爆丼屋 (已搬遷) 新店位置

一路都想試下，今日去開旺角又唔係食飯時間唔駛等，見呢一排間野多左好評以為佢改善左，叫左個三色火炙魚生同三色海膽飯，點知海膽飯一黎就知中伏，7成海膽係黑同苦嘅，我見識少從來冇見過d咁黑嘅海膽，圖中係未落醬油之前已經係黑剩低3成葵廣$30個海膽手卷貨式，二百幾蚊食碗咁嘅野明搵笨另外個三種火炙魚生飯都係普通野，性價比極低，大家唔好中伏，本人覺得起碼6成香港有魚生食既地方會好食過佢，冇謂比錢之餘仲要搵命博

久仰爆丼屋大名，每次經過都有好多人排隊，前晚終於有機會同朋友一齊試一試。雖然係平日，但始終係晚飯時間，我地5人枱等左大半個鐘，所以建議4人或以上最好早啲排定隊。店內面積唔大，甚至可以話坐得有啲逼，加上限時90分鐘用餐，所以唔會係長留傾計既地方。我叫左火焰盛丼，份量好大，我身為男生食完都夠飽，同行女生有食淨，所以建議食量較小既顧客可以叫少個飯叫多個小食share，免得浪費食物。火焰盛丼有4種魚生：三文魚，左口魚裙邊，帶子，蟹柳，每款有3-4片，材料夠新鮮，加上火炙過，添上一層烤焦味，味道不錯。美中不足是飯不夠軟熟，有部份甚至硬成一舊舊，未知是否顧客太多應接不暇。PS.店員服務態度不錯

在朗豪坊血拼至营业结束，在旺角街头闲逛，晚上十一点能吃到如此新鲜的海鲜真的很幸福！三色海胆丼喜欢海胆的必点！铺满满的海胆简直完美！烤芝士年糕这个很好吃，热烘烘的年糕里夹着满满的芝士！oyixi

食咗爆丼屋咁耐原來仲未寫過佢哋食評,個個去親食呢間餐廳都一定會打卡,繼而再post相,然後就會有超級多留言同埋超級多個like，見佢反應咁熱烈，終於有一日同老公去旺角呢個鬧市食下呢個爆丼屋睇下係咪真係咁把炮先😝最鍾意食海膽嘅我,當然要食返個海膽丼啦，而老公就食咗一個雜錦刺身丼，講下我個海膽飯先，二百幾蚊一碗三色海膽飯，分別有韓國海膽，日本馬糞海膽，同埋加拿大海膽，日本海膽同埋加拿大海膽都唔錯，但係韓國海膽嘅味道苦苦澀澀，好似拖累左另外兩款好味嘅海膽咁，寧願唔要韓國海膽好過，本身以為咁洗碗海膽飯應該會唔夠食，點知原來食完係好飽，都幾溜下喎， 呢個海膽飯仲會跟一包四州紫菜，用紫菜GAP住海膽食，又係另一種風味！老公個刺身飯，隻牡丹蝦好鮮甜，蟹腳好甜，如果可以大隻啲就更好啦哈哈，仲有一大Pat蝦子，好鮮甜，我最鍾意食就係呢啲蟹子蝦子啦，蟹膏係我最鍾意食嘅嘢，老公最唔鍾意膽固醇，所以熱愛膽固醇嘅我就成Pat食晒，送飯一流，食完個口仲好大陣蟹膏嘅回甘，食完唔想食其他嘢落後,掩蓋着蟹膏嘅鮮甜😆😆😆總括而言，我哋會再嚟試下其他飯！

夜晚經親離遠都見到條人龍, 想食都唔會去排~ 今日難得同朋友黎食晏, 仲要係12點幾果隻, (奸笑)嘻嘻~ 唔使排, 所以話, 食好野真係要親早~蟹籽沙律蟹籽份量多到爆晒棚, 同出面個叮咁多既蟹籽真係冇得比~ 食落口, 好似食緊爆炸糖咁~ 如果沙律少返D, 個味道會更加好~燒牛肉丼: 牛肉有9大塊~ 大約七成熟到, 唔會燒到太鞋口.  底部有燒牛肉汁, 仲要有埋生旦黃, 呢2樣撈飯食冇得彈. 可惜多左個第三者-沙律醬. 若然可以將個醬分開上就好啦!整體感覺唔錯，唔多人既時候會再黎試其他

