爆丼屋 (已搬遷) 新店位置

久聞爆丼屋每每需大排人龍，今日行經過旺角 難得唔使排隊 又豈能錯過😋餐廳出咗新菜式，除咗有慢煮西班牙黑毛豬肋骨丼外，仲有連餐牌都相當別緻嘅大謎題：煙燻丼🤩貫徹往常嘅作風，慢煮西班牙黑毛豬肋骨丼都係爆丼上陣，相當有架勢😎黑毛豬肋骨丼因為係慢煮 所以比起一般煮法肉質口感更來得嫩滑多汁💦 而且醬汁香甜入味 一啖肉一啖飯滋味爆分👍🏻煙燻丼以同menu一樣，以透明蓋蓋住呈上 一打開就散發出濃濃嘅煙燻香同霧氣，充滿神秘感 ！ 頂層係鮮味軟滑嘅海膽 中層係夾集住櫻桃木爆燻香嘅爽滑帶子 而最低層則係鵝肝碎炒飯，炒飯粒粒分明， 鵝肝碎更令到飯嘅口感同味道都大大提升😍