爆丼屋 (已搬遷) 新店位置

最近連旺角都冇乜人平時排長龍嘅店 而家都唔洗排隊直接入去就食得 所以終於有機會試爆丼屋一打開個餐牌真係每款都想食最終揀左食三文魚火山盛丼首先堆滿一堆吞拿魚蓉 再用三文魚粒圍邊加埋d魚子 超豐富 真係唔知點落手好個湯都好正 飲飲下先見到入面有蝦真係真材實料朋友要戒醣 唔食得飯只可以叫其他野食佢就叫左竹炭汁燒雞串鹽燒靖花魚玉子明太子燒見到個樣都覺得好正不過我食晒我個飯都已經勁滿足 試唔到其他野排晒長龍食真係有佢嘅理由用料新鮮 飯亦都係壽司飯好想快d再食呀

每個月梗係要搵嘢獎勵下自己，獎勵自己當然要食我最鍾意嘅日本嘢嗱呢間嘢其實都開咗一段時間，不過次次行過都好多人，今日晏咗小小，門口竟然冇人排隊✌✌終於可以有機會入去試下， 其實呢間嘢嘅丼飯嘅menu唔係好多選擇，都係得十款左右，不過有好多時係貴精不貴多， 只要做得好唔怕選擇少😂 不過除咗丼飯之外仲有其他小食同日式飲品（不過日式飲品本人就覺得有小小貴，唔算好抵飲，所以我無order到😂😂），d丼飯好足料，跌哂落碟，而且d料好新鮮（比好多同價錢大型連鎖嘅好好多），下次可以再去試其他😍

每次係旺角經過爆丼屋都有爆多人排緊隊，今日同個friend 睇完戲九點幾，經過見到無人排隊，就立即walk in 去試試。這裏最低消費是每人一個丼。 order 了兩個丼飯，甜蝦盛丼及火山盛丼。甜蝦盛丼 (HK$148)超級多甜蝦在飯上，大約二十數隻，甜蝦吃下去沒有腥味，帶有少許鮮甜的味道。甜蝦下面全是飯，看來飯桶才能完全KO這個甜蝦丼。火山盛丼 (HK$138)主要是京葱吞拿魚蓉及三文魚。用京葱吞拿魚蓉推成一座山，再用大量三文魚切粒圍住碗邊，刺生多到快要滿瀉，很澎湃。京葱吞拿魚蓉好好送飯，可惜吃得太多會覺得太”漏”。 飯量一樣多到飯桶才能KO這個丼飯。

見平時排晒隊今日又冇咩人就入去試下，叫左個火炙刺身飯，落咗單二十分鐘都未有野食，其他後入黎既客都上曬野。問左一次叫佢跟跟，佢就話整緊，又搞左十分鐘，上左個牛飯，唔係我要既刺身飯，咁我同個經理講，話比錯左喎。點知佢反過來話我，話我叫左牛飯 ; 因為我好少食牛，我自己叫左咩唔通我自己唔知咩; 經理仲話我: 咁姐係落錯啦你!一句唔好意思都無，重要勁悔氣 !!咁我話麻煩你幫我取消張單，個經理勁冇禮貌，一句：咁取消囉！就走左去啦!!一句唔好意思都無。真心燥，前後等左30分鐘，又漏單，又錯單，又上錯菜，個樣完全無歉意，重要勁冇禮貌!最後我係嬲到飯都無食就走左!

事源有日經過爆丼屋，門口職員非常友善和主動推介食物。我和女朋友點左西班牙黑毛豬肋骨同埋火焰盛丼，呢個兩個飯都係各$98,以午餐價錢還可接受。西班牙黑毛豬肋骨非常有風味，值得一試。火焰盛丼就無咩特別，但係都幾足料。一切都非常滿意，但結帳的時候，一位著西裝頭髮有少少藍色既職員，相信係經理。整個過程他只說$xxx，之後一句說話都再無講過。其實我本身都覺得冇咩問題，人哋又唔一定要同你講多謝既，比完錢就快啲走啦。我就衰既，多口問佢借鎖匙想去後巷果廁所,點知佢係連望都唔望我，一句野都唔講行走左。其實我真係好想知，我究竟做咗啲咩得罪咗佢。呢次體驗真係十分十分之差，好似攞錢嚟受氣咁，相信唔會再有下一次

Looking for a delightful new place to satisfy my appetite, I decided to try Big Bang Don. The place was pretty packed, a good sign, I thought. I was soon seated but sardined inbetween two couples in a super cramped table setup. It was in fact so cramped that I had to apologise everytime I wanted to move my arms. Lady Luck favoured me as one of the couples soon left so I relocated to their seat. I ordered my don and when the portion came I felt that the price didn’t reflect the portion size. It w

