燒蝦哈 (已結業)

朋友介紹屬於獨立式燒烤，今日終於來到～地方也夠大～小朋友多走動～用的是環保炭，沒太大煙，炭也耐燒～飲品食物也算多～之後亦有補充其他款飲品～蝦新鮮生猛，也夠大隻帶膏，店員有提供冰桶，要先冰暈蝦再燒～這種燒烤每次去泰國我地必食～令到我有點掛住泰國羊架醃得入味，大件，寶寶非常喜歡～我們在樓上位置燒，寶寶們在樓下走動，當然要先照顧寶寶們先除了提供冰，還有提供鹽，鹽燒就最帶出蝦既鮮味～雞扒，豬扒，串燒牛肉粒，雞翼，還有十多款蔬菜可選擇～

天氣咁凍最啱就係為埋一齊打邊爐，但係最近新聞話打邊爐好危險，所以我哋唯有圍住另外一種BBQ爐。呢間類似流水蝦嘅食法，就係啲蝦會放喺個水池度比你自己撈。有得食又有得玩，真係啱晒一家大細一齊嚟。啲蝦都幾新鮮，好多都有膏，而且仲好彈牙。佢另外仲有一款海鮮就係大蜆，啲顯粒粒都咁大粒，而且仲好新鮮鮮甜。除咗呢兩款海鮮之外，仲有另外一啲肉類同埋蔬菜類任食。啲肉類都好新鮮，特別係啲雞翼，我哋燒到啱啱好所以好滑好嫩。

新鮮燒大蝦之前開始hit流水蝦，男朋友係咁同我講話想試下流水蝦，上網見呢間BBQ流水蝦新開，價錢吾算貴，就決定星期六同佢去食。地點雖然有啲偏僻，有車係方便好多，點對點就有好西食。比預期預約時間早左D，但員工都照比我地入座，入座任食手2小時。可以任食櫃既野食同野飲。我地先燒肉果d，豬頸肉，豬扒，五花腩，牛柳粒，羊架，雞扒，丸類同蔬菜樣樣齊。其中我最喜歡五花腩同牛柳粒，皆因調味醃得好，牛柳粒仲有香草醃，有心機，好味。流水大蝦出色，大大隻，勁長鬚，要用冰水浸暈佢，再加鹽燒，多膏肉彈牙，好新鮮。野食幾好，醬湯自家調，服務同埋衛生都不錯。

最近係非常時期，想同屋企人出街食飯都要搵啲空曠啲嘅地方，避免太多人逼埋一齊。所以今日就同佢地嚟錦上路呢間食BBQ。揀呢間係因為佢有得燒大頭蝦，而啲蝦係新鮮生猛係個水池入邊俾你自己撈嚟燒。捉佢出嚟燒之前，要擺佢落去冰桶度凍暈佢。燒完之後真係好鮮甜美味，而且每一隻都有膏，真係好正。但係啲蝦唔係任食，而係計人頭每人八隻。講返個爐先，佢呢度用嘅係環保炭，所以燒足兩個鐘，都唔需要換炭。除咗大頭蝦之外，呢度嘅其他肉類，丸類同埋飲品都係任食嘅。佢啲肉類都好新鮮，特別係啲雞翼同埋雞扒，真係好滑好Juicy。去到臨尾，仲有燒大蜆，呢個大蜆就比你自己調味，我自己就整咗一個辣，一個唔辣。啲蜆粒粒都好大粒，好鮮甜。

屋企附近新開一間食流水蝦，見近近地去試下。結果，係失望🤦🏼‍♀️🤦🏼‍♀️🤦🏼‍♀️限時2個半小時，我地8個人去，要開2個爐，第2個爐，等左半個中先有，我地只係呆等。如果繁忙時間都可以體諒，但當時只有一枱客，我地仲要係訂左枱，不是應該一早預備好嗎？夠鐘還催我地走，但當時是沒有客人的！食物是自助的，款式也較少，很快冇晒，fill得太慢，不過蝦是新鮮的，如果真係只去食蝦，而沒有其他要求的，就可以去試下。环境：尚算可以服务：不要太高要求

