燒味滷師 (安發大廈)

營業中

休息中

今日係媽媽嘅農曆生日佢哋唔想出街食飯慶祝咁唯有我斬料返屋企加送啦屋企人本身都好鍾意食燒味所以呢就去到呢一間燒味滷師試一試佢朋友話呢間係非常之有名長期都勁多人排隊區內區內都有相當嘅名氣，所以今次我都買咗四本唔同嘅返屋企試食超超超超級多人但係個價錢亦都非常之相宜唔怪得之成日都咁多人排隊而且而家做外賣雙拼都係$22咋！廚師喺裏面斬料其實都睇得一清二楚見到環境都幾乾淨我分別買咗叉燒燒鴨白切雞同埋紅腸講吓叉燒先一啲都唔乾身而且外面仲淋上蜜汁甜甜地非常之開胃而且肥瘦適中 食落去完全唔會好un白切雞個份量非常之多！但都只係買$60超級抵白切雞嘅肉質非常之嫩滑，而且雞胸嗰部份都唔會好柴！配上姜戎送飯簡直一流鴨方面，油脂比例啱啱好，唔會太瘦而且滷水嘅味道非常之香濃，令到成個鴨肉味道更加突出。肉質仲非常之厚實紅腸都唔錯唔會好鹹整體來講呢一間嘅燒味店非常之抵食

今日經過長沙灣嘅燒味滷師，見到好多人排隊買燒味， 因為好奇見到咁多人所以停下腳步， 都跟其他人排隊買了四種燒味拎返屋企一家大細晚餐加餸食！ 果然好有驚喜！ 店舖好有系統,一邊係顧客排隊order食物及付款， 另一邊，店員負責傳遞食物給顧客，另外燒味師傅負責斬件，  所以比較衛生 ！ 客家鹽焗雞一隻 雞好嫩滑應該係採用咗三黃雞！ 用咗鹽焗雞味非常入味！  雖然配有薑蔥，但基本上唔需要點任何醬汁都已經好入味！ 客家雞每隻只售五十九元，真是超抵食！ 至尊燒鵝燒鵝係上莊， 熱辣辣非常入味， 肉質鮮嫩，皮燒得非常香脆！ 仲配有酸梅醬及燒鵝汁🥰🥰🥰  最鍾意配酸梅醬❤️ 老師傅燒腩仔燒肉好瘦，不太多脂肪， 鹹味適中，適合鍾意食瘦肉嘅人！ 燒味佬叉燒叉燒有好濃嘅蜜糖味香噴噴，甜得來不油膩，都係偏瘦,  肉質鮮嫩！

見到有雜誌介紹長沙灣的燒味店，鍾意食燒味嘅我專程到長沙灣一趟，店舖光猛新淨掛滿食物，也要排隊購買，我買了4款燒味回家品嚐，有燒腩仔、鹽焗雞、燒鵝、叉燒。四盒都有份量，隔住膠盒同袋都聞到好香！番到屋企所有燒味也微暖！燒腩仔夠咸香，肥瘦比例好，唔會太多肥膏，皮也香脆。叉燒口感鬆軟，充滿蜜香，小朋友非常鐘意食，讚口不絕，而我也十分欣賞叉燒的口感興味道。客家鹽焗雞咸香嫩滑，好拌飯！配上的薑蓉也十分好味！燒鵝皮脆肉多汁，有水準！期待下次試其他食物！

屋企人好中意食燒味架 趁今日放假早d去加料先 次次去親都要排隊 好多人🤐有哂信心保證 買左最緊要既靚叉燒🤤甜甜既叉燒 岩岩好半肥瘦 唔會太油膩😍仲要大大舊 一斤勁抵食燒腩仔😋金黃外皮脆卜卜 亦都唔會太多肥膏 食完覺得好滿足😆客家鹽焗雞🍖🤩淡淡既雞香 聞見已經流口水🤤食落口仲要唔‘鞋’至尊燒鵝😋皮脆啖啖肉汁 賣相都相當吸引🥰燒味除左送飯食之餘 配瀨粉都係好夾😋😋係屋企都可以自制酒樓既味道🤣🤣多d新鮮感！

