燒蝦哈 (已結業)

蝦蝦蝦…天氣終於涼番啲，所以就book左哩個室外既炭燒大頭蝦放題😋😋😋哩道有個大魚缸放滿晒蝦，俾我地自己去夾，想食幾多就夾幾多🥰仲有個放左冰既水桶用嚟凍暈啲蝦😂夾好晒蝦就可以放係哩個炭爐上面慢慢燒🔥🔥🔥係燒之前搽少少鹽可以令大頭蝦燒更加入味😋😋😋環境就一般，好彩唔太熱仲有部大風扇吹吹💁🏻‍♂️💁🏻‍♂️💁🏻‍♂️除左大頭蝦，仲有好多配菜俾大家拎去燒，真係可以食個飽！！！

一行二十幾個人一早已經預約左總共3個爐因為我中途先到去到我見識到第一個奇景就係唔夠炭用 話冇預到我地咁多人真係離哂譜 你唔係一早知我地有幾多人既咩！仲有炭呢d基本野 作為燒烤場應該係要有大量存貨而家話要搵人出去買 買完返黎仲要話要留返d碳俾其他客 大佬三百幾蚊一位架！而且去到我見到大部好common既野食已經冇哂 包括雞翼 腸仔 丸 粟米我地本身拎既都唔係多架啦 又係同我地講預少左！算啦 見仲有雞扒豬扒 點知結哂冰架！d肉又老 又硬 總括黎講 冇野好食！燒左咁多次野食呢間真係經典勸大家book過第二間！總括 全部零分！

香港本地遊，今次去到元朗嘅錦上路，附近有咩地方好去，上網睇睇啦，重點講返夜晚食嘅呢間餐廳。餐廳主打流水蝦嘅任食燒烤，事前當然睇睇OpenRice評價先啦，有好有劣，一於親身過嚟試下。簡單講講，環境尚算可以，一坐低就上咗個炭爐過嚟，咁之後就自便啦～起初不為意，爐入面炭都好似燒左段時間，不過都仲熱熱地嘅，餐廳提供除咗蝦之外，海鮮就無其他喇，肉食方便：交叉嘅都無⋯⋯而且部分肉類其實都帶瘀黑，同小小變壞嘅酸味咁就算啦～ 唔掂～（留意到臨清場時間，店員將食材包保鮮紙）（估計再再再留返下一日做生意）飲品方面，餐廳都係提供比較平價紙包飲品，需要啤酒、汽水就各下自理，最近便利店去返西鐵站啦^_^至於流水蝦，不過不失啦～池底比較多死蝦，未去過其他同類餐廳，唔作比較啦，做個參考，反而游水嘅蝦都幾生猛嘅⋯⋯不足之處，炭爐嘅火實在太慢太慢，基本上唔係燒，而係將蝦烘熱，平均15-20分鐘先可以食到一轉。隨後，同店員表示想加炭，店員就過嚟反兩反啲炭了事～過咗幾個字真係唔得，屋企暖爐仲比炭爐熱，第二次表示想加炭，店員就以加熱炭要時間，仲有半個鐘要離座就唔加喇⋯⋯所以最後嘅蝦，烘唔熱無得食～（留意返係烘唔熱，唔係燒唔

上年係佢 啱啱裝修完重開時候來過一次， 覺得好正，所以第二次又推薦朋友再來，但個感覺係差左好多， 無論係果時的店員（食煙，又咩都唔理）定係食物質素（食左1個鐘到蝦都無哂...）😒🤯 點知琴日喺錦上路行完山又諗起佢，夠近， 諗住咁耐冇嚟再check番啲評價， 睇到差啲好後悔又book返佢 😅， 最後諗住反正都book咗就去睇下啦，點知有超級驚喜！！！！職員：👍👍👍👍👍由之前的女店員（🙄）換左男店員-斯文有禮我哋早咗少少去到佢都有同我哋講唔好意思啲蝦未到，叫我地等一陣，同食住其他嘢先！-細心尋日有另一台同我哋差唔多時間開始食野的客，佢哋要加碳之後，我哋都未問，佢已經好細心咁拎咗啲炭嚟幫我哋加👍款式：👍👍老實講， 以任食嚟講款式唔夠多不過乜都有少少，但我志在食蝦，其他不是重點😏。重點係d 蝦係合理的大小，仲要係大部份都有膏🤩執生：👍👍👍👍👍今次 由於係即日book位，根據過往經驗，本身都冇預計可以有好多蝦食😓 但食到一半發現店員陸續送上其他海鮮，蟶子、貝殼類海鮮、蟹， 然後店員有同我哋道歉「唔好意思,今日啲蝦嘅數量今日運送嘅過程中死咗好多大頭蝦，所以今日後面的客我地都cut 左，今次食住先其