原本諗住去差唔多名的 當 X YA 食，剛剛經過呢間門口就諗住轉食間新野，同埋諗住價錢應該比較親民啲等咗都有一段時間先有位坐，再睇睇MENU嘩，價錢一啲都唔親民，仲要偏貴當晚叫左刺身蝦丼及帶子三文魚籽丼，賣相都幾吸引，仲有碗麵豉湯，品道出奇好味。整體刺身都算新鮮，但米飯好似唔係日本米。價錢唔太合理，同喺超市買再放喺飯上面無分別

每次經過都見倒門口人山人海，而且店內坐位不多，所以無嘗試去等位。趁住今晚時間比較夜，沒有人排隊即刻有位，終於可以試倒呢間爆丼屋我地5個人分別點左5個丼同2個小食，小食就唔評價，都係普通野，丼先係今晚主角每個丼都非常足料，雖然價錢唔平，但性價比非常高，而且用料新鮮，個人比較喜歡鰻魚，厚身而且少骨比較失色係牛肉丼，牛肉無乜牛味，勝在份料多，疊到上山頂。總括而言，呢個價錢食呢個品質係抵既，間中想豪食一餐半餐既話係一個唔錯既選擇

旺角新開無幾耐時間的爆丼屋，每次經過都人滿為患，每每激起我的味蕾！但裡面外面的隊伍讓我卻步，等等等⋯⋯門外的照片好惹人注目，過來旺角見完客經過，又激起我的心情確定一試叫了個赤蝦海鮮盛丼，拍照效果幾好但實物卻平淡，碗細細一份，有配搭海草！明眼見到赤蝦帶子三文魚蟹棒加少許魚子外加個玉子招牌印！刺身新鮮度一般，赤蝦甜味唔明顯，帶子好薄，蟹柳兩小條普通，魚子都還OK整個丼無驚喜，唔出眾！碗面三兩加大大份白飯🤧🤧飯就好給足，足到怕

最近掛起一陣丼熱爆風潮！每次經過旺角爆丼屋見到裡面的人頭擁擠都好想一試是否真的咁吸引，門外的menu 照片丼份量大爆到驚人，每次都被店裡的人頭嚇到止步！一個人過來旺角朗豪坊買面膜，特意過去爆丼吃晚飯，去到仲係如此多人，排隊唔緊要，但服務員態度真的有待改善！有空檯見到咁多人排隊唔抓緊時間收檯反爾慢慢。裡面檯距離好窄正因為檯密窄體落去就會裡面好熱鬧人擠人，上菜時間又耐等了整整10多分鐘點了個三文魚火焰盛丼，整個丼跟圖片相差甚遠，我所心裡所想的是飽滿的堆的！但實物是踏扁的不求有8成像但也要5成好嗎😭整個丼有三文魚皇帝蟹柳左口魚裙邊帆立貝，三文魚唔係太新鮮軟瀨瀨，帆立貝好腥！因為火焰名以火炙過蟹柳就OK左口魚裙邊有生雞蛋加埋覺得吃到好唔慣⋯⋯覺得好失望

晚上９時多在旺角覓食因剛剛忍不住口去食了肥姐墨魚，想食light一點的～～突然想起上次經過但太多人等的Big Bang Dong今天一來，只有約三組人在等候，於是決定一試！男朋友點了三色海膽盛丼，我也嘗了幾口，很一般沒有驚喜，而且飯的份量也太多了火焰盛丼-薄薄幾面的食材完全帶不出Big Bang Dong的名字飯的份量是刺身的五六倍吧埋單加一HK$421是食白飯飽的，忍不住過去對面食llaollao的yogurt滿足一下失落的心。。

