爆丼屋 (已搬遷) 新店位置

很難約的朋友終有時間聚聚了！ 旺角食肆實在太多了！ 今日經過旺角豉油街的《爆丼屋 》6時多己座滿九成客人，甘我地衝入去啦 😂單人座位也有 👍🏻適合很朋友聚聚，我前座更在此舉行生日飯 😎！ 職員落單、食物等候時間也快 👍🏻在等候期間，鄰座點了火焰版，即心心眼😂 特別配備了用具以承托餸菜以免失禮，很貼心～煙燻丼餐牌用了罩蓋著煙霧瀰漫的餐牌帶著神，內裡就是滿到瀉的海膽及帆立貝啦！ 海膽仲帶點海水，味道鮮甜而濃烈。 另一寶物就是飯底內有隻白鮑魚 woo ! 慢煮西班牙黑毛豬肋骨丼用慢煮來處理使得用質嫩滑，用輕輕的一燒令肉味香噴噴

每次經過旺角這家爆丼屋都好多人排隊，今次同朋友早放工，決定早一點來排隊吃啦！全部丼飯都超吸引！見到有一款是限定發售的煙燻丼就忍不住要點來試試啦！朋友就點了慢煮西班牙黑毛豬肋骨丼。超級推薦煙燻丼，是豪華到難以置信！首先一上菜是有玻璃罩焗住蘋果木等煙燻材料，香氣彌漫～一打開煙燻丼，裡面有海膽、帶子、鮑魚、鵝肝和醋飯，超豐富。而海膽是很鮮甜的，大大大滿足。因為是醋飯，所以吃魚生吃到膩是可以中和一下～而吃到底就會吃到有鮑魚！好有驚喜。慢煮西班牙黑毛豬肋骨丼是全熟食，肋骨煮得超軟的！而且醬汁很特別，看外表以為很咸，但一點都不會，帶點微微酸甜，很開胃的～這頓飯大滿足，難怪常常客滿啦～

經常在IG見到朋友吃這間餐廳覺得好吸引，一直都想試。煙燻丼令人期待的神秘丼，已透明蓋呈上，打開散發出濃濃煙燻同霧氣，即時仙氣十足。堆到高一高既海膽同帶子蓋滿飯面好吸引，而飯底原來有兩隻大鮑魚，好彈牙，赤醋飯更入鵝肝碎，提升有飯香，口感亦一流。成碗飯真係非常足料，而且全部好新鮮，值回票價！慢煮西班牙黑毛豬肋骨丼黑毛豬肋骨當然都係爆丼，燒得好香脆，慢煮黑毛肉質嫩滑多汁，配秘製醬汁醬送飯，令人越食越開胃。

叫你入來就勁好禮貌，完全發揮香港好客之道，落咗單二十分鐘都未有野食，問一句姐，仲反過來話番你，一句唔好意思都無，食龍肉都無味，牛奶公司都好過你，起碼唔會叫個客等完二十鐘第一句就鬧你，最多唔出聲，食個二百蚊午餐唔夠貴？所以有咁嘅待遇？（人生第一次投訴食肆，堅嬲）

難得看見了平時排長龍的爆丼屋不用排隊，便走了進去，發現價錢並不便宜，所以也對質素也有點期望。食物上枱後，發現外表也算不差，湯也很好喝！北海豐盛丼有牡丹蝦、帆立貝、魚子、海膽、左口魚，餸的比例ok，但一吃進口海膽的味道很像公廁味，就像將糞便放進口一樣，沾到的飯都有陣陣公廁味，10分不新鮮也10分不推薦。而另一個極上拖羅丼我們都不想拍照了，油脂比例不均，而且每塊都有筋，做不到入口即化的感覺。所以想幫襯前先想想，性價比很低。

同朋友想食日本野，所以喺旺角就搵左依間爆丼屋食。好耐之前已經聽過依間餐廳，今日嚟到都比較多人，但等左5分鐘就入到去了。朋友叫左依個鵝肝帶子丼，無食所以no comment睇相見到呢個蟹子沙律有好多蟹子，但啲蟹子都比較乾，就冇想像中咁好食我叫咗北海道刺身丼。睇相都見到海膽份量好少，然後帶子刺身好薄，係一開二嘅。蝦都新鮮好食嘅，燒左口魚裙邊都可以。而啲刺身飯好一般，應該唔係日本米，亦都無醋飯嘅感覺（好重要！）。 如果係醋飯應該會加返啲分。

