爆丼屋 (已搬遷) 新店位置

收工經朋友介紹黎試下呢間野，結果唔使講。一個字：垃L圾一開始黎到見到咁多人排隊，心唸應該都唔會伏啦⋯⋯入去一坐低，無人招呼都算，當你忙啦。叫完野食，侍應就咁劈低幾碗野就走左去⋯⋯有無咁忙啊先食三文魚⋯⋯惺哼哼得黎仲要咬唔爛！我食緊膠？再黎試帶子⋯⋯原諒我咬左一啖就吐左出黎⋯⋯海膽都一樣，惺到難以形容！而碗野就得個樣！唉 完全對而間野極級失望 叫左而d野真係無乜食得既價錢方面仲要唔平係重點！！又要排隊排咁耐啊認真無下次！！ 唉

今次是第三次到此店，不得不提，此店服務惡劣，員工闊佬懶理，安排混亂。點餐至上餐等了35分鐘只上一道，再多等10分鐘.........以此食物質素及服務，相信不會建議光顧。

每次經過都很多人排隊，所以放棄嘗試食晚餐，今晚專程等到晚上8:30點鐘才去吃晚飯，果然排隊攞得31號飛，但已經去到26號飛，好彩只是等了10分鐘便可入座吃晚餐，Order了一個雜錦海鮮（主要材料有三文魚子，大蝦，海膽，帶子等等）及三色海膽飯有三款不同的海膽，味道甜美，大塊加拿大海膽味道較濃郁，都新鮮好味，很有日本築地市場的feel 下次都可以再來吃及推介比朋友來試試

今日同老公都放假, 帶埋仔出街, 出到旺角諗食乜時, 就諗起呢間, 因為平時夜晚實在太多人, 所以真係唔想排隊等位. 經過既時間其實都差唔多2點, 見冇人等, 所以就入去食喇!店內的座位比較迫, 所以我地要抱住個B食都有點吃力.未叫前已見到隔離枱既客人食乜, 個D肉, 魚生真係搭到好高!我地都係簡單叫左兩個:賣相其實幾靚仔，但三文魚吞拿魚蓉個味道有點怪，所以唔係好食到刺身的鮮味...呢個牛肉飯唔係最大的果碗，不過牛肉份量其實都好多了！配上佢自家制的醬汁，令肉味有一點變化. 不過入口係幾滑口的，但就冇乜牛味.

我本身係一個海膽迷，所以聽到朋友話最近有閒好受歡迎既餐廳有個爆多海膽既飯，所以就慕名而來啦。 我地中午12點就去，雖然係岩岩開鋪，但係店外已經有一條好長既人龍，而我好好彩係最後果幾位入到去，所以唔洗點排隊。 黎到當然要叫我最愛既海膽丼啦。果然名不虛傳，D海膽多到就黎滿瀉，而且仲有3種不同既海膽。其中一款好清甜，完全食到海膽既鮮味；另外一款味道重D濃郁D，最後一款就好似係前2種既混合版咁。總之一個字 - 正！ 玉子明太子燒 - 燒到岩岩好，個皮脆脆地又保持到裏面既嫩滑，再加埋又係我最愛既明太子醬，正！ 日本南瓜餅 - 炸得好脆，怕太熱氣仲有附上沙律，等你減少罪惡感。  雖然價錢可能略高，但食物質素係好既，值得一試！

平時經過好多人排隊，今天吾洗，即刻要試下，一家四口 浩浩蕩蕩甘入埸我食海膽丼( 滿瀉甘濟)，好老實三款海膽都無物鮮味，但好壯觀就真;老公食既四色丼好似仲吸引，有海膽、蟹肉、魚籽同吞拿魚碎，望落去色調配合得吾錯，好鮮艷，吾食得都睇得;個女食鳗魚飯;仔仔食燒鯖魚;另外加两個鵝肝手卷(個女話好味)，一份蟹籽沙律(好多好多好多蟹籽)，個姐姐仲好細心比左紫菜仔仔自己包當中發生左個小插曲，仔仔拿麵豉湯時，吾小心倒瀉左，流到週圍都是湯，個姐無黑面不特止，仲比左好多纸巾我們幫小朋友抹，仲安慰仔仔(我仔仔個樣好驚)，今時今日好少姐姐甘細心

