爆丼屋 (已搬遷) 新店位置

次次行過呢間店都爆晒，今日早收工就早啲過黎，果然唔洗排隊😎點左三色海膽飯同三文魚飯。三文飯飯先上，嘩～好多刺身，而且非常新鮮，款式又多喎 。之後再黎埋三色海膽飯… 呢行先係驚喜，因為真係爆多海膽，同埋超新鮮，不過我自己就剩係食得出两款海膽，一款又火炙一款就無，個人偏愛火炙果款，不過生既都好好食，鮮味更重，鐘意海膽既朋友必食!另外都送左個麵豉湯，個湯都好有驚喜，因為入面竟然有三文魚，果然用料十足😄 不過環境一般般，有啲迫，而且十分十分熱

晚上八点多需要拿号 但五分钟不到就入座了..位置跟着导航走就能找到～环境不是要大 有点拥挤 我们三个人坐了两个人的位置【牛肉饭】店的招牌 有两个size 选择了big size 一开始觉得很生 但吃起来一点都不腥 很好接受中间有夹芥末 沙律酱 底下是米饭！肉真的蛮多的 两个人刚好 还有一个蛋黄 措破搅拌吃很棒～一下子就吃完啦 满足 服务态度就一般般了 总是把隔壁桌的菜送错给我们......有限制人均消费 我们三个人 有个朋友不吃生...一过来就语气不太好 用普通话跟我们说...我们讲白话的好吗之后也不主动给我们加水

店面不大，都是拼桌坐的，因為想嘗試更多美食，所以沒有點太多，點了一份限量的龍蝦飯和一份烤牛舌，牛舌是厚切的，一口下去很爽，龍蝦肉q彈，生魚片新鮮，一口伴著飯下去滿足！

見呢間餐廳熱門咗咁耐都仲咁多人嚟食，就襯人少少的平日lunch time同同事嚟試試Lunch time都人山人海三文魚火山盛丼@唔怪得叫爆丼屋材料滿到瀉，誇張到極視覺效果相當驚人三文魚好肥美😍😍份量特多的厚切三文魚粒鮮甜入味同芥辣章魚粒都好好送飯拖羅蓉雖入口即溶，可惜味道偏淡燒鰻魚盛丼@丼鋪上10塊鰻魚，每件都厚身而且少骨，很有份量。下面的白飯配少許鰻魚汁同紫菜就已經食到好滿足！雖然隻碗細細，但D飯一D都唔少！不過Lunch黎講都幾大消費食唔食得過就自己判斷喇

陪國內親戚血拼到下午四時，一粒米都無落過肚，餓死寶寶喇⋯佢地話想試下日式魚生飯，又禁岩係朗豪坊附近，又禁身邊的朋友對里間的反應都好兩極，所以帶埋親戚去做白老鼠🐁其中有個男性親戚唔食生肉，所以叫左里個燒牛肉飯🐮（不過香港人🇭🇰口味，啲肉係7️⃣成熟的）醬汁就係一般人喜歡的千島醬因為係男仔，所以叫左mega size。即係幾多❓睇下里部iPhone 6，自己諗諗啦味道方面，我只能說不過不失，醬汁多左少少。里個飯貴的地方，我諗應該係將啲肉一塊塊串起，再方返上個飯到（所以啲肉係唔熱的）一場黎到，試下個基本版吧⋯⋯魚生算新鮮的，驚喜❓sorry係無的基本的火炙版里個味道好少少，因為左口魚背燒過之後，啲油香會出晒黎，所以令到成個飯的味道都升左lev。其他他個啲松葉蟹棒，三文魚🍣，一般貨色*老實說，埋單差唔多二百蚊一個飯，我就夠得唔值喇。最主要原因係里個飯只能說ok,未有令我驚喜的感覺。好彩平日無人等位。試過就算喇，無下次*

第一：唔算特別好食，款好少，唔大碗第二：逼到死下死下咁，係人貼人個種逼樓面態度好差（同佢講聲唔該順便加水，佢幫隔離加緊,，無應到我，我以為佢無聽到，同佢講多次「唔該順便加一加水」，佢眼尾都無望過我講左句：「加緊啦,等陣啦！！」）安排入座極度混亂（門口有部按排隊的票，前面的人都無按票，樓面一出黎淨係叫人睇睇ＭＥＮＵ落單，邊個落得就可以入去食，然後我話落得單，後來有個客人問洗唔洗按票，其中一個樓面話要，咁到底以按票的為準還是落得單的為準？？）未完，咁樣都仲要加收服務費１０％當然啦，唔排除有部份樓面態度係好Ｄ，但淨係逼到人貼人同安排混亂呢兩點，都唔值加收一第三：上面講左款式好少啦，仲要唯一一個雜錦款的刺身飯都無埋，個侍應見狀推介我地叫個刺身拼盤，但睇番張單呢同單點係一樣價，咁其實唔洗叫拼盤，淨點自己想食的刺身就得，外加叫多左份三文魚仲落少左咁樣的質素盛惠５ＸＸ＋１（近６００），自己諗值唔值啦

前排身邊啲朋友經常提起爆丼屋，口碑唔錯，心血來潮同屋企人試試，等左十五分鐘有位，比想像中快。最後點左人氣三色海膽盛丼、一番海老盛丼等等。兩碟份量都夠大，對於海膽痴嘅我真係食個番尋味，頂足口癮。海膽算新鮮，但價錢貴左少少。

