爆丼屋 (已搬遷) 新店位置

用末下午進去看見鄰桌正在食午市套餐想向職員查詢午市套餐有甚麼款式時職員卻説你揀下要咩飯先當過了一會後職員卻指出唔比做餐只能散叫相信應該是上司的指令但當時明明有些客人正在食套餐這樣的營商手法實在令人反感食物方面雖然照片上看似食材把碗面鋪得密密麻麻但由於用的是較細的碗所以在每碗飯動輒便二三百元的價錢下並不真的是十分超值先來一客牛肉飯牛肉份量頗多醬汁頗為醒胃但是牛肉味道就一般另一個魚生飯魚生份量頗多外型也頗漂亮除了三文魚外內裡還有其他魚生茸味道正常總括而言外型用來打卡一流味道則正正常常服務態度則有待改善......

每次經過旺角豉油街，總見到一間餐廳門口人頭湧湧！是日因工作關係，六時多放工就已到旺角附近了。J先生就提意去試 - 爆丼屋以為太早沒有人；入門口見到已八成抬入座了枱面食具餐牌燒鰻魚盛丼 $145碗分量比一般飯細，飯不夠熱丶微暖的；鰻魚切得太大件丶味道只是一般般！配上一碗麵豉湯丶淡淡的！火焰盛丼 $145三文魚丶帆立貝丶松業蟹棒丶左口魚裙邊J先生話：飯分量偏少而凍的配料味道一般般！配麵豉湯及兩小包紫菜！玉子明太子燒 $38蛋味香甜丶明太子與醬汁融合了付款後；見到門口有十多二十人在排隊中爆丼屋 總結：可以不試！

我陳村二少唔係乜食家, 唔似得嗰啲XX達人咁, 影相影到爆哂鏡, 吹水吹到天上有, 地下都有嗰隻咁! 梗係啦! 收咗人水嘛! 話說我經常出旺角, 晚飯時間好多時經過俚間XX屋, 見到周不時排哂長龍, 見到啲相都唔錯, 睇落好好食咁! 其實, 魚生瞓喺度影, 實影得靚啦! 加上見咁多人去食, 應該....?? 於是有日適逢期會, 五點零經過見唔洗排隊, 咪入去試吓囉! 一坐低已經感覺唔多聚財, 枱細位窄, 叫多一兩味都擺唔落. 再睇餐牌, 啲價錢都唔平, 應該有水準啩! 咪唔貴唔食, 就叫咗個大集會飯試吓.  等咗唔夠十分鐘, 上菜. 一飯一湯. 影完開餐啦! 點鬼知....手指一滑, 倒哂碗湯添! 因為....枱細啦! 個碗又熱又滑啦! 係架啦! 賴得就賴架啦!  如果張枱大D, 洗Q我移嚟移去咩! 打漏咗之後, 班伙計見到都無反應, 叫佢哋抺枱整理, 先雞手鴨腳咁做, 碗湯報消無人理, 惟有....飲西北風, 溝多杯水囉!食落....嘩一聲, 乜咁味架! 新鮮度得嗰3成, 係嗰兩隻蝦睇得吓, 同喺澳洲, 日本食差好遠. 爬完碗飯 .... 埋單連加一, 218銀. 識真....? 一

👧🏻 好鬼多料😍😍海鮮份量十足！分別有；左口魚邊、三文魚、帆立貝、蛋汁、松葉蟹棒配合埋火焰過 有陣烤焦過嘅味道 特別系左口魚邊 口感爽口🈵 又新鮮(除左三文魚) 又將蛋桔穿,成碗飯都有哂蛋汁 🤤飯太多會食唔哂, 最好開心share 搵人幫手分擔d飯😂 P.S 飯幾好食, 聽聞系用日本料理做法, 令飯身唔會硬。⌚️等候時間內，除非洛雨時候去食🤵🏻招呼周到，同朋友坐成3粒中都無趕客，又會間唔中添水，服務5錯👍🏻

