爆丼屋 (已搬遷) 新店位置

一黎到,嘩!多人到呢....拎飛先,拎左飛之後就系出面等,要等幾十張,但見佢叫枱叫得都幾快所以冇走開,以為好快有位。等到幾個字,有D人入左去先埋到個店GE玻璃望下入面GE情況,嘩!張張4人枱迫左6個人,仲要果6個人,係3PAIR人黎,姐係同你系隔離貼到實一實,同你SHARE 緊半張枱果個係唔識GE,呢樣野真係好困擾。再講野食,嘩!又真係好高喎,咁就繼續等LA。結果等左個半鐘,終於入得!北海道盛丼 $198呢碗野就唔會好似其他咁高,但係勝在料GE款式多,岩哂樣樣野都想食少少GE人,佢個海膽真係好甜同埋係濃味果種,個人好LIKE!!之後其他配料都係好新鮮的!火焰盛丼 $145呢個平D抵食D,料一樣係好高的,不過可以望一望我有隻手果張相,其實佢個碗係好細好細,所以先整到咁高,實質佢碗野攤返開,同出面D壽司店差唔多,料有三文魚,帶子,左口魚同蟹柳,蟹柳似係彷蟹柳唔係真係蟹腳果隻,其他料都係好新鮮,輕輕燒過岩岩好,最鐘意係佢有隻蛋,撈飯正,不過碗咁細同疊到咁高,要好小心咁食。雖然質素唔錯,但睇返價錢都幾貴,同埋材料有少少係扮多料,清醒D睇其實唔係特別多,4人枱坐個人真係超唔舒服,下次唔會想再去。

♥爆丼屋♥出名到而家都仲Keep住排隊！鐘意食日本野既人一定唔可以錯過！可以大啖大啖放肆咁食真係好爽！係食日本野黎講，三文魚䰵同海膽都係比較貴，每次都唔敢點咁多，就住就住食。所以今次黎到，一定要放膽咁食！今次就叫左帆立貝．三文魚䰵盛丼，同埋三色海膽盛丼。帆立貝．三文魚䰵盛丼 $168個丼一黎到簡直心心眼😍啲三文魚䰵係多到瀉出黎，我再重複一次，係瀉出黎！一個碗已經裝佢唔住，一路食啲三文魚䰵一路跌出黎，果種滿足感只有喜歡三文魚䰵既人先會感受到，真係超興奮！三文魚䰵再撈埋啲飯食簡直絕配，完全有三文魚䰵果種腥味同鮮味。帆立貝又係好鬼鮮好鬼甜，無腥味。而家望返啲相都有啲流口水，鐘意帆立貝同三文魚䰵既人一定唔可以錯過。三色海膽盛丼 $238能夠用二百幾蚊可以豪爽咁食海膽都係一件好興奮既事。三色海膽分別係日本馬糞海膽，加拿大海膽，韓國紫海膽。海膽既份量都係巨多，雖然佢每日都供應咁多份量既海鮮，但佢既海鮮一啲都唔hea，係可以仲食到佢既鮮甜味。認真啲食三款海膽都有佢唔同既味道，日本海膽好似鮮甜啲，有一款有啲海水味重啲我估應該係加拿大海膽。海膽拌飯，簡直係一流呀🤤。雖然係可以毫不留口大啖咁食，不過其實食

爆丼屋名符其實十分爆，客量爆，排隊爆，食物份量都爆，雖然食飯果日有落微微雨 但係都冇影響一眾粉絲排隊的心情，果日都等左差唔多1小時，有點長時間 好奈都冇為左食飯而排咁奈隊喇 哈哈哈。果日食左牛肉飯 海膽飯 同叫左個蟹籺沙律， 野食黎到都嚇一嚇 果份蟹子沙律大份到呢 味道正常 但係份量有點誇張 直情當飯咁扒。牛肉飯選擇左加大果個size, 我正常男人未必食得晒，下次都係叫正常份量就可以， 牛肉飯配左個帶點酸味的沙律醬汁， 幾惹味 同牛肉一齊食冇咁膩，最後食左好奈終於完成。另外叫左海膽飯唔記得影相就開始食了.... 海膽飯有3種海膽 份量多 味道可以算甜 抵食 喜歡食日本野朋友 唔怕排隊 可以試試。7. 5/10分

