爆丼屋 (已搬遷) 新店位置

Having a Japanese feast 😍Overall everything was average.這次點了一板日本直送海膽$328,朋友說海膽很鮮甜，朋友還說之前點的三色海膽飯普通，所以這次試這一板，而且有一個飯和一份麵豉湯，所以很夠吃。其他的刺身don大約200元一份。價錢不算太便宜。就是勝在地點方便，而且份量好大份一次過吃三文魚吃到超滿足，服務態度也不錯晚上來得太晚拖羅都賣光了，本來好想要吃拖羅的😭😭但整體來說全部東西都普普通通。吃過一次就好。

晚上經過爆丼屋外面 都經常看到有一大群人在店外排隊。看似受歡迎程度仍然沒有減退。決意排隊一試。果然要等多個號碼，幸好旺角有很多店鋪逛，在附近逛一逛才入內。玉子明太子燒多蔥令玉子更香口 明太子醬亦很好吃火焰盛丼材料多得看不見飯面份量很多有帆立貝 三文魚 蟹棒 左口魚 十分豐富再加上流汁蛋黃 令口感提升三文魚火山盛丼同樣是材料豐富 令人大感食慾三文魚 魚籽 八爪魚粒 拖蘿蓉 拖蘿蓉撈飯更是一流好吃又份量材料多的丼飯 絕對是可以吃到飽飽滿足地離開

之前網上介紹呢間已經好想試，今日難得有朋友自動請纓早啲去排隊攞位，梗喺要試啦極上拖羅盛丼肥美的拖羅，油花均勻，那份潤澤油脂充令滿口滋潤，但又唔會覺得肥膩，這就是魚脂豐腴的拖羅吸引力啦四重火山盛丼呢碗嘅拖羅蓉很特別，除了選用赤身外還混合了甜蝦、劍魚腩、帆立貝及紋甲魷魚製成，口感軟腍得嚟又有咬口；除了拖羅蓉外還有拆咗肉嘅松葉蟹，肉質鮮甜；三文魚籽，渾圓飽滿充滿鹹鮮；呈橘紅色的海膽，味道濃郁甘甜，口感細滑如奶油，入口融化煙燻海膽帆立貝丼是夏季限定，上枱時用玻璃罩住，內裡煙霧瀰漫，充滿神秘感揭開蓋後充滿一股蘋果木及櫻桃木之香氣瀰漫住周圍，吸引了旁人的目光全碗鋪滿了帆立貝及海膽；帆立貝厚實飽滿口感鮮甜；海膽肥美豐腴，口感滑鮮，餘韻良久原來飯裡還有2隻鮑魚及鵝肝脆粒，超多料玉子明太子燒帶少許甜味的玉子上鋪上微辛惹味嘅明太子沙律醬，味道出奇地夾炸魷魚配他他汁魷魚炸得金黃酥脆，炸漿夠薄配埋他他醬一點都不覺膩麵豉湯非常多料的麵豉湯，除了一般的昆布，豆腐外還有蘿蔔及牛肉，另湯頭多了一份鮮味日本白桃及荔枝果汁酒餐廳仲供應酒精濃度唔高嘅果酒，好過飲汽水

想試爆丼屋好耐, 不過一直都要排隊, 唔岩我依D無耐性既港女啊~~哈哈早2日去開旺角, 見到終於唔洗排隊啦~~就好似上天叫我快D趁依個機會試下先我今次試左北海度丼, 有牡丹蝦, 蟹子, 海膽, 帶子同埋我最愛既左口魚裙邊望落去好似隻碗細細, 但其實加埋滿滿既刺身係相當飽肚架~~坦白講味道唔算好鮮甜, 而且同樣係北海度丼, 唔知點解旁邊果張台既海膽種類唔同我果個架呢?雖然唔係超鮮, 但佢都勝在份量多搭夠啦~~

之前行過見好多人排隊，以為食物應該會货好，今次行過唔使排隊等，仲即刻有位，便入去試試，睇完餐牌食物價錢，叫咗個燒鰻盛丼，唔怪得唔使排隊，係旺角區呢個價錢超貴，食個午餐要一$165+10%一碗飯五、六片鰻魚加隻蛋，試完根本不值這個價錢，鰻魚味道一般，感覺霉霉爛爛，用的日本米飯都是一般口感，服務又沒有，環境又沒有，仲要加一添，我都食過好多日本餐廳，未食過咁貴又一般的，呢間超唔值，有啲被騙的感覺，應該做唔得幾耐

