引，加上一隻溫泉蛋，令飯味很香濃很欣賞火炙到位的三文魚，半生熟的口感，鎖住了肉汁魚油，吃得很滿足

本黎唔係好肚餓，唔想食海膽咁漏，諗住食帶子三文魚籽飯，但男友話第一次黎食海膽啦，因為平時好鐘意，咁算啦，飽啲都照食，黎到食左第一啖，嘩，味濃，量仲好多，食魚生多數要wasabi既我今次可以唔落，係食到尾太飽先落小小開肚，而且飯粒都好好味，男友叫左個火灸飯，試佢蟹棒都唔錯，而帶子，食落好在無叫帶子魚籽飯，佢既帶子唔係我鐘意食果啲，較爽身同味好淡，個飯雖然好似細細碗，但相當飽，又漏，係滿足既，見到人食個蟹籽沙律啲籽多到呢，下次要肚餓啲黎試埋佢最搞笑係個大牛飯遠睇我以為係綿綿冰仲同男友講呢度有甜品食，過一陣睇點解唔溶既望真有隻蛋響邊邊先諗到果堆係牛肉黎缺點係啲音樂太大聲，好嘈好好嘈。

可能我唔識欣賞同品嚐啦，啲牛肉好紅，好似生既咁，只係冇血水流出來而已，而且係凍既，我真係唔多接受到囉! 仲有個侍應係咁sale 我哋要個大既，唉…結果因為太紅，所以食唔哂，但隔離張枱係細size, 但就冇咁紅，熟好多，唉…仲有個三色海膽，好腥，唔值哩個價囉！咁啱隔離枱對情侶又係第一次食，都不停咁話，“咪即係壽司+飯，咁唔駛突登嚟食啦，真係唔覺好得囉…”又話之前啲人講到幾好食幾好食，又話要排成個鐘頭隊，所以唔試下就笨喇，聽完佢哋既對話，我覺得我哋笨左就真，總之就係又貴又唔好食啦！只此一次，真的後悔不已!

平日6點去不用等位，雖然價錢偏貴，但絕對值得，無論是份量，味道，服務都非常好特別喜歡牛肉丼，每一片牛肉都有牛肉味和很軟熟，配上特製的汁同雞蛋我覺得可以食3碗大白飯海鮮丼份量也很足，而且左口魚簡直是爆魚油的香，不過有點炙焦了一點，很想再吃

放假去左旺角行街！行過豉油街見到人氣爆登既爆丼屋難得無乜人排隊排左5-10分鐘就入座了！對比平時，應該要等最少半個鐘！因為太受歡迎！海鮮丼大大碗！又夠新鮮！岩晒一眾愛吃刺身既香港人！正所謂「大件夾抵食！」我地兩個人order左兩碗丼！一碗係火灸丼！一碗係帆立貝三文魚籽丼！碗火灸丼勁大碗！d海鮮好似就快滿瀉甘！材料包括：火灸三文魚！火灸蟹棒！火灸帆立貝！中間仲加了一層蛋黃！一吉穿佢，蛋漿流出，包著每一粒珍珠米！將成碗丼既級數提升至更高既層次另外一碗帆立貝三文魚籽丼都好新鮮！材料新鮮自然無乜腥味啦！魚籽多到滿瀉！簡直係物超所值！

爆丼屋旺角豉油街50號地下8號舖朋友仔send咗啲海膽自助餐宣傳俾我睇,呢兩日海膽深深在我腦海徘徊, 終於自己一個人,都忍唔住去咗食海膽午餐Food: ⭐️⭐️⭐️.We Order:- 三色海膽盛丼 $238.Recommend😍:- 淨係食咗一樣, 當然暫時淨係可以推介呢樣喇, 但我都沿路入去都有昅下人食啲乜😆, 水準望落都唔差....Price: $200+ per person (Lunch).Atmosphere: 旺角小店一間, 女人街尾, 枱與枱之間好迫, 呢個要去食嘅時候都預咗, 有8個吧枱位, 一個人去食都好正, 冷氣足夠.Overall Comments: 唔駛排隊嘅話, 我下次會去試其他嘢, 海膽新鮮, 但唔係新鮮到可以同日本比下去, 過下口引, 係香港黎講, 真係滿足到我....#相機食先 #topcitybiteshk #hkfood #hkfoodlover #hkfoodstagram #hkfoodstagran#hkfoodblogger #hkrestaurant #hkfoodporn #hkfoodie #hkfooddies #hkfoodblog

佢呢一個上面嘅用料都幾鮮甜下，特別係個赤蝦。另外佢嘅三文魚籽粒粒都係脹卜卜架！而且佢嘅帆立貝亦都有正常一隻外買匙羹咁大。另外佢上面用嘅海膽你都冇話一浸腥味。整體來講小編覺得呢個都幾抵食下，價錢只係成個Menu嘅中等。

睇完戲已經成12點，但因為放工太趕所以無食到野，諗住睇吓附近仲有咩未關，點知比我地見到呢間仲開，仲要開到凌晨兩點！其實之前好火熱嘅時候已經想試，但知要勁排隊所以無嚟！因為太夜所以我哋四個人淨係叫咗兩個丼同埋一個燒魷魚，一個丼會跟一個麵豉湯個湯幾正，唔係一般水溝粉，係有好多材料，魚子帆立貝果個好正，好多魚子，三文魚果個都唔差，雖然我覺得可以更加新鮮，魷魚筒就不過不失，埋單每人百頭！依家冇咩人排隊嘅話都可以一試！