聽聞呢間野好好味 行過經常都唔少人排隊星期四 2個人 7點半黎到 等左3分鐘就入得甜蝦愛好者 食呢個甜蝦飯味道就係甜蝦普通既好味冇咩特別新鮮同驚豔 份量就好多 由其本身見到咁細碗 以為唔會飽但其實d 飯超多 甜蝦又足料朋友叫左海膽飯 我唔食既 不過朋友既評價都覺得係普通苦得黎冇回甘 不過份量又係取勝既

星期六下午兩點幾去食，預左要排隊等位，但係門口亂到行都行唔到去攞飛。無人維持秩序不突只，過左超過5個籌號返黎佢又會死死地氣安排位等到叫號以為有得入去，點知係收左你張籌，美其名係落左單先，實質係逼你企係門口塞住通道。入左餐廳先發現入面有唔少員工行行企企，唔知係咪經理責任感太重唔肯俾d員工擔當唔同嘅職位，門口一個人睇下排飛叫號嘅都無。坐得無耐就有得食應該係佢唯一可取嘅地方，前提你係叫魚生飯。個飯質素唔高，如果佢入貨唔係好貴應該唔值呢個價。三文魚用八爪魚同葱撈過，應該係因為個魚生唔新鮮，因為佢入口一d正常新鮮魚生嘅味都無，得葱味，口感差，有梅梅地嘅質感。如果俾我揀多次，我會用呢百幾蚊仲有十幾蚊嘅加一去隔離譚仔食得開心d

今日因為某煩人所以最終去左初嘗爆丼屋👏🏻可喜可賀👏🏻👏🏻 雖然已經9點，不過都繼續有人光顧，因為店鋪開到2點。服務態度驚人的差😓水又冇，職員汁野撞到連對唔住都冇聲。依家香港唔過幾舊水都唔洗旨意有人服務三文魚火山盛丼 ($128) 👍🏻👍🏻👍🏻雖然佢最平，但冇諗過竟然回到本。啲三文魚好甜，無添加都好好食，份量就魚生多過飯很多！火焰盛丼 ($145) 👎🏿話要專登嚟試個位叫左個全場咁伏，唔好睇佢張相好多料，其實係蟹棒嚟。仲要火炙係好似係用火燒兩燒就算，乜調味都冇，咸又唔咸，鮮味又冇。係食過最恐怖嘅火炙。北海豐盛丼（$198）最後依個屬於不過不失啦。爆丼屋普通叫一個都要二百蚊，依個算係乜都有啲，女士大多都食唔曬架啦，不過值回票價😉 質素呢，又甜蝦開始，爽口度係ok 嘅，但都係唔甜。海膽都係，好彩冇叫到成碗海膽，因為佢處於一個微妙嘅狀態，唔苦唔甜🤨最好食係帶子啦！仲好肥美。 ps 啲好似中華沙律嘅千其唔好擺入個口😓😓食得人鹽燒鯖花魚 （$48）比想像中大條，但又係冇味嘅其實你地係咪冇曬調味料呢🤨🙁碗湯又係，加左紅蘿蔔白蘿蔔好奇怪，普普通通一碗湯唔得嘅？經過今次，更加確信要食魚生唔應該去旺角😟

本人很喜歡食日本菜的朋友就介紹我去位於旺角的爆丼屋友人話食左佢個三色海膽盛丼,你係會大滿足的咁我緊係去試下佢啦我晏就1點去到係門外排左15-20分鐘到真係幾旺場,幾多遊客下一坐下就叫了三色海膽盛丼$258及三文火山盛丼$128嘩～個三色海膽盛丼真係正到不得了三種不同海膽係你口腔碰撞產生果種效果真係講唔出，只能直樹舞子但為一可挑剔就係海膽飯底太多豉油後期有點咸（朋友仔你地去果陣可能要叫佢地落少點豉油）整體都合格以上添呀我就覺得價錢係貴了點但耐唔耐一次食完個人係大滿足既心情都靚好多添正