爆丼屋最出名既海膽飯我無試，因為拖羅喺我心目中既最愛！最後選擇左極上拖羅盛丼！樣貌見到好多根，其實都可以，大約有10多片薄切，份量算係多！有前菜＋味噌湯，個味噌湯出奇地好味！先唔點任何野試下個拖羅，成口油(正常)，有根(正常)，冇魚味(正常？)。諗住點豉油會好D，發覺都係一樣！最後我只係食到成口油加飯！服務員重話今日拖羅好靚，可能我真係唔識食！爆丼所謂的爆，也只是米飯面頭有好多野，視覺效果。食物既質素可以再提升，而唔係得個樣！

見這間熱門咗咁耐都仲排緊隊，就襯少啲人的平日lunch time來試試。叫了lunch的“三文魚火山盛丼”($108)和“三色海膽盛丼”($238)。- 前菜中華沙律麻油較多偏油偏咸不合口味- 麵豉湯幾多料唔錯- 海膽不錯冇異味- 但飯加水太多還是怎樣，有點黏黏的…- 三文魚用了山葵八爪魚當醬汁使整個黏黏的個人接受不了- 吞拿魚蓉跟以住在其他地方食過的相差甚遠，黏黏的非常嘔心，而且有筋咬的時候要很小心- 食完之後非常口喝…應該味精有點多人均消費$150這個價錢在別處可以食得很好了……

我6點鐘到，等了一，兩分鐘就入到餐廳。食物ok,新鮮，但餐廳其中一位職員態度差，會人影響成間餐廳既印象。叫了兩個飯大概530蚊。但受到四眼哥哥既惡劣態度，下次吾會再去。

之前都聽到啲朋友食話好食，今日lunch經過見到咪食下囉，叫左個極上拖羅飯同三文魚拖羅容飯！其實我真心覺得爭鮮魚尚一定會好食過佢囉！佢仲要咁嘅價錢！垃圾！拖羅竟然全部都係筋！我比咁嘅錢食咁嘅質素！大家可以唔洗再考慮！

又黎到旺角，人多又熱，想食D生冷野，消一消暑。所以又決定食番#爆丼屋。今次叫#北海豐盛丼。鮮蝦大大隻打孖上，蝦膏都挖埋出黎方便你食，非常貼心。三文魚籽比較醒，海膽夠份量，但味道一般。

每次經過餐廳門口都人頭湧湧，今晚特意約朋友一試，籌號有15個之差，最後應該都只係等左18分鐘左右。餐廳坐位算多，所以空間相對不多，感覺同吉野家美心差不多未坐低已經見到枱枱爆丼，飯面的材料真係多到瀉咁濟，視覺效果相當驚人但心同時不屑咁諗：個碗咁細，梗係爆啦跟朋友試了北海豐盛丼，三文魚火山盛丼及燒原條鰻魚(即係燒鰻魚盛丼走飯)，可惜和牛生熟燒售罄。材料全部魚生關係，唔洗6分鐘左右已經上枱，賣相既震撼不得不相機食先！三文魚有小鮮味，呑拿魚蓉入口啖啖肉但其實無乜味北海豐盛丼海膽同帆立貝食得出都新鮮既但不至於鮮甜。鰻魚都算好食嘅，至少肉質唔係難溶溶。最後，我地好後悔睇小左隻碗，啲飯一啲都唔少！飽到食唔晒其實咁既價錢咁既份量又咁足料，每啖個口都full晒咁濟，都好難再求味道要非常鮮甜既。但都可以一讚佢gimmick係成功既