自從喺長沙灣呢一邊工作之後 發掘咗好多新野食❤️經過朋友推介嚟咗呢一間日日都排長龍嘅燒味外賣店買嘢返屋企食😁今日黎左呢間燒味外賣店真係好驚喜佢地價格好平民❤️❤️屋企人都大讚我地要左上裝燒鵝 一隻雞 叉燒同埋燒腩仔份量好足😛媽咪話一定會encore燒鵝好香身 見到佢地有工場燒所有都好新鮮出爐油香好濃 🙈下次去一定要食一隻❤️肉質美味 又juicy 叉燒燒得有脆位蜜汁既甜味好好送飯 而家咬落半肥瘦好好食 😍叉燒厚切之後燒腩仔層層分明❤️唔會過咸加少少佢地既芥末就好夾啦😎鍾意食燒肉既唔可以錯過之後我好鍾意既一隻雞!! 佢除左有比薑蓉之外仲有比沙薑兩種風味都好特別佢既外層焗得好入味 雞肉鮮嫩 熟既程度控制得好好加上價錢好抵見到好多人都排隊買自己好鍾意沙薑味 因為好少地方食到咁既風味今次一次過食晒兩隻🤪必定再encore

屋企附近開左一間人人試過都讚既親民燒味店!睇佢燒味既色水真係相當吸引而佢最熱賣既係燒鵝！人人食過都又抵食又好食，排到我既時候已經賣到要等出爐😂我無等了🙈另外都有唔少冷盤，處理得乾淨衛生，值得一贊👍🏻客家鹽焗雞，色水好靚，聞落都有陣陣咸香食落水雞肉好嫩滑，計皮食更爽，多左雞皮既油香，送飯真係一流叉燒唔會落太多色素，紅得黎唔會太假而佢呢度加既汁味道好似滷水汁，比平時既蜜汁叉燒多左一陣香料味。入口香軟鬆化，好開胃！燒腩仔既皮燒得非常鬆脆，入口真係卜卜聲而佢既肉肥瘦配搭均勻，唔會太肥膩，多多都唔會膩！另外都試左店員推介既麻辣手撕雞！食落麻辣味剛剛好，唔會太over，而且麻油同芝麻好夾，食落更香口

放工經過見到好多人排隊原來有間新開嘅新裝燒味檔好乾淨企理價錢仲要超抵我就叫咗全隻客家鹽焗雞$59一斤燒味佬叉燒 $50一斤老師傅燒腩仔$64至尊燒鵝上庄 $110價錢真係超抵師傅超快手5分鐘有得拎我唔鍾意食肥叉就食咗瘦叉燒有驚喜和瘦叉一啲都唔鞋肉質好冧客家鹽焗雞好夠味亦都好滑口雞肉夠嫩至尊燒鵝，啖啖肉，又唔會好肥唔會食到成口油燒腩仔個皮都算脆有咬口但略有啲鹹最重要都係夠抵食唔煮飯一家四口都食唔曬留返第二日再炒餸

燒味可以話係好地道嘅加料之選，呢日嚟到長沙灣經過呢間燒味店，見到門口都幾多人幫襯，於是就望一望個價格表，除咗款式多之外原來都幾抵食，尤其是$59就有一整隻雞，咁當然俾個機會試吓佢啦。🔷至尊燒鵝（上庄） 💰110燒鵝食個皮都好脆好香，個燒鵝汁係另上，拎返屋企嘅時候都唔驚倒瀉。燒鵝唔算太肥，肉質又夠嫩，去買個甜酸梅醬係會食極唔停。🔷老師傅燒腩仔（1斤） 💰64燒腩仔拎到返屋企都仲好脆，咬落一啲都唔硬，喜出望外地香脆。🔷客家鹽焗雞 （1隻） 💰59鹽焗雞肥瘦啱啱好，師傅切到雞件好完整，大細適中又會切斷。雞肉香嫩又夠滑，老實講真係好有雞味。🔷燒味佬叉燒 💰50叉燒就分配到偏瘦，女士應該會鍾意。叉燒果汁夠甜夠香，認真蜜汁。