嚟過好多次，有位泊車👍🏻夏天有風機，吹住唔覺熱秋天嚟更係一流啲蝦好新鮮，仲有魷魚、雞翼超級好味服務員態度一流❤️一定要encore適合一家大細gathering

找得好辛苦先找到位置，環境普通，唔係好多張台，首先女職員口罩都唔戴，態度仲十分惡劣。坐低之後發覺海鮮只得一款🦐，所謂幾328一位再加1原來無得選擇，只有蝦！係元朗燒烤甘多次，呢次係最貴食得超級唔開心D一次！冬菇無洗過，未知道是否要洗過先食得，調味料發曬霉都拿出來比人食，有無搞錯，匙油有少少變味tim，啤酒罐裝330m☞150半打，是否離曬鋪，貴過酒吧！下次如果再來幫襯都傻啦！絕不可能有下次，離曬

今次係第2次去第一次覺得幾好食果陣有牛柳粒 又有好多蝦好大隻今次諗住專登再去食但今次去到完全無野食得雞翼同幾塊扒 仲有啲菜類之後就無啦🤷🏼‍♀️啲蝦仲要好多都死同埋又細隻跟住個爐完全唔熱燒左半個鐘隻雞翼都唔熟😤但仲要係限時雞翼清晒又唔fill燒蝦最重要嘅粗鹽今次都無得啲泰式醬汁😩職員長期都不停食煙跟住又全部唔帶口罩周圍走仲要係咁講嘢係你面前對住個爐同食物都照唔帶口罩講野以後唔會再去依家真係好差😢😢

朋友兩個星期前黎過，介紹呢間有個夾蝦池，可以自己去夾蝦。於是我就book左四位，試下呢間啦。7點左右去到，場地比較細，大約有70個位左右。可能係星期日關係，幾乎滿座。凍櫃肉類：沒有太多選擇，只有常見嘅扒、雞翼、腸類、幾款丸咁，仲有少少蔬菜咁。refill得好慢，去到8點幾，好多食物盤都無曬食物，雞翼一直沒有refill。夾蝦區：有四個玻璃池，可以供人夾蝦。大頭蝦比較細隻，沒有太多膏。在是次用餐過程中，見到職員refill左數次，主要集中refill靠外面嘅兩個池，而且很快給人夾曬。配料區：辣椒、泰式醬、蒜蓉、醬油、鹽。原本有錫紙提供的，七點左右就沒曬了。餐具：每人一隻膠碟、一套即棄餐具職員：全晚只有兩位職員，聽全職職員與朋友傾計時，職員表示另外一位職員是她臨時找回來幫忙的朋友。值得稱讚臨時找回來幫忙的職員，十分細心和有禮。整體用餐體驗：去到夜晚8:40左右，夾蝦區已經沒有蝦了。但見到職員用冰桶去養蝦池拿了兩桶滿的新鮮蝦俾隔離檯，隔離檯係職員嘅朋友，他們一行大約10幾人。我拿冰桶給職員要求加蝦，職員拿了大約12隻冰凍蝦給我。到了8:50，職員提我地埋單，每位360。向職員查詢是否沒有蝦了

中秋佳節諗住同屋企人試下食流水蝦，一早預約左夜晚8點黎試下呢間燒蝦哈。8點黎到，發現個場都頗細，上層好似仲裝修緊。待應就臨時開左張枱比我地4個人，待應話之前既顧客遲左黎所以未安排到枱比我地，話可能9點左右先會安排到有頂同個地較平既位置比我地。但臨時位置十分唔好，開左係一個冇頂而且係走廊既斜路上面，叫我地坐住先。但隨後又有一名待應放左燒烤爐上枱，叫我地食住先，斜路加燒烤爐，我地個枱仲係有老人家，所以係十分之危險！之後未到9點有人早走，先安排到適當既位置。食物方面，啲肉類有醃，味道都可以，種類少。但refill速度慢，我地8點入去，蔬菜已經所剩無己，坐到10點都只係見過佢地refill一次蕃薯仔，但只係fill左一半都冇既數量，其他蔬菜都冇再fill過。至於肉類，成晚都係refill過一次。至於主打流水蝦，佢哋有個流水蝦區，客人可以拎個桶出去夾蝦。啲蝦都有膏，但普遍頗為細隻，而且refill速度都係好慢，個區有四個蝦缸，但佢地只會refill一兩個缸，好快會夾哂，就要再等。之後見其他留言，都見好多醬汁，我地呢次去，只有一個類似泰式酸辣汁、一枝豉油，同埋一桶鹽，這部分都令我地為之失望。飲品方

