爆丼屋 (已搬遷) 新店位置

日食朋友恨吃爆丼屋已久，奈何被持續的人龍嚇怕。某晚小人特意沒吃晚飯，陪朋友在夜深的時段才吃，避開人潮。盛丼一到，我們不禁嘩然，魚生有如一座山般堆在一大碗飯上，何其澎湃！最上的乃拖羅茸，其他還有三文魚、芥末魷魚以及魚籽等。三文魚及拖羅皆很是肥美，透出魚的香氣；而魷魚及魚籽都甚是爽口，混著飯，入口是多重的層次。三色海膽盛丼必可滿足海膽迷，海膽是滿滿的鋪在飯面，海膽很新鮮，有海洋的味道，我們沒有落日式芥末，只輕輕的下了一圈豉油已能盡情品嚐到海膽的原味。每客盛丼都配有一碗味噌湯，亦屬不錯，是一個大滿貫之夜~~

今天終於有機會一嚐遠近馳名的爆丼屋。由於午餐時段經常爆滿，我和朋友特意在下午2時半才到達餐廳，但仍然須等候5-10分鐘。想一嚐爆丼屋的朋友可能須要一點耐性。爆盛慢燒牛肉丼:選用幼嫩的紐西蘭西冷牛肉，慢烤至6成熟。切成薄片後，400克重的牛肉薄片疊至7吋高再用鐵纖串起，淋上自家製的香蒜燒汁和山葵忌廉汁。牛肉肉質鮮嫩， 醬汁酸甜味能中和牛肉的滯膩感。 分量足夠兩人使用。推!四重火山盛丼: 魚喜歡吃日式魚生丼， 一定要嚐一嚐這款店用料了最豐富的海鮮丼。中間的刺身魚蓉是由多款海混合而成，包括 赤身、劍魚腩、甜蝦等。 旁邊配上三文魚子、海膽及松葉蟹肉。 海鮮用料比飯量還要多，而且非常新鮮。大滿足呢！另附菜單供大家參考。

因平時行過這店,常常有好多人在排隊，但今天經過冇乜人，便衝入去試試，座位較擠迫，在整餐飯内的用餐時間，經常給人撞嚟撞去，極不舒服， 看餐牌後， 想叫的食物，有好幾樣也沒有，最後叫了一個北海豐盛井、燒牛肉蕃茄烏冬 ，加了兩個小食，一個是芝士魚餅，另一個是帶子， 北海豐盛井來到， 三文魚子很淡、冇味、唔夠新鮮，海膽很腥，唯一是刺身生蝦可以接受，至於那個烏冬，燒牛肉有點生，蕃茄湯湯底偏酸，烏冬亦不彈牙，芝士魚餅是整餐飯最好的食物 ， 處理得幾香口，至於那個帶子極细片， 也是冇乜味， 除了以上食物的質素問題， 服務也一般，送上來的食物求其搵個位放上，也沒有加水，吃完整餐飯，感覺真是蠢到爆，選了這間食店 ，一定不會再去幫襯。

#fridayla_mk⠀⠀⠀⠀⠀⠀⠀⠀🇯🇵北海豐盛丼🦐🐟🐚🔸🔸🔸🔸🔸🔸🔸🔸🔸🔸🔸🔸🔸🔸🔸🔸🇯🇵Premium Mixed Seafood Big Don🦐🐟🐚🔸🔸🔸🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀聞名已久既爆丼屋😍上禮拜放工過去，念住閒日應該無咩人😎⠀⠀⠀⠀⠀⠀⠀⠀點知未去到門口😫😫已經見到人山人海，真系超誇張😳😳 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀不過刺身真系超新鮮😱同埋個麵豉湯勁足料😍😍蘿蔔昆布蔥花肉碎，應有盡有🤣🤣完全感覺漫長既等待都系值得🤤🤤⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1️⃣北海豐盛丼💲198💭赤蝦好鮮甜，配合青芥末食好正🤤💭帶子入口即融，加埋三文魚子，絕配😝💭燒左口魚裙邊，剛好半生熟😳😳💭兩種口感夾埋，幾正😍💭海膽都好鮮甜😍，記得夾埋紫菜一齊食🤣 ⠀⠀⠀⠀⠀⠀⠀⠀🔘幾欣賞佢跟餐送兩包紫菜既做法🤣🔘包住壽司飯同刺身食，系另一種風味😳⠀⠀⠀⠀⠀⠀⠀⠀⠀⠀⠀⠀⠀◤ 爆丼屋 ◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺️∶旺角豉油街50號地下8號舖🍟Food：🔥🔥🔥🔥🔥🎆Mood：🔥🔥🔥💰痛快度：🔥🔥🔥🔥🤡趣味度：🔥🔥🔥🔹🔹