There was big noise about their don restaurant in mk, and we went for a try one. Friday night! We had waited for 1.5 hour no kidding and so we went to have a bit snack before returning to the restaurant! After a long long wait, the food is a bit disappointment to be honest .... we wana order the uni don originally but while glancing the food of the neighbouring tables.... the colour and texture of the uni is not attractive at all (quite watery and it's brownish yellow/orange)... therefore we jus

Such a long line, the host wasn't the most friendly person. There were alot of tourist however the host only call the waiting number in Cantonese. However food was great! Not cheap tho

見Facebook 同雜誌介紹左咁耐，一直咁多人排，都冇打算黎食。直到朋友主動要求想試，就同佢黎左。知道要排，早少少到左拎定飛就去附近行下街，買陣野再番黎. 頭尾等左個半鐘左右啦，星期五晚上黎講我地都算唔叫耐了，大概7:30就入得去食。叫左3樣野，蟹子沙律，帶子.三文魚子丼，同埋火焰盛丼。蟹子沙律好快就到，大大盤，比餐牌既相想像中既大，沙律醬係預先溝好，略嫌沙律醬多左少少，但蟹子十足，味道都算可以。兩碗飯隨黎上到，三文魚子係滿到出碟到架，帶子都叫新鮮，朋友話火焰丼味道都唔差，可能太肚餓，我地話咁快影完相係咁食，女仔黎講都好大碗下。總結黎講試一次就夠，唔駛排既話都會食得過，要排既就唔再考慮了。

平時行過都見門口有勁多人排隊，想食都唔想等。難得今日同姊妹跑完步，行過見到唔使等位，就即刻入去食。三文魚及三文魚腩刺身三文魚刺身質素唔錯，新鮮。不過三文魚腩賣相就差少少不過入口即溶都算好食。如果兩者揀其中一款我都會揀三文魚腩我哋三個女仔總共叫咗兩款爆丼飯，第一款全部都係刺身入邊有海膽，左口魚，帶子同蝦，本身對呢款有比較大期望，因為入面有我最鍾意嘅海膽。不過黎到之後覺得有少少失望因為海膽冇想像中咁好食，而且只得一嚿，所以又係友情的考驗，得一個人食到。反而左口魚有驚喜，本身未食過左口魚嘅我一試便愛上。整體嚟講都算唔錯刺身都算新鮮。相反本身對第二款爆丼冇咁大期望點知有驚喜！因為我哋三個女仔食，而呢一款各樣刺身都有3份，所以份量都算多。而且中間有隻蛋黃，督穿左之後流入飯入邊，所以連埋火炙三文魚食落口，成個口感好Lim，好好食。小食方面叫咗一份牛舌一份玉子。下面就想推介玉子，雖然嚟到一份得兩串玉子，但其實入邊有四嚿，每一夠上面都有蟹子醬，所以入口有少少卜卜聲。個醬都做得唔錯，不過如果鍾意食蛋味嘅朋友，可能會覺得蛋味唔夠濃。不過連埋蟹子一齊入口感覺又唔差嘅，但未唔會搶咗蟹子味。每個爆丼飯都會送一個

周未假期約了朋友吃飯，他想吃日本菜，而我一直很想試旺角這間<爆丼屋>，因為很多朋友話不妨一試不過要取票等枱，所以我們專登吃夜些希望唔哂等太耐，幸好我們等了十五分鐘後終於有枱。我們沒有叫「三色海膽盛丼」因為朋友話一般，所以我們反而吃了這個「一番海老蟹盛丼」，非常鮮甜好味，真的推介！飯面佈滿兩隻牡丹蝦、八隻松葉蟹腳、還有香濃的蟹膏及蟹籽冇得輸另外再吃了赤貝及帶子壽司還有左口魚裙邊沙律，全都非常鮮甜好味反之兩款海膽手卷味道都很一般，不值一試！最後結帳$600, 其實唔算便宜，比我想像中貴，但食物質素也可接受😋