一直都想試一試已開店好耐的爆丼屋，難得食飯時間人客不多，終於有機會試試我們點了六重相撲爆盛丼及北海豐盛丼先每人來一碗味噌湯，都挺足料，湯內有肉有蝦六重相撲爆盛丼，超豐富！ 滿滿的魚子已不斷往碗外滑下😂，牛油果及蟹沙律送飯很好，左口魚的份量也不少，海瞻尚算新鮮。最初看到隔離碗飯大小不是很大，但食起上來就發現一個人份量真的很滿足！老公點的北海豐盛也不俗，唯一是赤海蝦則麻麻地。每個丼都配有紫，可選擇放在飯上，這食法也很好👍

📍爆丼屋翻手機才發現吃過這家卻一直忘了Po，拖了超久的😱平時每次經過都人很多，那次剛好難得比較少，就直接選他了。.🔸北海豪勢丼🥢吃這種真的都會有選擇困難症.. 餐牌看很久都挑不下去，很想吃拖羅，也很想吃三文魚子跟蝦，還有海膽😂材料很滿足也很鮮甜，覺得是有CP值的，不過感覺飯可以再多一點點，因為吃到後面都剩下料了～雖然對女生來說份量很夠，肚量大一點的男生可能要再加點一些別的才夠。.💲Hkd 約200 @人🏡旺角豉油街50號地下8號鋪🕐12：00 - 02：00.

旺角一間長期大排長龍嘅餐廳，聽就聽得多啦，今次終於見人用啲啲，即刻衝過去排隊入去食😛見到佢哋有個新菜式煙燻丼好吸引咁，決定order一個，另外再叫多咗個西班牙豬肋骨丼！煙燻當一出場即刻成為全場焦點，因為無論佢嘅擺設味道都非常搶眼😋睇落都覺得正。大量嘅海膽鋪滿在眾多嘅帶子上面，就咁睇海膽嘅份量好似正正常常，但係食落去你會覺得好多，而且仔細睇，佢都疊滿了好幾層！！帶子就直頭鋪滿晒，飯都見唔到😋😋🤪非常滿足嘅一個丼飯。西班牙豬肋骨當份量都好大，完全係超過晒隻碗嘅size，肉質軟腍、入味👍🏻☺️一人一個丼飯都夠晒飽

其實好想好想食爆丼屋好耐, 特別係個個鋪滿哂牛肉係面既牛肉丼, 於是今日就同男朋友大食一餐。蟹籽沙律仲諗住呢到係啲丼飯先會滿得驚人, 點知呢個蟹籽沙律上面既蟹籽多到睇唔到下面既沙律, 超級有驚喜之餘, 以前成日係出面食既蟹籽沙律都好想佢地放多小小蟹籽, 係呢到就可以盡情咁食啦! 蟹籽脆卜卜, 再加埋青瓜沙律爽口, 甜甜地又有口感。如果係蟹籽沙律粉絲愛好者, 超級推介呢到既蟹籽沙律, 真係份量多又可以飽。鰈魚裙邊份量都唔少啊, 佢有一半係用左黎做灸燒, 可以食到2種唔同既味道。鰈魚食落去滑溜溜, 而且油脂豐富。再加埋三文魚子, 食落去更加可以提鮮, 唔錯唔錯。慢燒牛肉丼黎到爆丼屋, 梗係要試下佢地既牛肉丼, 我地點左大分量既牛肉丼, 果然令我地冇失望, 滿滿既牛肉鋪滿成個飯面, 牛肉煮得岩岩好, 十分軟諗但有小小”鞋”, 不過加埋雞蛋, 令到牛肉軟滑, 而且味道濃郁。雖然睇落去好似好細碗, 但係都可妁食到飽。

食物外表吸引，但食材一般，入坐等了半小時才有把食物送上，服務態度惡劣！由於當時有部份客戶等得太久，客戶沒有耐性，落單後便決定離去，男經理用粗口指罵客戶！我埋單時用Apple Pay付款，收款器未能接受，員工質疑客戶未能付款，我建議經理再嘗試，但他沒有作出回應，而且仍是只在質疑客戶未能夠付款，最後他無奈地給我再試多一次，這個動作只不過總共做了兩次，他已經態度惡劣，第二次成功付款，我眼看是他的接收器問題，我沒有再說話，但是他仍要補一句：「是你的手機未解鎖，而且我們經常用，一定是你未解鎖所以不能付款，絕對不會有錯！」本來這些對話都是很普通的，但是卻由經理向客戶用超惡劣的態度說出，當時的情況如同一個流氓強向街上的途人指罵，這種服務態度實在未能接受！