-🔸燒味佬叉燒 $50🔸客家鹽焗雞 $59🔸至尊燒鵝（上庄）$110🔸老師傅燒腩仔 半斤 $64-今晚難得返去同屋企人食飯，特登斬咗一堆燒味返去加餸～呢間幫襯過好幾次嘅燒味滷師好受街坊歡迎，次次都排長龍，今次一於試多幾款，正啊～我最愛食嘅中式燒味就係叉燒，面頭淋咗層甜甜嘅蜜汁，加埋半肥瘦嘅叉燒啖啖肉，仲有少少燶邊真係無得頂啊！老豆就最鍾意食燒腩仔啦，就算外賣都保持香脆嘅豬皮，伴上香口嘅豬腩肉正啊！燒鵝同鹽焗雞水準都好不錯啊，媽咪同細妹都食到lam lam脷，難怪每次經過都大排長龍呢！

幾個月前曾經到「燒味滷師」斬料加餸，發現佢哋嘅鹽焗雞/貴妃雞/豉油雞都只係$58/隻。自此之後佢就成為我嘅愛店🙈。至尊燒鵝燒鵝皮脆肉香，油脂比例啱啱好。炭燒味道好香，而且秘製醬汁令燒鵝味道更加突出。老師傅燒腩仔皮脆肉嫩，唔會太鹹，分量十足，呢個價錢顯得性價比十足。店員姐姐話佢哋嘅蜜汁叉燒日日清，唔會有隔夜貨。食過幾次都係入味又多汁，餸飯一流。今次師傅刀功有啲撞手神，今次斬得完整擺得又靚。客家鹽焗雞肉質嫩滑，調味適宜。附上蔥油、薑蓉各有風味。一隻現成煮好斬好嘅雞賣$59，抵食又慳功夫。

上次喺屯門試過新開嘅燒味滷師，食到舔舔脷，平靚正😋 估唔到原來喺長沙灣都有分店🤩 咁就買多啲返屋企，斬料加餸❗️呢間又係好多人排隊買～1️⃣ 至尊燒鵝（下庄）$120上次燒鵝清得好快，今次我又試吓先～ 肉質肥美，帶油香味，點埋酸梅醬就更正。下庄更加係啖啖肉❗️2️⃣ 老師傅燒腩仔 $64肥瘦均勻，唔會有一大pat肥膏～ 肉質鬆化軟腍，肉香味濃，層皮脆脆地🤤 大愛燒腩仔🥰3️⃣ 燒味佬叉燒 $50上次我最鐘意啲叉燒，今次阿媽話啲叉燒嘅賣相仲掂過上次😮👍🏻 入口鬆軟多汁，少少燶邊帶焦香，送飯一流☺️4️⃣ 客家鹽焗雞（一隻）$59見啲雞咁平，今次就買成隻～ 真係好大盒，有好多🐔😍 一打開就聞到好香，翻熱之後肉質厚實，點埋薑蓉食就更滋味😋5️⃣ 醬料 $0有芥醬、酸梅醬、薑蓉、豉油、沙茶醬，有咁多真係開心，抵！

