爆丼屋 (已搬遷) 新店位置

由新開張到今時今日都有留意餐廳。但始終每次經過都好多人係門口等位7點都未到已經開始要攞飛。鋪位唔大，枱與枱之間緊貼著，入座都麻煩小小為左食都照排！每日限定: 原隻龍蝦盛丼好壯觀，真係原隻龍蝦上上面有吞拿魚溶，三文魚刺身。起筷喇，要搬起哂d餸先食到d飯，夾起個龍蝦，原來係個裝飾來架，d肉已拆出來方便食。炙燒龍蝦肉上面再加左d芝工再一啖飯一啖魚生食下食下就見底喇。若果可以多小小刺身，少d吞拿魚溶會好d每個飯都配有味噌湯架，唔怕食到口乾乾

成日行過旺角都見丁依間野出面大排長龍，都好想親自試下究竟係咩貨色。今日行過時間仲早，見佢未大排長龍就走去試下喇。我其實唔係特別鍾意食刺身，因為怕腥，所以我揀咗火焰盛丼，朋友鐘意食海膽，叫咗兩款海膽試下，一款係北海道海膽，一款係加拿大海膽。我覺得啲魚生刺身都ok既，當然唔係超級新鮮啦，份量都算足夠，尤其係啲飯，可能會食唔哂。仲有海膽，黃色既係日本北海道海膽，大啲橙色既係加拿大海膽，我本身係唔鍾意食海膽既，因為食親既海膽都係一大陣腥味，不過今次我都有試丁少少，北海道海膽同平時食丁既差唔多，都ok既，加拿大海膽就第一次食，反而無咁腥，但就會無咁濃味，要睇個人口味既。總括係依個價錢，食到ok既貨色，都合理既。

前兩日同朋友食飯，朋友book左呢間試下，入去睇餐牌都覺得好好食，兩個人叫左兩個餐，第一個系爆盛慢燒牛肉丼是此店的招牌飯，首先是滿滿的鮮嫩牛肉，牛肉的量多到驚人，吃的時候還要小心D將牛肉分開兩份先得，否則隨時可能令牛肉滑出碗。當然啦，量永遠唔夠質吸引人，牛肉D熟嫩度恰到好處，你可以好明顯見到牛肉唔系燒得太熟，入口感覺好爽口。加上店內的獨特醬汁，唔會比口感過膩。如此分量足夠的牛肉飯，食客們簡直是欲罷不能。另一份系原隻龍蝦盛丼。如圖所見，真系成隻龍蝦擺響上面！單單是視覺上的衝擊感就已經好震撼啦！而且店家仲好細心，將龍蝦肉都剔除出來，方便食客。配合龍蝦肉送飯，簡直系尚級享受。蝦肉的鮮美度都好正，Q彈爽滑，好有嚼勁。其次可以根據個人口感，試下芥辣，都系唔錯的選擇。

睇好過食。叫咗個3色海膽飯。到個一刻好開心。最初都不錯，但食食下就有D怪。海膽好似臭咗。但因為吾平，所以到強迫自己食完佢。。分量又有D細。一個男人肚餓就不要嚟里到食。。食放題好過呢。

熱潮過後來一試, 6點幾都有小人龍, 但10分鐘就有位~三文魚丼。三文魚粒都幾大粒, 都新鮮。牛肉丼(細), 飯份量幾多(吃唔曬),牛肉都軟熟, 都不錯。 整體不過不失, 無咩特別大感覺。

久仰大名，放假終於有機會黎試下😋黎到先發現不概為爆丼屋，連門口都比食客迫爆！我地兩點黎到都要等半個幾鐘先有位，後來發現係因為佢上菜速度太慢。整體而言係名過其實，食材質素與價錢不相符，只有一兩款丼值得嚐嚐🤷🏻‍♀️✅ 燒鰻魚盛丼 Grilled eel big don $145 : 足足八塊大鰻😍正過八舊腹肌🤤 鰻魚燒汁香氣四溢，交雜著一絲炭香味，索一索唔再囉嗦，專心大口吃。上面顆溫泉蛋仲呈現波浪型態 🌊超誘人🐣只可惜鰻魚肉多細骨，略為失色。飯質則較實，汁都唔夠，求盡善！👌🏻 火焰盛丼 Seared mixed seafood big don $145 : 海鮮厚度比想像中薄，口感唔夠滿足🤔 👌🏻 三文魚火山丼 Salmon & mixed seafood big don $128 : 有點失望，其實唔止有三文魚，係好多種刺身的頭頭尾尾大雜燴。當中夾雜一絲腥味🤢

之前已經想試好內 但因為太多人去食 要等好內位 所以一直無試過 前幾日經過旺角 見到門口得幾個人等位 就即刻去試下 我同3個朋友一齊去食 係門口伶左菲 會叫左你睇左想食咩先 帶位同事會mark底你地既order 入去就坐底就ok 我地係門口等左10分中左右就入得去 我地被安排坐係長枱較出位置 d位都幾逼 如果坐入面既人要行出泥 我地要起身比佢地出 仲有無位放袋 成程要伶住 坐底等左一陣就有得食 我食個個係海膽飯 味道真係好好食 完全吾腥 個碗好細 但食落真係好飽 朋友叫左吞拿魚丼同灸燒丼 佢地都話不錯 總括泥講 食物好好 但座位太逼了