每次經過爆丼屋都排曬隊，今日6點左右經過早無咩人，即刻衝入去呀😆唔使排隊，太好啦‼️食到一半人流多了，成場爆滿👩🏽‍🤝‍👨🏼👩🏾‍🤝‍👩🏼⋯⋯🔸 煙燻海膽帆立貝丼黎的時候是用了玻璃罩罩住，好有食分子料理嘅感覺，打開有陣煙霧飄出來💨食落很重的煙燻味Wow~wow~賣相好吸引喔🤩海膽和帆立貝很多到爆出來咁..食既時都要留意唔好整跌曬d刺身呀😉哈哈～飯是沾滿醬汁差不多食到底既時候，發現呢個丼係藏左一個驚喜👻有2粒鮑魚係底喔😙😙🔸 慢煮西班牙黑毛豬肋骨丼豬肋骨好份量好大，起碼有大約8條肋骨！係用慢煮既方式烹調豬肋骨，味道好惹味！豬肋骨上面有粒wasabi，無諗過豬肋骨也能做丼喔🤓

旺角近期人流比以往少了很多，是時候幫趁一些長期爆滿的店舖，等候時間應該不用太長！店舖以丼飯聞名，將刺身、海產、肉類等堆積成一碗碗小山丘，望見都興奮！Menu選擇有很多，令人眼花撩亂。我們被其中一個Menu吸引，這款限定丼飯用煙燻煮理，驟眼看圖片，裏面有海膽及帆立貝，兩款海產都是我的最愛，一望已決定要點，不作他選～限定丼飯用透明蓋蓋住，揭開後陣陣燻煙四散，夠晒吸睛！丼飯真身鋪滿海膽及帆立貝，itadakimasu！海膽色澤水潤，顏色金黃，入口質地柔滑，帶回甘味。帆立貝粒粒晶凝通透，夠晒飽滿，鮮味十足，好吃。低層的壽司飯亦有驚喜，除加入鵝肝外，最低還有兩隻鮑魚，豐富又滿足～朋友說來到爆丼屋，當然要點一些平常吃不到的丼飯～這個西班牙黑毛豬肋骨丼飯就岩晒胃口！豬肋骨跟壽司飯看似不太相配，但吃下去比想像中好得多。豬肋骨以200度慢煮，不會太乾而且有肉汁。再用燒汁將外皮煎得香脆，配上醬汁及壽司飯同吃，味道不錯～當飯份量不少，我們兩個女生吃一碗已經夠晒飽肚～

話說雖然哩間日本餐廳開左都一段日子，但懶到出汁既我一直都未去食過🙆🏻‍♀️ 開業既時候人龍長到嚇死人，前幾日見唔洗排到咁癲即刻走左入去食😆😄·☆ 煙燻海膽帆立貝丼 HKD$268吸睛非常，絕對要相機食先📸 用透明蓋蓋住，一打開蓋即時散發煙霧及霧氣，鮮氣滿滿，即時吸引好多人既目光👀 飯上面係一層圍很好靚既帆立貝，中間有滿滿既海膽🤩 而個丼飯底亦非常有驚喜，用上香濃既鵝肝炒成既飯底，香氣四溢🤤🤤·☆ 慢煮西班牙黑毛豬肋骨丼條黑毛豬肋骨有成一隻半手掌咁長🙀 係長到隻碗都唔夠放，超誇張呢！豬肋骨煮得入味軟腍，唔食魚生刺身既不二之選👍

 旺角呢間爆丼屋長期都排長龍, 好多次想食都畀佢嘅人龍嚇怕咗, 今晚見時間早早地門口唔係好多人就同朋友入左去! 煙燻帆立貝丼飯呢個煙燻帆立貝丼飯真係勁吸睛! 店員攞過嚟嘅時候, 見到側邊嘅人已經注視住我個飯 😈當我拎開個玻璃罩, 煙霧瀰漫伴隨著煙燻嘅香味一湧而出, 又夢幻又吸引。帆立貝一塊一塊鋪滿喺飯面上面, 中間一堆嘅海膽, 仲畀埋紫菜我哋伴住嚟食, 帆立貝非常鮮甜, 而且佢嘅飯本身已經有調味同埋鵝肝碎粒, 食落非常甘香, 食到落底仲會發現兩隻鮑魚! 呢個飯真係色香味俱全 西班牙黑毛豬肋骨丼 推介畀唔食魚生嘅人! 一大塊嘅黑毛豬肋骨 放喺飯面上面, 會畀埋隻碟仔你將豬肋骨放喺上面, 咁就可以方便食底下嘅飯, 豬肋骨入味軟淋好容易就切得開, 豬肋骨嘅醬汁滲咗入飯入面, 撈勻嚟食已經好好味! 不過真係好大碗, 呢個重量級丼飯食到我哋勁飽! 仲有跟埋兩個足料靚麵豉湯我自己就鍾意食魚生刺身所以今晚呢個煙燻丼飯我係勁鍾意, 而且好似係期間限定架