伏左，未試過食魚生可以食淨，三文魚唔新鮮，食左一半頂唔順，d飯質感麻麻地，一舊舊咁，唔怪得隔離枱2個人都食唔哂一個飯，叫左最貴400幾蚊既海膽，好期待，以為會有幾正，食入口臭臭地既，唔新鮮，賣相唔錯，但食物味道同價錢唔成正比，絕對唔會有下次。最後比較好小小既食物就食三文魚子帶子飯，但最後大家都肚柯。

想試呢間好耐了，咁岩朋友仔係英國返黎都話想試，又肯排住隊等我放工，所以我就可以輕輕鬆鬆去食！ (笑) 餐廳唔算好大，D枱擺得密密麻麻，基本上食完就要走。另外，等位時已經要落定單，果然係爭分奪秒。叫左一份炸芝士小食，其實都係好多餐廳都會用的三角炸芝士，不過我就係鍾意佢外脆內Creamy的口感同味道。每個主食都會有碗餐湯，味道唔會太鹹外，更好有料。好鍾意呢份三文魚火山盛丼有三文魚切角外，更有呑拿魚蓉及八爪魚功粒。新鮮度OK，夠多款式的刺身，盡對滿足到咩都想食的我。只敢叫份小的爆盛慢燒牛肉丼，D飯多到爆炸，不過D燒牛肉的份量都唔少。牛肉切得夠薄唔會un，放係側邊的芥末沙律醬同牛肉幾Match！如果女仔未必會一個人食得曬。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

今日同朋友去試下門口好多人排我地叫左燒鏝魚丼、三文魚火山丼同慢燒牛肉丼我地一食 已經唔想再食，三文魚丼原全唔掂牛肉同鏝魚冇特別，完全唔明點解咁多人食-.-個價仲要咁貴 ..... 大家唔信可以試下 絕非打手只不過唔想D人再中伏

上網見到好多人話好食好正咪試下囉！點知極失望飯唔好食暖飯 痴埋一注咁 食到個人好濟 好唔開心刺身完全唔鮮 食落去好似有陣怪味（由其係三文魚）海膽好腥 完全唔值呢個價錢碗湯一般..仲有堆蝦乾同埋好似一舊舊既瘦肉咁既野...口感好差（好乾）環境好逼（好多大陸人）價錢好貴...應該係劏游客既價錢仲要有加一！放低幾碗就加一 完全無服務食完仲同朋友一齊去廁所極失望 請三思而後行！唔明點解仲要咁多人去排隊！完全唔值呢個價錢！

這天下午來到爆丼屋吃午餐。大概12點到來，好彩時間尚早不用等位。12點半便開始要等位了。是日點了爆盛蟹籽沙律，三色海膽盛丼，玉子明太子燒和沖繩辣味噌燒白豚。沙律先來，看到那堆蟹籽真係覺得好震撼！呢個沙律先$58！平時去超市淨買盒蟹籽都係呢啲價錢，而家裡面仲有堆蟹柳青瓜沙律！裡面堆沙律一啲都唔少兒科喎，成左山咁！味道唔差，正常蟹籽沙律，但呢個份量真係好抵食！大力推薦👍🏻👍🏻再來燒辣味噌白豚，本來唔差既，味道還好，但呢兩塊豬肉好肥，1/4塊都係肥.....然後仲有碟玉子明太子燒，呢碟好食喎！可惜忙了給它拍照。等左好耐既三色海膽盛丼終於到喇！等左起碼25分鐘....好彩我們沒有趕時間。每一口都是滿滿的海膽，真係好滿足呀！話哂都係食魚生飯，兩個人食閒閒地都要4百幾蚊埋單，一啲都唔平。最後想講，呢間餐廳個碗飯真係幾大碗，眼見有啲人應該為了拍照而叫，最後吃剩好多好多東西，其實真係好浪費，覺得好可惜。希望大家叫既時候諗一諗係咪真係食得哂先好叫。咪做大嘥鬼！