平日下午2點左右黎到冇乜人幾好可以自己選位坐, 點了一個火焰乜乜眼見都幾多人叫. 點了餐好快就有得食, 其實份量都夠, 新鮮方面都係新鮮既, 服務生服務態度都OK.  但以食物價格黎講性價比偏貴左啲~整體是合格可以一試~

第2次嚟爆丼屋？上次食過海膽飯，有75分今次試其他嘢好彩早到唔洗等位即刻有得食😀嗌咗2個lunch set味道唔錯魚生尚算新鮮有前菜同麵鼓湯ok抵食~~仲嗌咗其他小食meun上嘅日本海膽$298圖片係一板結果嚟到得呢個份量原來係$298一客感覺被騙，味道還好，算甜但呢個分量$298以後都唔會再叫蛋，幾香加埋啲明太子醬幾好味燒蝦，呢個好食大大隻虎蝦，有驚喜！燒到香噴噴，值得一試燒鯖魚普通嘢，燒得幾香值得一試！

這間也算是第四次來吃了，但是一次比一次差。中午明明有第二張餐牌，但是有的服務生就會給，有的就只是拿基本的餐牌給你，你不問他們拿就不給。服務淩亂，同樣的角切魚生，有的剛坐下就能吃，有的要等上半個鐘，根本沒有落到單。環境擠迫，服務生又不懂得按照人數安排座位，宛如快餐店的服務質素。沙律比之前少了很多，三文魚有筋，油脂層多，肉也鬆散，三色海膽也不算新鮮，而且拖羅蓉又沒有攪拌碎，還能看到一些塊狀。不要說同一條街之外的板長比，比起千兩都差太多。爆丼所謂的爆，也只是米飯面頭的一層而已。收這個價錢，大概僅僅是因為舖租的補貼吧？沒有實力提高食客的滿意度，又沒有錢擴張鋪面，只將心機擺在了宣傳，曇花一現罷了。像尖沙咀那間芝味坊，從美國帶來的一模一樣的裝修特色味道分量，才是用了心的表現。R.I.P

同朋友約咗睇戲，睇之前食個飯，咁啱經過爆丼屋，記得之前去係排晒隊，今次竟然唔駛等位就決定試下！餐牌主要食魚生海鮮多，但礙於本人怕去旺角食生冷嘢會中伏就揀咗饅魚飯，大約$160蚊鬆啲，價錢唔係平但都決定一試。饅魚饅嚟到好大碗！饅魚鋪滿成個飯，飯嘅份量都好多，仲有一個半熟蛋蛋，饅魚汁加蛋黃，正呀！飯夠分明唔會太濕又唔會太乾，饅魚似係岩岩搵火燒咗一陣，有小小脆口同夠香！整體嚟講幾好食，雖則唔係特別平，但份量搭夠！一個女仔可能會食唔晒呀！

今日特登早點黎等3個位,明明係97號,佢一跳跳到101號,中間無叫過號碼就飛左,上前問,佢話襟錯制,跟住叫我地再等,跟住,5個,2個,2個人又入左去,同我地講因為無3人枱繼續等。等完又等後,叫我地3個人坐2人枱的門口,真係火都黎,人地5個人坐6人枱,全部都係隔2位既枱叫我地3個人坐門口仲要你2人枱,即其中一人背住走廊,我地同帶位既理論,一個似高級既上前話:係咁家啦,再唔係就繼續等啦,當堂著左火,我地再同佢地理論,因乜事3人要迫到咁坐走廊,我地又唔係無份等,仲要睇住2位既不斷入,但當中係有2張2人枱連位都唔俾我地坐。個帶位安排好有問題,我明白繁忙時間,係要等耐d,但你收左我飛一路唔安排我地入去,同佢理論就話係咁樣,都唔知乜野道理,知你做到出名,但係同趕客無分別,成餐飯都要成肚氣!!!!

▶ 海產：魚生經火炙過後，燒過魚脂香口無比，入口咬過脂肪滑嫩的口感融化在嘴裡，其中尤其推薦左口魚，還有不能看輕最普通的鮭魚！-▶ 丼飯：採用日本料理常用做法，在米飯中加入日本酢，令飯粒分明又不會過硬，酸度高是這裡的特點，不經不覺已經狼吞了兩大碗-▶ 湯物：加入牛肉粒的海苔味增湯，令湯身不只有鹹味，對於不喜味增湯的我來說是聰明的做法。-▶ 綜合：★★★★★

嘩!每天限量的龍蝦盛丼📸📸📸📸📸📸📸 店員提示~蝦頭d內臟勿食(細看，內裡已清左d內臟)，原來蝦尾(是殼)，蝦肉已在飯中好多吞拿魚蓉，三文魚粒厚切，醬汁滿滿魚生新鲜，蝦肉爽口(但龍蝦肉很小)三色海膽丼嘩!滿佈金黄色海膽(好靚)韓國紫海膽(好creamy)加拿大海膽(肉厚)北海道海膽(好甜)其實3款海膽都好甜(好味)入左口~分唔出那款甜d~3款海膽，入口即溶，好正!湯(清清地)令人回味的晚餐