其實同朋友約咗黎食呢間野好開心 食好耐啦 ♪(´ε｀ )其實最近越來越多丼飯 我自己本身都好鍾意食日本野我覺得丼飯比食壽司抵食 因為起碼食得飽人今日就嚟咗一間好出名係旺角嘅丼飯其實想來已經好耐 不過因為係網上面有啲名氣嘅店 有啲驚佢會得個名得個樣 唔好食咁樣呢 因為係第一次食其實好想叫佢個海膽丼 不過通常海膽有時會有少少臭 都係食個大眾啲嘅魚生飯穩陣啲 我叫呢個呢 有炙燒左口裙邊 帆立貝刺身 兩隻牡丹蝦 海膽 同埋三文魚子 睇個樣已經覺得好靚 胃口大開但係食落真係算唔錯最好食嘅居然係個左口裙邊 係我從來未食過咁肥美同埋厚肉 真真真係有驚喜至於個牡丹蝦 夠大隻同埋幾好味 但係唔夠新鮮 海膽都唔錯 份量都算叫多 亦都幾好食 三文魚子都俾得好多 成個飯最麻麻應該就係個帆立貝 唔鮮味 正正常常 同其他海鮮比較比下去總括來講性價比都幾高同埋個量都真係幾多我哋兩個女仔去食 我就大隻啲食得晒成碗野但係我個friend食左吞拿魚茸三文魚丼飯佢食到一半已經話好飽你坐佢隔離嗰個食海膽丼飯 就都食晒啲海膽留返唔少飯就走左我覺得幾好食架間野 推介推介服務態度都幾好 有個waitor收走我放蝦頭蝦尾嘅碟 但係上

2個女仔order 2分, 結果食唔曬，份量真系幾多👍足料👍刺身夠新鮮，星期五晚排隊等左超過半小時。下次見到咁多人排，自己未必願意再排，未好食到咁。但排隊期間有水飲，衣點值得一讚👍人均消費hkd150, 無叫其他小食。

哈 係旺角出哂名爆丼屋 等左好耐位下 終於有機會去試下啦餐牌都好多選擇,個個都好想試下，睇相都知好正。 所以我叫左個魚生飯，魚生又新鮮好味 又好多選擇……真係唔錯 下次會去。

上回講到同友人等百幾張枱失敗，今日決定係早放工之下自己去碰下運氣！（係呀又早放工不要去羨慕🙈）赫見門口排隊人數得小貓三四隻，拿拿臨攞左兩位飛！唉頂問題就出現喇，係呀因為我唔想做毒L所以決定左拎兩張飛，但，我得一枝公咋喎，咁點算好？！十分鐘後，已經到我張飛，我唯有厚顏無恥咁照坐入去啦，奇又奇在佢竟然冇話要人齊先入得😅打左七八個電話call人黎陪我食，終於call到位五年冇見既“朋友”出黎一齊試。😳心情當然非常緊張坐立不安咁，又驚比人趕走，好彩佢住得好近咁岩今日又放假所以等左一陣就黎到。多年冇見，依舊有心跳既感覺哈哈，但肚餓既感覺都好強烈，見到隔離左右啲丼都黎哂，賣相非常靚，相機食先就係老規矩啦，味道又如何呢？先黎個火焰盛丼先彈個火炙，完全燒得唔夠耐三文魚過於厚實蛋太熟流唔到心左口魚裙邊太厚冇入口即溶既感覺蟹棒雪味重都走唔甩架喇唯獨帆立貝大粒厚肉同幾甜飯。。真係太多喇朋友就食呢個我一向都麻麻地鰻魚，試左一舊，都係唔夠熱太厚同多骨😓佢都有同一個comment就係飯太多😅試一次就夠喇～

無得BOOK位，排左一陣隊終於入到去。無SET既，只有單點。拿拿林嗌左碗＃三文魚火山盛丼，貪佢啖啖肉。不愧係爆丼屋，份量真係十足逼爆！不過三文魚食落比較＂漏＂，新鮮就講唔上，wasabi都係唔夠味，但係勝左啖啖肉，岩哂#墨嚐呢Ｄ懶人LOL服務唔錯，下次黎旺角再試下其他款先。