每次行過店都看到人山人海在店前排隊，一直想食但每次見到咁多人又去食其他嘢，今天終於約了好姊妹陪我一起來試食啦，平日的晚餐時間一樣多人，預左要等很久，取了籌號等了差不多半小時就可以安排入座了。在外面等的時候店員已經幫我地落定order, 所以一坐低唔洗五分鐘就有得食啦。我地每人叫左一個丼，我的「北海道盛丼」朋友叫的 「三色海膽盛丼」嘩，見到咁多材料已經好興奮，每樣刺身都好新鮮，好好味啊😋😋😋仲有一碗湯，不過唔記得左影已經飲完😆雖然價錢係要二百幾蚊一個，但D材料係物有所值的。

北海豐盛丼，爆盛慢燒牛肉丼和芝士魷魚餅成日。想食又見吾少人排隊當然吾想去啦，今日見人少少，等15分鐘有得入去，今次每人叫左一個飯加個小食，大。約$400……失望而回，寧願用$400補錢食放題。仲要食完勁口乾，3杯茶加半枝梳打，返到家樓下再買麥茶。刺身飯 好普通，份量係多，但刺身欠鮮甜，整個飯都幾咸。牛肉飯 叫左細，黎到和蛋混一起食味道係吾錯，但醬汁吾好味， 牛肉 味偏淡，一個飯一人份量剛好。芝士魷魚餅少芝士，凍既，冇咩魷魚味。

慕名而來.....店鋪位於花園餐廳附近，離遠都見到門口好多人等緊位！今日～12pm 到左拎籌，要等成20張枱！係chocolate 行左陣再番去，前後等左1.5hr叫左最受歡迎既 三色海膽丼 同 爆盛慢燒牛丼海膽鋪滿飯面，正中間有隻鵪𪂹旦，可以見到係有3款唔同既海膽最正係大條既加拿大馬糞海膽，用紫菜包住食，好味！其餘好細既韓國海膽個人覺得麻麻，無味另外北海道既海膽就有d唔新鮮，一patpat咁下面既飯好多，食唔晒d飯總結.....唔算好好食但唔錯～另一碗係燒牛肉，佢個汁好味，適合用黎配飯同點牛肉食。牛既份量好多！

來這裡做甚麼？好了，我承認自己有時也有打卡的衝動。芝士撻、過江龍拉麵自己也忍不住去試一次才心息。這裡的爆丼，在社交平台不斷地洗板下，也叫人有躍躍欲試的欲望。點這個三色海膽丼前做足功課，看了很多的留言和報道，好評和劣評參半，使我更想一採所以然。侍應端上飯時，三種顏色紋理層次各異的海膽賣相絕對吸引，不其然吞了一口口水。海膽味道正常，沒有致命的腥臭味，鮮度尚足，可以收貨。可惜份量沒有想像中的多，飯量個人認為偏少，可能是為了平衡飯和海膽的份量，所以一個人吃光整個飯也沒有很飽足的感覺，就當是滿足海膽愛好者就好了。而且很欣賞一點就是飯已混和了適量的醬油，有助提昇米飯和海膽的美味，然而中間那一抹如鵪鶉蛋份量的生蛋卻有徒添蛇足之感。總括而言，一試無妨。最好在人流不多的時間過來，用餐體驗會更好。

同朋友食生日飯，原本想book枱，但這呢間只限walk in，心諗反正剛好在旺角放工，準時閃人去到總會有位。去到嗰時大約6：45分，一睇門外已經有不少人拎飛等緊，好彩唔係等好耐就輪到我們入去。餐牌圖片十分吸引，碗碗都舖滿魚生/刺身，等到實物出場，圖片唔係只供參考，所以唔洗搵海關小食先上場，雞翼皮脆肉嫩，芝麻香口，新鮮熱辣。主食北海豐盛丼，2隻大大既赤蝦，旁邊被帆立貝、三文魚籽、海膽同左口魚圍住，舖在面上，果然好豐盛。三色海膽盛丼，鐘情海膽嘅人可以食得好滿足，朋友食到眉開眼笑。