原本想食另外一間海鮮丼但因為太多人排隊所以行過經過見到呢一間就諗住求其入去試吓點知一試就出事首先座位迫迫夾夾上菜速度非常之慢職員服務又差都算諗住食好少少 未試過食咁難食既拖羅咬唔開之餘仲好油 成塊好似未解凍咁仲有個北海道丼 海膽唔太新鮮 啲魚生都好一般隻蝦又腥腥地唔好食仲要唔平 認真貼錢買難受 仲要收加一服務費 認真麻麻 已被列為伏店名單 食完背脊骨落 食到懷疑人生！點解呢個世界會有咁難食既拖羅 令我以後對拖羅有陰影！

收咗工之後好想食，特登過嚟食，鋪頭入邊冇咩人，今次唔使等位帶咗兩個丼飯， 加一份沙律，都算大份，送個麵豉湯好足料。兩個人食好飽，都差唔多食唔晒。環境都算OK ，味道魚生都算新鮮，海膽有啲臭味，唔太新鮮，份量唔多，不過我朋友話係咁嘅味。佢接受到海膽的腥味，我就一般般啦，我反而覺得份沙律最好食酸酸甜甜既！好開胃，好好味。而且，我覺得壽司飯冇咩醋味，而且有啲太實，太硬嘅感覺。價錢就一般般，埋單$400幾2個。

近日香港太多事發生需要食番的好野調整番心情呢間日本丼飯屋每一次行過都好多人心諗：有無甘好食丫我想講有連續好幾日都行過都見到好多人排於是我當然要去試下食啦去到本身想試的大路野點知見到有兩個丼飯好特別第一個係慢煮西班牙黑毛豬肋骨丼我朋友話好想試下當然無問題啦我都係中意試新野既人果然有驚喜黑毛豬肉味濃且林咬落好香加上少少wasabi食味道好又夾對味覺又有多一個新既體驗再黎就係食呢個煙燻丼一上枱就嘩左一聲真係煙燻住甘上枱架wor感覺超正拎起個蓋仲有的煙架平時食海膽帶子刺身就食得多煙燻既就真係未食過海膽帶子鮮甜再加上煙燻木既味道特別好味飯底係鵝肝醋飯又夾到個煙燻木既味道呢餐可以話係滿足我味覺既一餐都比到我好多新既嚐試有機會要再黎試其他個的

久聞爆丼屋每每需大排人龍，今日行經過旺角 難得唔使排隊 又豈能錯過😋餐廳出咗新菜式，除咗有慢煮西班牙黑毛豬肋骨丼外，仲有連餐牌都相當別緻嘅大謎題：煙燻丼🤩貫徹往常嘅作風，慢煮西班牙黑毛豬肋骨丼都係爆丼上陣，相當有架勢😎黑毛豬肋骨丼因為係慢煮 所以比起一般煮法肉質口感更來得嫩滑多汁💦 而且醬汁香甜入味 一啖肉一啖飯滋味爆分👍🏻煙燻丼以同menu一樣，以透明蓋蓋住呈上 一打開就散發出濃濃嘅煙燻香同霧氣，充滿神秘感 ！ 頂層係鮮味軟滑嘅海膽 中層係夾集住櫻桃木爆燻香嘅爽滑帶子 而最低層則係鵝肝碎炒飯，炒飯粒粒分明， 鵝肝碎更令到飯嘅口感同味道都大大提升😍

果時9月份去做緊生日優惠，正日生日去食可以免費一個丼，而家11月做緊4人同行，壽星公免費叫一個丼，都幾抵食😛👍👍 ！1️⃣三色海膽盛丼 $258海膽控必食，有加拿大同韓國海膽，滿滿既海膽堆滿成個丼，而且有d橙色有d黃色，橙色係女仔 較為creamy, 而黃色係男仔 較係濃味，質素算係唔錯，幾鮮甜同新鮮，食完好滿足😍😍 ！2️⃣火焰盛丼 $145依個火炙丼有三文魚、帶子、蟹柳同左口魚，但火炙味略嫌唔夠，不過不失，輸哂比海膽丼😂😂 🔔總括而言， 有生日優惠去食都食得話，海膽丼推薦，但火焰盛丼就普通😌😌 ～

