爆丼屋 (已搬遷) 新店位置

其實食物就只屬普通，我明白客人多，我都排左好耐隊，食完之後只係想飲埋杯熱茶先走  ，個侍應 勁大聲 'O接'左我一聲，嘩個下勁無奈，我食左左前後半個鐘都無，洗唔洗咁呀？可一不可再🙅🏻‍♂️

記得呢度一開業既時候經常大排長龍，估唔到隔左咁耐，我平日下午3點到都滿座，等左20分鐘先有位。可見絕對唔係一時既人氣，而絕對有實力。今次都係叫左我最愛既火焰盛丼，飯睇落好細碗，但其實真係好足料，8成滿既飯上面鋪滿厚切既魚生，每碗飯仲附送一碗面豉湯，男仔食都夠咖!一個碗飯有齊三文魚、松葉蟹棒、左口魚裙邊同帆立貝。每樣材料都好新鮮，魚生用火槍輕輕燒過，有陣陣焦香味。每碗仲附帶2包紫菜同有一個好濃蛋味既蛋黃，撈堆一齊食好滿足呀!

前一段時間,成日見朋友FACEBOOK都POST呢間舖的相片,好吸引,終於,可以早收工去試下,我們一行3人,晚上6點半已到,都等左15分才能入去坐底,店外侍應已經好醒目,先叫我們落定單先,睇真下餐牌,原來餐廳都只得幾款主打.一坐下等了5分鐘食物已到了,點了幔魚飯,帆立貝魚子飯,海膽手卷.幔魚飯有約10塊,比一般的厚,感覺肥美多汁,帆立貝是薄切成10多塊,不夠足料魚子是細粒版,跟圖的比例細少少(其實心裡是想食大大粒的魚子).但食落少少咸味,無怪味.海膽手卷,都有8塊海膽在飯頂,食落幾香,幾甜.食一碗可能太膩.拍照出來的相片比較大碗,但實際無特別加大材料.由於太多人,空間好窄,我算是瘦削身型,但手都不慎碰到隔離位大隻男.坐位迫及整體環境焗促,快快食完,就不想留底.個人意見,唔洗專登去食.偶然經過無咩人可以一試。侍應招待都十分親切友善.

一輪冇黎過一向人山人海既爆丼屋 今日lunch去到居然完全冇人排隊!! 原來佢地冇再做lunch menu 只有一個全日menu 所以lunch最低消費都$128加一 難怪少左咁多人🤔 味道同份量同之前都差唔多 但價錢貴左至少3成 lunch黎講都幾大消費 抵唔抵就自己判斷喇😟三文魚火山盛丼($128) （後）火焰魚生飯($145)Taste: 👅👅👅Value for Money: 💰💰(on a scale of 0-5 emojis)

每次經過旺角爆丼屋，都一定見到人山人海，滿滿一碗魚生飯，我同自己講，要獎勵自己既時候就黎試一次返工連踩三日之後，終於整好晒d野可以休息下，一於去食最鐘意既海膽!門口依舊好多人排隊，我已經預左時間，捻住有排企，點知拎飛仔果時，佢地話一個人既話即刻有位! Suprise!原來佢入面有一排單人位，可以唔使搭檯自閉食，岩晒我～～～～捻都唔使捻，即刻落單，無幾耐個飯就黎到la睇下佢d海膽堆到幾高仲有我第二至愛既蛋黃係面添!好明顯睇到有三種唔同既海膽，產地都唔同，除左分量夠多之外，用既材料都好精緻，為左令味道同口感有d變化，部分海膽仲有微微燒過，一黎到已經聞到好香!二話不說調好醬油，盛一口香綿白米飯，夾兩片海膽，點少少芥末，一啖放入口～～～只可以講，海膽同白飯真係永恆不敗既絕配，充滿海水味道的海膽鮮味十足，飯粒飽滿煙韌，一溫一文，各種香氣在嘴裡綻放，食過海膽，又鐘意食海膽既大家一定明我呢種感覺個人最鐘意表面烤過既果款，因為半熟既海膽又有另一種香味，更加濃，質感亦更加綿滑creamy，配飯同吃，又昇華到另一個境界最後我竟然食得晒成碗飯! 完全無捻過🙈 雖然特登空定肚過黎食，不過畢竟佢個飯非常有分量，