第一次係open rice打食評因為我今次既經歷實在太唔愉快之前食過幾次lunch都ok咁今日打算再去食個lunch坐低左佢就俾個main menu我然後我問佢有冇lunch menu 然後個侍應聽完之後立即走開左 有冇都可以講聲姐😅然後我唔知發生咩事 再問過另一個侍應 然後佢拎俾我 再話烏冬 45號都冇 (簡單黎講即係稍為平少少既都冇 我唔信一大片魚生就有角切就冇😅） 都算啦 然後個侍應話嗌呢個menu比較耐(其實咪都係魚生飯🤷🏻‍♀️)要我地快啲落單 我睇都未睇😳同佢講睇睇先 佢又照企度唔肯走 咁就逼我好快咁落單 到最後送到份野食黎都唔係好耐。。Btw 食食下仲要食到塊唔知魚鱗定膠既野🤦🏻‍♀️其實間野打開門做生意 做到咁寒酸做乜 我寧願佢大大方方貼起門口話 從今起取消lunch menu 唔洗又有lunch menu又收埋唔俾人 menu上稍為平啲既又話冇 又唔係真係平 做生意做到咁真係好肉酸 以後都唔會再黎😡😡😡😡😡😡

呢間餐廳已經出晒名啦出名夠爆多材料, 出名刺身夠新鮮. 之前豬仔黎食排晒長龍, 但由於友人既關係, 排多次都無所謂啦豬仔今次係星期六既午市幫襯, 排隊人龍唔算長, 但都等左大約20 分鐘先有得食午市同晚市既食品大同小異, 只是份量相對細份左, 而價錢方面當然都有差異.豬仔叫左客燒牛肉丼, 牛肉不是全熟, 所以不會太難咬開, 而白色的汁漿, 可以增加肉的質感, 不會太干而刺身都相當新鮮三文魚厚切而有海膽的點綴, 糿對不口欺場, 豬仔大愛

我同朋友一直想試好耐，但之前見到好多人排隊都唔想排。咁啱有日同朋友行街見到唔多人就即刻去試。我地兩個人叫左四重火山盛丼、牛舌同魷魚筒兩個人share 。其實佢所謂嘅爆丼只不過係隻碗整細啲，將啲材料疊高甘，份量其實吾多，不過勝在的刺生夠新鮮，啲飯唔會太硬太乾身，但要成二百幾蚊就唔係好值，性價比唔高。牛舌同魷魚筒整得唔錯，牛喉岩岩好👍🏼但價錢偏貴，都係性價比唔高，係其他餐廳可以以較低價錢食同相同品質。不過整體來說係值得一試，但未必會翻食。

7點去到，等左約10分鐘，便可以入去食了，叫左兩個三文魚丼，三文魚好肥美， 呢個丼飯有吞拿魚的， 全部都很新鮮， 非常好味，附送的湯也不錯，食了約半小時，離開時外面更多人排隊了...

想試爆丼屋好耐，但一直都驚多人無去食。呢日收工約左人去旺角，見都係下午茶時段，估計人流唔多，所以即刻過黎試下。雖然我地成3點先到，但前面都有2-3台客等緊，睇黎爆丼熱潮都仲未過！係外面望入去，餐廳裝修行工業風，簡約非常，灰色水泥嘅牆身上有著用粉筆寫嘅聯絡電話。星期日無午市定食，睇返menu，一個餐嘅價錢都唔平，最少都超過一百蚊，不過見相好似好大碗，又爆晒d配料出黎，CP值應該好高。睇完後，我叫左個三文魚火山盛丼，友人叫左個燒鰻魚盛丼。個三文魚火山盛丼令我有少少失望，因為我見有火山兩個字，以為上台嘅時候會見到火，點知係無可能d魚生係紅色先叫火山丼掛而且個碗真係比想像中細好多，袖真！不過d魚生係新鮮，鮮甜嘅！不得不推介友人嘅燒鰻魚盛丼我平時好少係香港食鰻魚，因為驚鰻魚會有腥味，不過今次呢個丼嘅鰻魚真係好好味！無腥味，肉質彈牙仲好甜！送飯一流！再襯埋個流心蛋食，真係好幸福啊此外，我地仲叫左個熊本產和牛生熟燒，不過佢比我想像中生d，食落口唔夠滑，感覺一般。總括黎講價錢比較貴，唔會成日食。

之前見到facebook好多人劣評呢間店，見好壞參半，都係要自己試過先知。長期見到大排長龍，人大喇，排隊怕怕，咁岩有日經過見到無乜人，一於俾次機會你。嗌左個饅魚飯，哇，又真係幾足料，饅魚都算唔錯，有返d份量唔叫薄，呢個價錢就一定唔會係好好既燒饅魚，但都算唔錯喇，個汁而唔錯，收貨！