星期日難得放假，疫情期間又無得去旅行，唯有親親大自然去錦田果頭慢活下，玩到咁上下開始肚餓，就想搵野食，係附近search到食燒流水蝦既舖頭，可以俾我重拾一下去泰國流水蝦既感覺。雖然佢隔離係車房，但係整體既裝修都唔錯，幾骨子，旁邊仲有冷氣吹，所以都唔會太焗。好岩一大班朋友包場黎玩，果到仲有天台燒烤，夠哂有氣氛，最重要係可以免費泊車，岩哂我地呢d長期難搵車位既人！食物種類應有盡有，有基本豬, 雞排, 雞翼, 丸類, 瓜, 菜類, 亦有免費野飲任飲任拎，食物都不過不失，如果肉類可以再醃得入味d會更好，因為我更加岩濃味野食～主打流水蝦都好新鮮，首先要搵冰桶凍暈d蝦，之後再揾粗鹽醃一醃，吊一吊鮮味，之後再揾炭爐黎燒。流水蝦都有唔少蝦膏，肉質都好彈牙，容易剝到蝦殼。呢到仲有供應泰國基圍蝦，細細隻但燒落蝦殼同肉好易分離，岩哂懶人食！另外呢到有幾款醬料，包括 蒜蓉, 泰式酸辣醬等等，有唔同既風味可以帶出蝦既鮮味。另外，老闆仲推介左我地食海鮮拼盤，拼盤有帶子, 蟶子, 蜆，餐廳都洗得乾淨，食落無沙，不過要注意貝殼類唔可以燒太耐，唔係個殼會爆！所以一打開就要即時拎起，食落海鮮都唔錯，頗有鮮味。最後都想讚一

今日黎開錦上路探草泥馬，見到附近e 間主打流水蝦嘅食店，好吸引咁❤️決定同男朋友一試。食店位於一個停車場嘅位置，座位都好闊落，有d 似泰國嘅感覺。每枱都有蚊香提供，就算戶外都唔怕有蚊😎✌🏻店員燒熱左炭之後會放係炭爐再送到枱上。唔夠炭仲可以加炭🤓👍🏻通風都好好，就算夏季燒都唔會燒到流哂汗👍🏻🥰睇返主角流水蝦🦐先😍係個水池道好生猛咁游緊水😎😎好多大隻同有羔🤤夾蝦比釣蝦容易🤗由於d 蝦好生猛同要避免太血腥🥺，店家有提供冰桶，夾完生猛嘅蝦🦐後，就可以放係冰桶入面凍暈佢地先，再剪蝦鬚。剪好就可以加鹽落去燒。但我地喜歡食鮮味，我地就冇落調味料🤓用炭火燒真係唔同d ,蝦🦐食落好香炭火味，蝦頭好多蝦羔❤️，肉好嫩🤗店員仲會不時加蝦👍🏻👍🏻🤩太好食，所以我地食左幾轉🤓除左蝦🦐，仲有其他食材可以燒😌我地燒左羊架，羊架食落好香嘅香草味，肉質都剛好，唔算好肥。雞翼控一定要食燒雞翼😍雞翼被炭火燒得岩岩好，皮脆肉滑👍🏻仲有少少孜然味。燒野食緊係要食埋腸仔同埋丸喇，我覺得台灣腸同埋墨魚丸最好食🤩如果有少少蜜糖提供會更好🤗食店有提供錫紙仲有可以自製蔬菜包。我地仲燒左少甜薯等等🥰

🦐新流水蝦燒烤場💕茶包走入元朗錦上路，一試仼挾泰國大頭蝦燒烤場❤️⠀⠀=|| 環境 ||=開放式嘅燒烤場，中心位置擺放流水養殖的生猛大頭蝦供客人自己夾入冰桶中，凍暈啲蝦再剪鬚/鉗再放上炭爐上燒😍⠀⠀想食幾多就挾幾多☺️鐘意釣蝦但又釣唔到嘅朋友，不妨考慮轉轉場🤣計計埋埋啲消費額都差唔多咋⠀⠀=|| 食物 ||=🦐食蝦最怕唔新鮮/污糟，呢間燒烤場無呢個問題，蝦肚都係白雪雪，母蝦仲有膏添💕⠀⠀💁🏻‍♀️除咗燒蝦之外梗喺仲有其他嘢食啦！雖然種類都唔算多，但應該要有嘅都有。⠀⠀🥩肉類推薦（店稱肉類自家醃製）💥黑椒牛柳粒💕牛柳粒肉質軟熟，黑椒味好香，醃得好入味！雖然係雪到硬晒咁鏟起，食落口依然無雪味。⠀⠀💥香草羊架🐏厚切羊架灑上大量香草，大大啖都係肉！最正係燒到羊架上嘅脂肪脆卜卜😋⠀⠀💥豬頸肉🐷茶包以為喺切細件裝嘅豬扒，燒起先知係豬頸肉！再配埋老闆自製泰式酸汁，簡直可以媲美出面泰國餐廳！⠀⠀🐥本地墨魚丸💕超級彈牙，食落又有魚旦咁彈，又有墨魚粒粒嘅口感！完全無仼何粉味，簡直對得起呢個價錢💕店家話丸類喺搵香港工場拎貨，唔掛之得咁正😝⠀⠀🥒🥦蔬菜就有翠肉瓜、茄子、金針茹、冬菇、粟米呢啲大路野，醬櫃有提供錫紙畀