今晚約左幾個舊同學去個剛新婚既小師妹家中作客上去别人家中，當然唔可以兩手空空咁啦得悉小師妹既老公係外國人，特别喜歡食叉燒燒肉，所以上去打擾之前就先去斬料，為今晚加餸見到呢間燒味有唔少人光顧，店內既環境企理，感覺衛生，所以就決定斬幾款帶上去除左叉燒燒肉之外，我仲要左一份燒鵝下庄$120同一隻做梗優惠價既鹽焗雞添之後仲見到有滷水，下次經過可以試下啵係等侯期間仲見到燒味飯盒只係22蚊！！！超抵燒味醬料俾得充足，另上既燒鵝汁唔會整到燒鵝皮變淋！！呢度既燒鵝好入味，肉嫩之餘唔會好肥，正半肥瘦既叉燒夠軟稔，帶有蜜味既香甜燒肉要左燒腩仔，所以肥瘦相間，正宗皮脆肉嫩而鹽焗雞雖然係做梗優惠價，但味道都唔錯啵做要份量唔算細，值得encore

新年去朋友屋企拜年行過燒味滷師都幾多人排緊隊所以就買左佢地嘅燒味上朋友屋企加餸😌試吓佢價錢亦好大眾化 仲有新張優惠 好抵食👍🏻至尊燒鵝 $110小妹推介✨✨ 本身小妹就最鍾意食燒鵝呢盒燒鵝係上庄嚟嘅一打開色澤光鮮 皮脆肉香🥰 而且肉質嫩滑 鵝肉味好香濃 仲要啖啖肉😌令人食完一舊又一舊🤣客家鹽焗雞 $59一打開盒有一大隻雞 裝滿成個盒😍全隻特價都係$59 雞味香濃 而且肉質嫩滑 彈牙 特別係脾位 😌鹽焗味突出 但不會過咸 配埋佢嘅最佳拍檔 沙薑醬 簡直係一絕🙌🏼燒味佬叉燒 $50叉燒肥瘦適中 咬落去好有口感 亦都唔會好乾 仲好juicy🥰蜜汁唔會過甜 可以撈好多碗飯🤣🤣脆皮燒肉 $50燒肉皮燒得好脆口🥰 燒肉亦唔會太肥膩朋友一路食一路飲啤酒 簡直係爽呀😌😋

星期日想斬料同屋企人食，見到呢間幾抵食同幾「市正」，所以叫咗幾款燒味。至尊燒鵝 下莊 $120燒鵝幾好賣，我五點去嘅時候話冇晒燒鵝，等到五點半先有。燒鵝份量都幾多，好有鵝香味。新鮮出爐，拎返屋企仲暖身。食落都幾多肉汁，加上外皮脆身，燒得幾好。加埋啲酸梅醬，食落味道就更加豐富。下莊有燒鵝髀食🤓老師傅燒腩仔 $64/半斤燒腩仔唔韌，肥瘦適中，一層肥一層瘦，幾靚。至於味道唔會好鹹，脆皮脆卜卜，好香脆，夠晒新鮮。另外會配芥末醬。客家鹽焗雞 $59/隻鹽焗雞做特價，所以唔使$60就買到成隻雞，抵。鹽焗雞肉質白身，有陣陣咸香味，可以再配啲薑蔥一齊食，會更惹味。燒味佬叉燒 $50/半斤叉燒半斤都幾多，食落都幾冧身，甜味比較重。如果邊位可以燒得燶啲就更加香口啦。

過時過節一家人食飯，當然少不了燒味😋 經過見到「燒味滷師」新開張，價錢好抵喎，所以決定試吓～ 我買咗燒鵝（上庄）（$110）、一斤叉燒（$50）、一斤燒腩仔（$64）、一隻鹽焗雞 （$59）～ 咁多都係$283，真係好抵喎🤩 味道方面，燒鵝皮脆肉嫩，配上滷水汁同酸梅醬，仲正👍🏻😋 燒腩仔都係皮很脆，肉好味，唔會太鹹～ 叉燒肥瘦適中，肉質夠淋，好味～ 鹽焗雞唔會太肥，就咁食已經好入味，仲可以配埋沙薑汁食，又另一番風味😋