平時經過爆丼屋都勁多人排隊等！好彩依日唔使等咁耐，好快就可以入去！點左 北海道豐盛丼，有海膽、左口魚裙邊、赤海蝦、三文魚子同帆立貝！全部都好鮮甜！同埋爆盛慢燒牛肉丼 份量不少 慢燒牛肉加埋生蛋黃一齊食 好正！

每次經過都好多人，要等好耐，一直都無試過。今次經過人不多，等了十分鐘就入到去。入到去，座位感覺有點迫，唔緊要抱著期待既心情等食物送過來哇我們叫了魚生飯和海膽飯，碗碗份量十足，絕無欺場。三文魚和海膽超生鮮勁好味值得再來

爆丼屋熱潮好似終於減淡，所以只係等左一陣就入得店裡細細的肥小小都撞到人好多款北海道魚生飯，睇到花多眼亂男友話一個飯會太飽，所以我地叫咗個雜錦丼加啲小食呢個係北海豐盛丼，有兩隻赤蝦、三文魚子、帆立貝、海膽同左口魚裙邊全部都好鮮味，係男友覺得隻海膽有少少苦，我就接受到；小食就比較遜色，煙燻華味鳥伴牛油果淡咗啲無咩味；串燒物係豚肉，都係無味，最後芝麻雞翼係因為未夠最低消費叫既，還可以啦，起碼無炸到乾爭爭所以大家都係叫返兩個飯算啦

成日見門口好多人排隊，今日終於去左試食。我叫左一個火焰盛丼，三文魚唔夠肥美，飯太散 咬落冇口感，認真麻麻。另外我朋友就叫一個北海道爆丼，一樣飯太散而且醬汁太多成個飯係勁濕同咸，最大問題係隻蝦竟然冇挑腸🤮我朋友話食到成口X，冇下次。。。。。。。。。。。。。。。。。。。。。。。。。。。。。。

爆丼屋！爆丼屋！爆丼屋！成日聽人講爆丼屋好正！仲要排隊排到傻！搞到我真係好想試下！但係我又真係好唔中意排大隊，所以最後我決定早啲去，我6點前就去到啦，真係唔使排隊呀！好開心呀！其實都唔使睇menu, 因為我一心就要食海膽丼！😁😁另外朋友就點了個火焰盛丼！上丼既時候附送一包四洲紫菜！見到個丼第一個反應係「嘩，好正呀」望落去個size唔算好大，但真係放滿了整個碗，以為好細碗，但最後係食唔曬啲飯架！哈哈！介紹下我呢個三色海膽飯：邊三色？其實我係唔識架！哈！反正好味就得啦！不過三種海膽都有唔同既質感，甜度，冇怪味係重點！完全冇怪味！係好值得食既一個丼！至於個火焰盛丼就有三文魚、松葉蟹柳、帆立貝、左口魚裙邊！好好味呀！三文魚超肥美！本人極好帆立貝！生熟都好中意！大大粒！係個左口魚裙邊肥左小小！所以冇食晒！重點！重點！重點！就係個隻生蛋！撈飯！撈飯！撈飯！重要既野要講三次！真係令成個丼生色不少！😍😍😍

Hit左咁耐既爆丼屋終於有機會試啦！因為平時都要大排長龍，今日六點幾經過，見餐廳只有七成滿座，於是就入去試下。因為餐廳比較細，枱與枱之間既距離好近，一定聽到隔離枱講野，所以我同男友就揀左對住壽司吧既高枱坐，感覺無咁逼食物方面，我就點左極上拖羅盛丼，價錢$238，唔好睇佢細細碗，其實份量十分足料！我最後食唔哂d壽司飯，建議女孩子們可以叫少飯；而魚生方面，大大塊又切得厚！而且拖羅夠肥美，食落無咩根，入口即溶咁既價錢，有咁既質素，性價比高下次會再幫襯！

每次經過都好多人排，但網上食評好多都一般，因為個海膽飯就去一次。三色海膽-幾鮮味喎，下次去都會再食，海膽份量足夠送果碗飯，不過我估佢係一早做好，你叫就用火槍係面燒一燒解凍，因為佢放薑個位，d海膽完全比薑味覆蓋，最唔滿意係這點。牛肉飯（忘記名）-見隔離食，5成熟既牛好似好吸引，份量又多，一食就好失望。好‘銀’。和牛沙律-個牛好食，沙律基本野，菜都新鮮，個汁正常，不過我覺得個牛點wasabi豉油仲好食。

旺角買完野去搵食，路過門口見到張爆丼相片，被吸引入咗門口，一坐底個位極窄同迫，張枱細到無朋友，望下個餐牌相片好爆，d刺身一碗都係，再望望個價錢就有啲標冷汗😁，不過入到坐低唯有硬着頭皮試吓佢個三色海膽飯及火焰盛丼。海膽份量都算合理、三色海膽意思有三種唔同國家入口海膽，喂我食唔出有咩分別，都係海膽味囉，夠新鮮，牆身鬼咁大隻字寫住他們只用日本蛋，海膽加蛋撈埋飯食，正，我全程乜都冇落。火焰盛丼，有帶子、三文魚、蟹柳、左口魚、全部都用火燒過表面，所以刺身入口即溶，都ok。我就覺得好味，但埋單嗰位就非常不同意，因為座位舒適度、服務、都好有迫大飯堂感覺，而且食完你一定冇興趣再繼續坐，因為實在太迫，佢話四百幾蚊買盤刺身返去慢慢嘆好過。