爆丼屋呢間餐廳相信有唔少人都認識，開店至今都仍然人氣旺盛，一年前更加係排隊排到企滿條街，所以我到今時今日先去食，食之前都真係好期待平日晚上一收工就過黎，終於唔洗排隊，好彩我算早到，我係入面坐左無得耐就見到外面開始排隊等食叫得爆丼屋，有好多丼飯選擇，有生食有熟食，就算唔食生野既朋友仔都唔怕無野食燒和牛粒 ($58)食丼飯之前食條串燒先，$58有兩串和牛粒食都幾抵，燒得幾香口四重火山盛丼 ($298)好震撼既一碗丼飯，魚生俾得勁多，差唔多滿瀉，有海膽、吞拿魚蓉、魚子、蟹肉，我將每樣魚生先單獨食一次，食真個味道先，再將WASABI加鼓油將整碗拌勻，超級大滿足呀煙燻丼 ($268)睇MENU見到呢個謎之丼俾佢吸引左，就叫黎試試，一打開就有大量煙燻湧出黎，聞到陣陣煙燻香，打開就見到鋪滿帶子同海膽，原來入面仲有鮑魚同鵝肝，多種珍貴食材放埋一齊，滿足曬視覺、嗅覺、味覺

最近天氣悶熱最好食日本菜清涼消暑所以喺旺角搵左間丼飯專門店試麵豉湯麵豉湯料豐富除左昆布同豆腐仲有牛肉同蘿蔔等嘅食材幾有誠意煙燻丼餐廳利用煙燻製造飄煙視覺效果驚艷打卡啱哂煙燻丼採用蘋果木以及櫻桃木燻製相對溫和清爽烘托帶子海膽鮮甜層次豐富赤醋略帶酒香酸度亦較白醋柔和仲有鵝肝脆粒同埋兩隻鮑魚四重火山盛丼拖羅蓉選用赤身混合甜蝦、劍魚腩、帆立貝、紋甲魷魚以及三文魚籽製成口感豐富；鮮松葉蟹肉絲肉質彈嫩；三文魚籽圓渾飽滿鹹鮮甘甜；海膽色澤澄黃口感綿密甘香極上拖羅盛丼二百幾蚊黎講份量算多而且拖羅油脂豐腴油花分佈均勻肉質油潤肥美炸魷魚配他他汁魷魚金黃酥脆而且漿粉透薄配搭檸檬同他他醬感覺清新輕盈玉子明太子燒玉子厚燒口感鬆軟嫩滑而且蛋汁溫潤香甜配搭明太子醬微辛濃惹日本白桃果汁酒/日本荔枝果汁酒果酒清香溫醇酒精濃度唔高容易入口幾啱女仔飲

在香港開餐廳，要保持人氣的確不易。眼見好多餐廳活不過3年，有時候未吃到已經結業，實在可惜。這家餐廳一直是我的目標，奈何每次經過也要等位，難得在繁忙時段開始前來到，當然要把握機會。餐廳的丼飯好出名，打開餐牌，丼飯的選擇比想像還要多，而且圖片也吸引。煙燻丼 $268被它的神秘感而吸引。未將蓋打開前，一直不知道它的真身。一打開蓋整個丼都被煙瀰漫着，依舊神秘。煙燻丼有海量的帆立貝，中間以海膽畫龍點睛，海膽尤其鮮甜。至於驚喜在丼中，有原隻鮑魚又有鵝肝，非常豐富。而且每一口都散發著煙燻香。鵝肝海鮮盛丼 $238在海鮮丼上配上大片鵝肝，充滿新鮮感。鵝肝入口即溶，與海鮮丼一起吃一點也不失禮。海膽、帆立貝、墨魚籽、三文魚籽也沒有鵝肝的膩濟口感，撈勻蛋汁後更加豐富整體的味道。燒日本魷魚筒 $88魷魚筒燒得稍香脆，魷魚肉彈牙，配沙律醬是指定動作。日本白桃果汁酒 $32香甜的白桃味，加上少許酒精，非常易入口。波子汽水(原味) $28餐廳的推陳出新，的確為食客帶來新鮮感，也令他們又再光顧的理由，這正是餐廳的成功之道。

旺角日式宵夜之選月頭和男朋友收夜去旺角食宵夜，經過這間爆丼屋滿座，都成十點幾都未閂，就去左食。食宵夜怕肥，所以我點左個沙律食，火灸左口魚裙邊黑松露沙津，＄68。火炙左口魚裙邊黑松露沙津＄68都叫大碟，有吾同既菜，車厘茄，同主角火炙左口魚。醬汁係用黑醋汁同主角黑松露醬。菜清新，連埋肥沃既火炙左口魚好正，口感菜爽，左口魚肥美軟口，從此鐘意食火灸左口魚XD。稍微覺得黑醋汁多左小小，食到底，菜浸左D黑醋汁，因為黑醋汁都會有D甜，尾果D菜就淨D，相反黑松露醬都俾得多，提升左成個沙律，再多D就正，岩晒我呢個黑松露怪。餐廳開到凌晨2點！宵夜返兜得過！