下課的時候已經是9:30，來到這間平時有很多人排隊的餐廳，我們完全不用排隊就可以入座！餐廳的空間比較小，坐在我們旁邊的客人的距離都很近，所以溝通上會有點不方便及有一點嘈吵。餐牌有令人花多眼亂的不同盛丼。三文魚火山盛丼是名副其實的盛丼！賣相非常吸引，切角刺身的份量將快要滿瀉！每一口的口感也非常豐富！吃到三文魚的鮮味同時也有芥末八爪魚的微辣，還有飛魚籽，口感一流！而且份量是頗多的，一個人吃不完！火焰盛丼賣商相比起剛才的三文魚丼略為遜，但份量也是超多的！帶子三文魚也有被燒過的香味，但只是面層的，底層有些三文魚沒有被火燒過，而這個整體口感比較乾...牛肉湯是一碗十分足料的湯，但略嫌油份過多，比較肥膩。整體來說食物的質素不錯，但略嫌環境比較擠迫，不適合閒聊或久坐，下次可以試試其他盛丼！

與同行朋友忽然想吃日本菜，於Open Rice 看起來這間餐廳。位置非常方便，當天亦逼滿人。等了大概5分鐘便能入座，店內位置頗擠迫，環境尚算清潔。食物不過不失，但以食材的新鮮度 價錢略貴，但能接受。

知道爆丼屋成日都好多人排隊，諗住三點幾食會冇咁多人掛，點知成個門口都係遊客喺度等！等咗半個鐘多啲終於入到去食。環境就真係好逼！坐得麻麻地。三色海膽飯啲海膽勁多，啖啖飯都用海膽，好滿足左口魚黑松露沙律嗰dressing好fresh同啲左口魚好match 我見好多韓國人都叫山咁高嘅牛肉丼，所以就叫黎試下，試下喺韓國人眼中呢個丼有幾出名佢有大同細size，本來諗住叫個細嘅，但嗰店員係咁話細嘅好細碗，叫我地叫個大嘅 。大嘅同細嘅分別就係大嘅啲牛肉堆到好似成座山咁其實我覺得細嘅就啱啱好，因為大碗真係好多肉啦，食完肚都爆呢個飯都唔差嘅，啲牛肉唔un，幾嫩，而且撈埋蛋汁，幾好味！其實我中意佢個汁，有少少沙律醬加Wasabi味，同埋啲牛肉食冇咁濟。

平時經過都好想一試，今次終於有機會啦。首先，我坐左個咩都冇既位置上，艱難的抉擇下叫左個餐牌上其中一個魚生飯，我系為左佢既左口魚裙邊而叫，上左之後，我以為係自己在抽屜拿筷子，誰不知，左看右看，上看又下看先知，呢d系－早set定左系個位置上，由於我咩都冇，於是叫人比左d餐具比我用餐。首先，先講一下附送的麵豉湯， 三文魚跟麵豉湯實在太不夾了，雖然吾腥，但味道不太能接受，若不加反而更好。至於魚生方面，左口魚裙邊疑熟過頭，食不出平常應有的口感，像入口即溶，其他魚生均屬一般可接受程度，不會不新鮮，反而系蝦頭下的菜，那－大塊葉我沒有吃，只吃了葉下一小撮像是中華沙律的物體， 吃過後才知道，完全沒有什麼調味料且硬硬的，如果能像中華沙律般似的，便可加入一起拌飯，最後結果當然是夾開不吃。雖然服務生不太細心，但很有禮貌，因為我沒有該有的茶水，叫了以後，說了唔好意思2次以上， 雖然呢啲係佢地應該做既事，可是於客人的感受上會較能接受，正所謂 將心比己！最後加點建議，如果能附上些酸薑會較好，因為在吃的過程中有點膩。