爆丼屋 (已搬遷) 新店位置

今次黎其實想試下個牛肉飯，因為睇相個賣相好好，同小朋友食，預左嗌兩個飯食唔晒要打包。我嗌左個拖羅丼，中拖羅黎，切得幾均勻，我覺得份量好多好抵，味道正常，尚算新鮮，可以兩個女仔share黎食。另外個牛肉飯d牛肉雖然牛肉唔算好滑，但加左d有wasabi 既沙律醬同蛋汁撈埋又幾好食，依個係細份量$128，已經好多牛肉，多到食唔晒，都幾好味。下次會再食，黎依度食野係為左見到爆份量時既開心滿足。餐廳另有生蠔，海膽，可以一試。不過都要等下次

同朋友平日晚上八點左右去食食到九點九左右 傾左陣計 店員都冇趕我地走爆丼屋啱啱開果時人山人海宜家唔洗排隊都食到原來係有原因叫左個火焰盛丼 (14x元+10%)有炙燒三文魚 左口魚 帶子 蟹柳 同中間有隻蛋黃 有兩包紫菜 一碗麵豉湯篤爆隻蛋黃撈飯 太正不過我覺得唔太抵食 唔可以話難食味道不過不失 就係普通囉魚生唔係話好新鮮好爆多實際係好多飯兩個人食左三百幾蚊咁我寧願過隔離食立食壽司新鮮好多🤤🤤如果只係普通諗唔到食咩都可以食下特登去食就唔會啦

岩岩一開既時候依間日本餐廳好多人排隊,而家人潮漸退,所以經過旺角就黎左試下😋三色海膽盛丼($258)成個丼飯都鋪上滿滿既海膽,海膽好鮮甜吾會覺得腥,海膽控一定會覺得好滿足😋😋極上拖羅盛丼($238)滿滿既拖羅感覺好治癒啊🥰拖羅入口即溶,每一啖都充斥住油脂香味好正啊😋😋

一向都知呢個好出名，無論打卡定味道都有一定既水準，好多朋友都介紹我中午去食，因為少人d，夜晚就要排隊，裏面都算多位，同埋點完之後都好快有得食，所以我估就算排都唔會好耐既 。三文魚火山盛丼 $128- 三文魚份量唔算多，但夠肥美- 飯既份都好多正！火焰盛丼 $145-呢個好重味-份量好多 飯/餸！好好食總結我明白點解咁多人食，因為味道真係好好味，份糧又多，3個人食2個都夠飽，又夠新鮮，味道都好新鮮，所以值得去食！

每次行過爆丼屋，都見到成村人係度等位，難得今日早左出旺角，人流未算太多，黎食番個early lunch先 😋😋😋我嗌左個北海道豐盛丼，全因爲個帆立貝同埋蝦😍不過個三文魚望落去都唔錯，係厚切架！雖然望落好似細細碗，但其實我食到一半已經飽飽地，真係好足料。不過我就略嫌啲刺身唔夠鮮甜。朋友就嗌左個慢燒牛肉盛丼，真係好豐盛！個人黎講就麻麻地佢個汁，同啲肉唔太配。啲肉多到食到後期有啲滯胃，連肉食朋友都唔係好頂得順。呢度似係重量多過重質。

夜晚晚仲未關門既其中一個選擇，顧名思義爆丼，咁當然份糧都好多啦，唔至飯多，餸都好多，多到要擺去另一隻碟到。今次食既牛扒飯，味道唔錯，份量好夠，但如果肉質可以再嫩d就好喇。至於三文魚魚子吞拿碎腩就都算唔錯，三文魚係腩既部分，如果鐘意食腩既人應該會覺得好正。另外佢加左芥末八爪魚做汁，令到個丼飯無咁dry👍🏻

同老公出旺角，經過見唔使等位，拿拿聲入去作為海膽痴既我…當然係食三色海膽飯啦，食一碗夠晒飽，除非好肚餓否則都唔使再加小食價錢嚟講適中，無九龍塘果間咁貴，咁當然都無果間咁鮮甜，不過不失，好睇彩數有時食到澀同微腥，至在止下癮咁老公唔係太好海膽，多數會叫雜錦，呢個有左口魚左口魚係我第二至愛，火炙左之後d魚油真係不得了蝦都算大隻同新鮮，肉質彈牙佢地既子薑幾好食，唔太甜亦唔太辣，解膩一流（因為老公唔好所以有得獨食）如果唔使排隊我會幫襯，排太耐我又覺得未去到呢個必要

食物 : 海膽飯賣相 : 跟相差不多，覺得還可以，不過不失味道 : 7/10 ，係比較淡環境 : 7/10價錢 : hkd 80/1人性價比 : 7/10 ，整體感覺算幾好，但當然對日本比較就完全沒有比

早兩年仲好多人排隊，冇得訂座既一間日本野食終於有朋友約我去食。我地3個女仔食得唔多 有一個人仲減緊肥。叫左兩個飯，一個綜合生魚片，一個系海膽飯，的生魚片每片都好厚下，個人認為海膽飯的海膽出色的 食落吾覺得腥，難入口。因為3個人，低消要3個飯。甘可以2個飯，其他小食，不過都係食飯出色的。