來到香港參加婚禮晚間有人逛著逛著突然尖叫Big Bang Don 爆丼屋沒有排隊？？？？我傻眼就被帶進場絲毫沒時間考慮。不過裡頭依舊滿滿都是人菜單來囉巨型火山魚生丼飯來了！！！！大名鼎鼎的巨型火山海膽飯來了！！！！好吃。都好吃。Big Bang Don 爆丼屋香港旺角豉油街50號Shop 8, G/F, 50 Soy Street, Mong Kok港鐵旺角站 E2 出口, 步行約5分鐘電話： +852 2332 2918營業時間：12:00–02:00檢視較大的地圖 創作者介紹 陳皮 陳皮的美食手札

四色海膽飯（HKD238？）跟飯有麵豉湯海膽多到滿瀉🤤海膽好鮮甜 份量一點都唔吝惜無咩點食海膽嘅我只係食得出其中兩種有一種係特別腥嘅🤔三文魚火山海鮮丼（HKD138）又係幸福滿瀉嘅一碗海鮮丼🤤中間係吞拿魚碎 仲有三文魚籽執邊三文魚腩多到滿瀉食落去啖啖都係香香嘅魚油😩三文魚中間仲有d章魚碎 食落好有層次感🤤感覺真係抵食過出面好多日本餐廳ps.到最後會越食越膩黎到最後緊係食唔曬嘅燒八爪魚🤦🏻‍♀️🤦🏻‍♂️鮮甜就唔夠膽講不過起碼味道都夠嘅🤔唔會太鹹太淡不過不失仲有就係其實唔知比沙律醬我做咩😅其實比青檸唔係仲好咩😵個碗望落好細 一開始以為兩份兩個人會食唔曬點知飽到食唔落🤢見到隔離檯兩個女仔食曬d海鮮d飯完全無掂過咁濟😂👍🏻一定會再翻黎食🤤

間野宵夜時段都仲好多人幫襯，等位等o左好耐，仲要佢外面有個大mon 不斷輪流show 住各種食物出o黎，搞到人好肚餓ga...試o左三文魚火山盛丼，menu 見d 餸就lum 到成座火山高，實際上…都真係有咁高！舊玉子烘o左烘店舖logo，本身甜甜的。主角三文魚碎同平時食開o既味道差唔多啦，無話好特別， d 拖羅有少少腥但我接受到的，證明好新鮮。overall 呢度d 飯都好大碗，我男仔就o岩o岩好o既，但女仔朋友叫o左三色海膽盛丼，又係成個碗鋪滿晒海膽，佢食晒d 海膽已經夠晒飽，放棄o左d 飯…價錢o黎講，我o個個$128 我覺得都接受到，但佢o個個$238 就好似貴o左少少。

成日見到大排長龍，今日終於同爸爸去試，但係覺得好失望。佢先係種類唔算多， 小食只係得幾款，連飲品都冇得order!而且座位坐得超級唔舒服，想傾吓計都唔得，奉勸大家，如果想坐得舒服，呢度絕對唔係你嘅首選。講返味道，其實個刺身飯真係好一般，三文魚都算新鮮不過味道唔算特別出眾，最可取嘅地方就係個份量，影相呃like完全冇問題。跟隨個飯會送一碗麵鼓湯，但係越飲越口渴。可能係地點嘅關係，一直都大排長龍。但係如果你真係想食一會高質素嘅刺身飯，呢度令你失望。

想試呢間好耐啦飯好似好大碗 次次經過都好多人排隊所以冇食到 今晚少人終於有機會喇 等左15分鐘 行陣街返嚟啱啱好.叫左火焰盛丼 $145 連湯 雖然實物比想像中細碗 但係真係好好味好滿足.火焰顧名思義係輕輕燒過嘅 介乎熟同唔熟中間 唔鍾意刺身嘅人應該都接受到 唔會腥又有鮮味 仲有焦焦地嘅香味 好吸引.三文魚同左口魚裙邊 油香四溢 帆立貝軟熟鮮甜 唯松葉蟹棒有啲失望因為似普通蟹柳.壽司飯撈左蛋汁同埋紫菜唔會寡 我平時唔食好多野都食曬成碗