晚上約了朋友食飯，為方便大家，於旺角這中央地找食，朋友想食日本菜，但又對放提沒興趣。想想，好像之前聽說有間魚生飯勁爆的日本料理，便上OpenRice 找找看，發現沒有網上訂位，便打電話去問問，接線生禮貌地回應：「不設訂位，請前來取位」，結果等了45分鐘，終於有枱。餐廳空間不大，枱也是佈滿整個空間，走路的空間也不多。走進去，見每枱佈滿大大碗的壽司飯，食慾大增沒有傳說中的北海道盛滿魚子飯，只好叫帶子魚子飯。入座後等了5分鐘，終於來了帶子魚子飯，帶子厚實鮮甜，魚子真的是滿到溢出。實在等得太久，太餓了，不用10分鐘已消滅了整碗魚生飯，十分滿足。雖然等了許久，但是絕對值得。

果日我攞咗張190號既飛，等咗差唔多一個鐘電子顯示板去到189號，心諗下個終於到我，點知再叫就一跳跳咗去200號，我即刻去同問口帶位果個講，點解會skip咗我張飛，同佢講完佢都即刻俾我入Ok...skip咗我張飛我都算，但佢要我同我老婆坐係一張二人枱既一邊，對面已經坐咗一pair情侶，既係一張二人枱要坐四個人，真係痴線野食就唔好講啦，普通到一個點，唔明有咩咁好食，係香港食日本野真係唔值，試過一次冇下次

三文魚火山盛丼同中學同學出嚟幾個女仔食餐飯講下近況，所以搵咗間可以影相post上網呃like既舖頭食飯星期五晚飯時間去到真係好多人，等位等咗九個字入座時被安排四個人要坐隔離兩個人坐既二人位，好迫魚生飯就還好啦，魚生太肥食少少已經好快飽，係份量取勝〜

剛好出旺角見到依間menu幾吸引就入左去食~✨爆盛慢燒牛肉丼 $188，因為2個人食所以叫左個Mega size(大)，一上枱我地已經🤤🤤牛肉切薄片燒到6,7成左右，一層一層疊到好高，肉質好鮮嫩一d都唔鞋，個山葵忌廉汁同牛肉好夾！d飯份量好多，2個人好夠食，依個牛肉丼勁勁勁勁推薦！✨香脆一口芝士 $48，上枱時即刻食左粒，炸到脆卜卜入面仲係流心狀態既芝士，個白色醬好好味，應該係牛肉飯個醬汁，我用埋黎撈飯！✨另外要讚下碗湯，唔係一般無料麵豉湯，入面有白蘿蔔同好多牛肉粒，有少少牛腩汁味依間絕對有下次！等無咁凍要去試魚生飯🙊

無得BOOK位，下午2點左去到, 等左15分鐘左右入到去。環境唔算寬敞, 坐得唔係咁舒服, 背貼背咁坐.三文魚火山盛丼不愧係爆丼屋，份量真係逼爆,賣相幾吸引！佢個粒玉子印有"爆丼屋" 都幾得意!最上既係拖羅茸，其他還有三文魚、芥末魷魚同埋魚籽等。三文魚及同拖羅茸都肥美，而魷魚及魚籽就爽口，撈飯食，入口係多重既層次. 份量黎講就唔太多,男仕食一碗未必夠飽.北海豐盛丼赤蝦好鮮甜，帶子入口即融，加埋三文魚子, 正爆!燒左口魚裙邊，半生熟, 又帶魚油香.海膽都ok，夾埋紫菜一齊食, 唔錯.🤣 ⠀⠀⠀⠀⠀⠀⠀⠀總括而言,  份量不大, 但還好魚生都頗新鮮肥美, 可以一試!

12點前到旺角取票 要人齊先可以入座 叫到26 已經同服務生講我人齊 結果服務生一直叫 叫到外面無人先同我地講入面無位要加位坐2人枱我地唔要 就要我地等下一輪最後同我地講食就食 唔食就算真失望😞

依間日本餐廳一向出名，今次試左，終於明白原因，入面每款都係超級邪惡，大份量之餘，用料又吸引！1. 爆盛慢燒牛肉丼  （大＄188、小＄128）完全係霸氣級料理！燒牛肉生生地咁食，又出奇地唔錯，加埋蛋黃同山葵忌廉汁就更加正！大家放心，唔食開山葵嘅人都完全接受到，我就係一個例子！彤樂評分：8/102. 盆滿缽滿三文魚籽丼（＄238）日本岩手縣嘅三文魚籽粒粒都好晶瑩剔透，魚籽超級多，未食已經覺得好治癒，夠甜但有D鯹。彤樂評分：7/103. 燒鰻魚盛丼（＄138）鰻魚肥厚而且燒得好香口，如果飲加多少少燒鰻魚汁就更好啦！彤樂評分：9/104. 三色海膽盛丼（＄238）佢地選用左三種來自唔同地方嘅海膽，包括北海道、加拿大、韓國，同埋日本生鵪鶉蛋，不過都係覺得唔太新鮮，有D鯹味啦！彤樂評分：6/10

🙆🏻‍♀️ 今晚年三十 YSAFOOD同大家拜個早年！💁🏻‍♀️YSAFOOD 恭祝咁多位來年心想事成、身體健康、人人賺個盆滿缽滿！🎉 想應節就黎爆丼屋食埋個農曆新年限定の盆滿缽滿三文魚籽丼($238) 啦！三文魚籽多到滿瀉，寓意眾食客食個滿足、幸福滿瀉！❤️❤️❤️ 睇落好震撼，但食落因爲太多魚籽所以有啲咸😂 不過配埋底既吞拿魚同白飯就接受得到既💁🏻‍♀️我地食既另外兩樣仲好食唔係講笑⬇️火灸三文魚腩他他- 睇到知好肥美！燒得超香口而且一客有4大塊，好滿足啊😍北海豐盛丼- 賣相好靚，比得好足料而所有刺身都好新鮮😍 海膽超大舊又鮮味，帶子刺身好鮮甜，成碗都好好食🤤🤤🤤