經過見親都係兩個印象：好大碗同埋好多人等。由於見幾次都係咁多人等，又堅係想試，所以都係唔理，排咗再買啲嘢飲等入到去，不嬲都知好大份，所以唔敢叫太多，望相都知勁嘢兩樣都好新鮮好好食，落唔落日式醬油都得！但係食食下先發現其實比想像中少，所以下次應該叫埋小食都得

開在旺角的爆丼屋，看到全店帶點型格的冷感水泥牆身，裝潢簡單，明顯走年輕人路線。店內多達8成食材都由日本直送，並會按季節推出時令食品。地點方便，位於港鐵旺角站 E2 出口, 步行約5分鐘便可到達。Menu上最浮誇的，一定是這款滿滿的Mega限量版燒牛肉丼（$188）！用上幼嫩的紐西蘭牛肉，切成薄片逐層逐層鋪在飯上，每層之間都會淋上以蘋果蓉調味的香蒜汁，並於最近淋上山葵酸忌廉醬，中和牛肉的膩滯。爆丼屋的爆位不在於食物款式，是堆砌成火山般的牛肉丼、賣相及分量夠爆。每層牛肉之間都加有蒜香燒汁，醬汁中加入蘋果蓉，中和一下油膩感。最後淋上的山葵忌廉，其淡淡的山葵味道能帶出牛肉香。爆丼還不段會推出新食品，近期大熱推介澳洲鮑魚拖羅豪勢丼，賣相已經好吸引，下次一定要細嚐一下。

約咗友人旺角行街 行得攰攰哋又突然興起想食日本嘢 見到想試好耐嘅爆丼屋竟然冇人排隊就衝入抬試一試傳說中唧爆丼我地二友星期一下午二點45分 唔洗排隊就可以即刻入座 店內環境都算是整潔 我地两個每人揀咗一款爆丼火焰盛丼 和 北海道豪盛丼爆丼神速地好快就送到火焰盛丼($145)最驚喜的是真實嘅爆丼是與餐牌上的圖是圖文相符 火炙帆立貝、左口魚裙邊、長長的松葉蟹棒、厚肉嘅三文魚 都是大大隻 十分鮮甜 啱晒中意火炙類刺身嘅我 超級滿足 加上蛋黃撈飯 好味道哦北海道盛丼($198)一上枱又引起第二度興奮今次係非常鮮甜嘅大大隻帆立貝、好多好多大大粒嘅三文魚籽、我至愛嘅左口魚裙邊、一排海膽、仲有大大隻爆汁又鮮甜嘅赤蝦每樣刺新都非常新鮮 而且份量是令人非常的滿意

-今日同朋友約左係旺角食晚飯，佢想食爆丼屋好耐，所以就陪佢食啦。記得佢岩岩開店嘅時候，日日都排長龍，同朋友都去食過一次，不過印象就一般，啲材料都唔太新鮮。😟-今次我地兩個都係叫火焰盛丼，我地見到原來係廚房整完之後，再係樓面用火槍燒個表面。😂-個飯份量都好足，有三文魚、帆立貝、松葉蟹柳、左口魚裙邊。本身個set再包麵豉湯加兩包紫菜，超級飽，建議女生可以叫少飯！味道唔錯，不過我覺得焰燒其實都唔會差得去邊。🙈-味道評分▶️🌕🌕🌕🌑🌑 (3)抵食評分▶️🌕🌕🌗🌑🌑 (2.5)回購評分▶️🌕🌕🌕🌑🌑 (3)-➡️爆丼屋 (旺角)📍旺角豉油街50號地下8號舖- 

去旺角搵嘢食，經過呢間爆丼屋，見到Menu啲嘢食賣相幾吸引，朋友話試過一次幾OK，入面又座無虛席，於是就決定試吓。爆盛慢燒牛肉🥩丼（ 400g )（ $188 ）呢個係mega size，有個細啲嘅size，侍應送過嚟嘅時候簡直係覺得有啲震撼，啲牛肉堆到勁高，牛肉薄切🥩、唔會煮得太熟、保持到一定水份，所以食落好香滑，上面白色嘅醬汁係沙律醬，酸酸味味，非常開胃。火焰盛丼（ $145 ）料好足，有帆立貝、蟹棒、左口魚裙邊。因為有芝士🧀火炙過，有陣燒過既香味。燒鰻魚盛丼（ $145 ）朋友點左呢個，d饅魚又係多到差d滿瀉，上面仲有隻溫泉蛋🥚添，撈埋啲飯一齊食，啲飯會更加滑。韓國海膽手卷（ $58 ）海膽份量又多又好滑， 絕無欺場。👍🏻👍🏻

唔使講嘢，一睇張相就見到啲拖羅幾咁肥美。啲油脂既紋路見到都已經好興奮。食生嘢前飲啖面豉湯，足料仲有啲海鮮味，暖胃最啱。拖羅都真係好多塊，食落口就溶左，正到爆！不過獨食呢個丼既唯一一個缺點就係太漏，因為魚油真係唔講得少。一個人食到中路已經有啲濟，要問店員拎碟酸姜先食得曬啲魚生。飯好大碗，都係食唔曬。如果有個丼可以有得拼呢種拖羅就正！一定幸福感爆燈！