燒蝦哈 (已結業)

新鮮燒大蝦之前開始hit流水蝦，男朋友係咁同我講話想試下流水蝦，上網見呢間BBQ流水蝦新開，價錢吾算貴，就決定星期六同佢去食。地點雖然有啲偏僻，有車係方便好多，點對點就有好西食。比預期預約時間早左D，但員工都照比我地入座，入座任食手2小時。可以任食櫃既野食同野飲。我地先燒肉果d，豬頸肉，豬扒，五花腩，牛柳粒，羊架，雞扒，丸類同蔬菜樣樣齊。其中我最喜歡五花腩同牛柳粒，皆因調味醃得好，牛柳粒仲有香草醃，有心機，好味。流水大蝦出色，大大隻，勁長鬚，要用冰水浸暈佢，再加鹽燒，多膏肉彈牙，好新鮮。野食幾好，醬湯自家調，服務同埋衛生都不錯。