嚟食過幾次， 次次都係單拖， 因為快有位唔洗等之前食過海瞻丼， 真係回味到不得了， 跟著就想食鰻魚丼， 嚟過兩次都賣晒， 今次係等開門， 唔會無掛。。。一坐底二話不說， 鰻魚丼唔該先嚟一杯暖茶， 冷盤小吃同面豉湯個湯比出面一般用粉開既唔同， 材料亦較多， 飲落去夠味真材實料重點嚟喇， 不得了， 爆滿既鰻魚， 熱辣辣又香又厚又juicy, 真係好好味。。。即叫即燒其實好想帶屋企人嚟試， 但鋪頭長期要等位， 唔知會唔會開分店分散一下人流呢

今天老公陪我去醫院覆診後，剛巧未到午餐高鋒期，平時12:30放午餐時係門口有一條人龍，所以我們12:00就入到去食丼飯了，我仲有機會食到每天限量供應的原隻龍蝦盛丼（店長話平時午餐及晚餐各有三份，賣完就無），老公就食蒲燒鰻魚盛丼。先黎2個跟餐的中華沙津及2客面豉湯，面豉湯有紅蘿蔔、白蘿蔔、芋頭片及肉碎，好好味!冇幾耐，蒲燒鰻魚飯先上枱，份量不少，鰻魚燒到脆香，中間有隻半熟蛋添。之後我的原隻龍蝦飯上枱了，有越南青花龍蝦、生山葵芥辣漬、角切刺身帆立貝、角切刺身三文魚及鹿兒島拖羅蓉，芥蘭漬酸甜不辣但有芥辣香味、刺身新鮮及拖羅蓉好多好滑，整碗丼飯配芥末豉油一齊食，味道不錯😘😘!我們又叫埋名古屋芝麻雞翼，好像kfc味道，好脆又香，不點檸汁都好好味~😄😄😍😄

日式魚生丼飯的食店琳琅滿目差點成為香港人的新景點!這天下班運動後 朋友R提議到爆丼屋吃晚飯「不是很多人排隊嗎?」我說 「我已經叫我男友先去拿號了」O K A Y ~YOU WIN*前前後後差不多等了45分鍾終於可以坐進去了!*店員問兩人桌坐三人可不可以等了那麼久我們也累了那就好吧*店內的牆很像一塊黑板店員可以依照當天的推介寫上去*它們家的LOGO很簡約*三文魚火山盛丼 $128我點了這個三文魚火山盛丼好像是最便宜的一個丼飯它的碗矮矮的但也蠻深 飯量比想像中的多*三文魚切成大顆的粒狀 一口一粒很方便但用上三文魚腩真的太油腻了吃一半還好 繼續吃真的腻到不想再吃香葱吞拿魚的份量很多 差不多有一小拳頭的量但質量很一般 都是靠份量來取勝吧*火焰盛丼 $145朋友R不喜歡冰的魚生 點了火焰盛丼火灸後的魚生令整個丼飯多了一份油香*火焰盛丼的魚生款式比較多元化*每一面看都是堆得滿滿的*火灸的程度恰到好處飄出陣陣的香氣 很下飯*北海道盛丼 $198這是男友H點的北海道盛丼魚生飯的顏色十分奪目 很適合拍照一看就知道材料比較好 不過價錢也比較貴新鮮的程度尚可 但說不上非常鮮美*海膽的份量有一大片很厚身而且肥

本人星期日去食爆丼屋,都知要排隊啦,排20分鐘安排入去,個待應俾張2人枱但我3個人囉座到我又熱又窄,地方正一垃圾!叫咗魚生飯,鰻魚飯,牛肉飯全部放滿餸係上面係幾澎湃,但係有好多飯係下面撑住的,仲有最嚴重係魚生飯D魚係熱嘅,上到枱暖魚生飯好難食,食唔落,嘔吐物咁~但熟食Ok,魚生勿吃

完全不知所謂 都唔明點解咁多人去排隊食先唔講賣相 我比2百幾一個飯 間野比左堆垃圾我食 海膽又腥又臭 中意食海膽既人都知道 一唔新鮮就會有陣屎味 佢就正正係依隻好彩唔係叫三色海膽飯 如果唔係咪成堆屎係我碗飯上面再講蟹 冇清甜味 好重雪藏味講堆吞拿 都係腥其實魚生飯 冇咩烹飪技巧可言 用料靚 就會好食連咁簡單既菜式都整到咁差 真係唔咁想像其他會點其實得個湯叫ok 但我諗你唔會比二百幾入去飲個湯最後講賣相 連呃like既價值都冇完全唔明點解咁多人排隊真係企硬 食親衰硬