永遠都排哂隊等位等到傻～最吸引係啲魚生舖滿哂成碗飯，貴就預左😣唔好睇佢細碗，其實真係好鬼飽，諗住食甜品都食唔落🙈1️⃣三色海膽盛丼 $238海膽一上枱要趁新鮮食，唔好攤，如果唔係味道會變質。色澤係幾靚，但唔夠鮮甜，中間仲要加埋蛋，好漏兼飽死😂➖2️⃣三文魚火山盛丼 $120三文魚就平啲，好豐富呀🤤好中意食三文魚，都唔會衰得去邊😌同男朋友share依2個飯真係飽到嘔🤰想增肥就黎啦😂

熱潮持續左快一年! 終於約埋朋友黎試下!點曬大家推介既三色海膽盛丼，火焰盛丼，原隻龍蝦盛丼,四重火山盛丼明明知到咩樣⋯食物一上檯依然哇哇叫!三色海膽秒清! 唔"聲"! 推介推介!火焰盛丼多左份油脂香!都好正!龍蝦肉彈牙! 味濃! 可以一試! 影相一流!四重火山顯得比下去! 吞拿魚太淡! 建意幾位朋友一齊share! 可以試曬幾個口味!餐廳有minimum charge...明明嗌左D比較貴!仍然需要另加小食!呢個需要留意下

平時好多人排隊的爆丼屋，昨晚六時正左右，不用排隊，就可以入內。我巳經好想試這個三色海膽盛丼很耐 ，一個人吃，決定點這個豪少少 ，對自己好一點。等了15分鐘左右 ，就有得吃啦，碗的大小是平時吃飯的碗仔一樣大。上面鋪滿一層一層的海膽，賣相好吸收，入口香甜，不過其中一啖海膽不夠新鮮，但是加了生雞蛋，剛可以蓋過有有少少不新鮮的海膽。整體來說，不過不失，不是所想中好好味。再加點一個玉子明太子串，味道一般，沒有太大特色可言，玉子不夠滑。

次次經過呢間餐廳都好多人， 所以一直都好想試 。今次平日夜晚七經過， 都有成十幾張枱， 但係諗住算啦等一次。 點知啲嘢食其實好普通。魚生只是一般日式餐廳質素。 但係價錢就最平都要接近200蚊一碗， 而且份量比普通日式魚生飯細。 如果每人一碗埋單最少200蚊起， 可能隨時300都唔止。 以咁嘅價錢喺出邊可以食到大把更好質素嘅日本料理。真係唔明點解呢度可以咁貴， 但都仲要成日有人排隊。而且服務根本就係茶餐廳嘅質素， 要喺門口落單， 一坐低就食， 食完去門口畀錢， 但係咁都仲要收你加一。 試過一次以後都唔會再幫襯。

成日夜晚經過呢間店都見到好多人喺門口排隊, 究竟係咪真係咁好味呢?帆立貝三文魚盛丼:賣相唔錯 真係裝得好滿 好似幾抵食但真係好多飯…鍾意食刺身可能會覺得有啲失望不過鍾意食白飯嘅朋友就會好開心刺身方面都算新鮮只係飯同剌身嘅比例令我有啲失望

三五知己黎到爆丼屋，女士們真係要豁出去！首先係爆脂兼爆膽固醇嘅三色海膽丼，海膽蓋飯，好架勢！新鮮，軟滑！海鮮丼，帆立貝，甜蝦，海膽，魚子，一次過試曬！啱曬貪心的我，wakaka!拖羅丼，油脂分佈好，入口即溶！令人回味！

入到去落單，想食烏冬但話冇，入到去先知原來每個人要食一個主食，如果冇叫就要叫＄100嘅小食，跟住就迫於無奈叫左個鰻魚飯，兩個叫左兩個飯兼且加1食咗320幾，打算試嘅人千祈唔好去

中午12點開店時到，有十幾個遊客，不過唔算多人，應該熱潮過左好耐啦。Order左一個北海丼，一個海膽丼，total $502 （咦，點解好似收多左我錢...?)！碗飯唔係好大，不過真係好膩，特別係海膽！好豐富！海膽自己一個人食既話會好飽建議share！海膽既新鮮，幾鮮甜，應該係啱季節，不過當然唔好expect好似係日本食個d咁正啦，ok ge！我唔覺得腥，但見過有評論話唔好食，我同朋友都覺得okay! 北海丼都幾好，好足料！可以encore既，不過可能咁既價錢去高級的日本餐廳吃set lunch會開心d