平時經過見到排晒隊，難得今晚唔洗等位就即刻入咗去。打開menu，丼飯嘅選擇唔算多，我哋就叫咗【三色海膽盛丼】同埋【火焰盛丼】。【三色海膽盛丼】:-講真，我分唔到有邊三種，每啖望落同食落都差不多一樣，我唔敢肯定佢有冇俾齊3款海膽我！味道上唔算好高質，但至少都算新鮮，冇腥味，不過不失。🙈【火焰盛丼】:-我覺得火焰盛丼比海膽盛丼更出色，個炙燒左口魚裙邊嘅油份好香，其他炙燒配料亦唔錯。-唔好睇佢細細碗，但其實每碗都勁多飯，啲飯仲要係壓實晒，好似個底座咁，上面再擺刺身，所以就形成到爆丼好足料嘅感覺，但實際飯同刺身嘅比例係差好遠...🙈不過值得一讚嘅係個【麵豉湯】，勁足料！有牛肉、芋頭、蘿蔔等等...👍🏻

兩個女生，一個丼分量十足，加原隻魷魚，絕對夠食，很好運被安排坐在落地玻璃邊可以看街景，牛肉分量足，有一個鐵簽支起來，壘得高高的，看落都幾壯觀，味道也很軟稔，魷魚點沙葎醬，好味道，魷魚也是很新鮮。五點去食，人不多。最後需要加一。去電影中心前，利用有限時間來吃一頓，充實且有效率！

講到食魚生一定會睇到呢間爆丼屋，想食佢都唔係咁易架，平日去七點幾都要等15至20分鐘先有位，但係係絕對值得㗎鍾意食魚生嘅，食一次會畢生難忘，除咗佢哋嘅份量係超級多之外，亦都好新鮮你見到佢啲三文魚多到就嚟啲出嚟，中間仲有吞拿魚就知點解咁出名！重啲Wasabi可以俾你撈飯而呢一個就集合左生蝦同帶子，海膽等嘅魚生，滿足晒一次過想食好多嘢嘅人啦~麵豉湯都唔錯㗎，除咗有海帶同洋蔥之外，有肥牛添！唔鍾意食生嘢嘅朋友都可以食鰻魚，平時出面一定食唔到咁多鰻魚嘅飯囉，中間仲有溫泉蛋令到成個飯冇咁齋❤️

今晚陪朋友去左買相機📷，買完之後途中落大雨，就黎左《爆丼屋》食個晚餐順便避一避大雨先！店員安排左卡位比我地座，幫我地倒杯熱茶暖一暖個胃先！🙂 睇完menu愈睇愈肚餓，太吸引眼球！😍😍😍煙燻海膽帆立貝丼 $268: 本店夏季新出限量限定，充滿神秘之謎既盛丼，有一個透明玻璃大蓋蓋住個盛丼，充滿住蘋果木、櫻桃🍒木之木香煙燻味道！索一索感覺好爽，表面舖滿鮮味既海膽、鵝肝及帆立貝，裡面仲有驚喜，有2隻大鮑魚，配赤醋飯口感一流！三色海膽盛丼 $258: 橙黃色的海膽味道甘甜，質感細膩，幾乎入口即溶，食一啖再配埋日本米飯更加滋味，仲配埋麵豉湯有紅蘿蔔、白蘿蔔、三文魚，鮮味十足！燒日本魷魚🦑筒 $88: 熱辣辣新鮮送上，整條魷魚🦑比手掌還要大，魷魚質感不會太韌，口感爽彈最喜歡魷魚鬚嘅部分，帶點焦香！草莓🍓味波子汽水 $28: 淡淡清香既草莓🍓味道，第一次飲唔錯，每飲一啖粒波子都會撞一下個樽，好有趣！日本🇯🇵白桃果汁酒 $32: 4%酒精成份，飲落口浸透出香濃既白桃味道既果汁酒！岩晒可以飲少量酒精既人😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大

去旺角搵食，想食日本野，就黎到呢間爆丼屋啦，見個名咁把豹，一於入去食下！其實當晚去到已經11點幾，但呢間爆丼屋仍然營業，所以決定入去幫襯下啦！黎得食爆丼屋，梗係order d 會"爆"既丼啦！所以就order 左呢個帆立貝+三文魚籽組合的丼飯，侍應一拎過黎的時候完全吸引住我的眼球，食的時候都唔知如何入手😅三文魚籽粒粒咬落去都係爆汁既，好享受喺口入面必哂d 汁既感覺，帆立貝都好新鮮，完全有佢既鮮味喺度，超正！！！另外仲order 左鰻魚丼飯，雖然視覺效果冇咁震撼，但味道又真係幾好食喎，鰻魚燒得岩岩好又夠香，加埋爆丼屋的鰻魚汁，兩者配合得天衣無縫！

More than 9 o'clock to the store, a lot of guests, but do not have to line up, ordered the sea urchin rice, really a lot of sea urchin, also super fresh, super satisfied, with miso soup and two packets of seaweed The price is a bit expensive, plus a service fee, $286, but it is also worth a try.Eating it involves a procedure that borders on ritual. The fish and rice are first mixed with soy sauce and wasabi, and later with pickled vegetables. When most of the mixture has been eaten, dashi broth