🦐流水蝦近期都算好hit，元朗食到流水蝦既地方唔多，今次特登同朋友book咗呢間開左兩個月左右既餐廳——燒蝦哈🍴。價錢唔算貴但水準好高👍🏻今日我6點就黎到，見到太陽開始落山，一路食一路睇日落真係好寫意。🌄餐廳出面有免費車位🚙，可以揸車黎好方便🤩，不過其實錦上路西鐵站一出行5-10分鐘都到。一坐低已經見到已經有好多好生猛嘅大頭蝦🦐等緊我地🤤🤤職員好快放低咗個爐同埋一盤冰水我地就急不及待可以開始喇！🤤👏🏻首先要將蝦放入冰水大約1分鐘。等佢地無咁活躍之後可以剪左佢地d鬚✂️跟住就可以放落去炭爐度燒🔥，蝦肉好新鮮，好彈牙，蝦頭仲有好多膏😋職員仲俾定左一碟鹽，鍾意鹽燒就一定要試下。🤩蝦就任食嘅☺️，食晒佢會再refill👍🏻我地兩個食左差唔多30隻蝦，抵到爛呀🙊不過除咗蝦之外其實仲有其它嘢食嘅😛醃肉方面有豬排🥩，雞翼，羊架，牛柳串等🍖。聽啲職員講係全部都係自家醃🤩好有心而且食物質素都唔錯，入味得黎唔太鹹。餐廳好體貼咁準備咗唔同嘅醬汁俾我哋選擇，而個祕制醬汁配羊架真係好夾好好食😋其餘食物有少量丸，蔬菜有脆玉瓜🥒，菠蘿🍍，都仲係好新鮮，而菠蘿仲好多汁添😎。飲品

今日朋友約我燒嘢食，由於我真係好鍾意燒嘢食，所以二話不說就應約。之後朋友同我講話係喺錦上路，起初仲覺得好遠，點知去到發現其實係好近西鐵站，而呢個燒烤場有別於我認知嘅燒烤場，個格局好似餐廳咁，又乾淨又舒服又有情調，真係好正啊！兩張枱中間放有魚缸，啲蝦游嚟游去好新鮮。除咗主打嘅鮮蝦之外，仲有好多正嘢：豬、牛、雞翼、雞扒、台灣腸、新鮮蔬菜，不得不提嘅係燒菠蘿，真係超正！總括然而，呢間係我去過咁多間燒烤場之中，最正嘅燒烤場！

今個新年受疫情影響，大家都唔係點去街。新年緊係要團聚一下，唯有揀啲空曠開揚地方。經朋友介紹，今個新年去左錦田全新燒烤場燒蝦哈燒下野食先。燒蝦哈就喺錦上路西鐵站附近， 十分鐘內就到，不過記得要過對面馬路。 呢度係私人燒烤場， 地方唔大， 有停車場，大約可容納50人， 適合搞私人派對，地方非常開揚。 有桌球免費任玩，同夾公仔機。任飲任食2小時，仲有大頭蝦，每位$328， 小童半價。啤酒$150/6罐。食物都幾多種類， 雞翼，台灣腸，芝士腸，羊肉，牛扒，豬扒，青椒，菠蘿，金菇，生菜，娃娃菜，粟米，翠肉瓜，矮瓜，牛肉串，仲有爆膏大頭蝦。醬料味道都唔錯，尤其泰式辣醬夠正宗。氣氛浪漫現場仲會播放音樂， 一家人燒下嘢食嘻嘻哈哈一個晚上唔錯。

今日去左錦田甫錦路既燒蝦哈。呢度提供即棄餐具，每人有一包獨立包裝餐具，入面有獨立包裝既筷子同濕巾。每檯都會有一個桌上小炭爐燒野食。呢個燒烤場既特色係提供流水蝦。流水蝦係近年泰國勁hit 既！根據我喺泰國食流水蝦既經驗，燒蝦蝦當然無難度！只要喺水池夾起大頭蝦放入冰桶，將啲蝦凍暈，之後可以加啲鹽，就可以放上爐度燒喇！呢度啲大頭蝦夠哂新鮮，隻隻游水之餘亦都隻隻有膏。除左流水蝦之外，呢度都有其他食物提供。基本既雞翼、雞扒、豬扒同蔬菜都有。呢度既雞扒同豬扒算唔錯，每樣試左一件，雞扒夠厚身，燒耐少少啲肉都一樣咁滑。豬扒雖然唔係厚切，但都唔太乾。如果想食流水蝦，又無機會去泰國，呢度都可以係一個選擇。

今日去咗元朗食大頭蝦，地點雖然有啲偏僻，但係服務同埋衛生都做得好好，大頭蝦非常生猛夾，啲蝦係咁扎扎跳！😂😂要用冰水浸一陣再剪咗佢啲鬚加鹽再燒！啲蝦頭好多膏好正！任食來講真係好抵食！推薦

比預約時間早左到都照比入座，當然係照計時喇大頭蝦出色，真係每一隻都多膏厚肉，肉類都醃得好食，唔錯，其中係有d腸類冇哂就唔再出好可惜，我地係第2時段中已經冇哂了，同埋佢用環保碳，一路到尾都唔使加碳，定時反一反碳就可以繼續燒，但去到最尾30-45 分鐘時就已經唔太夠力燒蝦，所以建議燒飽蝦先再慢慢燒肉腸丸類職員有禮貌，keep住Refill 蝦，完全唔需要叫，唔會話見你食得多就唔願再比你咁，好食得蝦既就更加抵食，會再黎