話說放假冇乜嘢做😅，所以就搵一個朋友揸部車周圍行下，如果你去咗錦田🤷🏻‍♂️，去咗cafe坐一陣之後發覺肚餓🤯，所以搵咗附近有啲咩食😋， 結果我哋見到一間食流水蝦嘅🦐，我哋由於對流水蝦都有啲興趣🤩，所以就好快咁決定咗去食流水蝦，去到見到舖頭環境都唔錯，幾號田園風味🤣，所以就入咗去，店員好快就安排我哋坐低👍，由於當時時間仲比較早，所以人唔係好多👌，店員簡單咁介紹咗一下，並且好貼心咁教我哋點樣去揀流水蝦😘， 由於呢度除咗流水蝦之外其他嘢，都係任飲任食嘅😎，所以唔使擔心好單調咁食蝦🤣🤣，所有食物之中我比較推薦嘅，當然唔少得係流水蝦，另外仲有羊架🦌，醃得非常之好食，另外我叮囑各位，記得一定要問店員拎個勁辣泰式汁❗因為真係好好食，令到所有食物都生色不少🤤，呢個汁真係我嚴重推薦🉐，另外店員仲不時同我哋傾偈，所以整體氣氛都唔錯，成個過程都十分之愉快😝

我地一家人都鍾意燒烤，朋友介紹呢燒哈蝦開咗無耐可以去試吓，所以專程坐西鐵去錦上路，由西鐵站行去其實10分鐘內，都唔遠，不過記得係C出口，openrice 寫B出口會行多一段路，C出口轉右過馬路後，沿東滙路行過橋後轉入錦莆路，見到個停車場行入去就係啦！之前睇食評話呢度有上下兩層，不過問店員佢話之前打風上邊有損毁，而家剩返下層，唔使行上行落仲好啦。現場冇冷氣，不過有冷風機，如果夜晚嚟都唔會太熱。食物方面，呢間燒烤主打食大頭蝦，活生生任你捉，即夾即燒保證新鮮，確實真係幾好味，有啲仲好多膏添！其他食物都係一般嘅雞翼、豬牛羊、丸、腸等，另外都有一些蔬菜，例如金菇、粟米、三色椒、娃娃菜、一口番薯等等，我建議用店員提供嘅錫紙來做蔬菜包，因為就咁燒蔬菜會比較乾，做蔬菜包就可以保持濕潤，好味好多啊！不過菠蘿我就就咁燒，都好甜呢！呢度多包任飲，主要係紙包果汁、茶、或者罐裝涼茶爽、沙士等選擇。

老公生日諗住揾啲新意思搞吓，計劃出錦上路行吓紅磚屋再去燒嘢食，不過最後時間晏咗，無行附近就直接由西鐵行去燒烤地方。此燒烤場非一般那些，佢係用炭爐燒的，所以可以將食物放番上個網然後慢慢傾偈和玩，燒熟就夾來食，我哋帶埋啤牌嚟邊食邊玩好relax而呢度既重點當然係食大頭蝦啦！可以自己在水缸任㨂任夾，小朋友玩夾蝦最開心，有啲好生猛游得勁快！記得夾上嚟之後要先放冰桶凍暈佢先，否則直接放上炭爐佢真係會跳走。最緊要係啲蝦好好食，蝦頭有膏好鮮甜，肉質都彈牙。店員話其他肉類係佢哋自己醃，其中一款雞翼有輕微辣，而提供的醬油亦不是港式燒烤的蜜糖，而是泰式醬有辣有唔辣。另外都有蔬菜類提供，平衡下唔會咁寡。飲品方面都是任飲的，唔係間間燒烤場咁做，因為燒嘢食真係飲勁多嘢！哈哈！