🍚煙燻丼（$268）Gimmick打卡之選🤳🏻！一打開充滿仙氣。可以試晒海膽、帆立貝、鵝肝，仲有鮑魚！食材新鮮，海膽同埋帆立貝都好鮮甜，一啲腥味都冇🥰。可惜鵝肝全部都好細粒，品嚐唔到佢嘅油脂香味😵。.🍚慢煮西班牙黑毛豬肋骨丼（$98）12-6pm限量供應。黑毛豬肋骨經過慢煮，鎖住咗肉汁，而且啲肉超腍。如果唔太鐘意食生嘢，但又要陪另一半食，呢個會係穩陣好味之選😆。雖然唔夠汁，不過有飯素，夠餸晒成碗飯！但呢餐唔夠蔬菜，營養均衡啲會更好。.爆丼屋旺角豉油街50號地下8號舖

爆丼屋出晒名多人排長龍，如果唔想排隊等位，就要避開最旺的晚飯時間。而且6pm 前仲有優惠添！同大部分日式丼飯店面一樣，座位都係比較擠逼。丼飯配麵豉湯。麵豉湯有豆卜、三文魚。味道帶甜，不錯。慢煮西班牙黑毛豬肋骨丼6pm 前 優惠價 $98整條豬肋用左竹炭燒汁調味，200度高溫慢煮，肉稔惹味不痴牙。Order左一個熟丼就梗係叫多個海鮮丼一齊分享。煙燻丼 （夏季限量發售）$268用上玻璃透明蓋內矇矇矓矓，打開煙霧彌漫，陣陣煙燻果木香氣飄出。賣相整個海鮮丼飯周邊舖滿帆立貝，中間舖上半板之多的海膽。賣相非常吸引。除左眼見的帆立貝、海膽之外，赤醋飯內拌勻鵝肝，每啖都會食到鵝肝油脂香氣。不要少看碗的大小，內藏兩隻乾鮑魚。肉質爽彈，滋味十足。煙燻丼，可以話奢華享受盡在此丼。

今日係旺角行街，經過一間日本野覺得超級吸引，今日終於有機會食到啦！煙燻丼個丼一上到嘅時候我覺得有一種神秘感，因為啲煙籠罩着成個丼，睇唔到入面有啲乜嘢。一打開d 霧氣就飄出嚟，好有藝術感。佢有大大粒嘅鮑魚、海膽、帆立貝等，我特別鍾意食佢嘅海膽，真係好鮮甜呀！整體來講是一個丼係好睇又好食🥰❤️慢煮西班牙黑毛豬肋骨丼買相唔錯喎！黑毛豬肋骨勁大嚿，而且好香！鋪頭好貼心，俾咗隻碟同埋刀叉我哋切，切嘅時候都feel到啲肉唔會好硬，食落都幾腍，幾有咬口，醬汁令到佢好惹味。幾鍾意個醬汁，攞嚟配飯食都好啱☺叫個丼飯仲有麵豉湯，本來覺得係普通嘅麵豉湯，點知打開入面有好多料，好好飲啊！我勁想飲多一碗😍😍嘢飲揀咗波子汽水，菠蘿味飲落清新又解膩😝波子汽水真係太好玩同埋好飲呢間餐廳選擇都幾多，刺身新鮮，同埋賣相真係好正，打卡一流，下次有機會都會嚟食！

爆丼屋-人氣丼飯專門店每次經過都必定有一大班排隊的客人，門面寫著餐廳名字的大型燈箱招牌，旁邊有著一個丼飯的圖案，黑色鐵框的落地玻璃，深木色系的桌椅子的格局。煙燻丼名符其實的煙燻丼，用玻璃瓶蓋著丼飯，燃起蘋果木和櫻桃木，讓煙燻的味道滲到飯粒和食材當中，丼飯非常豪華，表面佈滿著海膽、帶子，呈現著一朵花般似的，內裡更包含鵝肝和原粒鮑魚，鮮甜的海膽、新鮮的帶子、油香的鵝肝和爽口的鮑魚，四重鮮味享受。慢煮西班牙黑毛豬肋骨丼海量多的西班牙黑毛豬肋骨佈滿著整個丼飯，濃濃的醬汁滲到飯粒當中，豬肋骨肉質腍身的很，慢煮方式下一點也不乾身和鞋身，而且肉汁滿滿的。